Le Viet (已結業)

越式all day breakfast 好豐富哦 @Le Viet旺角彌敦道636號銀行中心1樓101-106,108-109號舖 大誇張啦，叫了份all day breakfast $108多到兩人食都沒問題，英美all day breakfast 吃得多，越式是人生早第一次試哦！看看有多豐盛，雞粥，toast and 茶脯scramble egg (其實有似港式口味）仲有4款小食，這就是越式的風味，大蝦沙律，肉鬆，焦糖燉蛋，蒸粉包，水果塊。飲品都有兩杯，橙汁同咖啡/茶，如胃口不大的女生，點一份已綽綽有餘。食肉獸要加點肉類填肚，在菜單上$56三串串燒（要了淨豬），再加個炒西蘭花$62，推薦串燒真的香噴噴，每次都令我回想起bbq,同肉質有嚼勁得來唔回乾身架。假日有時遲起身，想食過all day breakfast  又多個越式選擇了。

聽朋友講，旺角銀行中心開左間好好味的泰國越南菜 同屋企人一齊去試下，發現唔只裝修靚，服務好 出品的食物都好好味道，真係冇得彈！ 估唔到連豆漿都有，即時一人一杯先，味道夠香濃 去骨海南雞飯係全家人都中意的選擇 貪佢冇骨啖啖肉，而且雞香十足又香嫩 連碗油飯都非常香口 大菜：牛油焗大蝦 深深愛上呢款大蝦的做法 不只用料新鮮，多肉，香口 而且有薯仔做底，非常入味吸汁 越式咖哩軟殼蟹配法包 香口惹味，軟殼蟹另上，保持香脆 法包索晒汁，非常入味 為小朋友點左份焦糖燉蛋 又甜又脆，好好味 唔係飽得滯，一定一人一個呀！

朋友相約我到旺角Le Viet 食 中午飯,這店主要食越南菜。店裝潢不錯,色彩繽紛,好有活力感覺。點了勁豐富早餐【豐盛全日早餐】 $108LE Viet ALL DAY BREAKFAST 大大份早餐,有好多款野食, 一次過滿足我的乜都想食。前排有兩款飲品, 我選橙汁及coffee,有越式柚子大蝦沙律十分開胃; 鮮什果杯有西瓜及哈蜜瓜好鮮甜;焦糖燉蛋入口順滑不太甜,我就留餐後食;而豬肉鬆會放入粥來一齊食。後排有4大款食物。越式蒸粉包外皮粉包煙煙韌韌,內餡餡料好豐富,食落不錯。越南鮮雞粥~這雞滑而不鞋,而粥好軟綿香甜有雞香味, 可加上蔥及豬肉鬆,更美味。厚烘多士按個人可沾點牛油或煉奶呢!菜脯煎雞蛋入口 不鹹好食,送多士及粥一流。【咖喱炒大虎蝦】$168這咖哩炒大虎蝦好足份量,約有3隻大虎蝦已切開一半方便食,蝦肉入口彈牙,沾著濃郁咖喱醬汁, 十分惹味,吃時配上飯一絕。精選套餐 【生牛肉湯粉】$59 連飲品這生牛肉湯粉(選金邊粉),生牛肉滑嫩,蘿白清甜, 配上溜滑的金邊粉,並有鮮甜富濃郁香料味的牛肉湯底,令人回味。精選套餐配特飲另加$8【椰汁綠豆冰】椰汁綠豆冰具好濃椰汁,而綠豆係用了開邊綠豆

