Le Viet (已結業)

成日行過銀行中心都見呢間Le Viet好多人，呢日就試下係咪真係咁正🤨。.豬頸肉撈檬（套餐連餐飲，$64）豬頸肉肥瘦適中，燒完夠香又唔會太肥膩。炸蒜片俾得闊綽，有大量蔬菜，加上酸汁，好清新😋！香港嚟講算係水準之上，套餐價都幾抵食。.鹹魚炒油麥（$62）菜嘅份量偏少，唔係好夠食🙁。.香茅燒烏頭（$173）超驚喜！比想像中大條好多，不過兩個人成功食晒😆。魚肉好嫩滑，食到最尾一啖都冇腥味，仲有好香嘅九層塔同埋香茅味道🥰。