Le Monde

營業中

休息中

我們晚7時入座點餐完畢，8時45分主菜方才上台。其間催促4次，得到的解釋居然是：老闆在請客，十幾個人需要先服務他們。奇怪，十幾個人不違反限聚令嗎？以後還會幫襯嗎？沒可能！至於食物的質素，羊架有羶腥味道，而紅酒的保存環境溫度過低。我們要求多來一份麵包，並指明其中一種，服務生拒絕了，原因是廚房只能按照一種固定配搭提供。也是非常有特色的服務呢！位置不難找，就在觀賞工廈9層，一邊是餐廳，另一邊是酒吧，地方比市區餐廳寬敞。

朋友仔喺觀塘放工，我呢啲無無聊聊嘅等埋佢放工一齊去食好西。原來工廈區都有法國餐品嚐，可以試啲唔同嘅嘢。上到嚟樓底好高，地方寬躺，佈置簡約優雅。好，坐低睇吓有咩好食先。特製龍蝦湯，有龍蝦天然鹹味，個湯濃郁，飲落好綿密。法式洋蔥湯，上面係焗到金黃香脆嘅Mozzarella cheese加法包，用匙羹可以拉絲，下面係切幼絲嘅洋蔥湯，呢個湯要試。法式慢煮油封鴨髀，超薄嘅皮好脆，比一般酥炸更脆，裏面嘅肉咬落軟嫩，皮下帶少少脂肪。而個醬汁好清甜，原來係用酸梅壓碎混合燒汁，同鴨髀形成一清一油。配菜都好特別，係醃製啤梨。法式墨魚釀雞卷配忌廉汁，每一口雞肉都食到墨魚嘅爽彈，點埋個忌廉汁都唔怕，呢個忌廉偏淡，令雞卷有柔滑口感之餘，唔會食到成口cream，啱啱好！

享受一頓浪漫、美景、私隱度高、佳餚菜式，直入式聯想到貴麗堂皇、價值不菲，是中產人士才負擔得到地方。 沒想到新開業位於觀塘區鴻圖中心9樓由工業大廈活化成一間價錢較為相宜而不失質素的法國餐廳👏🏻👏🏻 這裡環境高尚，有空間感所以私隱度高足夠。適合OL、打卡、宴客、慶祝絕不失禮。衣服整齊 Smart casual 都不會感到格格不入Le Monde 法式慢煮油封鴨脾配酸紅椰菜套餐 HKD 188 先上前菜有沙津、龍蝦湯、麵包表面打成厚厚泡泡，入口幼滑味道濃郁。麵包偏向清淡柔軟，沾小許龍蝦湯也不錯。沙津有翠綠色新鮮爽口蔬菜🥬！ 以輕柔慢煮方式把熱力均勻地滲透鴨肉質裡，入口有著嫩口彈牙外還增添了皮層所帶出油香。 這鴨的運動應不少呢😌 配菜搭薯溶 🥔 及酸紅椰菜—- 口感爽，微微酸開胃又可去油膩感 服務態度職員有位客人量體溫👍🏻制服企理，沒有馬虎；入座，離座 臉帶笑容地跟客人 Greeting；而上菜形式也有先後次序，完全讓客人處於舒適狀態下進食。總結環境、食物、服務、價錢、就連盛載的精美杯碟、擺設也花了心思— 可謂一絲不苟

今日黎到觀塘搵食，老公帶我黎呢間上樓法國餐廳chill一下~一上到黎見d座位好寬闊，店員帶我地坐窗邊位，今日天氣好好，有自然光伴住食感覺勁chill。呢度星期六都有lunch set叫~加$28有龍蝦湯，我地就叫埋黎試下!一黎到原來唔止龍蝦湯，仲有沙律同麵包伴碟，咁加$28又真係幾抵!龍蝦湯上面加左忌廉，撈勻佢飲勁creamy而且好香龍蝦湯味，用麵包點d龍蝦湯食，味道又上左另一個層次~溫泉蛋特濃卡邦尼意粉老公最愛既係卡邦尼意粉，見到溫泉蛋特濃呢個字佢話更加要叫。一黎到見到個碟非常大，中間盛載住卡邦尼意粉，上面有隻動L既滑溜溜溫泉蛋，一下吉落去蛋黃汁四溢，每條意粉本身已經被醬汁包住，加埋蛋黃汁味道好豐富。捲起意粉擺入口，口感濃稠，意粉彈牙，老公話呢個係佢食過最出色既卡邦尼意粉，不過太好味佢嫌份量唔夠佢食~ 法式慢煮油封鴨脾配薯蓉及酸紅椰菜我就揀左法式慢煮油封鴨脾配薯蓉及酸紅椰菜，鴨脾又好大隻，側邊伴有紅酒燴梨同埋酸紅椰菜，鴨脾下面仲有D薯蓉。本身諗住用刀切鴨脾，一切落去發覺D肉林到用叉已經分得開。呢D就係慢煮既好處~食落鴨脾啖啖肉，皮脆肉嫩~側邊既紅酒燴梨就咁睇以為係紅菜頭，食落原來係梨

