Le Viet (已結業)

星期日去完旅遊中心查詢之後就黎到呢度食lunch~ 當時入座率已有一半...有9成都係印尼姐姐😂😂😂感覺好似去左印尼咁～睇嚟呢度都好啱佢哋口味見到每枱啲印尼姐姐每一個都喺度食印尼炒飯🤘🏻🤘🏻Lunch menu種類都幾好有我想食既 《生牛肉湯河》 $69好大一碗既河粉呀！2個女仔share都夠食呀！個湯頭好鮮甜～ 味道好似真係係越南🇻🇳食咁～牛肉唔韌 唔錯唔錯 真係好食！👍🏻👍🏻👍🏻《串燒半打》 $89串燒甜甜地，肉有略略醃過，幾香～豬串燒有用埋黑椒粒一齊燒，辣辣地好惹味沙嗲醬好濃郁，好重花生醬味道《越式咖喱軟殼蟹鍋 配法包》 $113呢款菜式係分開上的～ 非常好👍🏻 唔會令到d軟殻蟹係d汁入面滾到淋晒！軟殻蟹係炸過既～ 食落會比較酥口d之後沾左d汁再食又唔同感覺 仲要左杯青檸梳打添~

朋友相約於旺角一同共進午餐這次我選了一家在地鐵站附近的年假越南餐廳 我去早已於尖沙咀分店一嚐這次定啲再次回味。我們點了午市套餐，去骨海南雞飯連餐湯及串燒沙爹雞牛豬配香辣炒飯連餐湯。 海南雞飯方面，一如過往的質素，性價比極高，份量十足，最重要雞油飯味道香濃，但濃而不油膩， 海南雞香滑嫩口，超越瀡滑雞的效果。 另外，串燒沙嗲當然一樣的穩陣，雞牛豬各一串， 醬汁味道充滿花生味，但又不失沙嗲嘅香濃， 吃完一口還想多吃一口。另外，我們還點了香茅燒木棉魚， 店員已指出需時40分鐘，等了足足40分鐘，上枱了。 一般打工仔，食飯時段可能只有一小時， 如果對燒魚充滿興趣的朋友，午市未必可以過嚟，但係味道方面還是屬於頂級水平， 加上即叫即做，味道更加鮮味。還有下單方面有點古怪，兩個下午市套餐送兩杯餐飲，點餐時己下單，但卻遲遲未上，最後我們一問之下，原來店員說我們還沒有下單，真是一個以想不到的答案。算是一個合格的午餐。

放假同男朋友出街食飯平日都訓到２　３號先肯起身。。今日１２點幾就出到ＭＫ了～見呢間餐廳裝潢不錯，就入去試試佢～點左個蛤蜊火鍋配白葡萄酒同埋菠蘿飯蛤蜊火鍋幾好食，洗得幾乾淨！至少無沙～而且味道都幾好　個菠蘿飯都好足料！！！而且幾有火喉，幾夠鍋氣十分野味餐廳位置都幾好幾方便，一出地鐵站行１　２分鐘就到而且地方好大　坐得幾舒服員工的服務都不錯，有禮貌～我會再黎呢間餐廳試下佢其他不同的食物我見都多人排隊入去　所以下次黎應該要ＢＯＯＫ定位先喇～

