Le Viet (已結業)

Le Viet係法文 解 越南仔越泰餐廳 每一個都好出色超載椰青焗飯分量夠三至四個人食藏係椰青係炒飯🥰🥰🥰本身用椰汁炒過表面焗個陣再淋上椰汁配料都有幾款海鮮 鮮味就欠奉啦 串燒（ 牛/雞/豬）啖啖肉好方便燒得夠香口惹味香濃花生醬甜甜地😛 越式咖喱軟殻蟹鍋 $93 配法包好濃咖喱味😍法包相當正宗外皮脆硬 裏面麵包好軟綿綿帶彈性 氣孔大有發酵過一段時間Breadie嘛 自己試過屋企整法包 但太繁複法包蘸咖喱食簡直係另上的軟殻蟹炸得外脆內軟 燒烏頭 $173魚肚塞滿不同泰越香料香茅味好重 魚肉紮實鮮嫩青檸辣汁帶出魚肉鮮甜味

柚子海鮮沙律 $78以青木瓜沙律做底，通常呢隻沙律嘅醬汁都好易過酸同過甜，但呢到嘅醬汁調配得啱啱好，再加入柚子同海鮮，整體非常清新開胃。蒜蓉炒椰菜苗 $66Menu有好多款蔬菜揀選，但逢親見到有得揀椰菜苗我一定不作他選。椰菜苗經蒜蓉炒過特別香口，不過唔知係未唔當造，口感略嫌老身。越式火車頭酸辣鍋 $148第一次食越式酸辣鍋，睇相仲以為係類似冬陰公嗰種以唔同香料同醬汁調配出黎嘅湯底，一飲之下發覺好唔同，係蔬果嗰種酸甜，湯底以大量菠蘿、蕃茄同芽菜淆製，味道非常清新。面頭有”三牛”：牛肉、牛丸同牛柏葉，2個人share嘅份量唔算多，但淨係食配料都飽左一半。

好耐冇食越南野，今日就同女朋友黎食個越南菜。兩個人，叫左幾個菜。香茅燒烏頭，三串串燒，菠蘿炒飯，加一杯紅豆冰share飲。餐廳上菜都好快，落單冇耐，15分鐘左右就已經有野食。職員都好有服務，不停幫我地加水。香茅燒烏頭啲皮係吾食得嫁，比軟硬。但入面啲肉就好嫩，岩岩好熟。配住既醬汁好特別，青色的，雖然吾知係用咩整，但酸酸辣辣的，我都幾中意。串燒我地叫左豬牛雞各一串。個醬汁又係好好味。串燒既肉量都幾大串，整得幾入味。菠蘿炒飯紅豆冰

越式mix泰式嘅感覺 所以嘢食都有好多選擇！🐟香茅燒烏頭平時食得多咖哩蟹之類 今次就試吓燒烏頭！等咗都要20分鐘先上 問返先知係即燒 所以要耐啲 不過等都值！因為大大條魚 即燒烏頭熱辣辣 而且唔會燒到好乾 食落都好鮮 保留到魚汁 而且香茅味好重！另外有一個綠蒜頭醬 酸酸甜甜咁 比想像中夾！🥘越式咖哩軟殼蟹鍋咖哩味道濃之餘仲有少少辣，當中嘅洋蔥同青椒好甜同入味！軟殼蟹蟹味都好重，即使經過油炸食得多都唔會有油膩嘅感覺，作為配菜嘅薯仔亦都好甜，冇因為油炸而變到好油，再配咖哩又係另一種感覺！法包本身都有少少硬，所以用黎當伴食就十分夾，咖哩將法包變到軟身少少，令到法包好易入口🥗蒜頭炒椰菜苗椰菜苗好新鮮所以食落冇平時嗰苦味！

