Le Viet (已結業)

滿載椰青海鮮飯一黎到見到好大個椰青唔係細細個份量都算得合理，有些餐廳會細細價錢又貴，呢間就真材實料，已經椰醬都滿到流晒出反，一試真係好香好好食，必試下料又足。牛油焗大頭蝦落單時都講左要等20-25分鐘因為蝦大同即時整，反到聞到好香牛油同蒜蓉味，蝦係好有蝦味，而且肉質又彈啊仲有配菜薯仔👍蒜蓉炒椰菜蕃去到越南餐廳點可以唔叫炒椰菜仔呢？個廚師煮得岩岩好，唔會太熟同生好少廚師會做到咁既質素。環境好靜好舒服同衛生，而且侍應好有禮貌同會主動換碟，又會介紹下菜式。而且2個人叫咁份呢量好足夠。

喺旺角諗唔到食咩又想食清淡啲就去咗銀行中心嘅越南餐廳食都有一啲驚喜嘅估唔到係質素唔錯呢一個係火車頭金邊粉份量都幾多嘅有牛丸牛腩牛肉片同埋牛柏葉牛腩同埋牛肉片我幾欣賞嘅牛腩整得好琳亦都好有牛味牛丸就爭小小啦唔夠爽口彈牙不過整體來講我覺得性價比都算高嘅呢一間都係一間可以再戰嘅一間越南餐廳

收工之後去旺角食飯都幾多選擇，今次就揀左未食過嘅呢間越南野試下🙂🙃🙂🙃入到去坐得幾舒服，有邊邊位坐😌叫左個超載椰青焗飯，見佢個樣好多椰汁🥥咁🤩🤩🤩個飯份量真係好多🤣🤣🤣🤣大約$100左右，我地2個人食完好飽🤣建議3至4個人叫就好d，可以叫多d其他野食🙂個飯椰味好夠，推薦！另外叫多左個越式蒜蓉牛油大蝦，隻大蝦好大隻🤣仲大過我隻手🙈牛油蒜蓉香味好重，薯仔都好脆，但浸左牛油就有d油得濟🙈 整體都不錯👍🏻

原來越南菜選擇都有咁多，呢間有海鮮、咖喱、越南粉麵等等，一定揀到岩食既野。越式咖喱軟殼蟹鍋（配法包）軟殼蟹、咖喱同法包係分開上，咁樣可以保持軟殼蟹嘅香脆。咖喱味香濃，係越式咖喱香料味，不太辣，相信不吃辣的朋友也能吃。我鍾意將法包沾上咖喱來吃，一吃就停不了，推介！香茅燒烏頭要等20分鐘，因為真係即燒。店員會幫你切開魚皮，燒得好香，入面魚肉都幾嫰，沾醬汁一起吃更添鮮味。生牛肉河牛肉份量都算多，牛味濃，肥瘦適中，配角蘿蔔吸曬d湯入味。

社會運動之後都幾耐無出旺角，今日出旺角信和買game之後是但食d野返屋企，去返呢間都幾常幫襯既抵食越南泰國菜餐廳，因為價錢平質素高，重點係飲品好抵飲😘😘🤣牛油焗大頭蝦$228見到隔離枱叫大頭蝦，好似好大隻咁，一於叫黎試下，果然係好新鮮又大隻又好食，完全冇其他d蝦嘅霉味，牛油味好夾好好食。咖喱牛腩煲$105本身想叫咖喱軟殼蟹食，不過見叫蝦好似差唔多。所以叫牛腩煲，仲會配埋熱辣辣嘅法包，好脆口😝牛腩都大概有八舊左右，份量就一定搭救😛飲品方面就叫咗三色冰同椰汁綠豆冰,每杯$28🥰🥰

放工後和老公來到旺角銀行中心的「LeViet 」食越南餐，餐廳面積頗大，地點方便，旺角站E2一出就到。《生牛肉湯粉》$68我和老公都喜歡食牛肉湯粉，所以一人叫一碗，不用爭。上枱時牛肉還是紅紅的，浸入熱湯內一陣就變色了，薄薄的牛肉很軟滑，而河粉的軟硬程度剛好，配上清甜的白蘿蔔和洋蔥圈，很美味。《香茅燒烏頭》$173我們倆人還食了一大條烏頭魚，這條魚要慢慢燒，所以需要一定時間，見到眼前這條香噴噴的烏頭魚，再等耐些都值得。魚肚內塞了一條長香茅，所以魚肉充滿香茅味，廚師燒魚的時間控制得很好，魚剛剛熟，打開面頭脆卜卜的魚皮，內裡的魚肉超級滑，再點小小酸辣醬，簡直令人回味無窮。

