Le Viet

483
78
6
港鐵旺角站 E2 出口; 港鐵旺角站E2出口 繼續閱讀
所有分店 (2)
電話號碼
25216322
開飯介紹
主打新派越菜,菜式做得精緻,價錢抵食足料,越式生牛河、牛油焗大頭蝦、椰青海鮮焗飯及金不換白酒煮蜆都是招牌菜。 繼續閱讀
營業時間
今日營業
11:30 - 00:00
星期一至日
11:30 - 00:00
*最後落單時間23:30
付款方式
Visa Master AlipayHK 支付寶 現金 銀聯
座位數目
130
其他資料
網上訂座
酒精飲品
自帶酒水 詳細介紹
電話訂座 詳細介紹
賞訂座積分
外賣服務
加一服務費
當面支付
前往餐廳網站
http://www.facebook.com/LEVIETBC/
有關餐廳
旺角越南餐廳首選 Le Viet
好多時越南菜好似只係食牛肉粉(Pho)
Le Viet 就有多款主菜例如海鮮, 燒烤, 海南雞, 特式越南鍋物, 沙律, 炸物等等, 令大家可以享用一頓豐富而美味的越式晚餐
營業至凌晨12:30 (Last Order 11:45pm) 晚一點來都可以食
環境舒適, 座位闊落
位處旺角港鐵站E2出口旁邊就是入口
是旺角越南餐廳首選

餐廳告示
生日快樂
2018-10-25
各位今天生日的朋友 當你到 Le Viet 旺角店 可以食得更開心 如你出示身份證明正日生日 可享用一份新鮮生果碟 另外, 本店係免切餅費的 ^_^ 生日要盡興嘛~ 詳情
有關獎賞計劃
食評 (612)
途經旺角,心思思想食越南菜,想起幾個月前去過的Le Viet,一於再去尋味。午市有多款套餐可選,價格合理,菜單寫明加一服務費,全部$100樓下。套餐餐飲有檸檬茶,奶茶,熱咖啡,凍咖啡加$5,配特飲加$8,梛青不包。我們兩個人點了一份套餐,一碗咖喱撈檬和一條燒魚分享。香茅燒豬頸肉撈檬 $64香茅燒豬頸肉撈檬面鋪上八塊燒豬頸肉,滿是炭燒香氣,燒得香脆可口,美味非常。魚露分開上,滿滿的香蒜,加上冷凍的檬粉,非常醒胃。蔬菜量充足,包括生菜、蘿蔔絲、青瓜絲。咖喱鮮雞撈檬 $72這個並非套餐,不包餐飲。但上次試過咖喱牛腩撈檬實在太好味,值得我地為左佢放棄餐飲。今次試咖喱鮮雞,咖喱鮮雞撈檬大大碗,有大概六塊雞肉,有雞胸,雞脾同雞翼,雞肉好滑,連雞胸都好嫩滑,真係唔似雪藏雞。咖喱汁微辣梛香超濃,檬粉超索汁,好味但勁肥。配料有三大塊薯仔丶青椒同洋蔥。薯仔好似略為炸過,外少脆內軟。就算唔係套餐都好抵食。套餐餐飲我加$8配特飲,選了椰汁紅豆冰。椰汁紅豆冰 $8椰汁紅豆冰大大杯,椰奶很香滑,粒粒紅豆不算甜。好野緊係要等,香茅燒烏頭最後上。香茅燒烏頭 $173一上桌就聞到魚香四溢,仲有好香既香茅味。介開魚皮入面魚肉白雪雪,新鮮啖啖肉,不過要小心d骨。魚肉唔怕乾,因為附上青色的酸辣醬好好味。魚皮還見到鱗片,而且沾滿鹽花,但不需食用,主要用黎調味。伴碟有三片青瓜同幾條蘿蔔絲。很美味新鮮同健康既一條烤魚!今次既食物比上次更好食,每樣菜都好好。座位舒適,桌與桌之間空間充足,隔住大膠板防疫衞生。上菜非常快捷,只係燒烏頭要等得耐少少。套餐好抵食,只叫套餐加埋特飲,$100樓下有找。 繼續閱讀
(以上食評乃用戶個人意見 , 並不代表OpenRice之觀點。)
今日同老細喺旺角做完嘢,佢無啦啦話請我食飯,我都有啲受寵若驚,見佢咁有誠意,我都無謂推啦,不過我都冇諗過要食咗佢隻車嘅,於是乎就帶咗佢上去銀行中心嘅Le Viet食個lunch。呢度嘅午餐好抵食,平均都係$70上落,仲有湯同飲品,真係一啲都唔貴,所以午市都好旺場。我就揀咗食串燒配香辣炒飯,串燒set咗係豬、牛、雞各一串,不過店員都會提一聲,如果食客有邊款肉類唔食嘅,佢都會按客人意願換其他串燒,服務稱心又細心。我覺得呢一間嘅串燒,無論係雞、牛、豬,都非常好食,肉質鮮嫩,唔會燒到乾爭爭,再配合埋佢嘅沙嗲醬,真係無得輸!至於佢嘅香辣炒飯,係帶少少辣,炒飯入面有蔬菜,我就好鍾意呢個配搭。老細就揀咗咖喱牛腩鍋,貪佢夠大推頭,仲配一大碗白飯。入面除咗有牛腩之外,亦有牛筋、薯仔、洋蔥、三色椒等,非常豐富!咖喱汁非常惹味,撈飯真係一流!呢個牛腩鍋上枱時會用熊熊烈火烘住,保證夠晒熱辣辣,不過太熱嘅咖喱其實個味道就更加辣,所以煮滾咗之後,我哋就請店員幫忙整熄個火。老闆見到隔離枱叫咗嘅大頭蝦好吸睛,於是乎佢又話要叫返一份,雖然有啲唔好意思,但係其實我都心思思,影張相打吓卡都好吖嘛!大概等咗20分鐘,終於有得食啦,大頭蝦一放上枱,嗰個氣勢真係不得了!大頭蝦蝦身嘅肉唔算多,但相當爽滑彈牙,蝦頭嘅膏簡直係上顎癡下顎,好食到不得了,而呢碟大頭蝦咁大堆頭,秘密在於入面有好多大件薯仔,浸過牛油汁之後,薯仔就好似焗薯咁好味,我哋仲打包咗留返今晚繼續做餸。老闆都讚我帶佢嚟Le Viet係一個好推介,佢仲話嚟緊中秋同屋企人做節可以嚟呢度試吓添! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-10
