Le Viet (已結業)

自從上次Lunch食完Le Viet 後念念不忘，今日決定同幾位同事再黎食多次豐富的午餐！今次人多D, 可以食多幾樣野食。我地叫左以下食物：超載椰青焗飯呢個飯真係超級誇張！係整個飯塞滿左係個椰青入面！叫做”超載”，果然無改錯名！岩曬今日我地4人的份量。飯的味道是甜甜的，好香椰汁味，因為是用左椰汁來焗，然後將飯倒入椰青，再淋上椰奶。另外，材料有蝦及蜆，及一些蘿蔔粒、洋蔥粒及粟米粒。而碟邊都有一些淋滿椰奶的椰青肉條，喜歡椰汁的朋友不要錯過。越式咖哩軟殼蟹配法包上次我地有叫呢個，今次都要再Encore! 因為真係非常好味！咖哩是黃咖哩來的，一D都唔辣, 送飯一流！咖哩入面還有青椒、紅椒、洋蔥等的配菜。軟殼蟹炸得香脆，入面還有薯仔的，熱辣辣送上。上次食的是印度薄餅，今次係法包。法包明顯有烘過，而且是切好的。2種點汁食都唔錯，法包較為有口感D。柚子海鮮沙律好開胃啊呢個沙律！酸酸甜甜辣辣的，柚子食落好fresh，而且超大粒。海鮮是魷魚及蝦，上面還有花生。蘿蔔絲及青木瓜絲份量都多，當餐前沙律食幾好，唔會太飽而且開胃。有小小辣，唔食得辣的朋友注意一下。香茅燒牛仔骨呢個竟然超乎意料好味！肉質鬆軟，好香香

今日突然間十分寒冷，同事話去食咖哩，說真的我不太好食辣，但今天真的變凍,所以就決定去食了...叫了幾個菜,分別是咖哩軟殼蟹配法包、超載椰青焗飯、香茅燒牛仔骨、最後還要了芒果椰汁糯米飯作甜品。咖哩軟殼蟹除了有軟殼蟹，還有雜菜、馬鈴薯和法包; 我試食了一個沒有沾咖哩的軟殼蟹, 十分熱和脆的~之後等咖哩煮熱些時,也用軟殼蟹沾了一些咖喱, 咖哩不太辣,食後咖哩的辣味也很快散去, 重點是咖哩軟殼蟹真係一邊食一邊暖!一上菜,香茅燒牛仔骨已經有種焦香味, 但入口,就吃到甜味, 我猜應該是有特別地處理過再燒的; 牛仔肉亦十分軟淑, 我覺得整頓飯最好食的是牛仔骨!超載椰青焗飯真的名副其實"超載", 份量十分多; 我第一眼見到時其實已經飽了...飯上淋了椰奶. 有兩三隻蝦舖面; 焗飯裡面竟然也有椰奶, 而且有椰肉, 及海鮮, 分量也不少! 焗飯吃到一半已經好飽....但無論點飽~ 作為一個女生!一定要食甜品!!所以!最後叫了芒果椰汁糯米飯作整頓飯的結尾~芒果很甜, 黑糯米飯十分煙韌, 白糯米就比較硬...整頓飯四個人食...但真的十分飽!!食完大家都覺得全身很暖!

個超載椰青海鮮焗飯真心超大個，充滿椰香味，性價比幾高嘅！難怪個個都嗌啦😝最後我地都食唔晒😅夾雜住唔同海鮮 都唔錯個青木瓜大蝦雞絲沙律 份量都大，不過都係靠個酸汁先有啲味，而且啲蘿蔔絲長得黎唔係軟，食方面有啲麻煩，蝦亦都好少，所以呢個麻麻地食東亞野少不免嗌啲串燒食下！點上沙嗲醬，不嬲都係絕配😝😝haha軟殼蟹咖哩鍋配法包都見唔少人嗌，佢用蠟燭啦，其實好快就唔熱😢 咖喱味道尚算可以，偏甜嘅，裡面有啲薯仔，軟殼蟹冇乜肉，但炸得🆗 而個法包就一般般啦，冇個種外面脆脆地嘅感覺🤔相比之下更鐘意用薄餅點咖哩個芒果糯米飯比上不足比下有余啦 糯米飯幾棉軟 慶幸芒果都甜 ❤️所以呢個可以嗌黎食下

