563
26
17
港鐵牛頭角站 B6 出口, 步行約5分鐘 繼續閱讀
電話號碼
36197969
開飯介紹
環境雅致,由富多年餐飲經驗的團隊主理,以世界各地的優質食材,炮製精緻的法式料理。 繼續閱讀
營業時間
今日營業
12:00 - 22:00
星期一至五
11:30 - 22:00
星期六至日
12:00 - 22:00
付款方式
Visa Master AlipayHK 支付寶 現金 八達通 AE 銀聯 Apple Pay Google Pay 微信支付
座位數目
80
其他資料
網上訂座
Wi-Fi
酒精飲品
自帶酒水 詳細介紹
切餅費 詳細介紹
泊車
電話訂座
賞訂座積分
外賣服務
加一服務費
以上資料只供參考, 請與餐廳確認詳情
有關獎賞計劃
食評 (634)
等級4 2024-06-16
364 瀏覽
難得有日假期,但又落大雨🫣😮‍💨老細話觀塘都有得食好西🤭😋今日lunch帶我去食法國菜~估唔到環境又真係幾好喎,一入門口仲有個好有格調嘅角落。坐低點菜,店員推介西班牙紅蝦手工意粉,一定要試啦!!🥰😍🍝西班牙紅蝦配自家手工意粉:呢個真係冇得頂!!🥰😋隻紅蝦大隻不特止,仲要少有地西餐都整得咁嫩滑juicy~手工意粉口感係al Dente~啱曬我!好好味!最正嘅係佢個蝦汁,加埋紅蝦頭嘅蝦膏,同手工意粉混埋一齊,簡直係口感十足…齒頰留香…回味無窮!食到停唔到呀!😍🥳🍗蜜糖芥末烤原隻法國黃油春雞:雖然話係春雞,但係份量真係唔細,而且外皮香脆,隻雞仲非常juice,一切開有肉汁漏出嚟…好嫩滑!個蜜糖芥末酸酸甜甜,配埋雞肉,味道層次又再昇華!放假…就唔怕日光日白飲啲酒啦…😋🤭我哋嗌咗一杯cocktail一杯moctail~賣相又靚,味道又好!Le Monde colada🍹:即係pina colada,冇酒精嘅~用菠蘿汁同椰汁,加奶,好香,好有熱帶風情!Le Monde rainbow 🌈 :呢杯係賣相勁靚嘅cocktail~佢用咗Gin,Blue Curacao, orange juice同 cranberry juice~層次分明!憑單七日內光顧,happy hour飲品仲買一送一添!🥰🥳🎉傾開計經理介紹呢度仲有啲房,我入去八下……環境幾靚,好優雅~如果十零個朋友gathering,包間房都係$4000低銷,一人一個餐都夠,真係幾自在!幾chill!😋👍🏻 繼續閱讀
(以上食評乃用戶個人意見 , 並不代表OpenRice之觀點。)
餐廳裝修以現代的簡約歐洲風為主🇫🇷由法國藍帶大廚主理👨‍🍳以傳統的法國菜烹調方法🔥混合西歐其他地方特色的菜式,將食材的味道昇華🔝餐廳全部出品從麵包、主菜至甜品皆自家製作。最重要係性價比極高,價錢大眾化便可以食到傳統法國菜的味道😀最新的招牌菜,西班牙紅配自家製手打意大利粉🍝紅蝦色澤漂亮,蝦味濃郁🦐蝦膏香濃甘甜,鮮味十足,意大利粉口感軟軟糯糯,爽口彈牙,每條意粉也掛滿紅蝦汁,香口惹味😋另一道主菜,炭燒美國西冷熟成牛扒🥩大廚先將牛扒Dry Aged 28天📆令牛肉味道更濃烈飽滿,再用230至300℃炭燒而成🔥入口非常油潤甘香,肉質軟嫩,牛味極重😍頭盤更有法國生蠔,口感爽脆🦪海水味很重,鮮味十足,層次豐富😙再來三隻焗蠔,肥大飽滿脹卜卜,蠔味濃,口感非常creamy🤤還有法國無激素鵪鶉脾🍗高蛋白、低脂肪和低膽固醇,口感肉嫩味濃😊三文魚他他配牛油果,有兩種不同口感,很清新,底層還有大量魚籽🥰簡單又美味一款前菜,非常合適夏天享用。