Le Viet (已結業)

旺角無論什麼事候都是人潮，餐廳食肆一席難求，好彩醒目相約友人早點，要不然等位就浪費時間了。銀行中心一樓的越南菜館，先論位置己贏了，地鐡站一出轉右搭扶手電梯就係了，地方好大，位與位之間算是寛敞，坐得舒適。拆了骨的海南雞飯食用方便，大啖大啖有口感。雞肉嫰滑，皮下脂肪不多，蘸少許醬汁更添美味。雞油飯質感略為乾身。辣椒膏炒大蜆好抵食。蜆隻大，肉肥美。火喉控制恰宜，鮮嫰。辣椒膏醬汁夠惹味，連配料的洋蔥和青椒片全部吃清光。最後甜品芒果糯米飯，一紫一白，香糯軟熟，椰汁伴吃一流。芒果鮮甜帶酸，可減輕飽滯之感。

爸爸因為腳痛去唔到far, 跟住旺角食飯。 去骨海南雞飯，油飯非常香口，入口卻完全不油膩，值得一讚。海南雞夠嫩，幾乎無乜肥油，醬汁亦好好味，尤其是甜酸汁，層次豐富，帶微辣，十分惹味開胃! 更欣賞佢有唔少椰菜墊底，有菜有肉更均衡健康店面幾大，座位充足而每枱之間仍有足夠空間，坐得都算舒服，裝修色彩繽紛之餘亦有獨特特色，於旺角鬧市之中，自成一格青木瓜大蝦雞絲沙律賣相不俗，沙律汁貼心地另上，令客人可以按個人口味調味。大蝦睇落好新鮮，食落肉質的確結實鮮美~ 木瓜絲甘筍絲青瓜片好爽脆，配埋微鹹雞絲，連同偏酸沙律汁一齊食，好清新，一啖接一啖咁食都唔會有罪惡感!

本身諗住黎銀行中心食韓燒，嚟到先見到原來間韓燒執咗，變咗呢間Le Viet。同行嘅朋友食過Le Viet喺The One嘅分店，話好食，咁我哋就入去試下啦～店面幾大，座位有好多。我哋星期一7點鐘都未洗等位住，但過咗一陣門口都開始出現人龍～串燒雞牛豬（$56）非常推薦呢個！佢用個隻汁／調味料好好味。肉又唔韌，好易扯出嚟。另外仲比咗沙嗲汁，客人可以點嚟食～多人啲嗌半打都好抵！香茅豬頸肉米紙卷（$42）春卷（$52）好可惜米紙卷同春卷上面都sum咗花生碎，對花生敏感嘅我無緣試食對花生敏感嘅朋友仔食東南菜都要留意堅果類食材呀～但睇賣相都好似唔錯～越式咖喱軟殼蟹鍋配法包（$113）好鍾意呢個！首先上咗個咖喱鍋先，入面有配料，例如洋蔥、紅椒、青椒。滾起就可以加埋啲炸過嘅軟殼蟹同薯仔入去喇～法包焗得熱脆，點啲咖喱汁一齊食一流，啲包會索曬啲汁，好好食不過個咖喱有少少辣架，所以少少辣都唔食得嘅朋友要注意喇～香茅燒烏頭（$173）烏頭好大條，好多肉調味料同香茅擺咗喺魚入面一齊燒，一切開就好大陣好香嘅香茅味～簡單嘅製作同調味就食到魚嘅原汁原味大蝦菠蘿飯（$96）呢個價錢，呢個份量，WOW！首先賣相已經好靚啦

