Le Viet

營業中

休息中

今晚同朋友食越南野，之前行街都見過間餐廳，感覺吸引，好鐘意佢用藍黃紅色設計，所以想試試。小食拼盤ok，我地四個每類試少少豬頸肉金邊粉同串燒其實係兩份食品，因桌太細所以我地自己合放。串燒好香口，沙嗲醬都合味。金邊粉炒得唔錯，乾身，入味，配埋燒得好香嘅豬頸肉好好味。依個椰青飯我本來都好期待，頭幾啖食入口好香椰漿味。但下面嘅飯原來係冇椰漿，失望左食完依餐之後，成晚都好口渴，可能越南嘢食味太濃。

good food and good tastebut a bit salty..remember drink more water or order drinks also the waiter and waitress might not can speak Cantonese so pls say English !

睇戲之前係商場搵野食，見到呢間裝修好開放式既法越餐廳，價錢都算抵食，就兩個人二話不說黎醫醫肚。<越式拼盤> （$98）有豬頸肉、越式春卷、扎肉蒸粉包、炸春卷。特別想講下粉包，有啲似勁多料既腸粉。入面餡料包括黑木耳同免治牛肉，加埋胡椒同洋蔥炒起然後用腸粉皮包起。點啲魚露真係口感同味道都超豐富。<越式咖哩牛腩配法包>（$105）有個火爐仔係下面保溫，咖哩汁有濃濃既椰香味，牛腩幾腍身，軟硬度剛好，配上硬身既法包，第一次咁食，好好味。<超載椰青焗飯> （$103）重頭戲係呢個原個椰青載住一大碗焗飯。真係滿到靠椰漿痴住咋，快快打完卡開始食，一畢已經跌緊啲飯落黎。面頭幾足料啊，有魷魚仔、青口、蝦等等。個飯係炒底，同提子乾同肉碎一齊炒，食既時候我地仲畢埋椰青啲野肉出黎一齊食，口感極度豐富，大滿足。不過呢個椰青散熱能力好快，所以大家要趁熱食。

最近發現了新的巴士路線，可以快速到達尖沙咀，所以我最近應該會密密到這裡覓食！這天我們吃的是泰菜。來一盤海南雞及一些蔬菜，兩個女生來說份量已經足夠！我們吃的蔬菜是蒜蓉炒椰菜苗。朋友是討厭吃菜的人，所以我特地選擇蒜茸炒得烹調方式，味道比較香口，可以掩蓋蔬菜的草味。椰菜苗質地比較爽脆，加上蒜蓉香口，所以朋友亦能接受。海南雞方面，這是去骨的，啖啖肉！1/4隻雞的份量比想像的多，而雞肉滑且不油膩，我們都十分喜歡！

是日下午放假,很久沒有和媽媽二人撐枱腳。帶媽媽出街食飯首選一定要方便+舒服,於是便選擇了位於The One商場的Le Viet。以尖沙咀大型商場來算可說是價錢非常相宜。天氣太熱,來一個撈檬解暑。香茅豬頸肉撈檬,撈檬份量雖然不多,但卻有7大片豬頸肉。每一片豬頸肉口感彈牙入味。媽媽則叫了咖哩牛腩撈檬。用咖哩來撈檬都係第一次聽。而且呢個份量完完全全超出普通人食量。普通一個女生想信早已對碗上3大塊炸薯仔投降。麵內還有大量牛腩,絕對是抵食之選。唯牛腩本身不是和咖哩汁一起煮,不是太入味。叫多了一個必食的沙嗲串燒6串。又是我們太睇小了,每一串肉塊均大大粒而且非常入味,即使不沾醬汁亦非常可口。不像外面餐廳般份量又小又乾最後以香芒糯米飯來做一個總結。糯米飯有紫米及普通糯米兩種,配上熱哄哄的椰子汁,果然甜品真係有兩個胃始終是平日關係,商場店比較清靜完全不像處身於尖沙咀區。和媽媽整個進餐過程都很開心。

由細到大約friend 喺旺角，好容易都會銀行中心等，今日個朋友遲大到，近近地就喺樓上le Viet 坐低等佢。特別鍾意Le Viet 靠窗嘅座位，巨型落地玻璃，望著歩行街發下呆，一個人靜靜地睇定餐牌都幾型吖😝越式咖哩軟殼蟹配法包🥖係我心水，脆卜卜軟殼蟹🦀同大大件薯仔係分開上，好處係有足夠嘅醬汁，蟹件可以逐一烘住食，入口依然香脆，醮過椰香咖喱，更加係色香味俱全，仲有新鮮法包🥖，真係好味到加零一💯越式拼盤又係正，四款口味有香脆春卷、彈牙蝦餅，BBQ 豬頸肉同埋越式蒸粉包，地道小食一次曬冷，百搭甜酸醬汁醒神開胃，好似開party 咁，食得好開心🥳呢個手撕雞撈粉又係正，多菜雞絲，配埋樽仔魚露，好似食沙律咁，撈埋凍檬粉，飽肚又健康。遲大到朋友趕到熱辣辣，叫咗杯青檸梳打消暑兼解渴，佢話唔好意思呢餐等佢埋單，我梗係唔客氣揀杯三色冰奉陪，我地叫到一枱滿晒都係$400，今餐咁抵食，罸佢請真係便宜左佢😝

