影片
更多
2020-09-18
32 瀏覽
抗疫左咁耐，終於放寬到可以4人用餐，急不及待約埋個閨密去食下野，傾下計經朋友介紹觀塘區呢間樓上法式餐廳 Le Monde ，一入餐廳第一感覺相當濶落，枱與枱之間都相隔寬闊，空間感非常充足餐廳裝修簡約得黎又比人一種優雅高尚感覺，每張餐桌上餐具及怖置都擺放得乾淨企理，而且聽朋友講仲有法國藍帶主廚坐陣添。🥢餐包點餐後，首先送上暖暖嘅餐包，白色圓形果個口感最好，外脆內軟，加小小牛油已經好好味😋。🥢秘製虎蝦濃蝦汁意大利飯 先講兩大隻虎蝦，登直真係有手板咁大隻，食落真係啖啖肉，蝦頭嘅膏唔算多，但味道極濃；而飯底亦做得好好，一貫意大利飯口感，小小生米質地，配上濃濃蝦汁均勻包圍每粒米飯，入口充斥整個味蕾😋。🥢法式墨魚釀雞卷配忌廉汁雞肉卷中間釀左墨魚溶，而雞嘅肉質仍保持濕嫩，外皮有小小脆身，醮埋個忌廉汁食好夾。🥢燒美國BB豬肋骨配炸薯份量都好大份，厚厚4大條😋；豬仔骨嘅肉質鮮嫩，唔會一切啲肉就散開咁，非常有口感，而醃得亦非常入味，唔需要醮任何醬汁已經夠味伴碟嘅薯條絕對唔係配角，條條外邊脆卜卜，入邊就好粉嫩，薯味極濃👍🏻。總括黎講，價錢唔算貴，食倒咁高質食物同環境，個人覺得非常超值，值得推介👍🏻，而且地點
經朋友介紹觀塘區呢間樓上法式餐廳 Le Monde ，一入餐廳第一感覺相當濶落，枱與枱之間都相隔寬闊，空間感非常充足
餐廳裝修簡約得黎又比人一種優雅高尚感覺，每張餐桌上餐具及怖置都擺放得乾淨企理，而且聽朋友講仲有法國藍帶主廚坐陣添。
🥢餐包
點餐後，首先送上暖暖嘅餐包，白色圓形果個口感最好，外脆內軟，加小小牛油已經好好味😋。
🥢秘製虎蝦濃蝦汁意大利飯
先講兩大隻虎蝦，登直真係有手板咁大隻，食落真係啖啖肉，蝦頭嘅膏唔算多，但味道極濃；而飯底亦做得好好，一貫意大利飯口感，小小生米質地，配上濃濃蝦汁均勻包圍每粒米飯，入口充斥整個味蕾😋。
🥢法式墨魚釀雞卷配忌廉汁
雞肉卷中間釀左墨魚溶，而雞嘅肉質仍保持濕嫩，外皮有小小脆身，醮埋個忌廉汁食好夾。
🥢燒美國BB豬肋骨配炸薯
份量都好大份，厚厚4大條😋；豬仔骨嘅肉質鮮嫩，唔會一切啲肉就散開咁，非常有口感，而醃得亦非常入味，唔需要醮任何醬汁已經夠味
伴碟嘅薯條絕對唔係配角，條條外邊脆卜卜，入邊就好粉嫩，薯味極濃👍🏻。
總括黎講，價錢唔算貴，食倒咁高質食物同環境，個人覺得非常超值，值得推介👍🏻，而且地點方便，餐廳環境亦一流，最岩包場做中小型派對🎉。
張貼