呢排一直同朋友商量去越南旅行，行下行下，我地就決定夜晚食越南野，住在香港真系幾幸福，想到食咩，基本上都可以找到，越南野，香港大把，但平靚正的，且又好坐，環境靚仔的，我第一時間諗到的系銀行中心的le viet.枱與枱之間有私人空間，好坐岩晒我地傾計。人氣排行榜美食推介，超級吸引人。我地在門口已經決定主食要食超載椰青海鮮焗飯，就睇下佢到底有幾超載。坐低先黎飲個椰青，最鐘意椰青的清甜，慢慢傾等食野。最先上來的系超載椰青焗飯，佢真系好超載，食物高出椰青起碼5cm!好多海鮮同椰漿流晒出來，啖啖米飯都被椰漿包住，一睇就知好好味！我地好小心的將佢分到碗里，正吖！好creamy!海鮮仲超級多！蝦仁肉好厚，真系食到超滿足。越式咖哩軟殼蟹鍋，系絕對值得食的菜式，佢好有特色，咖哩鍋好新鮮熱辣，一直暖住，似食瑞士芝士火鍋咁，大滚之後，將軟殼蟹同法包點咖哩汁食，軟殼蟹炸得好酥脆，加埋咖哩就錦上添花，超好味的，法包咁食都勁有意思。最後系甜品拼盤：法式同越南相結合，法國燉蛋拼入茫果糯米飯，加上斑蘭千層糕，賣相超眾，口味特別，淋上椰漿的黑白糯米飯零舍好味。飯後這個甜品，食到心情好愉快。

✿╮❤╭✿ ✿雜感女生 好味日記✿ ˚*•✰。Le Viet．越食越爽泰滋味。✰•*˚ ✿✿小資女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 本小姐中意食泰國和越南菜 今次和朋友到旺角行街街 給我們發現了Le Viet已開到去MK 這是晚上的開心大發現 先來一杯越南滴滴咖啡 溫柔的香氣慢慢滲出 帶來令人振奮的味道 以煉奶提味，感覺很舒服 是夜的主角是牛油焗大頭蝦 份量巨型，氣勢激烈 除了厚身又鮮甜的蝦肉，還有滋味的蝦膏 那放在底層的香口薯仔更令人吃不停口 可說是必點的菜式！ 咸魚炒芥蘭 芥蘭爽口翠綠，咸魚夠地道的鹹香 整體調味令人滿意 香茅豬頸肉炒金邊粉 豬頸肉爽口彈牙 金邊粉夠鬆夠好味 有泰式的風情，亦不算辣 適合泰菜初級入門者一試 欣賞店子的開揚設計 還有店員細心的服務 換碟勤快，態度親切 而且店員各有專精：中文、英文、泰文 實在是不錯的食店！0

路過旺角諗住去銀行中心睇lego, 點知無心插柳見到越南餐廳有咖哩軟殼蟹鍋有promotion ，就吸引入去食！不負眾望，咖哩味濃而不辣！軟殼蟹分碟上，避免浸淋軟殼蟹，非常貼心！用鍋上有好處，可以保持溫度，幾時都可以熱食。如果冇咁快食住，可以先熄火！不過，法包就較遜色，太硬和口感粗糙！ 太熱氣的關係，叫個沙律。柚子海鮮沙律，幾清新，又多大大粒蝦和墨魚！抵食！

第一次到Le Viet在旺角的新分店，地方寛敞，環境舒適。今天吃個豐富的午餐！先來一客香茅豬頸肉米紙卷，米紙煙韌有彈性，包裹著米粉、香菜、豬頸肉，口感豐富，配合酸酸甜甜的醬汁同吃很開胃。接著是主菜越式海鮮酸辣鍋，材料豐富，堆得滿滿的，有肥牛、牛腩、牛丸、牛栢業，鍋底有大量芽芽！湯底酸酸辣辣，吃到有不少番茄和菠蘿粒，不失為一個開胃又健康營養的菜式！吃得渾身熱烘烘時再渴一口冰涼清甜又解渴的椰青，爽👍🏻