1) 越式咖哩牛腩🥘配印式薄餅 ℍ𝕂$ 𝟙𝟘𝟝咖哩很稀，沒有什麼咖哩味牛腩頗多，很淋，薯仔🥔很大塊，切小一點會比較好.配上的薄餅，扁塌塌的，一點也不鬆脆小pop一直都覺得薄餅應該很難會煮得難吃的，所以這個真的很失望呢😶.2) 精選拼盤 ℍ𝕂$ 𝟡𝟞拼盤有春卷、豬頸肉、蝦餅🍤、扎肉蒸粉包春卷不脆，已經淋了豬頸肉不過不失蝦餅🍤不彈牙，很硬的扎肉蒸粉包皮不太厚，對比下算是不錯了.3) 蒜蓉炒椰菜苖🥬 ℍ𝕂$ 𝟞𝟞份量很少，椰菜苖很硬，硬得好像還未炒熟一樣蒜頭是原粒放上去炒的，所以也不是蒜蓉，而是蒜粒😓.小pop每次經過都看到有很多人排隊，所以小pop一直都覺得這間餐廳應該很好吃的所以真的令小pop很失望呢.....😶.不過可以稱讚的是，服務員的服務態度很好，很細心👍🏻不過小pop應該不會再去了, 因為性價比真的太低了....

上the one諗住睇下食咩 見呢間越南野多人食就入內坐低環境特別坐得舒服而且門面同入面都五顏六色好特別Order野食時係一個講英文既待應幫我不過唔洗擔心 因為間舖都有識廣東話既店員同菜單都有中文～⭐️越南滴滴咖啡 $34其實我自己去越南都無飲過滴滴咖啡😂😂我仲走去問點解無奶既 齋啡點飲呀心諗原來奶同糖都係底🤣🤣🤣🤣只要搞一搞就得hahaha 味道濃郁 睇住佢滴都幾有趣👍🏻過左一陣就上菜啦～⭐️青木瓜大蝦雞絲沙拉 $75平時去食泰國野呢個沙拉係必點但對於唔食辣既我其實只食到二條🌶但呢個唔同 佢有青木瓜沙拉既香味 但又唔太辣 食完一啖又一啖🤤⭐️椒絲炒通菜 $62呢個絕對係色香味俱全～ 好有獲氣🔥諗返起都想食 仲要唔太油 必點之選❤️⭐️串燒雞中翼 $46 (2串)每串2隻 食得出有醃過 外表烤到脆 入面又有肉汁 點埋佢個醬酸酸地好開胃👍🏻⭐️大蝦波羅飯 $96呢個唔好睇相好似好細舊 其實係好多飯已經不停食都食極唔見底 店家好貼心隻蝦剝左殼🍤啲飯炒到粒粒分明亦唔會太油 而且有滿滿的波羅🍍最後就係甜品 ⭐️芒果糯米飯 $55呢個係非常正宗 芒果每舊都係甜 一舊糯米 一舊紫米 每食一啖都覺得自己去左泰國咁

TST雖然好多野食揀，但次次去the One都係食佢。兩個人晚餐，嗌左特別火車頭，超載椰青焗飯，香芒糯米飯，咸檸梳打。價錢唔貴又好味特別火車頭，貪佢咩餸都有，生牛肉，牛丸，牛腩，咁多料好滿足，湯都唔會好味精，食完唔口乾！椰青焗飯份量好多，椰醬上枱滿瀉，食到底都唔會乾，仲有好多海鮮，蝦，八爪魚仔，蜆肉，好好味又唔膩！香芒糯米飯有黑白糯米兩種口味，一次過試哂兩個口味咸檸梳打，見到象象梳打回味番去旅行日日飲，好懷念呀！

小子係網上見到依間越南菜好似唔錯， 小子決定今日去試一試依度有Set Lunch , 叫左2個Lunch Set+2個小食生牛肉河粉$62： 正常味道， 牛肉份量都幾多，但有少少「un」香茅豬頸肉撈檬粉$65: 豬頸肉出色， 好味鮮蝦米子卷$42： 有清新感覺， 唔錯選擇牛油雞亦 $72:小子最期待落單時， 侍應姐姐已說明牛油雞亦要等耐d, 果然， 我地食到尾升， 牛油雞亦先出場雞亦本身係小子最愛的， 有5大隻， 有d蒜蓉鋪面， 熱辣辣係幾好， 但過左陣無咁熱食仲正！ 食到牛油香味我地的跟餐飲料：凍檸茶、咸檸梳打

