Le Monde

營業中

休息中

來到我們最喜歡的觀塘海濱長廊， 感受著舒爽的海風， 寬闊的海景， 享受著寧靜， 慢慢地來到浪漫的餐廳😄裝修優雅， 環境舒適寧靜， 套餐選擇很豐富， 主餐牌的選擇也很吸引。溫泉蛋特濃卡邦尼意粉滑捋捋的溫泉蛋， 蛋黃如泉湧般流出來， 蛋味濃郁沒有腥味 ， 意粉彈牙爽口 ， 醬汁香濃， 加上香烤煙肉更添美味。美國安格斯極黑頂級牛 配俄羅斯汁牛肉嫩滑 肉味香濃， 個人小意見， 可添加少許 海鹽 增添風味， 香烤多士可沾上俄羅斯汁品嘗， 絕不要浪費美味的醬汁啊。法式慢煮油封鴨髀配薯蓉及紅椰菜法國餐必點的主菜， 我哋香脆酥嫩， 肉質不錯。 最有驚喜是配菜紅酒煮洋梨， 煮得非常出色， 味道同埋質地都係perfect。😋😋

Le Monde 主打價錢較為大眾化嘅法國菜! 餐廳寬敞舒適, 可以喺優雅富情調嘅環境享受法國菜!法式麵包三款法式麵包好軟熟, 味道不錯!法式洋蔥湯 $78 即叫即製, 新鮮熱辣！面層鋪滿了芝士, 好吸引! 焦糖化嘅洋蔥散發出香甜誘人嘅味道, 湯內嘅法包粒烤焗至即將融化, 相當有層次!24小時慢煮法式腩肉 $158慢煮24小時而成, 腩肉肉質香軟鬆化, 肉味濃郁! 再點少少醬汁, 更滋味!溫泉蛋特濃卡邦尼意粉 $108流心嘅溫泉蛋、忌廉汁、洋蔥粒、煙肉、蘑菇及軟硬適中嘅意粉，creamy又好味！炸薯條 $38即叫即炸, 熱辣辣, 脆卜卜, 而且份量不少!法式特濃朱古力蛋糕 $68蛋糕帶濃郁朱古力味, 質感濕潤軟滑又夠甘香, 大滿足!

官塘既工廈一向都有好多被埋沒左既美食, 今次呢間 Le Monde都算係其中之一. 我同朋友係到食左個晚餐,餐廳環境闊閣,食物質素都唔錯! 我地叫左2個dinner set, 分別都配左麵包同個龍蝦湯. 面包係烘熱左既,味道都唔錯.龍蝦湯煮得非常濃郁, 鮮味十足, 更加係值得一讚. 我地就揀左2個廚師推介既main course:法式慢煮油封鴨脾配薯蓉及紅椰菜 ($238)呢道油封鴨脾係我今餐最滿意既菜色. 鴨脾既外層炸至金黃色, 口感香脆, 鴨肉亦煮得剛好, 肉質嫩滑唔會太老,配埋特調既醬汁,令人回味無窮.美國安格斯極黑頂級一口牛柳配俄羅斯汁 ($158)呢道安格斯一口牛味道有少少似傳統既紅酒燴牛肉,一口牛既牛味十足,可惜既係口感略為韌左D,如果可以再炆耐D味道會更佳.

今日約左朋友係觀塘食Lunch朋友就帶左我去依間新開既法國菜一入餐廳就覺得好有格調如果夜晚黎食應該仲好Feel餐廳提供Lunch set 包餐湯沙律主菜同餐飲揀左加拿大海膽帶子意大利飯仲有法式慢煮油封鴨髀配薯蓉及酸紅椰菜首先嚟咗餐湯同沙律今日嘅餐湯係龍蝦湯飲得出冇乜額外調味突出左本身龍蝦既味道然後到主菜既部分加拿大海膽味道好鮮甜帶子亦都煎得啱啱好意大利飯嘅醬汁食得出加咗海膽味道更加濃郁同有層次米飯咬落偏硬同帶有煙韌油封鴨髀煎得好香咬落有少少酥脆感配埋酸酸甜甜嘅黑醋汁仲有充滿紅酒香嘅啤梨食落油而不膩加埋一齊味道好夾整體食物質素唔錯有正宗法國菜水準餐廳裝潢環境有格調座位好闊落有機會會再黎試下佢既Dinner