星期日既旺角人多車多，為左避人潮，決定係地鐵E出口一上黎既銀行中心搵食。Le Viet招牌顏色搶眼，一於決定食越南野。可能星期日中午原故，大部分顧客為外藉傭工，人氣都算唔錯。🔸 牛油雞翼 $72一份有五隻，每一隻雞翼都好大隻。上菜時已經聞到好香既蒜蓉同牛油味，非常邪惡！炸得酥脆之餘卻不失入面既肉汁。🔸 扎肉蒸粉包 $72一份四件，每件都材料十足，所以每件都有蝦片拓底。雖然話就話扎肉蒸粉包，其實餡料仲有木耳、豬肉、蝦米、蔥等等。幾有越南風味。🔸 特別火車頭湯粉 $78材料豐富，而且份量絕對多於一個女仔可以食既，建議可SHARE。牛丸爽口彈牙，生牛肉片熟左後依然夠嫩。牛腩入口即溶，炆得好腍。加埋所有配料同香料食，更香口。🔸 大蝦菠蘿飯 $96
原隻菠蘿上，賣相幾霸氣。炒飯上有三隻大蝦，已經過處理剝掉部分殼。只要自己剝掉蝦頭蝦尾就可以食得，幾細心既處理，方便食用。菠蘿粒夠新鮮，有肉鬆係面，炒飯底粒粒分明，整體唔錯。．by VIN環境分數: 7.5/10食物分數: 7.8/10

窮遊香港-舒適唔錯既越南菜.呢日去左旺角一間比較新既越南菜環境唔錯 夠空間感.呢日最吸睛既係⭐️超載椰青海鮮焗飯$103👍🏻份量勁超載 自己一個食會超飽最好叫多個朋友分享👍🏻味道係清甜既椰青白汁 焗海鮮飯👍🏻汁同海鮮都多到流哂出椰青既外圍👍🏻連椰青入面既飯都已經比椰汁包圍👍🏻啖啖飯都比椰漿包住 唔驚食到入面冇汁😍好評 推介.⭐️le viet拼盤$98有4種小食係入面 例如 扎肉蒸粉包 春卷 蝦餅等等....其實4樣都唔錯既 當中最鐘意既係蝦餅 夠彈牙 炸得香口.⭐️金不換白酒煮蜆配法包$138呢個用上中蜆 👍🏻量都算多 👍🏻香料味重（‼️九層塔類既香草味‼️唔鐘意呢隻味既要注意）個汁可以餸飯 佢跟左個硬硬既法包去點汁食 都唔錯既..⭐️評分：味道：4/5環境：4/5 空間感好夠 唔錯服務：4/5 店員都服務有禮衛生：4/5抵食：4/5

我地上次勁喜歡佢地既咖喱鍋，我地今次都叫返個！鮮蝦米紙卷 $42米紙卷皮好透好薄大舊，但夾個時唔會爛，好！食落都彈q，入面有香葉、薄荷葉依類添香！一啖下係香葉面進口，之後係吸左酸辣汁既米粉，再之後係蝦肉！香茅燒木綿魚 $145原來又叫大眼雞魚。食好多燒魚都會係偏乾，今次叫嗰陣都有D擔心。但因為見到隔離枱好似食得好滋味所以我地都叫。上枱時有一陣燒烤味再配微微香茅味。上身嘅魚皮已經起好咗上枱時有一陣燒烤味再配味味香茅味。上身嘅魚皮已經起好左，一夾就起肉！比想像中有水份，肉唔會腥又處理乾淨唔會帶苦。香茅同香葉功不可沒！彩彈係有魚春！越式咖喱軟殼蟹鍋配法包 $93 之前食係乜都一鍋，今次係分開！點一點，容易食到微脆口。軟殼蟹小口小口，點兩秒都吸到味，整件好脆，蟹味純！仲有唔好睇小薯仔，炸薯仔唔好講笑，一舊接一舊無問題，有五件到！薯仔皮同肉分開，有薯角感覺！依個建議可以點咖哩耐少少！洋蔥、綠辣椒同紅辣椒份量多，好入味同軟。法包半條，熱好哂！強烈要點到滿滿咖哩汁黃咖哩微辣帶椰奶香，點法包無得輸！香茅燒豬頸肉撈檬 $68本身7件，影低佢地大大件之前已經比朋友食左舊！勁大件，係68蚊嚟講有咁多，抵到爛