今日預早已經揀好去邊到食所以我係訂咗位黎嘅不過我只係黎食lunch啫都係入面嘅環境佢有啲外籍waiter個軟殼蟹鍋幾吸引咁所以我點咗感覺都幾乾淨嘅啲地方佢拎咗個爐過黎先軟殼蟹同埋其他配料法包個爐 點咗火嘅越式咖哩軟殼蟹鍋配法包 $93呢個鍋其實都算係咁嘅都尚算唔錯但係價錢上比較貴因為其實佢份量太少唔太值呢個價啦但佢咖哩甜甜地 ok嘅叫咗個湯河生牛肉 牛丸 牛柏葉 等等嘅材料我覺得好一般同埋個湯唔夠熱啲生牛肉唔太整得熟嘅仲有碟時菜椰汁紅豆冰一般般total $292覺得性價比低 唔值

一個人食咩好？成日都經過the one見到me viet，原來旺角都有分店。而家環境比尖沙咀總店好似大啲添。星期日lunch time上到黎，仲有lunch set供應，好抵食！我叫左海南雞飯，另外散叫左香茅燒烏頭！每次去食越泰菜，都一定會叫燒魚！因為的確太好味啦！即叫即燒，烏頭要等30分鐘先食得！魚肉非常滑溜，魚香鮮甜，加上香茅燒香，超滋味！海南雞好滑好嫩，醬汁好惹味，雞肉唔會鞋口，雞皮又唔會太油膩！椰青夠冰凍甘甜！

約朋友交收，兼且簡簡單單食返餐，佢揀左旺角呢間越南菜。地點就位旺角最繁忙的地鐵站上蓋，位置真的極方便。香茅燒烏頭 $173夠大條而且燒得幾香，卜卜脆的表皮下是 juicy 魚肉。好多香茅釀入魚中，別有風味。烏頭肉有黃油，識食之人都知係靚貨。再配合特辣青辣醬，極惹味。燒魚是必食的。Le Viet 招牌飯 $86用料多多好豐富，有香茅炸豬排、煎蛋、扎肉同香茅雞翼。伴碟仲有炸得好香的蒜蓉同葱油，見到已經食指大動了。香茅雞翼真的十分正！好豐富，兩人 share 一碟飯都夠。越南扎肉同魚露，係絕配。蒜蓉炒椰菜苗 $66欣賞佢炒得幾惹味，椰菜苗夠嫰唔會老。翠綠的椰菜 BB ，都幾有菜味，正的！

越南篇 呢間越南菜係旺角同尖沙咀都有分店地點便利 一直都想去試！！！今日同朋友終於試左啦💕地方寬敞環境舒適 staff服務周到👍🏻我地叫左香茅燒烏頭🐟必叫條魚一上枱真係嘩一聲，好大條！外面燒到脆脆地 可以成層皮起到中間加左好多香茅香料 所以香茅味好重 一d都吾猩👍🏻再點埋個醬 酸酸地帶少少辣🌶我地好快食哂成條🤤另外叫左海鮮酸辣鍋有蝦🦐有魷魚🦑有蜆量吾算多但勝在夠新鮮 好鮮甜湯底有好多菠蘿粒 真係夠哂特別!菠蘿味好重又吾會好辣菠蘿迷必叫🍍香茅豬頸肉炒金邊粉🐖雖然係炒金邊粉 但一d都吾油膩整體就清清地 吾係好濃味 但配埋酸辣湯食 都吾錯👍🏻而豬頸肉好爽脆而且有炭燒味!最後叫左兩杯青檸梳打食越南菜泰國菜必飲！！！梳打本身無加糖漿可以另外叫staff加☺滿足的一餐🍴

成日行過銀行中心都見呢間Le Viet好多人，呢日就試下係咪真係咁正🤨。.豬頸肉撈檬（套餐連餐飲，$64）豬頸肉肥瘦適中，燒完夠香又唔會太肥膩。炸蒜片俾得闊綽，有大量蔬菜，加上酸汁，好清新😋！香港嚟講算係水準之上，套餐價都幾抵食。.鹹魚炒油麥（$62）菜嘅份量偏少，唔係好夠食🙁。.香茅燒烏頭（$173）超驚喜！比想像中大條好多，不過兩個人成功食晒😆。魚肉好嫩滑，食到最尾一啖都冇腥味，仲有好香嘅九層塔同埋香茅味道🥰。