1011 瀏覽
To celebrate my brother's birthday, we have a most enjoyable lunch in this shop today.Various economical lunch sets with drinks are offered during lunch hours. We order two sets to share. On the recommendation of the shop manager, we also order half a Hainan chicken.The lunch sets are of very good quality though the price is competitively low. We particularly enjoy eating the curry stewed beef brisket and tendons (咖喱牛筋腩). The curry is heated on a pot. The not too spicy curry sauce is super yummy. There is generous portion of beef briskets and tendons which are well cooked, tender and delicious. The potatoes, onion and pepper are great. A bowl of water melon soup and a bowl of rice are provided in the set. As the curry is so yummy, we order two side dishes to finish the curry sauce. The baguette (法飽) made by the shop is outstanding and the Indian bread (印度薄餅) is ok.The rice noodle soup with lemon grass pork chop (香芧豬扒湯河) is also a good choice. The noodle is smooth. The deep fried pork chop is juicy and well seasoned.The Hainan chicken (海南雞) fully meets our expectation. The chicken is fresh, tender and tastes well without adding any sauce. I particularly like the chicken breast which is nutritious and lean. Lots of fresh cabbage accompanies the chicken, and it saves you the money to order another dish of vegetables.By topping up each lunch set by adding $8, we choose iced jelly and green bean special drinks (三色冰). The drinks are authentic and yummy.As it is my brother's birthday, we get a free dessert. The creme brulee (焦糖燉蛋) is delicious, and it