好想食咖喱炒蟹，今晚去Le Viet，係旺角都有，而且位置超方便，一出地鐵就到，仲要旺中帶靜，唔會超多人！店面相當大，唔會好逼，都幾舒服。人氣排行榜第二位，金不換白酒煮蜆(推廣價$138原價$158)配法包蜆肉新鮮，份量都幾多，九層塔香氣重，配白酒煮蜆，呢個配搭好新鮮，好有創意，味道仲有少少微辣的，很惹味，highly recommend。法包熱騰騰，蘸蜆汁食好好味。咖喱炒肉蟹($358約一斤)肉蟹好有份量，肉超厚的，肉質鮮甜。咖喱汁香濃惹味，唔太辣，質地濃稠度剛好，食到吮晒手指。Bo Bia 印式薄餅($25)食咖喱緊係加個薄餅一齊食，薄餅煙韌，同咖喱味道勁夾。 蒜蓉炒椰菜苗($66)用好多蒜炒，蒜味強烈，十分香。Traug Nueng 精選甜品拼盆($108)有焦糖燉蛋、香芒糯米飯、越南綠豆拉椰糕，非常豐富。芒果香甜，糯米飯有嚼勁，加上椰汁食，味道非常正宗。綠豆拉椰糕的綠豆味濃郁，軟軟的又很有彈性，唔錯。Creme brulee焦糖面脆脆的，燉蛋夠香滑。

今日星期六假期, 當然會瞓晏啲, 起身後就嚟過早餐加午餐, 今日同上工來到位於旺角銀行中心的Le Viet 大約中午12點來到 相公就叫了一個套餐, 去骨海南雞飯 (連餐湯) HKD68 去骨的海南雞是用上黃油雞, 所以味道甚為濃郁, 肉質鮮嫩; 餐湯也是雞湯餚製而成, 不過相公就話味道淡了一點; 而海南雞飯的油雞飯就比較硬身. 不過整體上味道也是不錯, 海南雞加分不少 魚套餐加八蚊就可以轉特色飲品, 相公就叫了這個越南滴滴咖啡 , 充滿著越南風味的咖啡, 咖啡味道濃郁, 加上煉奶, 這個充滿著越南風味的越式咖啡滋味無窮. 而我就叫這個豐盛全日早餐 (HKD108), 來到的時候還是滿震撼的, 因為比我想像中分量更多 除了有烤多士(可以自己加牛油及煉奶), 另外我好喜歡這個菜脯煎雞蛋, 惹味十足 不過最有驚喜的就是這個雞粥了, 因為真的用上海南雞直接煲這個雞粥, 所以這個雞粥充滿著海南雞風味, 而且我到個雞粥裏面都有五六件海南雞, 真的十分足料呢 而越式蒸粉包, 餡料十足 另外也有, 橙汁 (或可選擇豆漿) , 越式柚子沙律, 雜果杯, 焦糖燉蛋, 及豬肉鬆, 再加

在尖沙咀區打響名堂之後Le Viet竟然在旺角熱鬧地段開業，每次經過旺角都會見到大大個落地玻璃，今次同男朋友兩人收工去嘆下先。店內環境非常大，乾淨整潔，座位之間亦有足夠的間距，晚上10點去客人不多，好舒服。柚子海鮮沙律在香港黎講，算是我食過最有水準。青木瓜爽脆新鮮，粗幼一致口感平衡。魚露刻意中和之後很配青木瓜，有大蝦、蜆仔及原隻墨魚仔，份量多而且每樣都夠凍，更有口感。越式小食拼盤非常高既評價，可以3人共享，豬頸肉彈牙，有肉汁，越式春卷好脆。牛油雞翼牛油味不算很香很香，但味道意外地有驚喜，好像新加坡既麥片蝦咁，炸粉甜甜地（唔知係咪真係落左麥皮炸呢？）雞翼好入味，而且好大隻。建議先試一隻原味，之後再滴幾滴青檸汁落去，味道多了一份清新，酸味稍稍刺激味蕾。特別火車頭好欣賞餐廳的細緻位，用上一個長身玻璃小杯去盛載大條粗身既銀芽，仲要加水保持水份，食果時先放落去，銀芽堅係爽脆。湯底屬濃郁風格，牛腩味好濃，最喜歡柏菜，夠彈牙而唔難咬。泰國品牌既梳打水，加青檸冰底，my非佛！整體CP值高，但建議店內音樂可以細聲少少。下次一定會再黎。見到隔離枱個法包好像好正咁，下次要試。

