Le Viet

營業中

休息中

這麼熱的天氣適合吃東南亞菜，特別帶有酸酸甜甜的開胃菜～ 記得尖沙咀The One 商場4樓有間 《Le Viet》地點方便，鄰近有地鐵。 餐廳空間感夠大。 職員落單敏捷也準確。餐牌上的選擇種類繁多！ 香茅木棉魚 HKD 145 從餐牌上看到感到很特別！ 香茅豬扒吃得多。今次釀在魚肚內提味～ 魚肉爽又鮮甜，質感屬結實不易散。所配的醬料辣辣地很正合我意！椰青 HKD 42這麼熱天氣！當然點了解渴的椰青！椰青夠凍～ 拼盤 HKD 98 小食我就選擇了拼盤啦～ 有齊4款滿足哂！ 有熱冷盤～ 正！ 炸得金黃香脆

路過the ONE，又想食碗湯粉做下午茶，就揀左呢間越南嘢今次帶埋飯團，餐廳有BB凳提供上枱時牛肉已經近8成熟，要快食，味道普通，湯底冇特別，蘿蔔好淋撈檬個汁好緊要，可能呢到個汁偏甜，唔太啱我口味，春卷唔係即整，淋左，個皮好硬豬扒味道唔會太咸，但唔算特別好味綠豆太少反而呢個即整，好味，粉包下面係蝦片，上面淋下面脆，正，好多餡料，值得一試，掛住食都唔記得影下個餡有咩總括黎講又真係唔會特別再黎午餐（正確黎講係下午茶時間食午餐），全部都普通冇特別，或者會再試下佢個晚市，可能新鮮整會好啲另外一題，可能係下午茶時段落場時間，服務員好似愛理不理咁，落完單又冇覆冇反應，企係隔離等又唔講嘢，有啲奇怪

上星期先食完越南菜今個星期係尖沙咀又見到呢間野忍吾住又入左黎上次好想食呢度嘅越式河今次終於點左生牛肉湯粉🥰$68個湯味道好鮮甜，而且生牛肉食落都好新鮮好快就成碗食哂☺️☺️串燒雞牛豬$56 牛肉豬肉入口嘅質地好軟熟咁多串入面雞係最滑㗎而且配埋個沙嗲汁，佢地既沙嗲汁真係冇得頂海南雞飯$72佢哋嘅雞肉好多，會去埋骨配海南雞個辣汁好惹味，雞肉的脂肪比例剛好，食落滑滑的鮮蝦米紙卷$42米紙卷的酸醋酸酸甜甜好開胃依家既米紙卷整得幾好食芒果糯米飯$55食完正餐感覺一定要叫個甜品食下紫米熱辣辣煙煙un un 非常之有口感配埋甜甜嘅芒果同埋椰汁簡直就係一流呢道甜品值得一試環境

如果唔係趕住睇戲而周圍餐廳都無位, 應該唔會嚟呢度食! 越式咖喱鮮雞鍋配薄餅 ~ 不知所謂的! 咖喱又稀又無味, 雞得4粒, 勁肥肉又少, 薯仔最多又大舊! 薄餅熱辣辣脆卜卜, 不過得一塊! 精選拼盤 ~ 做緊特價, 好抵食! 一次過滿足多個願望! 4款食物質素均不俗! 牛油雞翼 ~ 邪惡軸心! 雞翼好大隻, 肉嫩滑, 好香牛油味, 勁多蒜蓉, 多重口感! 不過真係有點膩同埋好有罪惡感! 三色冰 & 椰汁綠豆冰 ~ 整體嚟講太甜, 勁多冰! 

Vietnam is always one of my favourite food. I really love the pho here. It is comparable to the pho in vietnam. I really love it. The staff here is very nice and helpful. I would recommend it to my friend and family. This become one of my favourite restaurants.

蝦餅：超咸椒鹽軟殻蟹：軟殻蟹嘅份量極少，成碟嘢碎濕濕，一隻完整嘅軟殻蟹都見唔到，隻隻腳甩哂出嚟甩到一條條，用一大堆椒鹽蓋住扮哂好大碟咁，味道好唔平均，間唔中會食到一啖咸到一飲一杯水泰式炒粉：味道唔均勻，一啖冇味，另一啖就過重茄汁味，嗰幾舊蝦好「梅」，好唔新鮮冬蔭公湯：湯好咸，隻蝦「梅」到似係雪蝦解凍再雪返再解凍，入口即溶免咀嚼，bb同老人家啱哂青咖哩牛腩：牛筋有好大執毛，味道尚可，牛腩好細粒，份量少