串燒沙爹（雞、牛、豬）配香辣炒飯（$69）呢三串串燒無論雞牛豬肉質都唔硬，調味亦相當好食，點埋沙爹醬令味道更上一層樓。至於個炒飯，炒飯夠熱，裡面有酸豆角，辣辣地，少量香葉，一起食真係惹味又開胃。另外仲有少量青菜，健康啲，呢個set配搭唔錯。香茅燒豬頸肉撈檬（$64）豬頸肉切得夠薄，肥瘦均勻，有口感，味道方面都唔錯，不過以燒物黎講我覺得燒豬牛雞好食啲。撈檬加埋個酸酸地嘅汁，食落比較醒神開胃，不過唔算特別。我自己稍嫌啲菜太生，如果岩食生蔬菜嘅人都可以叫撈檬，食落感覺幾輕盈清新唔油膩。辣椒膏炒通菜（$62）呢個通菜炒得幾好食，通菜好爽口，夠惹味少少辣，實在唔錯。加埋服務費，總數215蚊，兩個set加一碟菜係旺角站附近食都算抵食。

旺角想食個午飯又唔想同人迫，揀咗嚟銀行中心呢度搵嘢食，地鐵站E2出口，地點方便，一樓原來有間越南菜餐廳。 餐廳幾大，好多位，唔駛等位就有得食喇。午餐幾十蚊，包埋野飲㗎啦。 門口睇啱呢個餐，好吸引咁！我哋叫左個越式咖喱牛腩鍋餐$69，包左白飯、餐湯、餐飲。 最難得有個小火爐㷫住，保持溫度，熱辣辣特別好食。 鍋入面有紅椒、青椒、洋蔥、牛筋、牛腩，最重要係多左陣香味，零舍清新，而且咖哩甜甜地，唔會有辛辣味。餐湯就一般啦，唔會太咸。餐飲揀左咖啡，係即磨嘅，好香醇。香茅燒木綿魚$145木棉魚即係大眼雞，第一次食燒大眼雞，魚肉太結實，我覺得唔夠燒烏頭好食。 魚嘴同魚肚塞滿香茅，魚肉滲出陣陣香茅香味。食食下發現有唔少魚春，多一分滋味！煙三文魚米紙卷$42米紙夠透薄晶瑩，上面灑左紅蘿白絲同花生碎。 雖然有特製醬汁可以蘸，但紙米卷裏面主要係生菜同米粉，味道比較清，配煙三文魚好似比較淡，配烤牛肉啲濃味配料相信會更惹味。香芒糯米飯$55有意外驚喜，一球白糯米飯配一球紫糯米飯，煙韌軟糯，仲係熱到出晒煙，好美味呀！

行開旺角，見到落地大玻璃有lee 間泰菜，walk in 又有位就黎左試試佢😳野食選擇都應有盡有😸香茅燒木綿魚 ($145🐟）製作需時45分鐘🧭原條燒魚👏🏻外面鹽入面香茅🌱實行內外夾擊令條魚入曬味🤗魚肉好滑唔會乾身配埋辣醬😊兩種口味香茅豬扒湯粉（$68)好貼心地豬扒係另外上😳😳香煎過既豬扒唔會比湯浸到失去口感同味道👏🏻🤗重有青檸同辣椒可以先行決定幾酸幾辣**可以選河粉/金邊粉/湯檬我要左河粉香茅豬頸肉炒金邊粉（$72)唔會痴埋一執執，豬頸肉超大片，長過我中指又粗到有我三隻手指😊😊啖啖肉👏🏻好味🤤🤤香芒糯米飯🍚 ($55)新鮮熱辣辣既糯米飯，有驚喜既係佢地lee 間有埋紫糯米🥰😍 新鮮椰奶配埋香甜芒果😌秒殺左個飯🤗🤗🤗