經常在旺角都對覓食感到煩惱，吃膩了連鎖餐廳，今日發現了這間Le Viet，店面相當大，從街上看櫥窗非常搶眼！入店內的第一感覺是餐廳很整潔明亮，而店員態度更是令人舒服，舉手叫店員是他們會點頭微笑回應！未點菜已對餐廳加分不少！正值中午，餐牌上有午餐選擇，價錢相宜且選擇多，點了一個無骨海南雞飯、另外與朋友合點了一條香茅燒烏頭！很快海南雞飯便率先上枱，另外還附送雞湯及飲品雞件嫩滑，真正無骨可以放心食用，蘸著特製豉油及辣醬更是地道又滋味，海南雞飯的賣相也很討好！來到香茅燒烏頭，因即燒關係需稍等一會，店員端出剛燒好的烏頭，大大一碟非常抵食！店員更會幫忙起骨，食起來更加方便！烏頭燒得恰到好處，燒時釀入香茅等香料，香料香咪融入魚肉，再蘸些醬汁再令烏頭加分不少！最後我和大食朋友又再點了芒果糯米飯作結！看餐牌以為份量不多，上枱後卻發現非常豐富！熱騰騰的糯米及紫米飯配上椰汁，即使不是當造期也很香甜的芒果，真的好食！非常完美的一餐，價錢又相宜！還會再推薦朋友來！

又一個收工勁肚餓既下午,近近地估唔到旺角都有咁CHILL既地方食下午茶下午茶係分開另一個MENU,但有LUNCH MENU包埋飲品餐廳環境好舒服，地方好大，又開揚，估唔到銀行中心入面有間咁好坐既餐廳可以望到西洋菜街既街景～友人睇到呢個超載椰青焗飯時，深深比圖片吸引住左就決定點一個黎試試哇！！！真係超載得好緊要，份量超大！係起碼３人份量黎我諗廚師好辛苦先mould得實呢個shape，食落去第一啖已經充滿椰味！！！淋上椰漿，啖啖椰香好神奇係又唔會太甜，食落又唔會覺得膩可能因為太好味既關係，我同友人兩個人竟然食得哂呢個焗飯！其實呢個飯我覺得好岩平日幾位朋友一齊ＳＨＡＲＥ！而且好足料，好多海鮮！食到柳青入面都仲係有好多飯！超級真材實料喜歡椰味既朋友一定一定一定要點！再配多杯椰汁綠豆冰，十分愛好椰汁既朋友表示１００分滿意今餐生牛肉湯河　$59 連一杯飲品，泰式特飲要＋＄８生牛肉既片數都唔少，湯河味道唔錯，足夠一個人食飽！香茅燒木棉魚＄１４５　原來即係燒大眼雞魚，平日我同朋友都唔太食魚但今次呢條又真係燒得幾好味！由於係燒既關係，連鱗一齊燒所以食既時候記得起走塊皮，唔好食皮我地兩個人繼續因為好食既關

$145燒木綿魚，燒得好靚，個皮完全冇燶，肉質已全熟仲出晒煙，點埋個汁，酸尾尾好開胃，不過比較多碎骨，食既時候要小心d確保無骨先吞。$93越式咖哩軟殼蟹配法包，軟殼蟹同咖哩汁係分開上的，浸一浸落d汁再食一樣好惹味，咖哩唔會太辣，而且有個鍋一直加熱，保持溫暖，當食完蟹又唔想浪費d汁，法包就可以同樣用黎浸一下再食，好好味。$68香茅豬頸肉湯粉，因為豬頸肉係燒過，所以粉和餸分開上，避免肉會浸淋，值得一讚，肉口感爽口。

再次黎食哩間越泰餐廳，同上次一樣都係人山人海，座無虛席，要等一等先有位入場，不過咁好味排隊等一陣又有乜所謂。今次再黎某程度都係為左哩個椰青海鮮焗飯，爆滿足料果種滿到瀉既視覺效果真係好吸睛，椰汁好甜，配飯黏黏地又帶少少煙韌口感真係好正，人氣排行榜No.1係實至名歸。牛油焗大頭蝦，好香濃牛油味，而且蝦好大隻，啖啖肉，不過價錢就有d貴，值唔值就見人見智。香茅燒木綿魚，外皮燒得好脆，其實可以食埋都得，加左大量鹽，唔會鹹，味道岩岩好。