夜晚同朋友黎食法國菜，估唔到係工廈臨立既牛頭角可以搵到一間格調氣氛都咁好既法國菜餐廳。第一道 美國安格斯極黑頂級一口牛柳配俄羅斯汁 ＄158牛柳粒接近5成熟，脂肪同肉既比例岩岩好，牛味出哂黎，配合店家獨家秘制既俄羅斯汁，非常好味，一啖汁 一啖法包片 一啖頂級牛柳，絕對令人回味無窮。性價比極高。第二道 紐西蘭羊排配焗薯 ＄168因為羊排新鮮，因此店員表示羊排可以選擇生熟程度，我揀左五成，因為我本身唔怕羊騷味，如果怕既朋友可以揀七成熟。羊好林好新鮮，特別要讚焗薯，好甜，焗到個面好脆，加上少少酸甜，差d搶走埋羊既角色。第三道 焗大啡菇配蛋 ＄68超新鮮既大啡菇，冇雪味，上面加埋一隻溫泉蛋，好夾。

觀塘除咗多Cafe之外其實都有好多唔同高質嘅西餐食㗎，喺附近返工嘅朋友推介我黎試吓呢間質素都唔錯嘅西餐廳，價錢都唔會話太貴，環境非常闊落，可以好舒服咁同朋友一度食嘢一路傾計🤎_Shrimp bisque & salad 午市套餐都有好多款選擇，龍蝦湯飲落好香濃好足料，配上沙津同麵包好正好開胃_Canadian Urchin and scallops risotto $158店員同我哋推介呢款意大利飯，飯粒比較分明，食落去有口感，配埋帶子一齊食好滿足_Confit Duck Leg $188呢度菜有驚喜，鴨髀食落去做到外脆內軟，肉質都幾軟諗，配上的薯蓉食落都幾綿密，同朋友都好覺得有口感份量啱啱好_午市套餐嘅選擇都幾多下，套餐亦都會包嘢飲一杯，鍾意食甜品嘅朋友仔可以加錢食埋是日甜品，整體來講值得一試👍

最近揾到一間好有格調，價錢又唔貴嘅法國菜。可能因為係工業區，又係樓上舖，都幾隱世。但味道真係令我好驚艷，必定再去會下佢！大家聽到法國菜都會諗到個貴字，不過呢到Weekend都會有Lunch Set，最平係$68起，最貴都只係$228，同外面普遍西餐價錢相約，但食物質素絕對唔普遍！濃蝦湯（跟餐加$25）：味道就係龍蝦湯嘅味，真係超級濃，加左忌廉係又濃又滑，同埋都幾大碗，唔會兩啖就飲完餐前麵包：塊包黎到係熱辣辣，好濃牛油味，但又唔會好膩，好軟熟勁好味！法式慢煮油封鴨脾配薯蓉及酸紅椰菜（$158）：黎到嘅時候以為鴨脾煎到干晒，切落去先發覺誤會左，皮已經脆晒，但入面嘅肉重係好Juicy，鴨肉好香嫩，令我同朋友好驚艷！薯蓉都係另一個驚喜，係香港食親嘅薯蓉都係開粉嘅，呢到真係用薯仔去壓成，廚師應該係特登唔壓碎晒啲薯仔，食啲時候重可以食到一粒一粒嘅薯仔，好特別！最正係有煮過嘅蘋果，好香肉桂味，酸酸甜甜好開胃！慢煮法式紅酒燜牛頰肉配法包（$88）：黎到已經聞到紅酒煮得好香，食落牛頰肉好嫩，紅酒味已經入晒牛肉，但唔會比個汁搶晒陣牛味，個口入面嘅味道好立體好有層次，真係極高質！紅酒汁點法包食真係一流！最後

觀塘非常高質樓上法國餐位於觀塘巧明街鴻圖道中心！< Le Monde>一去到餐廳門口，侍應禮貌相待然後安排座位俾我哋，頭先我哋睇吓餐牌有咩食，其實一路知道佢哋嘅龍蝦湯係餐廳王牌，咁當然就試咗佢嘅龍蝦湯，口感非常Creamy，裏面亦有蝦肉！真材實料，佢哋有麵包奉送，將麵包沾上龍蝦湯！非常幸福感覺，然後叫咗佢哋嘅廿四小時慢煮法式腩肉， 名副其實慢煮！肉汁鎖住係腩肉裏邊，啖啖都係滋味！法式慢煮油封鴨髀配薯蓉及紅椰菜！鴨髀，連埋外皮一齊食，濃郁嘅鴨香滲入鴨嘅肉質裏邊！從此愛上食鴨髀！出邊一般好難會試到呢種味道！食到舔舔脷！另外我哋仲叫咗一支白酒，店員好用心咁介紹每一款酒嘅口感同埋味道！因為我唔鍾意飲一啲好厚質嘅紅酒，然後店員就推介左呢一款俾我哋！果然冇介紹錯！呢款紅酒質地非常清澈！啱晒我哋呢啲女仔嘅口味！最後一題！呢度都幾full下！當晚都有好多人喺度聚餐，記得預約食飯啊！因為真係非常之好食同埋滿足地方又靚😊

