Lagom Kaffe (已結業)

黎開觀塘咁緊係要試吓啦！餐廳樓底好高，充滿空間感🥰環境好寬敞，坐得都好舒服😌當日見到好多人都等緊位，如果想試就要記得要早啲去排隊啦～ 干貝燻鮭蘆筍燉飯($178)帶子食落都幾鮮嫰😋三文魚份量好多👍另成個飯加左分🤩飯同平時risotto嘅口感有啲唔同，呢到嘅比較濕潤～ 夜市酥炸海鮮($138)呢個酥炸海鮮超抵食🤩無諗過份量有咁多🥰拼盤有炸魚、炸蝦、炸魷魚等，炸得幾香，炸粉唔會過厚，小編最鍾意魷魚🦑伯爵茶芝士蛋糕($52)呢個其實係呢排好出名嘅Brunt cheesecake🥳蛋糕表面有微微嘅焦香，伯爵茶味濃郁，蛋糕如果口感再細滑就仲正！莓莓乳酪燕麥奶搖 （$48）莓莓酸酸甜甜都幾開胃🍓略嫌太稀身😛同埋如果乳酪味道突出啲會更加好！-Lagom Kaffe (觀塘)📍觀塘偉業街180號Two Harbour Square1樓

聽喺呢度返工嘅細妹講，Lagom好大好靚又有室外坐，唔算多人，係hea飲hea食好去處。今日午餐時間黎到，勁多人囉...(笑)不過好生意就證明啲出品口碑好，多回頭客啦！等左一陣就有位，由於多人，所以冇得揀靚位坐喇，都ok la，地方唔算迫，我接受到，最正係真係有一個好大嘅室外地方，有陽光射入黎影相都靚啲！用qr code自助落單，發覺個餐牌同實體版好似有少少出入，可能有啲嘢食已賣晒所以下左架。我地叫左兩個午餐，加$10就有一杯餐飲，幾抵喎！減肥食下沙律，呢個黎麥花園沙律好啱食！賣相好吸引，食落仲覺得好fresh好清新，佢唔係淨係得堆菜，入面有烤過嘅南瓜件，椰菜花，杏仁片，有幾舊紅菜頭，大量南瓜籽。黎麥我反而覺得少左啲啲。整體黎講算高質，對得起個價錢。細妹食左個烤牛肉三文治。佢個名叫三文治但佢其實係一片酸種濾法包上面有一堆牛肉同一片煙圍一個圈，裝住一隻溫泉蛋，賣相極之精緻。牛肉搽左烤肉醬先去炒，少少辣少少甜咁，好味嘅，最驚喜係佢冇整淋個法包，所以食到底都仲好脆。旁邊有沙律菜，解膩幾好。餐飲有幾款可以揀，鐘意咖啡嘅可以揀long black or latte 呢啲，我就要左杯凍latte，

之前上網見到話觀塘開咗桔梗的姊妹店，當然要支持一下💛dirty ☕️餐牌嘅描述「白上一片啡」非常貼切，純白嘅牛奶之上加入咖啡，咖啡慢慢沉澱帶來超靚嘅分層滲透效果，的確好啱打卡～～不過都唔可以影太耐，如果唔係就飲唔到冷熱交融嘅效果🥛花雕雞風味奶油雞肉燉飯🥘我同朋友都想叫下特別啲嘅菜式，所以揀咗依個花雕雞燉飯，飯粒軟硬度適中，散發陣陣酒香，而且雞肉嫩滑，值得試試！台灣風味牛肉千層麵🍝賣相同傳統嘅千層麵分別不大，千層麵頂有滿滿嘅芝士，中間嘅肉醬有些許花椒嘅麻辣風味，但係麻辣味都好溫和，不過我覺得可以多啲肉醬濃味啲🍴濃抹茶芝士蛋糕🍰芝士蛋糕上嘅抹茶醬除咗啱打卡，味道亦都算濃郁🍵餐廳嘅面積好大，有室內室外空間，環境頗為寫意不設限時係一個加分位，同朋友聚會或者想一個人hea下都得！

🍴全日早餐 HK$128煙肉香脆乾身，香腸好大條，辣辣地，勁惹味。南瓜又腍又鮮甜。煎蛋熟左少少。雜菇炒得好香，菇味極濃。酸種麵包煙煙韌韌，配香甜蘋果醬好夾。🍴台北燉牛肉意粉 HK$98醬汁有肉碎，味道似炸醬，仲帶麻香，香氣迷人，燒牛肉中間呈粉紅色，夠腍有牛味，意粉al dante，下次想試埋奶油花雕酒燉雞意粉。🍴Flat White HK$34入口順滑甘香，烘焙香氣濃厚，帶堅果風味，如果鍾意果香風味，可以加5蚊轉咖啡豆🍴Mocha HK$45朱古力味來自朱古力漿而唔係朱古力粉，非常香濃。📍Lagom Kaffe觀塘偉業街180號Two Harbour Square1樓

