Le Viet (已結業)

位於旺角正中間-銀行中心一樓，落地大玻璃，位置方便。每晚營業至晚上12:30，位置相當闊落，有窗口位、梳化位同圓枱任均選擇，正！睇左一輪餐牌，咩小食都想試，最後揀左精選越式拼盤，本身$115可以試到4款小食已經覺得抵，埋單發現本月做緊特價（$98）更加覺得抵！越南春卷-非常脆身，放涼後食都仍然是脆的，唯一缺點是油左少少。蝦餅-全晚覺得最好食的，蝦肉緊實，重蝦味炸粉平均，完全唔覺油膩，大推。扎肉蒸粉包-薄薄的粉皮包住碎木耳、菜絲，好適合掛魚露汁食用。炭燒豬頸肉-睇都已經知道質素唔錯，因為有少少油光、肉質織紋多，有少少水份，不會過乾，對豬頸肉要求高的男朋友話好食。主菜上枱，非常之大盤既咖哩炒大蝦，無錯，我係用「盤」去形容，如果會點白飯食既話，份量足夠3人或以上享用，我地點左薄餅配咖哩，薄餅類似印度的Parotta ，是以 Maida 麵粉製作，有較高的麩質比例，製作出來的麵餅更有麵糰的感覺。彈牙有嚼勁，比 chapatis 更紮實。大約有8隻半邊蝦，廚師把蝦而炸後混入咖哩，更能掛汁。咖哩味偏甜，適合唔食得辣既我。特別火車頭非常非常濃郁的牛骨湯頭，無根牛丸、白牛柏葉（好彈牙）、生牛肉片（濃郁

估唔到會係因為一間勁難食既餐廳而去寫第一篇食評！我用左openrice大大話話都超過六年，雖然一個食評都未寫過，因為我希望可以寫啲有質素既食評，所以一直都冇開始寫，但係呢間餐廳卻有能力迫我去搭出第一步！整體係無可能再幫襯！唯一點讚既係serve 我地張枱嗰位女侍應，其他侍應都係睇你唔到架！🤦🏽‍♀️我真係好懷疑佢既好評係點得嚟？點解可以同我親身體驗相差咁遠既呢？我地一行五人，無一個係覺得佢好食或者會再幫襯，超失望！

越式all day breakfast 好豐富哦@Le Viet旺角彌敦道636號銀行中心1樓101-106,108-109號舖 大誇張啦，叫了份all day breakfast $108多到兩人食都沒問題，英美all day breakfast 吃得多，越式是人生早第一次試哦！看看有多豐盛，雞粥，toast and 茶脯scramble egg (其實有似港式口味）仲有4款小食，這就是越式的風味，大蝦沙律，肉鬆，焦糖燉蛋，蒸粉包，水果塊。飲品都有兩杯，橙汁同咖啡/茶，如胃口不大的女生，點一份已綽綽有餘。食肉獸要加點肉類填肚，在菜單上$56三串串燒（要了淨豬），再加個炒西蘭花$62，推薦串燒真的香噴噴，每次都令我回想起bbq,同肉質有嚼勁得來唔回乾身架。假日有時遲起身，想食過all day breakfast  又多個越式選擇了。

這天一家人在旺角逛街，順道吃午餐，選了在銀行中心一樓裝修看起來不錯的越南餐廳Le Viet... 到這裡的餐牌很特別，提供越式全日早餐，餐牌的圖挺吸引，於是就點一份來試試... 這份豐盛全日早餐不只賣相吸引，而且十分豐富，包括越南鮮雞粥、菜脯煎雞蛋、厚烘多士、越式蒸粉包、越式柚子大蝦沙律、鮮什果杯、豬肉鬆、焦糖燉蛋、橙汁和咖啡...先吃越式柚子大蝦沙律，柚子味道帶點酸，非常醒胃清新，八爪魚和大蝦也很新鮮... 菜脯煎雞蛋帶點鹹味，用來配粥吃十分不錯，而且雞蛋和菜脯的味道本來就很夾... 厚烘多士有牛油和煉奶可以選擇，多少烘得夠脆，加點煉奶來吃十分美味... 越南鮮雞粥帶濃烈的雞香味，配無骨的海南雞，份量很足...吃起來啖啖嫩滑雞肉，粥底也夠棉，加上豬肉鬆和芫茜蔥花來配吃更為惹味... 越式蒸粉包皮薄餡料足，帶少許鹹味吃起來很惹味... 吃飽後來個新鮮的什果杯和焦糖燉蛋甜品，令人非常滿足~~ 飲品也有2杯，選了橙汁和咖啡，慢慢品嚐!!另外還點了一個精選套餐，香芧豬扒湯粉配凍檸茶.. 香茅豬扒和湯粉分開上，豬扒燒得很香口惹味，大大塊份量十足，湯粉湯底不會太鹹，熱辣辣配豬扒吃簡直是一流，這個