嚟到旺角行街食晚餐，我同男朋友去左試呢間越南菜Le Viet。柚子海鮮沙律，酸酸甜甜好開胃，做前菜岩曬，有腰果、大蝦、蜆、魷魚，都算系材料豐富，對得住佢既價錢，咁岩想食啲清清地既野，岩曬呀！呢個特別火車頭河粉都算系佢既推薦菜式之一，原本我都覺得食碗粉，呢個價錢有啲小貴，但當佢嚟左之後，我發現佢個牛腩系入口即化，勁林，唔同平時茶記食戈啲，真心勁正，啲丸又甜又多汁，碗粉又夠熱，白蘿蔔又淋又入味，絕對系一碗好食既河粉！重頭戲系牛油焗大頭蝦，一嚟到見佢咁大隻真系好surprise，食落啖啖肉真系勁有滿足感！啲蝦膏又多又鮮甜，同埋好香牛油味，簡直一流！唯一唔太好既係，侍應太少，人手完全唔夠，想斟杯水都舉成分鐘手先有人埋黎。要改善下！

旺角搵野食出哂名等位耐，今晚想食越南菜，黎到銀行中心見到居然唔使捱餓等位😍即刻諗都唔使諗😬呢度地方幾大，坐位都幾舒適，8點半都差唔多九成滿😂好彩姐💪越式咖喱軟殼蟹配法包❤️有小火爐坐熱，可以慢慢嘆~ 咖喱椰香濃郁，甜甜地唔會太辣，軟殼蟹香脆鬆化，同咖喱好配搭👍法包鬆軟但有少少硬~ 香茅豬頸肉撈檬❤️豬頸肉份量頗多，蔬菜絲豐富，好清新~蒜蓉炒椰菜苗❤️翠綠無渣~ 幾香口。。柚子海鮮沙律❤️蝦肉幾大隻彈牙柚子份量多，但唔當做，有少少苦澀~

不用上班的日子，一定會睡個懶覺， 睡醒才吃個brunch, 悠悠閒閒的過一天，挺不錯。 來到旺角這邊，打算吃個All Day Breakfast, 然後慢慢逛街，好不享受！ 聽說銀行中心有越式餐廳做all day breakfast, 今天就來吃一個吧！ 餐廳雖然人很多，但是座位寬敞，而且有一排大玻璃窗，陽光照射之下，份外愜意。坐在窗邊，慢慢的吃著東西，彷彿把工作煩事都拋諸腦後，在人群之中，自得其樂！ 西式全日早餐很普遍，越式全日早餐還是頭一次吃。這個豐盛全日早餐，原來是有這麼一大堆的好東西吃哦！$108 加一服務費，由咸至甜食都有，很特別呢！ 看實物吧！真的很大堆頭，最奪目的要算是越式雞粥，大大碗裝個滿滿的，其他還有烘多士、菜脯煎雞蛋、越式蒸粉包、越式柚子大蝦沙律、雜果杯、焦糖燉蛋等等，飲品還有兩杯，我選了一杯咖啡和一杯豆漿。 越式雞粥用料非常多，裏面的雞肉有六件，而且雞的黃油還在慢慢滲出，整碗粥充滿著雞肉的香甜；雞肉很滑，就像海南雞飯的雞一樣。已去骨，可以放心吃不用吐骨頭，呵呵…懶人就是這樣的，愛吃又要懶！ 還有芫茜蔥，豬肉鬆，就是讓你拌在粥裏一起吃，令粥的味道添了肉鬆的甜味，還有

明顯不夠伙計。叫左食物上得很慢。幸好只叫了兩個菜試下。咖哩蟹到左，話伴菜稍侯。等左15分鐘，吹個伴菜麵包要等多40分鐘。隔離台重惨，非本地人，講英語，沙爹來左，但兩個白飯要等多過成粒鐘。唔通要㷛？🤣可能佢地又唔敢追，侍應又未必識回應，但要成粒鍾先有兩個白飯，未免過份了吧。叫左D食物ok好味。book果時寫有9折，埋單話9pm後book先有優惠。吹賬。🙄……可以點？！我地又趕住走，唔再詳問。唔咪又等左成粒鐘架la

