Le Viet

營業中

休息中

同好姊妹喺the one 睇完近排大熱的電影，結局有點傷感，一於去搵好西治療一下破碎的心靈沿着電梯一路落樓下，見到呢間越南餐廳，裝修不錯，環境舒服，門口餐牌食物相蠻吸引，於是入去試一試先來一客牛油雞翼，炸得金黃，外層鬆脆，一咬落口，好香牛油味，內裏juice香茅燒豬頸肉, ，賣相吸引，豬頸肉燒得好靚，燒香嘅豬頸肉食落不油膩，好香豬油味，真係好好味再來一個香芧燒牛仔骨，尼度牛仔骨做得很出色，牛仔骨燒得過熟會韌，燒得太生又不好吃，所以火喉要拿捏得好好，這裏燒得恰到好處！辣椒膏炒大蜆，味道不太辣，大蜆沾上辣椒膏，更鮮味椒鹽軟殼蟹，炸得外層脆口，肉質嫩滑,份量頗多分開二節的庶蝦，可以二個人分，又方便食、食落好香蝦味椰汁紅豆冰，紅豆咬落有口感，椰子香味四溢，充滿東南亞風味埋單不太貴，但食物有水凖又坐得舒服

今日出尖沙咀shopping，行咗大半日又餓又攰。同個姊妹一邊行一邊諗食咩好嘅時候就見到呢間食越南菜嘅餐廳，是但啦唔諗咁多即管入去試下。坐底即時叫杯青檸梳打透心涼下先，睇住本menu好吸引，乜都好想食，係咁易兩個人都叫到成枱都係，仲比左右兩邊枱啲人笑，哈哈…首先嚟碟香茅燒豬頸肉，我本人就覺得好好食。因爲好難試到一間整得好，因爲好易燒到啲肉會乾咗鞋口。但呢度燒得啱啱好，外面少少脆口，裡面仲係嫩口多汁，點埋個汁真係正到不得了。跟住黎個香茅燒牛仔骨，呢碟嘅香茅味比豬頸肉更加出味。牛仔骨啲肉整得好香，油脂同肉分配得幾好。然後黎個椒鹽軟殼蟹，好惹味，但油咗啲啲，如果再乾身少少就very good喇。辣椒膏炒大蜆啲蜆肉肥嘟嘟脹卜卜的，唔太辣，好食！食越南菜一定走唔甩叫牛油雞翼，堅香又脆。越式春卷有跟埋生菜，包住食感覺冇咁熱氣。本來想叫蝦餅，但周圍連泰國菜都有得食啦，所以就叫咗蔗蝦。佢可以一開二，所以叫咗一支黎試，蝦肉係外脆肉彈牙嘅。食到咁飽都係大約七百蚊左右，都算抵食。絕對有下次。臨走出到門口發現佢有到會叫，開大食會又多個選擇了。

—場內設計畀人好新潮醒目嘅感覺蝦餅($64/4)幾有厚度 咬落爽彈 好有口感炸得乾身 唔油膩串燒雞中翼($42/2)肉質好似烤熟咁 有汁之餘仲易咬開椒鹽軟殼蟹($138)本身想要牛油焗大頭蝦😞點知賣哂誤會咗係避風塘炒 以為會好辣好彩唔會話太鹹 食到底都仲有軟殼蟹腳椰青($40)雪凍咗嘅椰青水更加清甜潤喉天然甜味果然係唔同d用匙羹輕輕一刮就食到椰肉———————————————Le Viet尖沙咀彌敦道100號The ONE 4樓L402舖

生活在香港，對於泰國嘅食物一啲都唔陌生，今日嚟到尖沙咀，喺The One 5樓，竟然比我尋覓到呢間出色嘅泰國菜全消，分別有豬牛雞，兩點不是那串肉，而係那個惹味濃郁的沙嗲醬，試過一次，真係令人回味無窮，肉質，紮實，而且唔會好乾身，點上出色嘅沙嗲醬，一串一串咁食，真係平唔到口呀。豬頸肉米紙卷，內裏嘅豬頸肉充滿香茅味，皮薄，而且好彈牙，充滿口感，點上魚露，分外覺得滋味，最出色嘅，係佢上面仲會有一啲嘅花生碎，入口更覺香口。咖喱牛腩配法包，咖喱唔算好辣，而且充滿龍龍嘅椰香味，值得一讚嘅係佢會用個火去熱住，令到咖哩可以保持熱嘅狀態，而且咖喱裏面份量好充足，有牛腩，牛筋，最重要嘅係夠晒淋身而且夠晒入味，而且仲配有薯仔係我最愛，你到呢道菜加添不少色彩，配上脆身嘅法包，淡淡滋味。滿滿嘅椰漿飯，用椰青焗飯，而且配上龍龍嘅椰漿，一出場，已經覺得係壓軸嘅主角啦，因為真係好震撼，份量又多好多，勁搶眼，放入口淡淡嘅樣香味，飯粒脹卜卜，入口彈牙有口感，好似食緊椰汁糯米飯咁嘅感覺，海鮮分量唔算好多，但係用嚟點綴更覺一流

