Le Viet

營業中

休息中

去完尖沙咀The One行街，決定試一試Le Viet的越南菜！串燒沙爹3串 串燒即叫即燒，充滿燒烤的香味！豬、牛、雞串燒表面焦香，內裏充滿肉汁！點少許沙爹醬，很滋味！LE VIET 招牌飯招牌飯有炸雞翼、煎太陽蛋 、煎香茅豬扒和扎肉，認真豐富！雞皮炸至脆卜卜，雞肉保持嫩滑多汁，正！豬扒大大塊又夠厚！椒絲炒通菜通菜炒得夠獲氣！有辣椒，蒜粒等作調味，鹹香中帶少少辣，十分惹味！香芒糯米飯芒果多汁又甜美， 有紫糯米飯和白糯米飯，同樣煙煙韌韌！再加上椰汁令糯米飯更香甜軟滑，好味道！Tiger Draught清爽帶甜，有驚喜，good try!

今日食晏簡左呢間，見出面咁多人排隊，嗌左個海南雞油飯，海南雞油飯小油聽得多，從來未見過咁多油.......油浸飯咁款，啲雞得5舊，係嫩但無咩雞味，完全配唔到飯食，太油喇真係，一開頭上面個層飯都還好，一見到個底好似見到油池咁....見到都唔開胃..究竟油飯咁多油係咪正常......係得個椰青叫正正常常，朋友嗌左個豬扒粉又落錯左做豬頸肉撈檬. 但味道係好食，只可惜個油飯真係搞到負哂分，啲員唔會再食，痴線

當日幾個員工都黑口黑面 十問九唔應 舉手都無人理好有禮貌咁問野 店員講嘢態度好差搞到明明野食好味 都唔想食想快啲走而且部分食物份量偏小店員取出生日蛋糕直接連盒放枱面生日壽星同其他朋友都好無奈😑😑

每次經過The One ，都想吃這家越南仔「 Le Viet」，但經常大排長龍，今晚7時半到，等了10分鐘左右便可進去。「 Le Viet」與旁邊的越泰餐廳相似，應該是姊妹餐廳。半開放式的設計充滿空間感，坐得舒適，裝修帶少許傳統風格。越式咖哩牛腩鍋配印式薄餅咖喱牛腩鍋很豐富，有牛筋、牛腩肉、薯仔、蔬菜。咖喱的味道調得不錯，散發着椰香，甜中帶辣，還挺合我們口味的。印式薄餅跟咖喱更是匹配，薄餅醮過咖喱，更加係色香味俱全。越式拼盤四款口味有越式炸春卷、越式炸蝦餅，燒豬頸肉和越式蒸粉包 。蒸粉包皮薄餡靚，內裡包扎肉、香菇。蝦餅同春卷都是即叫即炸，炸得好香脆，而蝦餅厚身彈牙，配上甜酸醬開胃醒神。豬頸肉炒金邊粉炒金邊粉罕有地見到是白色，看似無味，但吃落不會太淡，有胡椒粉吊味，面質煙韌。而豬頸肉有烤過，與越式拼盤豬頸肉一樣香脆可口，肉質嫩滑，再帶多少少臘肉味道。椰青 體積不小，宜且非常清甜，椰青肉亦爽滑，很好味。鹹檸蘇打用上泰象蘇打水，夏天飲用可生津止渴。 「 Le Viet」的菜式味道比預期中好，價格相宜，而且食物質素好，位置又方便，下次聚會可再考慮選擇來這裏。

三五知己在尖沙咀行完街當然要找個地方吃晚飯啦，天氣熱！大家都提議吃一些濃味啲的食物，所以去了The One4樓L402舖「Le Viet 」吃越南菜。天氣熱辣辣當然先來一個青甜的椰青來解解喝。再來一碟小食併盤，內有香脆的春卷、野味燒豬頸肉、鮮味蝦餅和軟滑的粉包，再加上豬、牛、雞串燒，串燒表面焦香，但肉汁嫩滑。兩度小食味道真不錯。到了主菜有生牛肉檬粉，湯底清香、牛肉嫩滑，配上小許青檸及辣椒，酸酸辣辣真開胃。再來一度咖喱牛筋腩，牛筋軟滑、牛腩夠淋、茄喱不算辣但非常香，點上法包，真是絕配。跟著上了一個分量十足的椰子飯，用原個椰青盛了滿滿的椰香飯，上面放了大大隻的蝦及鮮味十足的海鮮再淋上濃濃的椰漿，配上爽口的蒜蓉椰菜苗，超正！吃完主菜當然要吃甜品併盤啦！內有芒果配上椰奶的黑白糯米飯、超滑的焦糖燉蛋、及班蘭干層糕。這頓晚餐，真是滿足了夏日口味了！