有人最近又搬番過去佢最嚮往嘅觀塘返工，所以即時約佢食餐午飯，慶祝一下。揀左佢公司樓下呢間新開嘅「Lagom Kaffe」，據知餐廳係「桔梗」嘅新副線，以自由工作空間為概念。餐廳座落於偉業街 Two Harbour Square 1 樓，裝潢十分養眼，環境開揚寬敞，再配以開放式嘅門面，氣氛 Cozy 悠閒，予人舒適感覺。沿著走廊通道往內走，原來餐廳還設有一個露天花園，地方非常闊落，可以一邊放鬆心情品嚐美食，一邊享受鬧市中的陽光， 真係夠曬悠閒寫意。餐廳嘅食物選項不多，以輕食為主，有全日早餐、即製三文治、意粉、沙律、炸魚薯條、蛋糕及飲品等。有人係麵包控，第一時間揀左兩款三文治，而我就點左一客全日早餐。先試下呢份走傳統英式風格嘅 All Day Breakfast ($128)，早餐用料非常豐富，分量十足，有煎蛋、炒雜菇、沙律菜、煙肉、司華力腸同麥包。太陽蛋打孖上，好有驚喜，而且仲要係流心，超正。雜菌炒得很香口，一點也不油膩。煙肉鹹香柔嫩，而肉腸亦大條富肉汁。沙律菜下得很慷慨，既新鮮又爽脆。兩份三文治，賣相亦很吸引。鮭魚•牛油果•香草 Salmon/Avocado/Mix Herb ($98

一直想試試位於牛頭角嘅Lagom Kaffe☕️原來喺觀塘開咗新店🤩 所以就約咗喺附近返工嘅朋友去食tea💛 觀塘分店同樣空間感充足 仲有室外位置添🍃 餐廳採用QR code落單 方便快捷👍🏼 食物款式唔多 不過味道幾有驚喜！🔸鮭魚牛油果香草三文治🐟🥑($98)煙三文魚幾厚 唔會好咸👍🏼上面鋪滿大量香草🌿加埋牛油果 溫泉蛋 芝士粒 仲有三文魚籽提鮮 味道清新得來又好豐富🥰份量亦比想像中多 略嫌個包硬咗啲🔸台北燉牛肉意粉🥩($98)呢款燉牛肉意粉 用上薄身嘅牛肉片同免治肉碎 牛肉食落幾嫩滑😋但肉碎較肥 意粉軟硬度適中 醬汁帶有微微嘅麻香🤤好特別！🔸莓莓乳酪燕麥奶搖🍓($48)好靚嘅奶昔💕甜度適中 有少少冰凍 質感綿密 飲完好飽肚🤣－－－－－－－－－🍴食物：4/5🏝環境：3.5/5🛋服務：3/5💲價錢：3/5💥翻兜指數：3/5✨CP值：3.5/5

Lagom Kaffe係最近好hit嘅coffee shop，之前已經想去佢哋牛頭角個間店，但排隊唔成功😂見觀塘又開咗，所以今次試吓排呢邊，偉業街Two Harbour Square呢度有個好處係有得係同一撞building拍車之後直接搭lift去餐廳，唔洗周圍搵地方拍車。另外佢有個大outdoor平台，見到好多人帶狗狗坐出面，可以同狗狗一齊享受chill下飲咖啡同朋友chit chat，真係幾好嘅地方。Outdoor同indoor環境好chill之外，當然都非常滿意佢哋職員服務好好，食物都好好味。叫咗個Iced Americano & Milk Latte升級Fruity咖啡豆都只係+ $5，咖啡好香醇，nice！！呢個黎麥花園沙律Daily Quinoa Garden Salad好味，有哂我想食嘅所有材料😋👍🏻 好適合低碳低脂，七色蔬菜飲食法，又或者唔係全生酮嘅朋友。黎cafe點可以少咗All Day Breakfast，材料好豐富大份，足料！！另外仲叫咗個spaghetti。好滿意好chill嘅地方，會encore！！

之前係觀塘返工，知道桔梗會係觀塘開姐妹店Lagom Kaffe，已經諗住試，最近終於可以抽到時間去Lagom Kaffe食野。我選了All Day Breakfast。All Day Breakfast上檯。賣相精緻，仲好豐富。有沙律，麵包，香腸，煎雙蛋，煙肉，炒雜菌。麵包外脆內軟，再加埋果醬一齊食，特別好味。香腸帶點微辣，多一份惹味。蔬菜夠新鮮爽脆，可以起中和作用。飲品當然首選咖啡，黑白咖啡也想試，最後選了黑白配，可以一次過飲曬黑白咖啡。店員話先飲黑咖啡，再飲白咖啡。平日甚少飲黑咖啡，初頭真的有些不習慣，後來可以，之後再飲白咖啡，感覺完全不同。