以傳統龍蝦湯烹調的方法🦞加入地道材料熬製🥘精髓在於以龍蝦殼炒製熬湯🍲經過多重工序,味道濃縮再濃縮,鮮味香濃,鮮甜無比,令人一試難忘😃法式洋蔥湯也是法國菜的代表之一🧅新鮮焗製,面層鋪上一層芝士🧀入面有炒香的洋蔥和粒粒麵包,口感層次非常豐富😊雪葩是西式甜品的一種,口感類似雪糕🍧製法是將新鮮水果冷藏至結冰後磨成沙冰🍨新鮮生果糖份含量較低,比雪糕健康,感覺更清爽🧊一上枱賣相非常吸引🤩還有冒煙效果,打卡一流📸雪葩口感順滑, 味道不太甜,充滿水果香味,絕對係夏天透心凉之避❄️ 繼續閱讀
(以上食評乃用戶個人意見 , 並不代表OpenRice之觀點。)
呢間法國餐廳👭🏻孖妹bookmark左好耐,好多人讚無論環境、食物質素、店員服務都好好,👷🏻‍♀️細孖今日有事慶祝😊請左👩🏻‍💼大孖一齊試下法國餐😆餐廳環境好闊落,環境舒適,燈燒調到暗暗地好有情調😳 今日星期都好多ladies光顧,餐廳提供多樣單點項目、晚市套餐,👭🏻孖妹揀左Set dinner,食足4個courses,upgrade左幾樣食物同叫左兩cocktail摸下酒杯底😍🔸 🔹🔸🔹🔸🔹🔸🔹🔸🔹🔸🔹🔸🔹🥢法式慢煮廣島蠔✨店員建議食左蘿蔔再先飲湯,蘿蔔煮到好腍入哂味,冇渣,廣島蠔用左慢煮烹調,好濃味鮮甜,另配紫薑喺解廣島蠔腥味🥢蟹沙律酥皮撻✨以0.001mm厚酥皮疊起幾層整成撻皮,加入以沙律醬撈勻嘅蟹肉,以食用花裝飾,好精緻😍蟹肉鮮甜,酥皮牛油香重但絕唔油膩㗎🥢法式洋蔥湯✨ 咁經典法國菜餚一定要upgrade試下廚師手勢😂由大量洋蔥、牛肉湯香料烹製而成,洋蔥好軟嫩,甜甜地嘅口味同湯好夾最後,湯面仲加左mozzarella 🧀 ,芝士鹹香令到洋蔥湯口感更豐富,味道濃厚🥢龍蝦湯 + 💰18✨ 以新鮮龍蝦、香料烹製,湯入面有龍蝦㗎,肉質鮮嫩、彈牙,給湯品帶來了獨特既口感,龍蝦殼熬製令到湯品好濃厚呈橙紅色,配埋暖暖地嘅牛油餐包食一流!🥢燒西班牙伊比利亞豬鞍配味噌蒜香忌廉汁 💰378✨豬鞍要煮到夠濕潤好難㗎😳呢道菜肉質細嫩、多汁,好濃郁豬肉香味,豬鞍經過燒烤,呈現出金黃色外皮,邊邊位咬落帶點焦脆,內部保持著嫩滑口感,配以味噌蒜香忌廉汁,由味噌、大蒜、忌廉基底等調製而成,點埋醬汁食,口感更豐潤🥢熟成21日阿根廷西冷配乾邑燒汁💰398✨ 經過21天熟成處理西冷即刻吸引左👭🏻孖妹嘅眼球,肉質一定會嫩滑同好濃郁牛肉香味,牛扒經過炭燒後,表面焦脆,煎到好粉嫩,5成熟啱啱好!