每次去旺角食野都好頭痛, 雖然餐廳選擇多, 但人仲多, 食野仲要人迫人, 好辛苦啫! 誰知原來係熙來攘往的地鐵出口(exit E)銀行中心, 都有驚喜! 成日都會路經呢個商場, 但都冇真正入去行, 今次仲比我搵到間食越南菜晚上7點幾未算人多, 可能餐枱都多, 所以好快搵到舒服位置就坐定定睇menu! 越南餐廳一定會叫牛油蒜香雞翼，那陣誘人的牛油蒜味撲鼻而來，不禁令人咬下去。泰式大蝦柚子沙律，清新好味，好多大大舊的柚子肉, 惹味汁料可作平衡，吃起來，分外滋味，感到味道很多層。 蒜茸牛油焗大頭蝦, 接近一斤的大頭蝦大得誇張! 首先係開邊先, 勁多蒜茸, 蔥, 牛油又香!十分惹味!!!串燒都不過不失，醬汁味道偏甜。

旺角好似有好多餐廳, 但成日都唔知食邊間好, 食過好多間, 都馬馬虎虎啦呢一間尋晚食完, 覺得價錢ok野食ok, 地點方便睇餐牌有三個推介, 全部叫哂越式海鮮酸辣鍋 LE VIET 精選拚盆越式咖喱軟殼蟹鍋配法包加埋串燒雞牛豬半打味道無咩唔好, 最好食係咖喱軟殼蟹, 如果去食, 呢個係must服務一般, 不過不失甘越南菜來講, 選擇其實都幾多, 不過太多有時唔知點揀, 跟餐廳做的推介點餐比較方便可能下次去旺角, 唔知食咩好又會再去

早前微微雨，所以約了朋友旺角銀行中心的Le Viet見面。 友人點了這ｓｅｔ吸睛的豐盛全日早餐 All Day Breakfast。＄１０８價錢合理而我就點了去骨海南雞飯 (連餐湯) $68上菜後，賣相十分好。油飯味道十足，而且不油膩，食完整碗不會有油在碗底。主角雞，非常肥美，肉質軟滑，雞味濃郁，份量大概1/4隻雞，而且已去骨，進食時相當方便。餐湯是平時吃海南雞附送的那種湯，從來都唔知道是什麼湯，沒有味精，不會太咸。餐飲額外加了 $8 轉成了青檸7-up。豐盛全日早餐，極度吸引，份量豐富。1. Fresh Orange Juice / Soy Milk 橙汁/凍豆漿2. Pomelo Salad with Prawn 越式柚子大蝦沙律3. Fresh Fruit Cup 鮮什果杯4. Cream Brulee 焦糖燉蛋5. Pork Floss 豬肉鬆6.Coffee / Pu-eh/ Jasmine Tea 香濃咖啡/普洱/香片7. Butter 牛油8. Conderse Milk 煉奶9. Coriander and Green Onion 芫茜蔥花10. Nuco Mum 越南

咖啡軟殼蟹好好食，個朱古力燒菠蘿甜品也不錯，整體來說 色 香 味 俱全，侍應也很頻密勘水，可能是平日夜晚人較少，所以服務較好。豬頸肉也很爽，餐廳位置方便，在旺角站E出口一出就是銀行中心，上電梯一樓就見到餐廳了。