【泰越風味】呢間位於尖沙咀 The One 嘅 Le Viet，雖然睇個名似係主打越南菜，但係佢係一間集合泰越風情嘅餐廳。餐牌嘅選擇，部分越式、部分係泰國風味比較重嘅。今日叫左幾樣菜式：豬頸肉米紙卷：呢個米紙卷算係性價比甚高！$42一份有4件，睇得出包得好足料。另外佢個酸甜汁係輕輕嘅酸甜味，夠晒 light，配合個米紙卷。海南雞飯：有點後悔唔叫半隻或者 1/4 隻海南雞。雖然雞嘅份量少，但係雞肉好嫩。油飯不太油，但亦有雞油香。蝦餅：呢樣比較似係泰國菜，傳統做法，配合佢個酸甜汁幾香口。蒜蓉炒椰菜苗：呢個唔只係蒜蓉，係落足蒜頭去炒，有好香嘅蒜香味！椰菜苗亦比較嫩，配搭得幾好。咖喱牛腩煲：佢個咖喱椰香味好重，但比較好辣嘅我就覺得佢唔太夠辣。配搭嘅薄餅都算做得幾好，無油益味。不過順帶一提，個煲煮番滾d牛腩就好叫人熄火，否則好容易會煮燶！

繼續theone搵食之旅，唸住試哂成棟theone既餐廳。希望呢一年內可以做到啦！好事不宜遲LeViet即刻黎啦！一上電梯就見到，裝修都算出位餐牌 圖文並茂 幾靚做得火車頭湯檬湯底幾濃郁 唔係平日係越南餐廳食到既味精湯底牛腩 肥牛 牛柏葉 好食得黎唔”梅” 食到d材料係新鮮煮出黎既！唔係冷藏既牛油雞翼牛油味唔算好重，令到雞翼本身既味道同牛油味5050 表皮亦都幾脆口 推薦一下比大家虎蝦粉絲煲虎蝦新鮮又大隻 唔腥 加上底下有大量粉絲份量絕對驚人

78每次經過THE ONE 都好想試呢間，因為每次見佢都大排長龍但又唔知D人到底係排緊呢間定隔離果間泰國菜7點幾去到，排第一個，咁岩有人走，好快就入得我o地叫o左越式拼盤、串燒、海鮮炒金邊粉、椒絲炒通菜越式拼盤幾抵食，入面有四樣o野，蝦餅同春卷熱辣辣炸得好香脆，粉卷比想像中好食，入面有好多菇菇，真心皮薄餡靚豬頸肉就有D太韌..要o趙好耐椒絲炒通菜就麻麻啦..唔算好入味，而且佢無馬拉棧炒通菜，有D失望(誤以為自己食緊泰國菜既朋友)串燒加沙嗲好惹味，叫o左半打入面有豬牛雞，除o左豬覺得有D乾之外，牛同雞都好JUICY海鮮炒金邊粉反而有驚喜，我o地點既時候將檬粉換o左金邊粉，睇餐牌同上既時候見到佢白雪雪都驚唔好味全碟其實都係靠佢面頭D胡椒粉吊味，金邊粉同胡椒粉都幾夾，而且D金邊粉超級煙韌，好味道！！！下次絕對會試埋佢隔離間泰國菜

晚上尖沙咀行街，見到Le viet餐牌幾吸引，就入去試下。閒日晚上等左五至十分鐘左右就有位。餐廳環境唔錯，係現代風格，卡位幾好坐，但出面既位啲椅就比較硬，無咁好坐。我地三人叫左三樣野，已經飽到爆，大大份海鮮椰汁飯，好creamy好好味，好多海鮮👍🏻足料有誠意👍🏻賣相好啱打咭！米粉卷，口感好立體，味道唔錯但呢度最好味既真係佢啲醬汁系食物！咖哩海鮮飯！好好味！！咖哩唔辣 好濃味，食唔停，可惜我太飽，唔係一定叫啲薄餅點黎食曬啲汁佢海鮮同樣足料滿意既一餐！

一個人的午餐，係the one附近買完野就諗住是但去一間食lunch！見到呢一間越南餐廳好多人食就諗住試下！開放式的餐廳特別吸引，加上招牌顏色多多十分醒神！特別火車頭食越南河應該是我每次去越南餐廳必點的菜式，今次都不例外，點了一個特別火車頭，包括了肥牛，牛腩，牛柏葉，牛丸等，連同多種越南香料香葉，份量好多。個人覺得湯頭熬製得十分清甜，味道剛剛好，不會過鹹，而且配合多種配料食用，感覺好滿足！當然，味道未算很正宗，但已經不過不失，可以一試！