約咗朋友行波鞋街， MK 搵食絕無難度吧，旺角地鐵口銀行中心，一上扶手電梯LE VIET 越南菜🌴，潮格開放式裝修感覺不錯再望下門口呢張本店推介，價錢亦相當合理，一於試吓😊不負所望，性價比極高，熱辣辣椰香咖喱，甘香鬆脆軟殼蟹，即炸焗薯分開上，顏色香味已經搶晒Fo , 咖哩滾起之際，法包剛好奉上，急不及待點點包，撕開預切嘅法包即時冒煙，證明新鮮出爐，見微知著，成道咖喱由軟殼蟹、薯仔、以至麵包都是無懈可擊，好食到不得了 點左咖哩，唔想咁熱氣，叫咗鮮蝦米紙卷，蝦肉爽甜，米粉香葉，薄薄米紙包裹著層次分明，彈牙又有咬口，清新舒爽👍👍👍舒適嘅環境，慢慢食才是享受，燒魚製作需時，40分鐘話咁快就到，眼見烏頭大大條，配合嘅香葉烤得焦香，很是吸引。筷子輕撥，魚皮輕易撥開，冒煙嘅魚肉又滑又白，BBQ嘅感覺，烤起來卻是原汁原味，點上酸酸青檸汁，點點魚腥都被蓋過了，味道更上一層樓咖喱軟殼蟹，原條烤魚，怎可不加個菠蘿炒飯，對於菠蘿炒飯來說，鮮蝦原來不是重點，但是剔走了蝦殼的鮮🦐，實在太窩心了，一口菠蘿飯，一口烏頭魚，這餐真不錯

之前食過THE ONE嘅Le Viet，覺得唔錯，旺角又開左分店，所以一想食越南菜就諗起呢間。餐廳環境唔錯，座位寬敞，坐得好舒服。餐廳食物選擇好多，有越南嘢有泰國嘢，攪到人有選擇困難症。最後揀左一個燒魚，蔗蝦同串燒。蔗蝦嘅蝦膠好彈牙，帶有蔗嘅甜味，比泰國蝦餅更好味。串燒燒得啱啱好，唔會好乾，好入味，加埋沙嗲醬更惹味。食完小食後條魚就燒好上枱，木棉魚即係大眼雞，撥開D魚皮之後就見到白白嘅魚肉。魚燒得啱啱好，唔好太乾，點埋個酸甜汁，非常好味。

呢日中午，好難得咁岩我和朋友都放假，咁我在 ig 見到有朋友影咗張越式全日早餐的相，覺得好吸引，於是便帶了朋友來到旺角 Le Viet 食 brunch。我們坐在近玻璃窗的座位，望住街景食野，感覺格外 relax，可惜我們掛住點菜，唔記得影相。我們就係諗住叫 menu 紙上的推介 - 豐盛全日早餐，一份售 $108，看起上來份量都很多啊。果然沒有令我們失望，眼前呢份豐盛全日早餐 (越式全日早餐)，好多野食喎~ 仲包含熱茶和橙汁各一杯，我和朋友一人一杯就最岩。(左至右) 有越式柚子大蝦沙律、鮮什果杯、焦糖燉蛋、豬肉鬆等小食和甜品。我們覺得越式柚子大蝦沙律最好食，另外焦糖燉蛋味道都幾香甜。仲有調味料如煉奶、牛油、越南魚露和芫茜葱花等。厚烘多士和菜脯煎雞蛋，多士微微烘過，鬆軟得來帶少許脆口，加些煉奶加牛油就更滋味。菜脯煎雞蛋亦都已加了煉奶，又有菜脯粒粒的口感，味道都很香甜。越式蒸粉包，上面特別舖了一片彈牙的扎肉，裡面餡料十足。我們最喜歡的，都係軟綿綿兼帶有雞油香的越南鮮雞粥，暖暖的雞粥，趁熱食最好味。我朋友平時唔鍾意食淡味的粥，但今次他試了幾啖雞粥後，都覺得雞粥味道香甜，感覺非常難忘。粥裡面