觀塘越嚟越多好味嘅好野食。今日就去咗鴻圖中心嘅Le Monde食法國菜。店鋪環境舒適，店員服務都好好。法式洋蔥湯睇落唔算太大，但十分好味。面頭落咗都幾多嘅芝士，食每一淡都可以拉到絲出嚟。Le Monde特製濃蝦湯蝦味好濃厚，湯非常鮮味，真係令人一試難忘。法式慢煮油封鴨脾配薯蓉及紅椰菜油封鴨脾肉嫩內脆，一定要趁熱食。伴碟有酸紅椰菜、紅酒啤梨同薯蓉，我最喜歡紅酒啤梨、仍然保持住果肉嘅質感，入口一啲都唔覺得酸。非常之出色嘅一道主菜。秘製虎蝦濃蝦汁意大利飯虎蝦烹調得剛剛好，濃蝦汁完全咁俾飯吸收哂。每粒飯都充滿蝦嘅鮮味，食落亦唔會覺得意大利飯太膩。

上星期日去觀塘海濱公園散步，行🚶‍♀️完，搵嘢食，觀塘返工的朋友曾經提過樓上餐廳Le Monte, 一直冇機會試，原來都係附近，於是上去試一試，叫咗搭牌法式慢煮油封鴨脾，鴨皮油香撲鼻，咬一啖香脆，鴨肉一絲絲十分嫩滑，點上特制的醬汁，味道好出色，原來煎鴨髀係可以咁好味，西餐都少見，中餐一般係鴨脾湯飯，餐湯係濃郁的龍🦐蝦湯🥣，材料應該好足，才能咁濃味，麵包點上🦐湯，食入口啖啖鮮味，簡直絕配，阿仔叫咗一份煎三文魚配香草意大利粉和薯容，🐟魚煎得好香脆，又唔會太油膩，意粉口感彈牙，係我喜歡的硬度，配上鮮香草，食不停餐廳雖位於工廠大廈樓上，裝修設計仍超認真。

今日約咗妹妹食個豐盛嘅午餐，大家search 完OpenRice 後決定一試依間，享受一下星期日嘅悠閑下午依度環境好舒適，好適合傾計！首先我哋加咗$25要個濃蝦湯，好濃郁的蝦味，仲配上香軟脆邊嘅麵包及沙律菜！主菜：法式慢煮油封鴨脾配薯蓉及酸菜椰菜，因為好少午餐可以百幾蚊食到，終於上菜啦，色香味俱全，食落去仲皮脆咸香肉嫰多汁，完全沒有油膩感煎三文魚配香草意大利粉，能將看似簡單嘅菜式做到好係唔易，三文魚煎到香脆，香草意粉煮得彈牙可口好完美的法式午餐，最後配上香濃順滑嘅咖啡做結！好味到一定再encore

觀塘有間隱世法國餐廳🇫🇷，得到住觀塘的朋友推介一齊去食晚餐😇。🍴番茄芝士意大利雲吞 $108🍴美國安格斯極黑頂級一口牛柳配俄羅斯汁 $158🍴香煎法國鴨胸配法式香橙燒汁 $188意大利雲吞 (ravioli) 我應該第一次食，感覺幾特別，同中式的雲吞完全唔同，佢係好扁身，冇乜餡，少少芝士在內，配上番茄汁在外，味道唔錯😋。鴨胸同牛柳一上枱就好香，鴨胸的燒汁有埋橙味🍊，吃上口幾清新鮮甜，牛柳的俄羅斯汁 (stroganoff) 🇷🇺其實味道同燒汁差不多，加了比較稀的酸奶🥛，這汁都幾多，所以佢配埋麵包比我地搽上去食🍞。唯鴨胸同牛柳都比較榎同韌，而且鴨胸已經約五成熟都有點韌，朋友說笑像在訓練咀嚼肌👄。入到餐廳感覺好大好grand，仲有個stage有音樂器材🎼，個場冇咩人好空擴，另外前菜同主菜之間等待時間有點長，有待改善。

