Le Viet

營業中

休息中

近排返工都比較攰，等放一日真係等到頸都長😭老細好好，特登唔做嘢住，多D時間陪住我💋乖🐷仔～為咗方便睇戲，我就揀咗一間近戲院嘅餐廳老細唔食生牛肉，所以同店員講要全熟，我試咗一塊牛肉，肉質有D硬，湯味濃厚，但對我黎講比較鹹，但都可以一試牛腩超硬，咖喱汁好杰身，根本唔係湯汁，咖哩味道係好食，但吾應該同檬粉一齊食，沾麵包應該會更加適合，呢碗野未必每個人鍾意食，有D奇怪，我食咗幾啖就無食，比左老細食，老細食左幾啖都擺低左lu春卷口感幾得意，入面好似有一粒粒嘅飯扎肉粉皮包，材料好充足，好大舊，可以食到好脆口嘅木耳吾錯，之後到蝦餅，蝦餅彈牙，好香蝦味，幾好食哦～最後係豬頸肉，反而痳痳地，依隻豬應該比較瘦，感覺唔夠油脂我真係好變態我覺得好香牛油味嫁，但老細覺得好鬼油，雞皮嘅鹹香，加上熱辣辣嘅肉，表面炸得好鬆脆，如果我比分會比四粒星但要考慮埋老細食後感，冇辦法啦呢個糕比較硬，真係要用小小牙力咬開，好在唔太甜，但唔夠班蘭味，只有椰子味可能督青檸時唔夠大力，冇乜青檸味，只係一杯普通梳打水整體黎講，一般般啦，唔係好好食，未到好難食，成間店得帶位女仔識講中文，其他都係越南人，佢哋都幾好笑容😊

今晚放工經過尖沙咀The 0ne，天口熱想食下越南餐，剛好见到Le Viet,我和同事便選擇它试下。越式拼盤見佢做緊特價，蝦餅炸得幾香口啲蝦亦鮮甜，豬頸肉吾太肥，春捲細細條容易入口。 越式蒸粉包入面有紮肉香菇配泰色酸汁，即刻開胃哂青木瓜大蝦雞絲沙律越南青木瓜絲新，蝦同雞肉配搭，雞胸肉健康，配沙律汁，開胃又健康，個人十分喜爱滿載椰青海鮮飯濃濃的 椰汁 配墨魚仔 蝦 粟米 提子乾 ， 放入成個椰青裏面 ， 賣相也很不俗、 如果兩個人叫這個份量已經很足夠。食到饱飽豬扒湯檬 豬頸肉同個湯分碟上，餐廳也十分體贴，保留原汁肉味，很喜歡湯底十分地道配以越南檬粉。下次經過尖沙咀The One 又多一個選擇。

一個字東，一個住西，一個住南，無啦啦一早搭車，無啦啦撞見，咁一於約埋個北食晚餐啦！大家距離太遠，尖沙咀係最中間啦！臨時臨急假日又想訂位，呢間係好選擇！如果星期五黎等位等死你，openrice 亦一早訂爆，星期日卻順利book位，去到即刻有位坐！最鍾意呢個，好香口！入面料有蝦米，未見過有舖頭落蝦米，好香！而且細心地底部有塊明輝蝦（淋晒）片載住，咁大雙都唔怕散啦，一個人食完一隻都好飽！豬頸肉好簿身，唔特別香，好多地方做得好過佢，唔推介！好食，啖啖肉，肉質唔差，燒得夠香，點埋花生醬好味道！個人最喜歡個牛，有牛肉香味！呢個菜好辣，辣到唔知好唔好味！咖喱好香椰汁未，叫左naan bread!其實送飯都正，軟殼蟹ok啦，中等size,有膏嘅！唔知係咪好飽，失望，唔香唔夠彈牙，又係好多舖頭做得好過佢！整體黎講呢間係可以encore，所以我食左三次啦

今日同朋友行開The one揀左呢間Le viet睇下張menu 見佢泰國同越南菜都有覺得幾多元化睇Drink menu見到有泰國三色冰，酒品都算多選擇沙律種類都幾多😋🌟大蝦菠蘿飯$9️⃣6️⃣真係一半個菠蘿🔥🔥入面既菠蘿肉都係新鮮既🍍份量都幾大份蝦 🦐係幾方便食因為冇殼我同朋友都覺得呢個好好味!🔥🔥🔥🌟串燒雞翼串（2串）$4️⃣6️⃣雞翼奄得岩岩好,唔會太咸又入味!配啤酒一流(但今次冇叫啤酒既)🌟木瓜大蝦雞絲沙律$7️⃣5️⃣木瓜絲條條一樣size,可以大啖大啖食，口感多層次，食落好開胃🔥🔥🔥🌟越式滴滴咖啡$3️⃣4️⃣一開始D野未黎佢就擺左係到滴滴到食完飯先記得佢大家ORDER佢的話記得要撈勻佢呀因為煉奶係沉曬係個底個到P.S.呢到服務幾好,出餐又快,D野又大份好味,下次想試下佢地其他沙律