餐廳係銀行中心上面，裝修幾雅緻, 地方大, 空間闊落, 坐得好舒服menu 有多款餸菜選擇，我選左札肉河先，正宗的越南河粉，湯底是靈魂所在，要清澈不混濁，帶清香又不能太油膩，還隱隱帶有香料的餘韻，這正是令人難以忘懷的味道最碗粉不過不失, 清係夠清, 但未能做到清香, 留下深刻印象札肉爽彈中有腍軟口感，但肉味唔夠濃牛油焗大蝦, 補回不少分數, 雖然唔平, 要228蚊, 但件頭好大, PRESENTATION幾靚, 幾吸睛, 蝦肉爽口, 尤其薯仔好香,

在鬧市中突然想吃東南亞菜。在商場內發現這間環境光潔，座位間寬敞，價錢合理，決定一試。辣椒炒椰菜苗火候剛好，菜苗咬下保持爽脆，香辣不過鹹，過關。青木瓜沙律足料，雞絲香嫩又多，蝦仁結實鮮味十足，抵食。鮮蝦米紙卷同樣份量足，加上酸汁吃下，四平八穩之作。越式酸辣海鮮鍋值得推介。湯底天然，以大量菠蘿、蕃茄、洋蔥和金不換等煮香。海鮮新鮮結實，種類繁多，有大蝦、魷魚、青口和蜆，吃得過癮。雖然這裏價錢比一般泰越菜館略高，但位置環境俱佳，質素不俗，值得一試。

2019年第一個工作日的晚上與好友晚餐，好耐冇行過銀行中心，見到扶手電梯寫的宣傳字眼就到呢間食食食~~~由於我仲病緊，唔飲得凍飲，所以點咗壺香片茶飲~~~我清清地點咗手撕雞札肉湯粉，味道倒是不錯~~~好友就咗香芧豬頸肉湯粉，豬頸肉切得唔算厚，食落感覺不錯~~~我們點了札肉蒸粉飽，好友大讚札肉蒸粉包好好食，一個人食晒三件@@"牛油雞翼，食落覺得幾好食，雖然係好油，但真係好食又怕乜呢價錢雖然係貴咗D，但對個人來講如果想搵個環境唔太噪的地方食野，呢間店都算係唔錯的選擇~~~

✿╮❤╭✿ ✿雜感女生 好味日記✿ ˚*•✰。Le Viet．美味必試「全日早餐」。✰•*˚ ✿✿小資女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 「全日早餐」4個字你會想到什麼？ 英式？美式？ 最近本小姐試了越式 真是越食越滋味，極有驚喜！ Le Viet是我中意的泰越菜店子 最近和朋友LUNCH去吃飯 見到有「全日早餐」供應 新奇地一試究竟 端上台時，不單賣相有酒店feel 味道亦很新鮮：包括了水果、豆漿/果汁、即磨咖啡 更有鮮甜的雞粥，米質綿香，雞肉鮮甜 還配有香蔥、芫茜、肉鬆等自行添加 周末清一清，實在很不錯 令人驚喜的是香噴噴的菜甫蛋 色香味俱全，配以熱辣辣的牛油厚多士 本以為風馬牛不相及，卻原來是一種中西融合的體驗 一杯細細的焦糖蛋TAT，香脆又香甜 是一個不錯的升級版混合式「全日早餐」 朋友點了豬頸肉撈檬 今年食到目前最好吃的豬頸肉 邊位香脆有grill味 肉質爽口帶肉汁 配以清爽的撈檬，煥發出地道的越南風情 另一款套餐是生牛肉河 牛肉的鮮嫩口感是最