熟成過程中,肉質變得更加鮮美多汁,另配以乾邑燒汁由乾邑白蘭地、肉湯、香料令牛扒多左層果香🍇好好味,仲有菠菜同松子仁增加的味🥢精選甜品 - 榛子蛋糕✨蛋糕質地柔軟細膩,富有層次感,面有榛子粒呈現,以層層疊方式鋪上幾層海綿蛋糕,充滿了焦香嘅香氣,中層有榛奶油脆脆,加埋香蕉、士多啤梨🍓、藍莓🫐擺盤🥢 檸檬雪糕球 +💰38✨外觀圓形雪糕球,面加左檸檬脆粒,色澤bright ,比人一種清新感覺,食落檸檬質地柔軟滑順,口感綿密細,酸甜適中🍋🥢 Le Monde Rainbow 💰68✨飲落好light清爽,橙汁同紅莓汁嘅甜同Gin 酒balance 得好好,橙香果汁甜甜地好易入口,超colorful 好打卡😊🥢 Fuzzy Melon 💰78 ✨由Vodka、桃味、蜜瓜味利口酒、橙汁同菠蘿汁調製而成,飲落非常之清新,果汁甜味令到杯酒更加容易入口,集齊哂桃既甜、橙同菠蘿的酸爽❤️🔸🔹🔸🔹🔸🔹🔸🔹🔸🔹🔸🔹🔸🔹✍🏻總評:加🔟服務費:✅👭🏻推薦指數:🌕🌕🌕🌕🌗👭🏻回頭指數:🌕🌕🌕🌕🌗👭🏻環境評分:🌕🌕🌕🌕🌗👭🏻服務評分:🌕🌕🌕🌕🌕🔸🔹🔸🔹🔸🔹🔸🔹🔸🔹🔸🔹🔸🔹💰人均消費:$500 繼續閱讀
(以上食評乃用戶個人意見 , 並不代表OpenRice之觀點。)
等級4 2024-02-03
1444 瀏覽
由於情人節將至, 餐廳都已經佈置了情人節裝飾, 有張放滿粉紅及紅色氣球的梳化給大家打卡 ❤️ 餐廳環境比我看到的照片昏暗, 所以更有情調! 本身餐廳環境是不錯的, 可是坐在旁邊的客人說話音量較大, 餐廳部長也加入傾談, 明顯他們是熟客, 但影響不少氣氛 🫥炸蕃茄意大利飯波 $58單看名字有點空泛, 首先所謂蕃茄, 只是配了蕃茄醬, 醬汁含濃濃蕃茄味 😊 其實它是炸芝士波, 蠻脆口的, 不會炸過頭, 芝士有拉絲效果, 芝士不膩, 味道亦不濃, 反而外面脆皮味道更濃厚, 兩邊配合剛剛好, 可惜只有三粒芝士波 🫠烤西班牙八爪魚配焗薯 $158八爪魚軟腍而不韌, 加了不少蒜蓉, 加上八爪魚燒過, 更加香口, 配上煮到冧輿的薯仔, 味道不錯, 但飯波相對出色, 另外這碟菜餚也未免份量太少! 🙃紅酒燉牛仔膝 $238牛仔膝非常冧, 只用叉就能把骨肉分開, 又不會煮到一絲絲, 蠻有口感 😚 食到個汁有輕微紅酒味, 仲有薯蓉墊底, 薯蓉好creamy!海鮮蟹肉闊蛋麵 $158闊蛋麵口感比較煙韌, 相對一般意粉硬身, 個麵幾掛汁, 雖然佢寫住蟹肉, 我唔係幾食到, 不過就有好多其他海鮮, 好似蝦, 墨魚, 青口等等環境方面真係幾好, 完全唔覺得自己係工廈入面 😁 食物都幾好, 不過份量真係偏細, 好彩OP訂位單點餐牌有88折, 唔係就唔太抵, 雖然我知法國菜係咁上下 😅 上面講左個部長問題, 但上菜真係續碟上, 咁先係法國菜應有既節奏 😉 繼續閱讀
(以上食評乃用戶個人意見 , 並不代表OpenRice之觀點。)
等級1 2024-07-10
0 瀏覽
真心唔好食,食物質素不值呢個價錢,無下次!今日約左朋友食晏,諗住食好啲啦,試下呢間,見佢價錢唔平,都算啦(如果好食的話)中午一點前入到去,客人坐得一半滿,我哋叫左個羊架薯蓉,大蝦番茄意粉,等左35分鐘,仲要叫佢跟進下,再等多陣食物才到。食晏時間,有幾多個35分鐘?講下食物羊架薯蓉,啲薯蓉凍嘅,羊架味道好一般大蝦番茄意粉,嗰兩隻蝦同啲意粉無味嘅…到底點可以做得到咁無味呀埋單$360, 老實講,呢個價錢久不久食餐好的晏又唔算貴,但係佢食物質素我覺得值七,八十蚊嗰啲層次。 繼續閱讀
(以上食評乃用戶個人意見 , 並不代表OpenRice之觀點。)