越南菜唔係來來去去都係得越南粉，或者撈檬，其實有好多越式嘅特色小店都有好多新穎嘅越南菜，今次我哋嘅試吓旺角地鐵站附近嘅一間Le Viet!張梁點餐👦🏻👧🏻 1）$103 超載椰青海鮮焗飯評分（10分滿分）：7️⃣食評💬：一放上枱我地已經哇出黎，啲飯推到成坐山咁😳甜椰漿配咸嘅飯好特別，好似食緊甜品咁，但其實又食緊正餐🙈海鮮都多，有幾隻大蝦！🦐2）$72 牛油雞翼(5隻)評分（10分滿分）：8️⃣食評💬：雞翼炸到好酥脆，牛油蒜味好重好正🤤肉質好juicy好多汁，好好食！Le Viet (旺角)📍旺角彌敦道636號銀行中心1樓101-106,108-109號舖

星期六中午到銀行中心睇旅行資料， 然後好方便落一樓就可以到Le Viet晚餐。 這間越南菜館之前在尖沙咀the one食過， 旺角 銀行中心是第一次 。 店鋪地方寬敞環境舒適， 服務周到， 店員會不停為我們添水和收拾碗碟。小食點了扎肉燻蹄米紙卷$42， 每次到越南餐廳必點米紙卷。 記得上次食過滿載椰青海鮮飯 ， 今次試下大蝦菠蘿飯$96， 再叫了香茅燒烏頭$173。大蝦菠蘿飯 ～ 賣相很靚， 菠蘿飯的面層有幾隻大蝦，上枱的時候已經剝了殼， 令到客人食得更方便。 蝦肉爽口彈牙，新鮮！ 菠蘿飯的味道又香又好味， 菠蘿每粒都很甜美， 還有肉鬆一起吃， 特別好味。扎肉燻蹄米紙卷 ～ 米紙的質感晶瑩通透又夠薄， 卷入面有越南扎肉和燻蹄，米粉和香草。香茅烏頭魚 ～ 遠遠已經聞到清新的香茅味， 烏頭魚很大條 ， 肉質紮實嫩滑， 配上越南海鮮青辣醬， 令到烏頭魚更加惹味。 今次畀我發現銀行中心1樓有 Le Viet， 地點方便，下次睇完旅行資料和經過旺角都可以 上來吃越南菜了。

之前有朋友介紹呢間餐廳的大頭蝦，今日終於有時間來食。餐廳星期日依家有lunch set,簡了串燒配香辣炒飯和香茅豬扒湯河粉，當然還有大頭蝦。🔸串燒配香辣炒飯 $69串燒肉質十分嫩滑，不會太乾身，且沙嗲醬花生味濃郁，而炒飯用上很多泰式香料，散發出金不換的香味，味道偏辣。🔸香茅豬扒湯河粉 $59豬扒分開上，不會浸淋肉質，帶有陣陣香茅味，而湯底亦很出色，十分清甜。🔸牛油焗大頭蝦 $228見餐牌大頭蝦和肉蟹都係約一斤重可想而知有幾大隻。預期會很大隻，但當上檯時超出了想象中的size，十分震撼。蝦的表面有一層炸漿，不會太油膩，而且蝦頭更有很多鮮紅色的蝦膏，極之鮮甜。肉質更可比美龍蝦，爽口彈牙，鮮味突出，未急凍貨品。$228有如此質素，十分合理。此店回頭率甚高，有時間會一試其他菜式。

放工約左朋友黎旺角食飯 , 上網見到好多好評 , 就揀左 Le Viet 試下 ! 😏😏餐牌有好多選擇 , 仲有好多海鮮 🤤🤤 , 有虎蝦 , 大蜆 , 大頭蝦 , 肉蟹 !! 香茅豬頸肉米紙卷 ($42)好大件 , 入面有好多粉絲 , 點埋泰式辣汁 , 好惹味 !去骨海南雞 (1/4 隻) ($78)都係好大份 😲 去曬骨 , 連雞翼都去咗骨 !! 👍 啱曬我呢啲懶人 , 雞肉幾嫩滑 , 仲有椰菜係底 😀咖哩炒大蜆 ($153)非常大份 😂😂 啲蜆好大隻 , 每隻蜆都掛咗好多咖哩汁 , 個咖哩唔會好辣 , 帶微甜 , 好香 , 好啱餸飯 , 推介推介 !!蒜蓉炒椰菜苗 ($66)炒得好乾身 , 蒜香甚濃 , 好味 !! 😋超載椰汁海鮮焗飯 ($103) 啲椰汁好澎湃 , 個飯堆到好高 , 好足料呀 !! 😎  係一個甜甜地嘅焗飯 ! 椰青 ($42)我哋 1 人嗌咗 1 個 , 2 個都非常冰涼 , 多汁 , 清甜 !!食曬成餐飯 , 個椰青仲係凍嘅 , 抵讚 🤗總括嚟講 , 食店價錢合理 , 又大份 , 選擇亦都非常豐富 , 而且坐得舒服 ! 特別推介咖哩炒大蜆 !