早幾日比左個驚喜媽咪， 就係帶媽咪去食法國菜，媽咪去到餐廳覺得呢到好舒服，好有情調，我都不斷幫媽咪影靚相留念。難得今晚嘆法國菜就緊係要嘆返個特制龍蝦湯先似樣， 香濃的龍蝦湯裡有小小龍蝦肉在內，每一口都咁鮮甜， 媽咪就好欣賞呢到個法式洋蔥湯， 送來時媽咪話好特別，因面頭有包粒和芝士， 到飲一口後佢再連包芝士和湯一起飲就話正😚係湯未到前，侍衛仲有比定麵包我地食，我令來沾湯食， 好回味。我叫左呢到最出名的主菜：⚛ 法式墨魚釀雞卷配忌廉汁 ～ 雞肉卷住墨魚幾得意，咬落去唔會硬，有口感。 ⚛ 法式慢煮油封鴨脾配薯蓉及紅椰菜 ～ 第一次食整得咁靚的鴨， 佢個皮真係好脆，但又冇影響d肉， 肉質依然咁嫩滑， 配茶亦非常出色， 好喜歡個薯蓉。媽咪話好開心原來法國菜係咁好食。

原來牛頭角站附近，有間甘高級，咁靚嘅法國餐廳。環境情調好浪漫，服務好好，好有禮貌，好貼心❤️呢度有散嗌嘅餐牌，亦有4道菜的tasting menu ，款式豐富。我哋兩個人首先來個龍蝦湯及洋蔥湯配餐包 ，我嘅龍蝦湯超香濃，飲得出龍蝦好新鮮。朋友的洋蔥湯面頭有焗過嘅芝士，係拉絲㗎，好香濃。叫咗兩個主菜，法式慢煮油封鴨髀配薯蓉及紅椰菜，係餐廳招牌菜👍👍 另一個係美國安格斯極黑頂級一口牛柳配俄羅斯汁，鴨髀外皮非常鬆脆，鴨味濃郁， 配紅酒煮啤梨，薯蓉及紅椰菜，水準極高。 牛柳粒肉質上乘，牛味超香濃，質素好高級。最後來個焦糖燉蛋，份量幾大，可以兩個人share都ok，滿足。

工廈中藍帶法式餐廳，Le monde提供fine dining體驗，麵包、湯、主菜、配菜同甜品都係自家製🥰親民價錢食到高端法國料理，服務更同高級餐廳無誤，值得去既餐廳🥂下單後一會兒，店員就呈上麵包籃，共有3款麵包，麵包微溫，我比較喜歡香草蒜茸包❤️－－－－－－1. Le monde特製濃蝦湯 $85 8.5/10橙紅色的濃蝦湯，賣相同香味俱佳，而且十分足料，用左牡丹蝦熬製，啖啖充滿非常濃郁蝦味🤤質感濃稠，非常好味2. 法式洋蔥湯 $78 8.5/10法國菜的代表之一洋蔥湯，新鮮焗製，非常熱騰騰，面層鋪上一層滿滿金黃的芝士😍入面有炒香的洋蔥，全都焦糖化，而且仲有一粒粒麵包，非常耐泡，唔會影響口感3. 法式慢煮油封鴨脾配薯蓉及紅椰菜 $238 8/10法國鴨脾以低溫烹調12小時，外皮脆帶點油脂，鴨肉嫩而不韌☺️伴碟既薯蓉保留薯仔粒的口感，感覺清爽一點，本人較喜歡重忌廉同埋口感細滑個款4. 美國安格斯極黑頂級一口牛柳配俄羅斯汁 $158 9/10一口牛尺寸適中，咬下去肉汁湧出，愈食牛味就愈出，而醬汁更是靈魂所在👍🏻俄羅斯汁帶一股紅酒幽香，配以烘烤法包片醮汁食十分美味，味道平衡與搭配調和都做得好好

今日嚟到牛頭角觀塘邊嘅工廈食lunch～揀咗鴻圖中心9樓嘅西餐廳🤗主打法國菜☺️呢到嘅環境好high class😍有bar枱，紅酒樽嘅擺設，連天花板嘅燈都係用酒樽砌成🤣好有格調👍🏻Le Monde濃蝦湯(+$18)超級香濃嘅蝦湯😋加咗胡椒粒帶出佢嘅鮮味👍🏻表面有啲cream，成個湯都好Rich～同餐包幾夾🥰沙律菜配左黑醋，酸酸甜甜😍Le Monde法式慢煮油封鴨髀配薯蓉及酸紅椰菜($188)有好大隻嘅油封鴨髀😍鴨肉好香滑幼嫩😋食落仲有啲肉汁流出來👍🏻配個酸甜嘅醬汁幾正🥰薯蓉幾creamy～酸紅椰菜酸酸甜甜，搭配油封鴨幾唔錯☺️煎法國豬扒配法式野菌汁及薯蓉($138)法國豬扒好厚身，肉質鮮嫩👍🏻食落啖啖肉🤣又唔會覺得肥膩，而且幾有咬口～好鍾意法式野菌汁🥰同豬扒好夾😆鹹鹹地又唔會太膩～除咗薯蓉仲有紫薯，幾特別💕紫薯幾香甜😍Latte有陣淡淡嘅咖啡味🥰配埋香濃嘅鮮奶，仲有少少creamy嘅感覺👍🏻Cappuccino好香濃嘅咖啡味😍表面仲有層好厚嘅泡沫😍打卡一流🤣餐廳位處觀塘工業大廈，平日serve工廠區同商夏嘅職員為主～Dinner Menu都幾特別👍🏻可以選擇唔同set dinner😍會有前