今日同朋友行完街，心思思想食越南野，響旺角諗唔到有邊間，朋友話呢間日式餐廳好點，食過幾次，尤其係佢嘅椰汁焗飯，一於去試吓！今日中午時間，餐廳好多人，等左一陣位，呢度有午市套餐，大概綠十字$90 ，都算相當抵食。睇吓個Menu，佢嘅選擇都算好多，小食、煮食、粉面飯、甜品，一日俱全，再做眼見都有外國人食，我地點左一個椰汁海鮮焗飯，同埋一份越式牛油大蝦。可能係單點，等左一陣先至到，果然係即點即焗，呢個椰汁海鮮焗飯賣相非常得，成個大爺黃上枱，而且充滿椰香未，佢係用夜奶加椰汁，所以特別濃郁，一邊嘅海鮮種類好多，有青口、大蝦、帶子、魷魚、而且個飯用椰皇美國，粒粒飯都充滿椰子味，絕對係推介。個飯其實都算幾heavy，兩個女仔食一定覺得好飽，我哋另外叫多咗個越式蒜蓉牛油大蝦，話一上枱不得了，隻大蝦大到不得了仲大過我隻手，佢先用煎炸嘅煮法用牛油蒜蓉爆香佢，所以充滿咗牛油香味，而且大蝦非常之口肉，簡直係啖啖肉，呢一隻大蝦就咁買都要百幾蚊，最緊要係新鮮爽口彈牙！

係旺角近近地，去左銀行中心食野。一上一樓就見到新開既越南餐廳，之前都吾覺依到有野食，既然黎到，一於就係到食啦。餐廳都好大，座位同枱都好寬敞。🐟香茅燒烏頭 - $175條烏頭好大條，抵食。魚用慢燒，肉質非常鮮甜。🥗青木瓜大蝦雞絲沙律 - $75份量都幾大，個醬汁令個沙律更上一個層次。雞絲同蝦都好甜美。🥦蒜蓉炒西蘭花 - $62吾油膩，一口一小個。🍛咖啡炒大蜆 - $153小編應該叫個簿餅撈咖哩汁。咖啡偏甜，岩曬小編。

黎到旺角，就梗係多晚餐選擇喇，今次去到呢間Le Viet試下佢d泰式野先。環境方面雖然無泰式木系裝修，但換黎既係卜柢穎既現代裝修，感覺就更加乾淨企理d，睇落d環境都新淨d，而且店舖係開方式環境，感覺好開放。座位就好多4人，6人枱，坐落都夠曬闊，唔似d快餐店咁，剩係放到一個餐。食物方面泰式叻哩辣蟹，蟹放入叻哩之前炸過既，入口好鬆脆，易咬口，配埋叻哩既甜甜辣辣就好配合，幾好味。而且呢個餸都幾足料，有差唔多2隻蟹咁滯，3個人share都好足夠。值得一提既係叻哩，唔會係好辣，仲有d椰奶咁甜，岩曬d唔食得辣既朋友仔喇。garlic 牛油雞翼，食落好重garlic味，而且又係炸出黎，入口好酥脆，牛油味足。

約左朋友旺角食lunch，佢鍾意食東南亞菜，所以揀咗嚟間生牛肉湯粉 - 上菜時牛肉是全生，將牛肉完全浸入湯中過左一陣就熟哂，所以要在最鮮嫩時盡快食用，此店把辣椒和芽菜分開上，可讓客人自己選擇，二來可以令芽茶保持最新鮮的情況下加入湯粉，更爽更脆！串燒沙嗲配香辣炒飯-串燒沙嗲 有牛雞各一串，兩串都醃得好入味；香辣炒飯只是少辣，調味很好，兩者都很濃味，最啱重口味朋友午餐送飲品，我揀咗青檸梳打，一杯青檸底另外附上原枝泰象牌梳打水，感覺好抵，而佢揀左凍檸茶，茶濃，味道不錯，比一般茶餐廳還好香茅燒烏頭-加入香茅和檸檬葉以慢火燒烤形式原條烏頭燒，肉質保持鮮嫩，而且很多汁