星期天特別遲起身變相到中午時分, 朋友相約我到旺角Le Viet 食 中午飯, 接著行下街去shopping買聖誕禮物。這店主要食越南菜。* *店裝潢不錯,色彩繽紛,好有活力感覺。**點了勁豐富早餐【豐盛全日早餐】 $108 LE Viet ALL DAY BREAKFAST 大大份早餐,有好多款野食, 一次過滿足我的乜都想食。 前排有兩款飲品, 我選橙汁及coffee, 有越式柚子大蝦沙律十分開胃; 鮮什果杯有西瓜及哈蜜瓜好鮮甜; 焦糖燉蛋入口順滑不太甜,我就留餐後食; 而豬肉鬆會放入粥來一齊食。 後排有4大款野食。 越式蒸粉包外皮粉包煙煙韌韌, 內餡餡料好豐富,食落不錯。 越南鮮雞粥~這雞滑而不鞋,而粥好軟綿香甜有雞香味, 可加上蔥及豬肉鬆,更美味。厚烘多士按個人可沾點牛油或煉奶呢! 菜脯煎雞蛋入口 不鹹好食,送多士及粥一流。** 【咖喱炒大虎蝦】$168 咖哩炒大虎蝦好足份量,約有3隻大虎蝦已切開一半方便食, 蝦肉入口彈牙,沾著濃郁咖喱醬汁, 十分惹味, 吃時配上飯一絕。**精選套餐【生牛肉湯粉】$59 連飲品 這生牛肉湯粉(選金邊粉),生牛肉滑嫩,蘿白清甜,配上溜滑的

雖然未去過越南，但本人一直對越南撈檬都有種偏愛，貪其酸甜口感零舍醒胃😝！但樓主實在太年輕啦，經過今日之後我發現越南嘅美食比我想像中美味同埋選擇種類非常多！🥰越式拼盤集合咗唔同嘅經典小食！啱晒選擇困難症嘅我🤣 春卷裡面有木耳、粉絲、甘筍絲等餡料，炸得香脆，內裡多汁爽甜。豬頸肉隱約食到碳烤味，簡單地配酸甜醬汁已經令人食到停不了口👨🏻‍🍳 扎肉蒸粉包餡料一d都無揸流攤！令整體口感非常豐富，配上秘製醬汁，鹹香中帶微辣。蝦餅🦐點上酸汁食，紮實口感爽滑彈牙，清新唔油膩♥️♥️店員就推介我地試下當造嘅海鮮💬咖喱炒肉蟹濃郁惹味🦀，隻蟹起碼成斤重，鮮甜肉厚，拆好曬肉再撈埋咖哩汁食，滋味滿足，真係忍唔住連手指嘅汁都唔放過🤭 再黎試下另一種煮法嘅海鮮，望落好似好辣嘅辣椒膏炒大蜆🙊 辣度平衡嘅拿捏師傅掌握得啱啱好，蜆肉粒粒都好飽滿，配印式薄餅就最夾🤤一路食一邊啜住個椰青，清新又解渴🥥，雖然價錢有d貴，但個size都幾大，兩個人share飲都得🤓今餐之後好想再深度認識下越南菜，原來有南北越之分😛睇黎聖誕個food list又頭痕嚕🤣🤣

今年暑假的時候，與朋友去越南遊行，當中的燒海鮮、檬粉、咖啡，至今仍是令人再三回味。今日突然重拾那越南的味道，所以在中午的時間選了一間越南用膳。Le Viet的位置十分方便，旺角站E2出口一出便到達，十分容易搵。餐廳的裝修新穎時尚，環境乾淨企理，給人一種舒適的感覺。食物方面，選擇非常多，沙律、海鮮、米卷、湯粉、燒烤、甜品等一應俱全，在選擇困難症之下，點了串燒沙嗲配香辣炒飯、精選拼盤、牛油雞翼。串燒沙嗲炒飯有三串串燒，豬、牛、雞各一串，每一串都燒得香口，帶微焦，配上惹味的沙嗲醬，簡直一流，而香辣炒飯辣度不算強，味道好；精選拼盤有炸蝦餅、燒豬頸肉、春卷和蒸粉餅，四款都製作精緻，要講當中喜歡的，一定是炸蝦餅，它的外層炸得香脆，大大粒，裡面蝦肉真材實料，更熱氣都要吃多粒；牛油雞翼外皮鬆化，潑上了炸蒜，另雞翼除香濃的牛油味，增加味道的層次，一個字「正」。吃完這餐飯，美味的食物更令我懷念越南這地方。