落雨衝左入the one就喺度食飯等停雨，因為當時只係五、六點，所以餐廳入面都無人。叫咗炸蝦餅、椰青海鮮飯、沙嗲串燒、印度薄餅同豬頸肉米紙卷。全部嘢食都上得好快，超級熱、超級香。蝦餅外面好脆、好香口，依家諗起都流口水🤤，必食！唔知點解食越南野要叫印度薄餅，但都好好食，充滿牛油味。串燒又係好好食，啲肉好大粒好juicy，仲充滿住炭燒味。可能食過上面d重口味野，就覺得米紙卷味道有d平淡，但啱晒中意食清新口味嘅朋友。最後個椰青海鮮飯，椰味超重。成個飯都好大，成座山咁，視覺上好震撼。咁大個飯係抵食嘅，有三五七個朋友一齊食就啱晒！

上次到尖沙咀的The ONE 的Cambo食飯，見到隔離就有一間 Le Viet 食越南泰式菜，見到非常多人食，今日到尖沙咀行街，就順便到Le Viet食飯。Le Viet整間餐廳座位整齊，上到去見到也是非常多人 ，可見越式菜的吸引力。雞中翼兩串$46雞中翼兩串，今晚要了雞中翼兩串，雞皮帶啡金油亮，入口雞皮帶輕微焦脆，醃得夠入味，嫩滑肉汁還挺豐富的。香茅豬頸肉炒金邊粉$72香茅豬頸肉炒金邊粉，裡面的配料有豬頸肉、芽菜、雞蛋、韭菜及主角金邊粉，還有細半隻青檸可自行添加。香茅豬頸肉切得都算大件，頗爽口。差不多每口都有芽菜、雞蛋及金邊粉，炒得很香口。越式海鮮酸辣鍋$168越式海鮮酸辣鍋，煲內有大量芽菜、還有蕃茄、菠蘿、蜆，還有檸檬葉、原隻魷魚仔、南薑及主角大頭蝦。湯底酸酸甜甜帶少少辣，有少少冬陰功的味道，很惹味。蒜蓉炒椰菜苗$66蒜蓉炒椰菜苗，都知道會比較脆口，比我想像中多了少少硬性，但炒得都比較入味。

睇戲之前黎食個lunch, 近近的揀咗呢間，一點度都幾full! 坐得唔舒服，太近隔離枱，雖然係分開坐，但基本上係似搭枱！招牌飯: 普普通通咁，雞亦較油，豬扒幾好食！豬頸肉撈檬: 基本上個汁調味得啱，都唔會難食！豬頸肉量唔算多，仲要檬粉超少，唔誇張，3,5,7啖已經無晒！食完好似無食嘢咁，要靠杯嘢飲黎攝位！三色冰: 正正常常！總括黎講，嘢食正常好食，但cp 值真係唔高，咁嘅價錢係尖沙咀其實好多選擇！短期應該唔會再幫襯！

越式既菜式除左PHO仲有大把好食既選擇必食推介一定係海南雞再加碗油飯真係一生一大享受!!泰式去骨海南雞基本上是必叫的菜式，海南雞半隻仲要係去埋骨的！份量可說是超多！呢度半隻雞黎但䏲落似係一隻雞咁大兩種醬汁可以點，而我說喜歡唔點，原汁原味連雞翼都去左骨！！超加分味道唔錯，肉質夠哂嫩通菜呢個通菜帶點微辣，非常開胃香芒糯米飯白糯米同黑糯米都有，糯米食落煙韌有咬口加埋濃濃的椰汁同芒果一齊食，香而不膩，即刻想食多幾舊

the one入面既餐廳超多今次同友人食既呢間係主打越南菜位置好開揚，好適合一班fd邊食邊聊天豬頸肉炒金邊粉呢個係神級既金邊粉，強烈鐘意食金邊粉既你一定要試金邊粉超彈牙，雖然色澤唔算好有色，但係已經好夠味，加埋蛋同豬頸肉既香味，口感一流炸蝦餅一份有4個既炸蝦餅配上泰式辣醬，係完美既組合咬開後入面係好鮮甜既蝦肉，加上泰式辣醬吊味，成個味道層次出哂黎黃咖哩軟殻蟹鍋原本係配法包的，我地問店員先合可以轉薄餅想不到這個鍋最最最好食既就係個薄餅！！軟殻蟹同咖哩鍋係分開上，唔係浸住，否則就會令到軟殻蟹過淋，影響口感薄餅真心好食！雖然只係得一塊，但係味道同口感都係值得高度推介！​