良朋好友在呢D時間，真係要聚聚傾下計。為左方便各路人馬，旺角都係大家最愛的地點，所以找個平平地又好坐又好食的地方，我地就來左LE VIET, 見佢餐牌都幾多野食，而且價錢又非常OK，所以就入去食。晚上都唔駛等位，直入去在邊位坐。見到前面既食客桌上叫左越式咖哩軟殼蟹配法包，見好像幾正咁，我地又點左一個。好好味而且KEEP住有個火，咖哩汁好香而且軟殼蟹都脆卜卜，法包都係外脆內軟，正呀~!!另外, 咖哩當然要配印度薄餅，$25一片，真係好好味，而且好重牛油味，口感質地都非常之好，非常配合咖哩汁。呢個超載椰青焗飯，真正好大個，而且都有好多海鮮，D飯有好濃的椰汁味，所以會比較STICKY，好夠飽肚。男仔一定會夠飽。

好喜歡別越南野，在旺角呢個地點其實好方便，一出MTR就到的銀行中心，好就腳而且坐位可以睇到旺角街景，所以我都好喜歡來呢到。今次又同朋友再來了，不過最近呢頭真係靜左好多，我地星期二晚來到，只有2-4木台有人，見到都有D唔係幾開心。不過，呢到既食物質素都有KEEP到，好似我最LIKE既海南雞，好滑而且都好大件，肉質滑而且個汁好好味。另外今次試左個越式咖哩軟殼蟹配法包，個汁好香咖哩味，而且有D配料，軟殼蟹係另上的，所以可按自己口味點汁，至正係有薯仔，呢個真係咖哩的絕配，太好味了。D菜有椰菜苗，炸得好食，而且都好新鮮。

今次係第五次去食晚餐，上四次去都冇話限時間，今次去攞位已經話限食90分鐘😤😤我話：之前都冇限時職員話：逢星期五都有限時我話：我次次都係星期五嚟，都冇話限時職員話：不嬲都有😤😤😤😤😤😤😤😤😤😤😤😤😤😤我地2個人食6點，入都去比2人枱我地，食物送到嚟張枱已經放唔到，叫佢地張隔離2人枱搬埋嚟，又話一陣有人坐，咁我就叫佢地（你地放到就放啦）跟住有個經理過嚟搬埋張枱。今次食到一肚氣😡😡😡😡😡😡😡😡😡

呢間係旺角成日見到既Le Viet，係樓下睇上去我一直以為係食西餐既餐廳，點知係食越南野，真係比到驚喜我！門口有個吧枱，好有酒吧既風格，店舖裝修都偏向西式，特別既越南餐廳。簡潔既餐牌同餐具，比人一種舒服既感覺。蝦餅 $68蝦餅新鮮熱辣辣上枱，上枱速度都非常快，仲附上甜酸辣醬，金黃既蝦餅厚身，望落十分吸引！蝦餅咬落非常彈牙，入面仲有少少蝦肉，而且炸粉唔厚，食落口感不錯，配埋甜酸辣醬食更惹味咸魚炒芥蘭 $62芥蘭翠綠新鮮，咸魚味香濃又不會過咸，仲有好多粒粒既蝦米，食落惹味香口，不錯扎肉燻蹄米紙卷 $42越南餐廳必食既米紙卷！份量十足既米紙卷，比普通既越南餐廳既份量更多，上枱見到咁大舊真係有驚喜，有兩舊係包扎肉，有兩舊包住燻蹄。燻蹄非常厚肉，食落有煙燻味，肉味十足，配上越式魚露醬同面頭既花生粒，有口感，層次十足，非常好吃！扎肉米紙卷就普通，正常發揮！咖哩炒肉蟹（一斤）$358今日既重頭戲，咖哩炸既肉蟹份量十足，原隻肉蟹先炸過再用咖哩炒，非常香口入味，咖哩唔辣有椰汁香味，蟹肉非常多，食落鮮味又惹味， 連個殼都舔埋，舔得非常乾淨無曬儀態~食咖哩必配既印度薄餅 $25/塊，新鮮煎起既薄餅味道不錯，