抗疫左咁耐，終於放寬到可以4人用餐，急不及待約埋個閨密去食下野，傾下計經朋友介紹觀塘區呢間樓上法式餐廳 Le Monde ，一入餐廳第一感覺相當濶落，枱與枱之間都相隔寬闊，空間感非常充足餐廳裝修簡約得黎又比人一種優雅高尚感覺，每張餐桌上餐具及怖置都擺放得乾淨企理，而且聽朋友講仲有法國藍帶主廚坐陣添。🥢餐包點餐後，首先送上暖暖嘅餐包，白色圓形果個口感最好，外脆內軟，加小小牛油已經好好味😋。🥢秘製虎蝦濃蝦汁意大利飯 先講兩大隻虎蝦，登直真係有手板咁大隻，食落真係啖啖肉，蝦頭嘅膏唔算多，但味道極濃；而飯底亦做得好好，一貫意大利飯口感，小小生米質地，配上濃濃蝦汁均勻包圍每粒米飯，入口充斥整個味蕾😋。🥢法式墨魚釀雞卷配忌廉汁雞肉卷中間釀左墨魚溶，而雞嘅肉質仍保持濕嫩，外皮有小小脆身，醮埋個忌廉汁食好夾。🥢燒美國BB豬肋骨配炸薯份量都好大份，厚厚4大條😋；豬仔骨嘅肉質鮮嫩，唔會一切啲肉就散開咁，非常有口感，而醃得亦非常入味，唔需要醮任何醬汁已經夠味伴碟嘅薯條絕對唔係配角，條條外邊脆卜卜，入邊就好粉嫩，薯味極濃👍🏻。總括黎講，價錢唔算貴，食倒咁高質食物同環境，個人覺得非常超值，值得推介👍🏻，而且地點

👩🏻‍💻意想不到🥰CP值極高的隱世法國菜💕工業大廈內🏢竟有如此高質素的餐廳🌟💯‼️如果不是在附近工作的朋友推介☺️真的難以找到☺️食完忍唔住要馬上分享😋💯💪🏻💪🏻💪🏻💪🏻💪🏻​​➖➖➖➖🔖Mian Courses➖➖➖➖​🥘法式墨魚釀雞卷配忌廉汁HKD$148​🌟這款配搭是店內特色食物之一💯👍🏻賣相獨特，外皮薄脆，雞肉嫩滑😍口感清新而不油膩，中間釀有的墨魚彈牙，口感豐富😋‼️💕值得一試💕👍🏻​​🥘紐西蘭羊扒配焗薯HKD$168​🌟味道記憶猶新的羊架💯‼️👍🏻🥰羊架香氣四溢，七成熟不只色澤鮮嫩😍口感嫩滑可口😋紐西蘭羊肉特色👉🏻在於沒有厚重的腥羶味💕🥰份量十足👍🏻‼️絕對可以encore既一道main dishes💯👍🏻‼️‼️​​➖➖➖➖🔖Side Dishes➖➖➖➖​🧆炒野菌HKD$38​🌟野菌新鮮👍🏻😋雖然只是配菜，但製作同樣很認真，入口的味道、香氣，配菜來說有過之而無不及💕👍🏻👍🏻​​🧆炸薯條 HKD$38​🌟當作是薯菜的一部分😋👍🏻薯條香脆，鮮澤金黃，不油膩；口感、味道食落沒有罪惡感👍🏻💕​​➖➖🔖Chef Recommendation➖➖​🥘法國炸梭子魚蓉球 HKD$68​🌟呢款係廚師推介嘅

去開觀塘行街又聽朋友講好多工廈餐廳， 於是搵到這間工廈法國餐廳Le Monde, 餐廳面積寬敞又優雅所以坐徥好舒服。我地叫了2個lunch set, 前菜有龍蝦湯，麵包和沙律，龍蝦湯非常濃郁龍蝦鮮味非常重而沙律加上黑醋非常開胃。主菜我地就叫了店員推介既法式慢煮油封鴨髀配薯蓉及酸紅椰菜和煎三文魚配香草意大利意粉，慢煮鴨髀非洲juicy而且外皮香脆一點都不覺得油膩，而煎三文魚煎得好香脆意粉軟硬適中，甜品我們叫了特濃朱古力蛋糕，朱古力濃郁而不太甜，最後在這麼舒適的環境下叫了2杯咖啡，非常寫意。