見到早幾日👦🏻食左好似好好味既越南菜之後，一樣係越南菜fans既👧🏻都唔執輸要食番餐好既。今次👧🏻同朋友食左精選拼盤、串燒、超載椰青焗飯、香芒糯米飯同埋越南綠豆拉椰糕。精選拼盤可以試到四款特色既越南小食，包括粉包、蝦餅、春卷同埋豬頸肉，四樣入面👧🏻就最中意食蝦餅，夠晒爽口彈牙呀，另外豬、牛、雞串燒都好正，通常豬肉同牛肉都會比較韌，但呢度既豬、牛串燒絕對夠稔👍🏻椰青飯個size真係大到三、四個人開心share都夠食呀，而且入面好足料有蝦、蜆、墨魚同魷魚，加埋香甜既椰漿一齊食好香口，大力推介各位朋友仔試下呀😆芒果糯米飯同越南綠豆拉椰糕有少少出乎👧🏻意料之外，因為兩款甜品都係暖暖地既，芒果糯米飯啲芒果份量好多，而且係黑白兩款糯米，另外綠豆拉椰糕既椰香味好香，千層糕既造型好靚。每次都會透過以下6大方面評分(滿分:30分)味道 : 4 / 5環境 : 4 / 5外觀 : 4 / 5價錢 : 3.5 / 5服務 : 3.5 / 5 回頭率 : 3.75 / 5總分 : 22.75 / 30性價比：大大份既越南野食啱晒一班朋友仔開心share，小食、主食、甜品都有好多唔同既選擇，餐廳有陣時仲會有啲食

和朋友約好在尖沙咀吃晚飯。在手機app找到這間便訂位。晚上準時到達。見到旁邊每桌都有點這個椰汁飯。便點了這個。另外還點了牛油雞翼和鹹魚油麥菜。椰子飯先上。份量好大，最上面有好多海鮮和椰醬。好是好味，但吃了兩小碗已經很飽。而且除了上層外，下面是沒有海鮮的。我們兩個人真的吃不完要打包。雞翼大隻及肥美，牛油汁香口，值得一試。油麥菜也好好味。環境卻一般。坐位間很擠。桌面也小。上菜不能全部放下。價錢尖沙咀這區是合理的。總的來說是不錯的。有機會還會再來。

尖沙咀Le viet 係我每次都想去嘅地方，但係每次都好多人排隊，今次的起心肝，終於排到隊 ！入到去真係好熱鬧， 我同朋友， 叫咗幾個廚師推介嘅食物， 分別有佢哋嘅拼盤， 加喱軟殼蟹，炒通菜，串燒，同埋叫咗個青檸梳打！拼盤: 有粉卷、蝦餅、 春捲及豬頸肉; 粉卷非常之好食， 裏面蝦米同冬菇配合得好適合 ，蝦餅熱辣辣， 好有蝦味， 春捲同豬頸肉都好有鮮甜香味！椒絲腐乳炒通菜: 味道一流，啱我口味， 朋友讚他的蒜頭非常之有蒜頭味。炒得很香，配合通菜簡直一流！串燒: 豬頸牛各一串， 肉質鮮甜， 非常之香，口 ，抵食 ，可惜叫咗三串！軟殼蟹咖哩: 軟殼蟹非常之好味， 配合咖哩非常之得宜，加上法式排包簡直好味到暈！縱觀全晚， 整體食物一流，下次會再嚟！

-今晚喺The one見完客💼， 當然係呢頭搵埋嘢食啦。見到大大個字Le Viet🇻🇳， 記得之前喺旺角分店食過，仲有其他餸想叫嚟試下😋。啱哂喇！！枱墊嘅畫好靚😻。超載椰青🥥焗飯（$103）呢個焗飯好似在高山咁😲，明明都食咗一碗但係都仲有咁多， 個高山只係冇左一忽。香茅豬頸肉🐷炒金邊粉（$72）外表平凡，食落一啲都唔簡單。好香嘅香茅，金邊粉炒得夠乾身👍。蝦餅🦐（$68）必要嘅item！！越南🇻🇳滴滴咖啡☕（$34）唔知幾時開始，嚟親越南🇻🇳嘢，都一定要飲呢個滴滴咖啡☕先安落。焦糖燉蛋（$36）最愛cover嘅焦糖。 連埋燉蛋一齊食，甜而不膩😋😋。==========Le Viet地址：尖沙咀彌敦道100號The ONE 4樓L402舖

今日係尖沙咀做完facial，係時候要去醫肚😊今日好想食炒蜆，選擇左呢間越南餐廳試試1.辣椒膏炒大蜆（$153）大蜆配辣椒膏香葉幾惹味，而且辣度都適中，好適合夏天呢個潮濕天氣食2.去骨海南雞 （$78）只有大蜆又點夠滿足個肚呢😏食個冇骨落地嘅去骨海南雞，啖啖肉雞油味濃3.串燒豬 （$56/3串）近來變左食肉獸😁所以未夠喉，加碼食多客串燒豬，串燒即叫即燒，食完上面兩度菜，就剛好接住食充滿燒烤香味嘅串燒4.香芒糯米飯（$55）女仔點都有個甜品胃😜最後食個香芒糯米飯作完美嘅一餐，足料大大件芒果肉加上黑白椰汁糯米飯，冰凍芒果肉配熱辣辣嘅椰汁糯米飯食到停吾到😅