旺角銀行中心1樓，有間爆旺場嘅餐廳Le Viet侍應生多以外地人，可以用英語溝通🎇扎肉燻蹄米紙卷 $42🎇其實係扎肉及燻蹄米紙卷各一條再斬半， 內有粉絲生菜等配料，加上店家魚露，食落酸中帶有檸檬香，非常清新淡淡黑椒味道✨咸魚炒芥蘭 $62✨咸魚香味好突出，芥蘭吸收香味，食落口爽爽地又惹味🌌咖哩炒肉蟹 $358🌌原隻重一斤肉蟹，咖啡汁並唔辣且帶甜，有雞蛋香以及蛋黃黃金味道，肉蟹與咖啡汁非常夾，配上薄餅，絕對係美食唔好浪費個咖啡汁，Order個薄餅慢慢品嚐😁🌠印式薄餅 $25🌠微暖軟熟，與咖哩汁非常配合🎆蝦餅 $68🎆蝦餅非常足料，食得出蝦味及結實蝦肉，味道剛好，不錯👍🏻😋共4塊，足料蝦餅🌌椰汁紅豆冰$28 +椰汁綠豆冰 $28🌌椰汁底甜而有重椰香，紅豆較軟，而綠豆就較硬，鍾意軟或硬都兼顧得到總括而言，呢個餐廳都係一個唔錯選擇，地點位置方便，又適合一大班人聚會👍🏻

今次其實係我第二次黎呢間食飯，因為之前食過覺得好好食，所以當同朋友食飯我就即刻諗起呢間。我地兩個人都叫左好多野食：超載椰青飯、咖哩軟殼蟹配法包、蒸粉包、沙嗲雞串、椰青兩個、芒果糯米飯。超載椰青飯：唔洗再點特別講，好好味，係黎到一定要食，唔知點解個汁真係好好味，同埋係其他地方係食唔到，份量夠兩至三人食。咖哩軟殼蟹配法包軟殼蟹、咖哩同法包都是分開上的，侍應仲細心提醒唔好將軟殼蟹放落咖哩都滾，會淋晒。軟殼蟹好香口，咖哩亦好好味，法包一Ｄ都唔硬，配上咖哩好正！蒸粉包呢樣係我每次食越南野必食，涵料豐富，多到要爆出黎咁，食完好想再食！沙嗲雞串我地只係叫左３串，應該要叫夠半打，雞肉好嫩滑，沙嗲亦好夠味。椰青同樣，每次食越南同泰國野我都一定叫椰青，呢度椰青水好甜，椰肉都好嫩滑，飲用可以刮Ｄ椰肉黎食。芒果糯米飯糯米飯好綿軟，芒果好甜，甜品選擇入面既必食！兩個食咁多野都只係二百幾蚊一個人，我見到假日仲有午餐，好抵食！

自農曆新年後都未和好友見過面，一轉眼連中秋都已過，是時候約出來談談近況。 說起良久沒在旺角活動，是晚來到地鐵站附近的銀城廣場，街上明顯比以往少人，逛起上來較順心。周五晚市七時半左右全場滿座，我們早到被安排至四人圓桌，令人驚喜。 越式拼盤 $98 兩個人想吃多幾款小食，必點拼盤無誤。拼盤有炸蝦餅、蒸粉包、越式春卷和燒豬頸肉，炸物新鮮熱辣炸起，乾身香口；好友特別欣賞那粉包，混入木耳肉碎，惹味非常。 燒烏頭 $173 魚身塞滿香茅、南薑、檸檬葉等香料，魚肉紮實不肥膩，蘸上青檸辣汁辟去泥味更討好。 扎肉雞絲湯金邊粉 $68 隨金邊粉附上青檸、辣椒、金不換和芽菜，隨個人口味隨意添加；雞絲雖用上胸肉但不嚡，金邊粉滑溜，清淡之選。 半年未見發生了許多大事，社會上的、自身的、共同朋友的，感恩從來未見生疏。無求什麼，但願各人安好。