今日去左旺角行街shopping，行到攰攰地搵間餐廳食個lunch。原來旺角都有le viet分店，環境好大好寬敞。主打越式美食。我叫左越式生牛肉湯河，牛骨湯底好清甜，唔會好油膩，入口夠清夠甘香。生牛肉份量好多好粉嫩，入口有牛脂香，唔會鞋口，夠嫩滑。牛味都幾突出！我另外加點一個焗大頭蝦，蝦肉好爽口，大蝦好新鮮，蝦肉唔會霉，水準幾高。加左大量蒜茸焗得香口夠惹味！海鮮水準幾出色。下次黎要試下其他食物先得。

今日收工後約咗朋友到旺角聚一聚，話說同事食過一間好好味嘅越南餐廳，今晚一於同朋友試一試啦🥰地方寬躺環境唔錯，仲有玻璃窗望到彌敦道景色😻呢個係Le Viet 拼盤，我幫佢改咗名叫做越式拼盤四重奏🤣仲有配上兩款美味醬汁越式春卷外層炸到脆卜卜，入面包住好多餡料，非常好食😋炸蝦餅超厚，仲超級彈牙、鮮味十足🤤越式蒸粉包係我至愛，要趁熱食口感一流炭燒豬頸肉，又係我嘅至愛，肉質爽口，非常好食😻壓軸主菜咖喱炒大虎蝦🦐夠晒大件頭，蝦的數量也不少，仲好新鮮彈牙🥰用上蛋花同咖喱青紅椒，一上枱已經香噴噴食指大動😋原隻菠蘿大蝦炒飯，新鮮菠蘿配上肉鬆，美味又可口，細心D睇原來隻蝦仲同你剝埋殼添，炒飯炒得好乾身，非常美味😆法包鬆軟又可口，梗係要趁熱食，之後配上咖喱汁一齊食，簡直係絕配😻本來想食咖哩炒蟹，但原來要預先訂😭餐廳位於地鐵站附近，好方便👍🏻環境都好新潮和舒服，下次會再嚟試吓其他食物先😋

最近迷上了越南菜，今晚跟一個難得一見的舊朋友吃既飯，便決定食越南菜。朋友得知我愛吃越南菜便帶我去了她推薦的這間。餐廳位於旺角銀行中心，地理位置非常方便。餐廳環境寛敞，一入去便給大大塊的螢光招牌吸引了的的視線。去骨海南雞(半隻)，雞肉非常嫩滑，雞皮油脂甘香，超多肉汁，口感非常豐富。不用沾其他醬料，原汁原味已經很好吃。海南雞下面都用上椰菜墊底，令賣相更吸引。香茅燒豬頸肉撈檬，豬頸肉份量超多，以現在豬肉的物價已經非常有誠意的。豬頸肉燒得外脆內嫩，加上脂肪的爽脆感，十分美味。醬汁以小瓶盛著，感覺更加衛生美觀，味道酸酸甜甜的，開胃清新。越式咖哩軟殼蟹鍋(配法包)，咖哩鍋以明火燒著，保持著咖喱熱呼呼的溫度。味道香而不辣，適合大部香港人回味。軟殼蟹炸得黃金香脆，有幾塊更有些少蟹膏在裡面，沾著咖哩一起別味道濃郁惹味。因當天法包售罄，換成了印式薄餅，牛油味很香，口感鬆脆。飲品方面點了椰青，我真係很愛喝椰青，味道清甜，我連椰肉都會挖得乾乾淨然後全都吃掉。

自從兩個月去到越南旅遊回來後都未食過越南菜，今晚心血來潮很想吃。見這間很多好評便去了。這家餐廳位置非常方便，正正在旺角銀行中心內。環境很大，很快便能安排入座。特別火車頭湯底用上牛骨來淆製，十分鮮甜。配料果然是特別，一般越式火車頭均用上牛肉作配料，這間是用了豬腳、豬肚、牛丸和生牛肉。豬腳和豬肚口感軟稔，煮得入味；而生牛肉口感嫩滑，肉味濃。柚子海鮮沙律越南菜的沙律最愛吃這款，柚子多汁清甜；沙律用上青木瓜絲，份量十足。海鮮有鮮蝦、蜆肉和魷魚。配上越式沙律醬汁，酸酸甜甜的很開胃。咖哩牛腩鍋配印式薄餅牛腩鍋以小爐點上火蠟滾著，長時間保持熱度，畢竟咖哩要熱辣辣才好吃。咖哩味道夠香，不算太辣；牛腩肉質厚實重牛味，而且吸盡咖哩香味，非常惹味。不我不提，咖哩和印式薄餅真的是天生一對，薄餅酥脆重牛油香，沾上咖哩口感和味道都是一流的。青檸梳打梳打水用上泰國象牌那款，青檸味道清新，非常配合這種味道較濃的主菜一起飲用，清新解渴。