昨天朋友說想食點無咁濃味，搵開Openrice見呢間都好多好評就book位試下，around9點到到達，Receptionist 都幾有禮貌，我地坐左係近門口位，可能當時比較晏，無咩人，所以都唔太嘈，舒服的，因為d位係個商場，只係有欄圍住，行過都見到你食緊野，多人行街的話，可能會有點尷尬😅跟住兩個細食既女仔（包埋我😂）叫左兩樣老實講，份量偏小，而味道一般，除左個柚子有少少味之外，其餘蝦同墨魚仔都無味...呢個蝦都係無味，而炒飯唔熱，好似放左好耐咁，但味道還可以，肉鬆撈埋之後更加出味，但份量依然係太少，價錢就偏上，個人黎講除左沙津，半暖不熱的炒飯食左唔知點咁，不太喜歡不過都做到是日要求既，清淡嘛😬

同朋友短聚傾計👭經過試左呢間「越南仔」本來對食物無咩期待試左手撕雞扎肉湯粉湯粉都出奇地幾滑溜🤤加上辣椒同青檸既清湯酸酸辣辣幾開胃😋有啲正宗越南湯粉既味道😇.雖然同朋友短聚先係主菜簡單既越南湯粉都幾有驚喜推介👍🏾湯粉份量不多，細食既你要留意返👀.人圴消費：$70推介指數：👅👅👅👅👅👅👅（7/10）Encore指數：🤙🏻🤙🏻🤙🏻🤙🏻🤙🏻🤙🏻🤙🏻（7/10）店名：Le Viet (尖沙咀)

同男朋友行尖沙咀The one, 行下行下就去到Le Viet 食越南野。在午餐餐牌挑選了咖哩牛腩撈檬，咖哩甜甜的，所以撈著檬粉來吃，不會死鹹。牛腩燜得夠軟，我還欣賞三個炸薯仔，即炸外脆皮，好好味。超載椰青焗飯氣勢誇張不得了，飯充滿了整個椰青內，椰汁也滿瀉了，飯比較多汁，椰汁味清甜，有少少奶椰香，唯海鮮只盛載了焗飯的上面，鑲著椰青內還是滿滿的飯，這個飯適合四個人食。青木瓜大蝦雞絲沙律青木瓜爽口配合魚露沙律汁，酸甜味開胃醒神。大蝦亦算新鮮爽肉。牛油雞翼食越南野當然要食牛油雞翼，口感香脆，但沒有炸得過火，肉質還是嫩滑。牛油味可以再重多一點。午餐配餐飯，特飲為鹹檬梳打，一整支梳打，夠止渴。

« 滿載椰青海鮮飯» $98一大個椰青，椰汁白飯混合一齊，入口甜甜的，愛吃椰汁飯的人應該都好鍾意食，底部全部都係白汁， 鹹鹹的，面頭有好多魚、蝦等海鮮，食的時候需要非常小心，因為很容易就瀉出來。«越式拼盤» $98四款小食，春卷，炸蝦餅，豬頸肉和越式粉果，春卷和豬頸肉都好快畀人食咗，可以點小小泰式辣醬食，唔錯。«海鮮酸辣鍋» $148海鮮酸辣鍋個鍋好細一開火，10分鐘左右，就不停濺出嚟， 有少少危險，如果海鮮三隻蝦，分開上 ，就會比較安全， 海鮮酸辣鍋個底，全部都係雜菜。 味道3.5/5 分。

平時去餐廳食嘢都係打電話book. 今次用app 搞，keep住有reminder 提幾點有約，餐廳都有額外打電話講可以留格留幾耐，及用餐時間有幾耐。一到晚飯時段，七點鐘就已經全場爆滿， 需要等位，反觀同一層其他餐廳就有相對較多嘅空位，應該係因為餐廳嘅食物性價比高。«海鮮酸辣鍋 148hkd»海鮮份量唔多 ，三隻蝦一隻蜆 ，幾件魷魚，菠蘿， 記得體，不過share 食，每人食到嘅份量就唔多，適合一人餐食。«大蝦菠蘿炒飯 55hkd»新鮮大菠蘿，加三隻大蝦炒埋一齊，菠蘿汁好香。 值得一讚嘅係佢嘅豬肉鬆牛肉好香脆。«越式咖哩牛腩鍋配薄餅或法包105hkd»最好食，最有質素就係薄餅，點咖哩牛腩鍋，下面有微火輕輕溫住令到咖哩牛腩唔會凝固咗， 薄餅整到一層層分開哂，咬落有口感，正!