本來諗住揾甜品食噶，點知見到呢間餐廳就被吸引了，變成食dinner，服務員都好nice，都好耐心同你介紹滴菜式。我要左份海鮮炒檬粉加串燒雞牛豬。串燒個汁好好味，又特別，好有東南亞噶風味。炒粉噶料都好足啊，真材實料，好味。下次再幫襯！

喺尖沙咀the one經過咁多次終於有機會嚟食lunch啦🤤🤤🤤咖喱牛腩撈檬$65生牛肉湯河$62加$8有嘢飲喺呢度食lunch來講都唔算好貴但真係幾好味！尤其是咖哩牛腩撈粉，超級惹味薯仔入味，牛腩又淋 正呀！生牛肉湯河 湯底唔油膩，但係有幾夠味河粉夠薄，好食👍🏻👍🏻👍🏻次次食越南野都一定會叫滴滴咖啡真係比一般港式咖啡味道唔同，好飲好多！最後仲叫咗個甜品焦糖燉蛋估唔到呢度都食到咁好味嘅甜品滿足💕

呢一間越南野我成日經過都好多人排隊 今日我終於試咗啦 頭盤我哋叫咗個越式春卷 佢嘅份量都幾多 雖然佢個春卷係炸過 但係食落口都唔會太油膩 同埋加上佢俾咗菜你包住 所以更加清新跟住我哋叫咗佢嘅招牌河粉係火車頭河粉 佢裏面有牛柏葉 牛腩 生牛肉等等 佢啲湯夠熱所以啲生牛肉浸一陣就已經熟啦 佢啲牛腩亦都肥瘦啱啱好 我係好推介呢一個 如果你食得辣嘅話就加啲辣落去就更加惹味 跟住叫咗佢哋都幾出名嘅咖喱牛腩配法包呢 個真係勁正囉佢裏邊有好多舊薯仔 全部都好入味 再加上牛腩分量亦都幾多 佢啲法包上嘅時候仲係熱嘅 唔會好似出邊嗰啲又凍又淋 所以都值得去食嘅

尖沙咀食海南雞飯有好多間 就連茶餐廳都有海南雞飯最緊要雞油飯&醬料 要做到二樣都同樣出色 尖沙咀區就唔係好多間 重要價格大眾化不過 雞既份量就相對較少 男仕可能要叫多個小食先夠飽 推薦

今晚同朋友一齊去開尖沙咀The 0ne，咁啱有啲想食越南嘢，見到Le Viet好多人排隊，咁就入去试下。 我哋叫左^^越式拼盤: 見佢做緊特價，於是order 😀蝦餅炸得幾香口啲蝦亦都爽口，豬頸肉亦都比較瘦唔係太肥，幾健康，春捲細細條而入口。 越式蒸粉包入面有紮肉香菇等點埋啲酸汁食，自己覺得幾好食。青木瓜大蝦雞絲沙律: 我食到青木瓜新鮮，蝦亦都甜，雞肉亦都唔係肥，雞胸肉健康同埋再撈埋個酸汁，作為一個餐前小食，我覺得係很開胃，同埋呢一碟青木瓜係幾fresh。滿載椰青海鮮飯： 有墨魚仔、少少蜆肉、蝦、粟米、乾提子等，飯有超重椰汁味，同埋 如果兩個人叫呢個飯我自己覺得都夠食，因為份量都頗大純屬個人意見。 兩個人嗌嘅話我覺得都幾抵食同味道Ok。豬頸肉湯粉： 呢間餐廳都算細心，醬豬頸肉同埋個湯飯分開上，因為通常有啲餐廳唔夠細心，就會將個豬頸肉擺埋個湯河度，令到肉嘅味道消散，同埋令到個湯河嘅湯底變得不一樣。整體嚟講，大家行過尖沙咀可以不妨一試。

同朋友去尖沙咀呢間越南野都食飯其實一直以來都想試但係冇機會今日終於比我試到啦！已經九點幾但係店裏邊仲係好多人，成間鋪頭嘅設計都好有越南色彩。一嚟到好肚餓，先叫咗個粵式小食拼盤，佢有春卷、豬頸肉同炸蝦餅等，樣樣都有，非常豐富，呢度嘅師傅煮炸物一流，好多人都特登過嚟幫襯佢地啲串燒架。另外最令我渴求嘅就係呢一個椰漿椰子飯！淨係睇外表都已經流晒口水啦，啲飯堆滿晒整個椰子，爆晒出黎，但係佢又唔會好易倒瀉，用料都好多，包括有啲水魷魚同埋少少海鮮，另外仲有蘿蔔，好香甜，最後食完之後仲可以連埋椰子肉食。最後食埋一個芒果糯米飯甜品作結，好軟滑，啲糯米有紅有白，芒果𠝹花𠝹得好靚，同焦糖布丁每樣都做得好出色，食完真係好飽。