觀塘依家愈黎愈多好食餐廳🍴最近同左朋友嚟到工廠大廈，食咗一個好休閒嘅法式Lunch🌹首先講吓餐廳嘅環境，地方好闊落，比人感覺一種好舒服好寫意既感覺。Lunch係可以單點既，方便返附近返工既客人，放Lunch都可以食個好味飯。 我地一人叫左碗濃蝦湯，我好鐘意呢種配搭，細細杯，飲落好方便，唔好以為用杯就得好少，份量都okay多架！ 而且蝦味濃，足料！主食我地叫左海膽意大利飯share! 海膽，係用靚野，新鮮，甜👍🏻 食過數一數二既好味海膽，唯一美中不足嘅係得一塊，唔夠候，不過飯入面都有撈到海膽碎既。 另一個我哋叫咗法式紅酒炆牛頰肉配法包，牛肉入味，易入口，唔un. 值得一讚係餐廳擺盤都唔差。員工態度都好好：）法餐係正既！下次再食過😝

沒想到觀塘也有水準嘅法國菜～餐廳再商業大廈內，地方大而且座位之間相隔得較寬躺～今天晚上選擇了A La Carte的餐牌.♦ 法式慢煮油封鴨脾 ⋆ $238油封鴨髀應該係呢度必點嘅一道菜🥰鴨髀外皮超級香脆✨而鴨肉卻沒有因此而烤得比較乾身，保持了該有的嫩。鴨味超重！喜歡吃鴨的人必定會喜歡！.♦ 美國安格斯一口牛柳 ⋆ $158一口牛柳份量不算多，配上濃郁的俄羅斯汁十分惹味！牛柳帶有咬口，不是很嫩的那種～比起鴨髀，我更欣賞這份牛柳.♦ 法式洋蔥湯 ⋆ $78超級驚喜的一道菜～濃郁的洋蔥湯配上麵包、芝士等，每一口都是正宗的味道🤩.@fatpet_natalie

有小朋友真係要事事以佢行先，不過老公生日都要同佢食番餐好的。上網揾間有情調的，難得揾到呢間較近屋企的法國餐廳，好讓他食完之後爭取多點時間休息。一入餐廳，餐廳很有的空間感，加上柔和的音樂和燈光下，坐得好舒服。我們點好幾款 a la carte 之後，很快就有餐飲和餐包。見老公真係好攰，就俾佢飲吓可樂減壓。而我就點了一壺 Earl Grey，清清地讓人好放鬆。法國圖盧茲腸配薯條條腸真係好厚，切落好有彈性，仲標了少少汁出來，非常 juicy。配上幼身的薯條，十分搭配。美國安格斯極黑頂級一口牛柳配俄羅斯汁十分推薦~因為牛柳的肉質真係超軟，就算用一把不鋒利的刀都可以輕易切開。口感是綿綿的，真係好特別。秘製虎蝦濃蝦汁意大利飯虎蝦大大隻好有口感，最特別就係意大利飯，同樣食得到很香的蝦味，真係好正~

自從限最令放寬咗之後，呢排都約咗勁多飯局！今日就同個好姊妹happy Friday收工去食餐好！咁啱大家都係觀塘牛頭角呢頭返工，最啱就係約番啲附近！呢間餐廳嘅環境非常優美，昏暗得來帶啲神秘感，其實同伴侶嚟二人世界嘅話都幾正！先嚟上咗個龍蝦湯，同埋麵包個湯超甜，入面仲有好豐富嘅配料，大大粒蝦肉！非常濃郁，幾好飲！而主菜方面，我哋就叫咗2款一齊share食【24小慢煮法式豬腩肉】個汁整得好好味！甜甜哋咁，豬腩肉嘅肥瘦層次分明，肉質好嫩，雖然係豬腩肉，但食落又覺得唔算好膩！而且個底墊咗個好出色嘅紫薯蓉，個薯蓉真係整得超好食，好過平時出邊西餐嘅普通薯菜好多好多😍陣陣清甜，又可以減低返食慾嘅油膩感👍🏻【法式慢煮油封鴨髀配薯蓉及紅椰菜】非常值得一讚嘅就係個油封鴨髀完全做到個皮係鬆脆，然後肉係非常柔嫩嘅口感！實在難得～味道亦都適中，有鴨味但又一啲都唔會腥！配菜亦都好出色，最鍾意係紅菜頭，甜甜地咁好開胃！見成餐飯咁多肉，同好姊妹咁耐冇見又想坐耐少少傾吓計，所以點咗一支紅酒🍷share飲再配肉！真係超享受❣️真係非常推介呢間餐廳！環境又靚又有情調，最緊要係價錢一啲都唔貴！絕對可以再嚟！