又係開飯🍚的時間⏰趁早放工就去旺角搜尋下有咩新野食~去開銀行中心🏦，叫到有間Le Viet，就試下新野，平時好少會食越南菜😅一坐低就比餐牌上的越式咖哩軟穀蟹🦀配法包🥖吸引💜已經成為我的目標晚餐之一了😋咖哩仲要隨熱爐熱住d咖哩😛軟穀蟹🦀同法包🥖都沾上惹味的咖哩汁當然唔少得必點的串個🍢💕雞🐔、豬🐷、牛🐮各2 串👍🏻我最鐘意牛肉串🐮💜🥬蒜蓉炒椰菜苗🥦好香蒜蓉味😛😛香予燒烏頭🐟魚肚中塞滿香予，再配埋祕製青bb的汁，好夾

今日心思思又想食牛肉河，就襯去朗豪坊行街前搵吓附近有咩好食，上網見到銀行中心樓上一間越式牛肉河好似都唔錯，就試吓睇吓質素如何。呢間餐廳設計比較透明同埋開揚，加上有一邊玻璃對街，感覺空間更濶落更光猛！坐落都覺得舒服啲。正值午餐時間，原來星期日都有午飯套餐，選擇都幾多，有粉有飯有串燒揀, 仲要包埋餐飲,好抵呀⋯我呢就必定會揀生牛肉河，老公就要個菠蘿炒飯，再睇下Menu，見到有香茅烏頭，心諗正喎，好耐冇食，決定叫黎試吓。🥢生牛肉河- 熱辣辣，大大碗，浸喺湯面嘅係半生熟嘅牛肉，同埋大量嘅蔥（我最鍾意❤️），生牛肉軟熟，湯底亦都非常清甜，跟餐仲有一小杯水種芽菜，同埋辣椒粒+一角青檸，加少少落碗牛肉粉度即刻增添不少風味！🍚菠蘿炒飯- 唔少得梗係有個精美菠蘿殻，炒飯上面鋪滿肉鬆同埋🦐🦐🦐，望落非常豐富，炒飯入邊有菠蘿粒，叉燒，雜豆⋯蝦肉爽口彈牙，啲飯多到差啲食唔晒🤣🐟香茅烏頭- 呢個係落order之後即刻預備的，要等大概25分鐘，但係非常值得，一上枱已經聞到好香嘅燒魚味仲有淡淡的香茅味道，魚皮外面用鹽烤得香脆，魚肉煮得剛好，我唔係好食辣，但係點小小跟魚上嘅辣汁又幾夾喎！整體黎講算好唔錯，座位又唔會好迫

一直都幾鍾意食越南野 成日喺條街見到嘅越南野鋪頭都感覺上唔太乾淨，唔夠膽打入去食 但係呢一間Le viet 係我食過環境最好同埋最乾淨嘅越南餐廳，價錢亦都非常公道所以我十分推薦！✨香茅燒烏頭 ($173)鹽燒烏頭係一道非常出名嘅菜式 烏頭魚嘅內部用上唔同嘅越南醃料你醃製過 外層就放上鹽味醃料調味，跟住將成條魚放喺烤爐入面燒， 菜式一上嘅時候非常香同熱辣辣，肉質算不上滑，但係就肉味非常重同埋魚肉嘅份量非常多，好大條！魚皮絕對係不容忽視嘅一環 ，魚皮混合左鹽嘅香味再加上脆卜卜嘅口感，非常滿足！✨咖哩軟殼蟹配法包 ($92)呢一份咖喱軟殼蟹簡直係最驚喜嘅一道菜式，此道菜式最特別之處就係拎咗一個煲係你面前煮熱佢，唔會因為放耐左而冇咁好食，而軟殼蟹就係另上嘅，令到軟殼蟹唔會咁容易比咖哩浸淋 ，從而保持佢好食嘅感覺。✨串燒半打 ($89)半打串燒包括左兩串牛肉，兩串豬肉，同埋兩串雞肉串燒，旁邊仲配上沙嗲醬俾我哋點，簡直係啖啖肉，每一口都係幸福嘅感覺，非常惹味每一條串燒都係燒得好香，好美味！✨椰青 ($42)飲品方面我哋另外嗌咗一份椰青椰青好多水好甜 ，入面仲有好多椰青肉 食越南野點少得飲椰青啊