makes our lunch even more satisfying.The environment of the shop is good. Though it is busy during lunch time, service is very good. The young lady manager is most helpful and pleasant.We plan to visit again when the dining ban is further relaxed. With more friends, we can try more signature dishes. 繼續閱讀
(以上食評乃用戶個人意見 , 並不代表OpenRice之觀點。)
呢日去開旺角銀行中心取貨,順便食個午餐。由於天氣太熱廢事周圍行,所以去返同一度食飯。一樓有間🇻🇳越南餐廳爆唒棚,感覺有啲信心保証,等咗幾分鐘就入得。餐廳面積都大,可以坐成過百人,我哋獲安排坐窗口位,環境舒服開揚😌。個場咁大,但都係得三、四個職員,佢哋超忙碌,不過都能保持專業,抵讚👍。喺㕵角人氣地段,午市套餐價錢介乎$59-$85,有九款選擇,唔算貴。真心全部都幾吸引,特別係飯類🍚。我哋叫咗兩個午餐Share食,再加咗條魚😂,因為見隔離枱食得津津有味。越式咖喱牛腩鍋Curry Stewed Beef in Vietnamese Style on Hot Pot($69),見張相好似好正咁就嗌咗🥘。跟餐有白飯同餐湯,後者麻麻地好飲,好淡。至於咖喱鍋造型真係唔馬虎,因為係有個熱爐仔熱住,所以啲咖哩汁保到溫,夠熱先好食嘛😋。咖哩比想像中辣🌶,純粹係因為我以為係椰汁零辣度嗰種,而且餸料亦都幾多,牛腩同牛筋各有幾件,大大件。另外仲有好多薯仔🥔、洋蔥同青椒;咖哩配飯食真係一流!生牛肉湯粉Rice Noodle Soup with Raw Beef($59),其實嗌Pho係因為唔想食太多飯。嚟到發現幾大碗之餘,牛肉唔係無咩味嗰啲肥牛,🐮牛味幾濃郁。記得吱青檸汁落牛湯度,湯頭味道會大大昇華!為食嘅我哋加咗條香茅燒烏頭Charcoal Grilled Grey Mullet with Lemongrass($173),不過留意番製作真係需時,要大約40分鐘到🙈,趕時間就要考慮下。我哋食哂午餐就啱啱好送到。哇哇哇傻的嗎?🐟燒烏頭有成個鍵盤咁長(應該有40cm)‼️相機都差啲影唔哂。烏頭魚好大條,肉厚新鮮,啲骨亦都好易揀出嚟,正啊!我諗條魚六個人都夠食。另外,綠色嗰個醬汁超惹味🤤。總括嚟講,Le Viet食物質素真心好,本身我以為係噱頭店而已,點知咁有水準。我下次會嚟食晚飯,但應該一班人食會好啲,因為份量都多,Share食就可以食多幾款👍。不過夜晚想嚟食可能訂定枱比較穩陣。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-29
1141 瀏覽
晚市時間好多人, 嚟遲一步都要等位,非常受歡迎,坐夠兩個鐘就要埋單走人lu。➡️ 大蝦菠蘿飯 ($96)個賣相真係幾靚,蝦又大隻,飯又多,撈埋啲肉鬆一齊食,好香好好味!➡️ 香茅燒豬頸肉 ($76)燒得都幾香口,成碟都有10舊左右,幾個人share當小食最好不過。➡️ 香茅燒牛仔骨($95)呢個牛仔骨反而有少少硬,比較難少少咬開,而且有少少燶,我未必會encore。➡️ 去骨海南雞半隻 ($118)去骨嘅海南雞啖啖肉又嫩滑,我最鍾意就係個辣汁,加埋一齊辣辣地好好味!➡️ 扎肉薰蹄米紙卷 ($42)呢個皮做到好薄,每一舊都好大舊,d粉絲多到爆出嚟。➡️ 手撕雞撈檬 ($68)好多手撕雞喺面,完全遮蓋左下面嘅檬粉,撈埋啲粉一齊食,啖啖都可以食到雞肉。➡️ 柚子海鮮沙律 ($78)柚子沙律個份量都幾多,大大片柚子、蝦、青木瓜絲、腰果,加埋一齊真係好夾,酸酸地好開胃。➡️ 蒜蓉炒椰菜苗 ($66)雖然份量就唔多,但係椰菜苗炒出嚟都仲好嫩,加埋蒜蓉一齊好惹味。Le Viet地址📍: 旺角彌敦道636號銀行中心1樓101-106,108-109號舖.............................. 味道😋: ⭐️⭐️⭐️💫環境👀: ⭐️⭐️⭐️服務👨🏻‍🍳: ⭐️⭐️⭐️💫抵食💰: ⭐️⭐️⭐️⭐️ 繼續閱讀
(以上食評乃用戶個人意見 , 並不代表OpenRice之觀點。)