上網搵到鴻圖中心原來有法國菜食，男朋友話未試過法國菜所以同佢一齊嚟試吓。而佢個餐牌都好似幾多選擇，價錢都中規中矩。但係呢度勝在地方夠大，好啱朋友過嚟食吓嘢傾吓計。坐低冇耐佢哋就會想佢哋個法式麵包，入邊有三款唔同嘅麵包，其實我覺得三款都好好食，因為個麵包上嚟嘅時候暖暖地，搣開嘅時候除咗好軟熟之外亦都有一定嘅韌度。前菜我哋揀咗個香草法式焗田螺配多士，我覺得呢個價錢都幾抵食，因為雖然個碟係六個坑可以俾你擺六隻田螺，但係佢啲田螺一定唔止六隻，雖然有兩隻色都有沙，不過呢個價錢還可以啦。佢呢個除咗落咗香草之外仲有大量嘅蒜蓉，而佢個蒜蓉汁攞嚟查多士就變成蒜蓉多士，都幾香㗎。我哋嗌左其中一個主菜係安格斯極黑頂級一口牛柳，同樣地佢都有多士跟埋俾你，但係呢個多士我就覺得硬同埋乾咗少少，不過可能佢係俾你點汁食嘅。但係佢個牛柳就變咗10成熟，對我哋來講韌咗少少。另一個就叫咗法式慢煮油封鴨髀，佢個鴨髀外皮好脆，口感不錯。但係鴨肉就比較林身，一切就會散開，似乎冇咗慢煮應該有嘅嫩滑。不過佢底下個薯蓉就好好食，係用完個薯仔壓碎，食到薯仔本身嘅甜味。而佢啲紅椰菜都唔會太酸，味道剛剛好。

觀塘一向都好多高質樓上cafe，今次揀左呢間，環境好舒服，坐得好闊落。午市唔算太多人，價錢唔貴，性價比高。龍蝦湯配香草麵包，餐湯已經好高質，飲落唔會死咸，龍蝦湯都好夠熱，唔會腥。香草包外脆內軟。煎法國鯖魚配蘿蔔醋汁及炸薯條，鯖魚唔乾，魚皮煎得脆脆地，配埋薯條食無咁寡。法式慢煮油封鴨髀配薯蓉及酸紅椰菜，肉質好鮮嫩，好入味，食落好juicy，而且上菜時仍然熱辣辣，配埋酸椰菜可以減低油膩感。整體來講，食物款式選擇好多，性價比高！

又一個大雨既下午 😫😫 今日接隻佬收工 ... 我見大家咁耐冇食過好野，咪睇下官塘有咩正野一齊去享受下，點知一落車就已經落狗屎 ... 去到餐廳樓下都 3/4 個人濕哂 ... 餐廳好好，叫我地慢慢整理下自己先，之後當然係探下體溫同消毒啦 !! 我地安座在窗邊，但落狗屎又真係另一個風味，打落窗既雨好似好浪漫咁 !! 哈哈 ~我地每人叫左個 SET，仲 UPGRADE 左個湯，個湯勁正，雖然佢叫 濃蝦湯，我有理由相信佢係龍蝦，哈哈 !! 都真係好濃厚，入口既蝦咪絕對係爆出黎，個湯好滑，你唔會覺得佢落左CREAM 個湯會浠左 !! 唔錯 ~~配湯既仲有沙律同埋 Focaccia，好鬆軟 !! 為個湯解滯同埋開胃 ~~ 呢個配搭唔錯 !!我地既主菜黎喇，我叫既先到，呢個係慢煮法式紅酒燜牛頰肉配法包，今日好想食牛，又想食包，呢個兩個都有，但我一度有擔心會唔會好"蘇"，我係出面試過一兩次都係勁"蘇"。但好在呢道唔會，我諗處理都真係好重要，可能慢煮就係一個方法。講番味道，牛味好香濃，配合佢入面有蔥頭、洋蔥仔同菇，好夾 !! 將蔬菜既甜味落哂個汁道，我食食下覺得麵包唔夠添 !! 哈哈 ~~ 個牛頰勁