聽聞呢間有個外型吸like一流既海鮮飯，所以都想試下，順便吸like～同朋友book左夜晚7點，去到唔多人，walkin都得。環境都算闊落。一口氣叫左個椰汁海鮮飯，半打串燒，豬頸肉金邊粉，咖喱牛腩煲配法包，炒菜苗，椰汁紅豆冰同青檸梳打水。上菜都算快，好快上齊菜，岩晒我地一班餓鬼。一上個椰汁海鮮飯，視覺效果都幾震撼，因為真係滿瀉。食落都有點麻煩，因為好難就到d野食唔跌落黎。飯量好足，因為塞滿左個椰青，而且係用左椰汁整，所以好快飽肚。整體味道偏甜，因為全部都係椰汁味～半打串燒，我地叫左豬牛雞各2串。夾埋個醬汁都幾好食～豬頸肉金邊粉，份量偏少，幾下就已經食晒。唔算太入味，不過不失。因為朋友想食菜，所以叫左個炒菜苗。份量少之餘仲要價錢貴！不過佢都算炒得有鍋氣，但性價比不高。到左令人最無奈既咖喱牛腩煲配法包！一送上黎，以為叫錯左咖喱薯仔煲！3舊超級大份既薯仔成為主角，而牛腩得3小塊，仲要有舊係牛筯！所以同左店員反映，好彩佢地都肯同我地換。上面呢張相就係換完之後影的～其實味道幾好，係有少少辣既咖喱！青檸梳打水，自己倒水入去飲，都不錯～椰汁紅豆冰，唔會太甜整體而言，覺得價格偏貴，份量偏少，CP值一般

又到聖誕梗係要約下朋友，食下飯，交換下聖誕禮物啦！ 我呢個friend呢就最鍾意睇名牌包包， 喺短短嘅lunch time點可以食飯又睇包包呢！ 咁啱呢個商場有間買名牌包包嘅舖頭， 咁就約呢個商場食啦！ 我哋兩叫咗兩個set lunch， 一個原個菠蘿炒飯， 另外一個海南雞飯,有餐湯又有餐飲， 價錢都係60~70蚊。菠蘿炒飯賣相都唔錯， 有三隻蝦放係面， 又有啲肉鬆， 炒飯都幾乾身。 海南雞飯油飯好香， 海南雞非常之滑， 而且已去骨。 價錢同各方面都幾唔錯，而且非常近地鐵站好就腳。

扎肉薰蹄米紙卷$42，共有4件，包得脹卜卜，份量夠晒足，米紙原來帶有輕微煙煙韌韌口感，最緊要點埋隔離個汁，酸酸地幾醒胃，食到好重檸檬味。牛油雞翼$72，共有5隻，平均每隻都要14.5蚊，但確係幾好味，未食已經聞到好香牛油味，食落有牛油和蒜粒既味道，炸得好鬆脆，雞翼亦都鎖住肉汁係入面。辣椒膏炒肉蟹$358，炒得好惹味，我覺得個汁調較得幾好，只係微微辣，蟹鉗點一點d汁，真係好美味。綠豆拉椰糕$33，同樣煙煙韌韌，口感唔錯。

之前有朋友介紹過哩間d蟹唔錯，地方又方便就腳。大大個招牌，好sharp。唔使多考慮，即刻點隻蟹食先，辣椒炒肉蟹，果然名不虛傳，好多蟹肉，辣椒膏好惹味，配飯一流，蟹蓋都好多膏，超正。超載椰青焗飯，認真超晒載，堆到成座山咁高，份量十足，椰子殼入面其實都仲有好多飯，面層淋上椰子汁，甜甜地，海鮮好新鮮彈牙，仲可以刮埋d椰肉黎食都得。唔可以淨係食肉，叫返碟菜，炒椰菜苗，用左蒜頭炒過，爆香d蒜味出黎，食落幾爽口。

Its location is at the middle of MK, bear the mtr station. the decoration look so desent and spacious, and you will rarely hear the conversation from the table nearby.The vietnam food there is high quality and cook immediately when you order, the hainan chicken is amazing, the meat with soft texture, hot and juicy. Other food is not pricy but high quality in average.