臨近聖誕節，我同朋友諗住慶祝一下食個pre聖誕大餐大家選定了這間越南菜，貪佢地點就腳同好味！呢間餐廳格局開揚，雖然好多人但坐得尚算舒服。許多人（包括我）食越南菜多數都係食越南河，呢間餐廳除左越南河之外仲有好多炒菜，款款望落都十分吸引同價錢不貴星期六日既中午仲有午市套餐添！價錢係超級抵既！不過今日係聖誕大餐，所以我地決定豪一豪，只叫一個午市套餐，其他都散叫越式咖喱牛腩鍋$69明爐上既牛腩鍋令人期待感滿分！咖喱椰香味十足，非常creamy，用來拌飯真是一流牛腩燜得好入味又夠淋，非常好食啊辣椒膏炒大蜆$153雖然叫辣椒膏炒，但因為是甜辣味，所以就算唔食得辣既人都可以接受！個汁又係拌飯一流，差點不夠白飯食！大蜆很新鮮大粒，配上個汁又係好好食半打串燒$89好欣賞呢度既串燒可以一次有齊豬、牛、雞三款通常餐廳最多只可以雙拼，呢度一次可以食齊三款好開心！三款肉都不錯，烤得香脆又多汁，配上特製沾醬好好食。其中牛肉最出色，好嫩口牛油焗大頭蝦$228每隻有一斤重既蝦果然超級大！呢碟菜上菜時引起附近食客全部的視線蝦肉非常彈牙，好像食緊龍蝦咁彈牙蝦膏食落同鹹蛋黃一樣，真係好正呀香芒糯米飯$55芒果夠甜，糯米飯鹹

Le viet 置身於旺角銀行中心，入到餐廳果然係別有洞天，因為空間感十足，都坐得幾舒服。未入去前見到門口有d精選推介及人氣排行榜，已經鎖定左我的心水菜色。牛油雞翼（$72）好多蒜蓉，牛油味好香濃，但又唔覺得太漏，咁當然多人開心share更好！扎肉蒸粉包（$72）去親越南餐廳必點之物！粉包新鮮蒸起，熱辣辣，餡料又多！蒜蓉炒椰菜苗（$66）以下係澱粉質時間：手撕雞撈檬（$68）加入魚露後更清爽。特別火車頭（$78）有牛肉、牛腩、牛柏葉等等嘅越式河粉，湯底牛肉味濃，都幾正宗。椰汁綠豆冰（$28）登登登凳，仲有壓軸出場嘅牛油焗大頭蝦（$228），份量好大碟呀！大頭蝦好大隻，索滿牛油汁，蝦肉多而結實、蝦膏亦甚澎拜。仲有鋪底嘅薯仔，好入味，可惜已經飽左，如果唔係一定KO晒！

辛辛苦苦做工！要搵啲好嘢食補充一下體力！去到銀行中心搵左呢間越南嘢黎食。入到去地方好開揚，人唔算多，職員好好安排左我哋坐窗邊，別有一番風味。拼盤有四款嘢食，分別係豬頸肉、春卷、炸蝦餅同埋扎肉蒸粉包。豬頸肉似係碳烤一樣咁香口惹味，炸蝦餅就夠晒大舊，春卷炸得香脆之餘又唔會太乾身。辣椒膏大蜆炒得香濃惹味，辣度適中，就算唔係好食得辣嘅人都可以好好享受呢味菜，啲蜆肉就真係大大隻，啲肉幾乎填滿左個殼一樣，味道鮮甜。黎到重頭戲就係咖喱炒肉蟹，名副其實嘅肉蟹，多肉到一個點，滿滿又鮮甜嘅蟹肉，配上濃郁嘅咖喱，真係令人食到停唔到口，就算平日好怕要拆殼嘅我都忍唔住出手食佢。再加上個椰青又大又鮮甜，兩個人飲都好足夠。好滿意嘅一餐，我哋已經喺度諗緊下次幾時黎再食過。