Le Viet (已結業)

之前食過THE ONE嘅Le Viet，覺得唔錯，旺角又開左分店，所以一想食越南菜就諗起呢間。餐廳環境唔錯，座位寬敞，坐得好舒服。餐廳食物選擇好多，有越南嘢有泰國嘢，攪到人有選擇困難症。最後揀左一個燒魚，蔗蝦同串燒。蔗蝦嘅蝦膠好彈牙，帶有蔗嘅甜味，比泰國蝦餅更好味。串燒燒得啱啱好，唔會好乾，好入味，加埋沙嗲醬更惹味。食完小食後條魚就燒好上枱，木棉魚即係大眼雞，撥開D魚皮之後就見到白白嘅魚肉。魚燒得啱啱好，唔好太乾，點埋個酸甜汁，非常好味。