旅行返黎，約左朋友派手信，朋友提議去旺角銀行中心的Lê viet 。餐廳裝修簡潔大方，給人感覺舒適，好岩傾計。餐牌菜式選擇繁多，朋友話要試下超載椰青焗飯。大家都好期待睇下佢到底有幾超載。登登登登，哇！真系超載到一個點，海鮮仲超級的多，蝦仁大大粒！椰漿爆晒出來，賣相誘人，誇張的多，椰子味濃郁！未食已經好香！仲要勁吸引隔離枱的眼球。椰漿包住米飯勁香滑可口，一碗接一碗，原隻椰子🥥里面仲有超多份量，好似食唔晒咁，真系太好味！太滿足，我覺得呢個椰青的份量，四人食都未必食得晒！超級正！牛油大頭蝦！賣相有又超級正！吸引眾人目光！牛油味超級香！仲有蝦膏！好正！底有薯仔做配菜，好入味！蝦肉嫩滑，好鮮甜！茫果糥米飯，黑白糯米，不單調，糥米新鮮滾熱辣，茫果好甜，冇渣，好味吖！

收左工去到Le Viet，無乜人，都唔洗等。一入到去就睇餐牌，樣樣都好吸引！最後叫左四樣：椰青海鮮飯，蒜蓉炒西蘭花，牛油雞翼同埋小食拼盤。椰青海鮮飯好味！不過就嫌海鮮比較少，係飯多。甜甜地，撈埋啲椰漿一齊食真係好滿足。蒜蓉炒西蘭花，係幾好食既..但$62得果幾粒好唔抵食！我就算再去都唔會再叫菜....牛油雞翼！超級推薦！因為我其實第二次黎食，都有叫呢道菜！味道無變，牛油味好香，食落啲雞好滑唔鞋。小食拼盤就不過不失啦，無咩特別～

星期日上完兩堂瑜伽之後，梗係要搵啲好嘢食補充一下體力啦。去到銀行中心搵左呢間越南嘢黎食。入到去地方好開揚，可能因為已經過咗午餐時間所以人唔算多，職員好好安排左我哋坐窗邊，係寧靜嘅環境望住個條平時好繁忙嘅西洋菜南街，別有一番風味。拼盤有四款嘢食，分別係豬頸肉、春卷、炸蝦餅同埋扎肉蒸粉包。豬頸肉似係碳烤一樣咁香口惹味，炸蝦餅就夠晒大舊，春卷炸得香脆之餘又唔會太乾身。辣椒膏大蜆炒得香濃惹味，辣到適中，就算唔係好食得辣嘅人都可以好好享受呢味菜，啲蜆肉就真係大大隻，啲肉幾乎填滿左個殼一樣，味道鮮甜。黎到重頭戲就係咖喱炒肉蟹，名副其實嘅肉蟹，多肉到一個點，滿滿又鮮甜嘅蟹肉，配上濃郁嘅咖喱，真係令人食到停唔到口，就算平日好怕要拆殼嘅我都忍唔住出手食佢。再加上個椰青又大又鮮甜，兩個人飲都好足夠。好滿意嘅一餐，我哋已經喺度諗緊下次幾時黎再食過。

難得旺角都開咗Le Viet梗係要去食下唔好睇佢呢個豬頸肉炒金邊粉好似無乜顏色咁，食落真係超惹味，完全停唔到口呢個咖哩仲正！配埋個薄餅一齊食簡直無得彈海南雞都好滑身，食完完全唔會痴牙我最鍾意就係食菠蘿炒飯呢個炒飯夠哂多之餘仲有埋完隻蝦超抵食！蒜蓉炒椰茶苗同米紙卷好啱食得清淡嘅人唔好睇佢地平平無奇咁，食落都幾正架最後就有最最最好食嘅軟殻蟹呢碟軟殻蟹落咗好多香料，食落每一舊軟殻蟹都超入味！嚟呢度食必嗌！宜家旺角開咗分店咁以後嚟食都方便好多lu