通常食越南野都唔會揀喺路邊食咁會直接上去商場入邊食而我食開嘅就係呢一間一來裝修舒服另外嘢食好味shopping 行到熱熱地叫番杯青檸梳打爽下行成支梳打比你自己倒炒大蜆抵食之選蜆夠大大隻味濃同埋夠新鮮！另一個好鐘意既食物就係米紙卷好多粉絲正呀！串燒牛雞豬各一個醬係精髓燒得剛剛好豬扒金邊粉好抵食呀塊豬扒大大塊又夠厚❤️❤️❤️❤️❤️佢仲有啲配菜比你自己囉例如青檸啦芽菜同埋香葉會分開上俾你咁如果你鍾意濃味嘅就可以自己落啦

落大雨，喺公司樓下食越南嘢， 起碼唔使淋濕身， 平時喺呢間食午市套餐屬okay，今日特別試下散叫， 慰勞下下屬幫忙超時工作。由於平日趕時間，所以只留意他的午市套餐menu，估唔到原來main menu有好多食物選擇。 同事話想食辣椒膏炒大蜆、香茅燒牛仔骨，另外加個清清地椒絲腐乳炒通菜。 因為我唔可以食辣嘢， 服務員都好貼身幫我order小辣。 上枱時見到啲蜆好大隻 ， size跟我的手指尾差唔多 ， 個炒蜆 用咗好多香茅、西椒、洋蔥、椰汁及少量辣椒膏去炒， 所以個汁好嘢味， 撈埋啲白飯食簡直係絕配。

行街行到攰，要搵地方坐下， 其實商場有好多食肆，但係家姐話想食越南菜，所以嚟咗呢間食。 我哋接近下午茶時間來到所以唔使等位。 餐廳地方闊落，坐得舒適。'我哋點咗越南菜signature dish火車頭, 上枱時發現有好多餸料, 而且好味, 河粉滑溜。另外我哋點咗越式炸蝦餅， 每客有四件 ，呢個比想像中有點靭， 如果能做到煙韌加彈牙就一流了。 之後我哋發現唔夠飽，就叫多半打沙嗲， 豬、牛、雞各2串， 沙嗲中雞肉夠多肉汁，最好味。

天氣轉熱，想吃點清涼的東西做午餐，想到越式撈檬。香茅燒豬頸肉撈檬豬頸肉都幾香，外面燒得少少燶少少脆。油脂分佈令它咀嚼時滲出油香，顯得爽又嫩。魚露調味不錯，微酸開胃，不會太甜。份量不多，但吃完都夠飽。椒鹽軟殻蟹炸得香脆，不過炸粉多而蟹不多，偏鹹。看似很大碟，但其實不多，很多炸蒜蓉。綠豆拉椰糕綠豆蓉有少少沙的口感，跟黏軟的斑蘭椰汁糕一層層相隔，清香，不太甜，熱而不爛。$28一件，都算幾大件，可以兩三個人分，一起淺嚐。奶茶當然跟茶餐廳的不能相提並論。食物還好，服務麻麻，店員反應慢，不夠主動，有點亂，上菜很慢。

去完一趟越南🇻🇳後，對它的美食念念不忘，尤其鐘情於它的地道越南咖啡☕️，自此以後，飲咖啡，我必定會啡走 - 「加煉奶」😋😋😋 從中感受那種咖啡的苦中帶甜，今次當然也不例外⋯⋯La Viet 的咖啡也沒讓我失望👍🏻👍🏻👍🏻餐廳的午餐選擇多元化，由$60多元起，算是尖沙咀不錯的選擇💕💕今次不太餓的我，選了個串燒，一次過試了三種味道，Yummy 😋😋😋

上次就食咗隔離嗰間泰國嘢 今次就試吓同一集團嘅越南野❤️⭐️生牛肉湯粉啱啱上枱嘅時候生牛肉仲係粉嫩粉嫩，色澤唔錯，生熟程度啱啱好，河粉好滑，湯底牛骨味濃，另外仲有九層塔、芽菜等等嘅配料，自行配搭⭐️牛油雞翼一定係邪惡之選！不過呢度嘅牛油雞翼真係幾特別，隻隻都好大舊，牛油味好香，加埋啲蒜粒，識落更加有口感！⭐️越式火車頭酸辣鍋入面有牛丸、牛肉片、牛柏葉等等嘅配料係個鍋入邊，湯底有啲似冬陰公，酸酸辣辣，好開胃，如果另外有個粉加落去嘅話就更加好！