I love Asia cuisine much. Thai ,Singapore,Vietnam are my favourite. 今日放工都7點了，一向唔煮飯架我，心血來潮唔想買外賣，一個人去左tsim sha tsui 行街兼食dinner半打串燒$85 I love pork so order mixed with chicken, u know the satay sauce is smell and taste good. Rich in peanut and seasoning ,肉就唔難身。$62 蒜蓉粉西蘭花 $66 炒椰菜苗打孖上，呢期日日食包食飯盒，都無菜落肚，今日一於食返夠纖維同營養，蒜蓉最易入口又香加杯iced lemon tea no sugar. 食得好飽呀！呢期要慳錢都唔敢花太多錢外出> 

今次我哋試咗個 椒炒通菜 其實就幾香口不過多左少少油。同埋我哋試咗 菠蘿炒飯 個炒飯好大份。 兩個人都食唔曬 而且賣相好好睇 食落去仲有好香嘅咖哩味。 食主菜當然唔少得要有伴碟啦 我哋仲叫左個串燒。個串燒真係極度推介，送到上檯溫度啱啱好 。如果個沙嗲汁碟再大隻啲就好喇！ 如果鍾意爽口嘅串燒我會推薦食雞串燒。越南餐廳點可以唔試下個米卷，而 我哋就試咗個鮮蝦米卷。 甘個米卷賣相就好吸引 ，睇得出都好足料嘅 。不過可能已經食左好多澱粉 ，如果少啲米粉就好啦 ！飲品嚟講我地叫咗個三色冰， 普普通通冇特別大驚喜 。總括嚟講呢間餐廳都係開咗一段時間，質素都係有保證 。有興趣嘅朋友可以試下！

同男朋友睇戲之前係The One 諗住求其搵d 野食 呢間越南餐廳 平時就會經過 但食就真係未試過 見佢就腳咁方便就trytry叫左我好鐘意既菠蘿炒飯 好大個好足料 飯粒頌十分香口 串燒 叫左3串 雞 牛 豬各一 個人10分推介 串燒入味 即燒又唔係等好耐 重要個串燒汁同d 肉十分夾 d 肉又唔會燒到太乾 係必試之選食咁多肉 點都要叫番碟菜既 叫左個通菜 小小辣 不過好入味 同埋都幾大碟 唔似街邊有d 舖頭得個2 3 條叫左個小食蝦米卷 呢個有dd 平凡 不過都ok 份量亦都好夠叫埋杯椰汁三色冰今餐真係不得 飽住去睇戲既感覺 真係好滿足呀❤不得不提既係 店員好細心 我拎住個大手袋 店員見無位置比我放袋 拎左個籃比我 呢個值得一讚

每次在The one逛街，都會看到這間新派越南餐廳，而每次都因為吃了午餐，所以無緣光顧，今天下午便専程到這裡試試。餐廳內座位色彩繽紛而寛敞，裝修像美式餐廳多點。香茅豬扒湯粉$62，湯頭味道濃郁，豬排外脆內軟，肉汁豐富，香茅味道不算重，而河粉幼滑。生牛肉湯粉$62，先喝一口湯，牛骨味道味道濃郁，而牛肉上枱時還是生的，不過湯頭很熱，所以很快把牛肉淥成半生熟，如果再不把牛肉吃完，牛肉就會全熟了。除了河粉，碗內還有蘿蔔和生洋蔥，而另外附上的指天掓和青檸，將所有的配料一起吃下，就是一碗正宗的越南生牛肉湯粉。跟餐凍咖啡加$5，咖啡味道偏淡，甜度適中，如果咖啡再濃一點更好。

今日朋友約了我去尖沙咀The one 食飯，去了一間越南餐廳，叫Le Viet。這裡的環境相當舒適，牆身用上紅磚，配上木枱、木椅，富有越南的感覺。食物方面，種類選擇多，而且價錢合理，越南粉約六十多元，米卷四十多元，叫得多都不會肉赤。今次兩個人點了豬頸肉撈㩚、咖哩牛腩撈檬、牛油雞翼、越式拼盤、椰汁紅豆冰和青檸梳打。先講兩個頭盤小食，牛油雞翼表皮炸得十分香脆，牛油醬汁沾滿雞翼，口口很能吃得到牛油香，而越式拼盤有四種食物，分別是炸蝦餅、蒸粉菓、燒豬頸肉和炸春卷，四款的水準都很平均，質素在水準之上。至於粉麵，點了豬頸肉撈㩚和咖哩牛腩撈檬，值得一講的是個咖哩牛腩撈檬，需知道越式的咖哩不講求辣，而是求咖哩配上香料的多層次香味，這個咖哩牛腩撈檬做到了這一點，加上牛腩做得又軟腍，幾方向加起來水準十分高。吃了炸食和味濃的食物，最好叫杯飲品解解渴，我們點了椰汁紅豆冰和青檸梳打，椰汁紅豆冰椰味香濃，青檸梳打不甜，感覺清新。總體來說，Le Viet 價錢平，地點好，碟頭大，食物水準又好，是間不錯的越南餐廳。