今日約左朋友晚上來到The One的Le Viet食晚飯，呢度環境闊落，半開放式這裏有一個美女侍應態度非常殷勤前菜Tenderloin salad 牛肉爽口沙律酸酸甜甜的勁開胃滿載椰青海鮮飯椰漿飯真係超抵食呀個飯份量兩個人都食唔晒呀而且非常入味超香濃啊賣相都一流呀越式甜品拼盤越式春卷，越式炸蝦餅 即叫即炸的好脆呀燒豬頸肉配上醬汁簡直一流越式蒸粉包皮薄餡靚炒通菜稍為辣了一點如果喜歡吃辣的朋友別錯過椰青非常清甜，椰肉爽滑清熱解毒一流最後食埋個甜品拼盤超豐富分別有焦糖燉蛋 蛋勁滑椰汁千層糕 個椰汁味超香濃呀芒果糯米飯 個芒果勁新鮮糯米飯超入味正可惜因為太夜嘅關係想吃的牛油雞翼和蟹都沒有了下次來要再吃啊

尖沙咀📍最近迷上了吃 #越南菜 ，今次試咗呢間係商場 #THEONE 入面嘅👍🏻坐得舒適，上菜時間亦都非常之，食物質素合理！~*~*~*~*~*~*~*~*~*~*~*🌟扎肉粉皮包 🉐皮略嫌有少少厚，但係非常足料，比平時出面食到嘅多好多，豬肉碎半肥瘦，咬落去仲有肉汁！每一個粉皮包下面都有塊炸蝦片，建議唔好食，因為非常油膩！~*~*~*~*~*~*~*~*~*~*~*🌟牛油雞翼 🈵分！ juicy得嚟又一啲都唔油膩！ 炸粉厚度剛剛好！~*~*~*~*~*~*~*~*~*~*~*🌟香茅豬扒pho 🍜 皮煎得好脆口及乾身，但係咬落去仲保持到入面肉質！~*~*~*~*~*~*~*~*~*~*~*🌟咖喱鮮雞鍋🐔 黃咖喱，椰汁味比較重，跟同上嘅 #法式麵包 非常夾！ 雞件數量多而滑，食晒啲包都未食晒啲汁，所以叫咗個 #印式薄餅 ㊙️~*~*~*~*~*~*~*~*~*~*~*Overall scores: 8/10

食越南野 一定要食生牛肉湯河 真係無得輸！湯底做得好好 唔太咸 羅白又入晒味 不過同上次比 羅白細左好多 鐘意食羅白既朋友就另外，有個杯仔放芽菜，可以比你選擇落唔落唔鐘意食蔥既朋友 記得落單果時走蔥

放假偶爾出去食下野，見呢間好多笑哈哈咁就試下啦😯今次嗌阻：*咖喱鮮雞鍋配薄餅($105)咖喱個味好香濃個汁超正🤤🤤配得一塊薄餅完全唔夠喉，特登為阻個汁再加多塊薄餅($25) 但個雞都麻麻地，唔夠滑同埋份量好少😖配菜多only*香矛豬排湯粉($64)豬排好大塊，唔係好油，個湯清得黎好夠味*牛油雞翼($68)呢個一定要嗌！成餐最好食係佢😍牛油同蒜蓉味好重，勁惹味，隻雞翼本身都有醃到，唔會得外面有味入面冇味，超正🤤🤤*精選拼盤($108)有炸蝦餅，粉包，春卷，豬頸肉，款款都冇咩特別好普通，唔太好食可以試下既，我諗我再黎既原因都係為阻個雞翼😂😂

之前食過旺角分店, 對咖哩大蝦念念不忘, 今日放工經過the one, 就拉住先生去回味下😋見餐廳做緊promotion, 海鮮酸辣鍋做緊特價, 於是放棄咗咖哩大蝦, 試下新嘢, 另外仲叫咗黃咖喱軟殼蟹配法包同埋滿載椰青海鮮飯呢間餐廳做嘅咖哩果然出色, 從來都冇令我地失望👍🏻黃咖哩非常香濃, 配上香脆嘅炸軟殼蟹同外脆內軟嘅法包, 簡直係完美配搭😋😋相比之下, 本來我哋寄予厚望嘅海鮮酸辣鍋, 就冇咁吸引, 可能我哋食慣泰式酸辣湯, 以為佢呢個味道係類似冬陰功, 但原來唔係, 佢嘅酸味比較重, 但值得一讚嘅係, 海鮮份量算多👍🏻另外椰青海鮮飯份量超級大, 其實一早都見其他評論話份量好大, 三個人食都得, 我哋仲以為自己咁大食一定食得哂🙈但原來真係唔得, 好推薦一班人嚟食先叫