Le Viet越南語意思是越南仔。有點想越南菜就走去The One嘗嘗。叫了去骨海南雞飯。有雞胸同雞背部位，全部都已去骨。雞肉嫩滑，連雞胸肉也容易入口。但油飯偏黏，油飯伴得唔夠均勻，雞油留在飯的底部。友人叫了香茅豬扒湯檬。豬扒煎得香脆，入面鬆軟，香茅未算重。檬粉和湯底比較清淡，用豬扒送味道就剛好。最後叫了一道非常邪惡的小食-牛油雞翼。炸得酥脆，牛油味重，肉質嫩滑，令人欲罷不能。飲品就叫了一個大大椰青分享。非常清甜！食完雞翼再呷一口，頓時感到喉嚨舒暢。

在The one 睇完復仇者聯盟，又係以下肚仔嘅時候喇！見OpenRice好多好評，直接落幾層就到，就試吓呢間越南仔！柚子海鮮沙律難忘之前去越南食過木瓜絲沙律，呢度都做得好出色！個汁微微帶酸，作為前菜十分醒胃，海鮮有魷魚🦑鮮蝦同蜆仔份量都唔少！仲有腰果都夠香脆！菠蘿海鮮炒飯原個菠蘿上，個底仲有好多菠蘿肉，食完記得刮埋個底！咖喱炒大虎蝦虎蝦超大隻！鮮甜又彈牙！咖喱汁香濃惹味！送飯一流！食到幾碗飯呀！食埋海鮮埋單都係三百幾蚊！超值抵食啦！地點方便就腳，下次都會再嚟！

和媽咪去The One看戲🎬之前吃越南菜。 之前經過已經看到這裏的椰子飯好像很吸引，很想一試。今天終於有機會了！😉餐廳的裝修乾淨企理，我們被安排坐四人枱，寬敞舒適。食物方面也很不錯！越式牛柳沙律 🥗- 我們本身是想吃青木瓜絲沙律但是沒有，但原來這個牛柳沙律也是有青木瓜絲在內的。牛柳肉質嫩滑，有點似Pho內的生牛肉🥩，加上青檸汁和其他醬汁，很醒胃！👍🏻精選拼盤 - 現在做promotion 只需$98，有四款小食，炸春卷、扎肉蒸粉包、豬頸肉和炸蝦餅。 炸春捲🥠精緻，剛好一口。炸蝦餅🦐炸得鬆脆，蝦味濃郁。粉包🌮皮薄餡多。燒豬頸肉🐷加上泰式辣醬，味道可口。超載椰青焗飯 - 包子想試很久的菜色😋，超載程度誇張😱，絕不欺場！椰青🥥裝上了滿滿的飯，有三隻蝦和三隻小墨魚鋪面。包子一直以為滿載只是噱頭，但吃下去才發現椰青裏真的裝滿了勁多椰汁煮過的米飯🍚。雖然用椰汁煮，但是不太膩，甜度剛剛好。淋上了很多椰汁，造型很像一個甜品。包子和母親都吃不完要打包，包子覺得這個飯足夠給四至六人享用！😂椰青 - 非常清甜潤喉，能解辣！🥥不錯⁉️這間餐廳的食品質素不錯，而且服務良好，但可惜座落於The One 商場內，舖租

同朋友睇完個早場見餓，我地就揀左間係戲院落下既餐廳醫醫肚我地入左去喺商場内既越南餐店，店内環境都幾好，可以坐得舒舒服服咁開餐中午時段有套餐提供，有6-8款，平均都係六七十蚊，價錢合理呢日想食下粉麵既我就要左碗“香茅豬扒湯粉”HKd$62+10%，而朋友就應該好肚餓，要左碟“海鮮炒檬粉”HKd$68+10%之後仲話想加份“LE VIET精選拼盤”HKd$115+10%一齊share，仲話唔怕食唔曬，有佢包底既然係咁就order埋個拼盤啦，我仲跟餐加左8蚊轉飲青檸梳打拼盤有四款小食，分別係蒸粉包、蝦餅、春卷同燒豬頸肉炸蝦餅口感實在，食得出混合左唔少蝦肉我既湯河都幾大碗啵香茅豬扒分開上，肉質唔嚡朋友既炒檬粉都好似唔錯啵食飽正餐之後，第二個胃就自動開啟！為左滿足埋佢，我地就order件“越南綠豆拉椰糕”HKd$33+10%食落既有椰香又有斑蘭味，口感煙韌，NICEEEEE