今日經過銀行中心見到有間越南泰國嘢 我就入咗去先頭盤我哋叫咗佢牛油雞翼一碟有四隻雞翼 我覺得超抵食因為佢個雞翼係非常之大隻 應該係我見過炸雞翼最大隻嘅 佢哋牛油味好香 上到嚟嘅時候未食已經好重牛油味 超正佢都係炸得好脆 但係又唔會炸到個雞翼乾晒 仲有啲雞汁喺裏面好juicy之後我哋叫咗個豬頸肉金邊粉 雖然佢同其他一齊泰國餐廳唔一樣唔係啡色 上到嚟白色我都覺得好奇怪 但係佢嘅味道可能味一啲都唔輸蝕 食落好香好入味 我下次嚟到一定會再叫咗一個 同埋佢嘅豬頸肉都有好多舊 我覺得都算好大碟 另外我哋叫咗個木棉烏頭魚 佢落咗香茅所以成條魚得好香 佢條魚本身都好肥美 所以好好食 加埋佢嗰個泰式酸辣醬真係一流呀雖然我覺得有啲難但係加咗佢真係冇得頂

係旺角行街又想食越南野 見到呢間Le Viet 價錢唔太貴 仲有大把位 一於試下啦 佢有個人氣排行榜有最受歡迎個幾樣野食 睇埋個menu先 食物選擇都好多 選擇困難嘅我地揀左好耐先叫野食 叫個椰青飲下先 好清甜 我最鍾意食埋佢D肉米紙卷係必叫  豬頸肉米紙卷勁大舊 入面有好多粉絲海南雞原來有四分一隻 半隻 全隻揀 我地想試少少就揀左四分一隻全晚最好食係咖哩炒大蜆 主要係咖哩好惹味 又唔太 啱哂我呢D唔食辣又要食咖哩嘅人 大蜆都有十幾隻 大大粒肉我地仲叫左佢No.1 嘅超載椰青海鮮焗飯 味道係好食嘅 個椰汁好甜 份量好足 2個人食唔哂 不過個樣就.......仲有叫左碟炒椰菜苗 食左咁多重口味野中和一下呢度野食價錢唔算貴 仲可以慢慢坐 而家好多餐廳都限時食到趕頭趕命咁 可能間野係銀行中心無咁旺位 所以平日嚟都無咩人  

朋友推介CP 值高, 食完一次明白哂! 兩個人點了三款菜, 有魚有菜有咖喱。菜是椰菜苗, 炒得香是重要, 本先夠鮮甜更重要! 魚是烏頭, 皮超脆, 魚肉軟而實, 配上秘製醬汁, 清得來帶著特別味道。最讚是咖哩雞煲。食前沒有什麼大期望, 反正呢款菜式通街吃到。但它的色香味都很出式。微辣帶甜帶椰汁香的汁中放有滑棉肉質的雞, 配菜中的洋蔥跟紅青椒都很新鮮, 不會被煮到融爛。估唔到是薯仔, 是事先焗過, 才能做到半脆效果, 一舊薯仔都有雙重口感, 我食到黏黏舌架都! 下次會試埋其他分店, 肯定吓是否有真實力! 大家不妨一試!

陪朋友去銀行中心攞旅行資料，排咗幾間攞齊資料，見有d攰同餓，於是行去附近搵地方醫肚。朋友一向鍾情越南美食，所以就揀附近的越南餐館Le Viet.餐廳舖面好大，坐位同枱寬闊，可能空間大，人多都唔覺好嘈朋友係好鍾意食魚的人，選咗香茅燒烏頭，另外，點咗餐廳推介食物，越式拼盤，越式咖喱軟殻蟹先嚟越式拼盤，嘩，非常豐富，有燒豬頸肉，越式春卷，蝦餅，越式蒸粉包。春卷、炸蝦餅，熱辣辣，脆口，燒豬頸肉，好香惹味，蒸粉包，餡多豐富咖哩軟殼蟹，咖哩用爐熱著食，香氣撲鼻，裏面有洋蔥，青椒，紅辣椒，微辣，軟殼蟹係另上，食時加上咖哩汁，香口。另跟半條法包，法包微暖，外面烘得好脆，裏面軟軟的，蘸咖哩食，真係好正香茅燒烏頭，條魚好大條，裏頭有用咗好多香料，店員切開時，已聞到燒魚香氣，雖然外面燒得很乾，但裏面仍好juicy，另跟一個泰式醬（係微酸），蘸咗醬，可提升魚鮮味上面食物份量，足夠三個人食，但真係太好味，我同朋友一路食，一路傾計，唔覺唔覺，我兩可以清晒所有食物

同同事去旺角食午餐，經過一間越南菜餐廳，見到呢度有啲好抵食既午市套餐，就決定試一試。我地點左兩個午市套餐，其中一個係豬頸肉撈檬，豬頸肉好大件，燒到好香好惹味，加埋酸酸味味既撈檬好開胃啊！另一個餐就係豬扒湯麵，大大塊既豬扒，配上幼既湯河粉，正！我地仲點左個小食，就係呢個鹹鹹香香既椒鹽軟殼蟹，軟殼蟹炸到好鬆脆，好惹味！跟餐送野飲，我地就分別點左熱奶茶同埋熱咖啡。黎食越南菜就忍唔住叫返個椰青，鮮甜既椰子水好好飲啊！