雖然疫情冇得去旅行，但係香港都係個幸福嘅地方，好多海外嘅餐廳都嚟到香港開分店。呢日我哋就嚟到台灣式cafe：樂感餐廳有室內及室外嘅位置，我哋坐咗喺近出的位，望到出邊嘅景色，亦享受到室內嘅冷氣。餐牌好簡單，亦已經好足夠及吸引。我哋之前去過牛頭角嘅分店，印象中兩間店嘅餐牌有少少唔同。本來希望食鬆餅，但係呢間店好似冇。都唔緊要，我哋點未食過嘅菜式每次食全日早餐都好開心，食物種類多，雖然常見但穩陣而好味。呢度嘅菇類調味唔錯，好有台灣特色，比較厚身有咬口。而佢嘅香腸係有少少辣味，幾香口。特別令我哋有驚喜嘅係佢嘅麵包。麵包應該係新鮮焗起，切出的形狀好隨性，有有屋企做嘅原味。包嘅外皮香脆，麵粉味濃郁，側邊醬汁係有好香甜嘅肉桂味，超正！呢個中西合璧嘅意粉好有驚喜！牛肉味道有台灣嘅特色，有中式嘅香料以及有少少麻辣嘅味道意粉係粗身，連同埋牛肉嘅醬汁味好配合！草莓味香濃，配合埋燕麥奶以及乳酪好夾，清新健康，酸酸甜甜。咖啡味香醇，我哋轉左唔要鮮奶，要燕麥奶，兩者都好配合。呢度嘅食物質素唔錯，環境都幾舒適，係大約朋友聚會嘅好地方。

之前去過牛頭角個間再去觀塘呢間朝聖 我都係平日先會去 星期六日一定多人到enjoy唔到～ 去cafe 食肉醬意粉好似好傻仔 但又真係幾好味 係高級味道既肉醬意另外matcha burnt cheescake 一定要試！ 大推 最後仲叫左個雞肉mango toast Nice combination and yummy! 👏🏻👏🏻

呢排成日聽人講觀塘呢間餐廳😆雖然地點唔算好方便但係好似好出名🥰今日喺附近放工就專誠同朋友嚟試！😆餐廳空間好大☺️室內用木系設計好舒適🤗而且有室处地方俾人食水煙夠曬chill!餐廳自助用QR code落單夠晒環保!👍🏻食正餐之前餐廳送咗麵包做前菜😆喂好有誠意喎個麵包！配埋特製牛油🧈正！我哋先叫咗個蟹肉牛油果沙律🥗感覺好Fresh!上面配埋芝士脆片打卡一流💕然後再叫咗個帶子煙三文魚Risotto😆我想講呢個真係好好食!帶子煎得得又香又入味！好有誠意啊呢間餐廳！我哋叫咗杯smoothie飲得出入邊落咗好多新鮮生果🥰夠晒足料好味！最後不得不提嘅就係呢度嘅matcha cheesecake 佢係用咗呢排好Hit嘅Burnt cheese cake🤡綠茶味勁香濃！好高質雖然呢間餐廳遠左啲！但係食物環境都好有質素有機會一定會再嚟！❤️

Lunch OpenRice無得book位，為有打去book。點知今日去到，話無我的booking搞咩丫即刻問佢有無位。好在地方大，又早到，仲有位je。如果唔係，要落樓下食茶餐廳疫情期間，最在意的就係餐廳夠唔夠寬敞，間距夠唔夠。呢間餐廳就唔錯喇自助落單，食物選擇好似唔太多，飲品就有幾頁子。同事叫左ADB,好吸引丫話點解唔係炒蛋。但食左一啖煎蛋後，表示幾唔錯對呢個餐的評價都好高。我下次都要試丫！對呢杯野都有讚冇彈，話個fruity咖啡豆好香喎呢個係我的，麻辣肉碎汁。真係好麻，但唔多辣。我都食到略嫌啲意粉硬左少少。牛肉薄切，好嫩滑可以encore...

呢間戶外有水煙有工廈，但要係OpenRice 提早book位寫清楚（waiter講），幾有禮貌。不過，食物中，炸雞麵粉太多，較難咬開。另外，醉雞較少件，但意大利飯夠硬，甜品普通，麵包有驚喜，既暖又軟，可來一次。價格偏貴。

平時唔多食港女嘢，難得男友book咗呢間桔梗嘅姊妹店，聽講環境好靚好闊落，一於試試佢先。Cafe係觀塘海濱附近，地鐵站行去都唔算太遠，行上去1樓嘅樓梯已經好靚好氣派。去到門口見到寫住係full booking所以冇得walk-in，心諗好彩我地book咗炸。行入Café，近乎全場爆滿，難得嘅係咁多人竟然完全唔覺得迫，對於市區Café黎講，真係好難得。佢裝修都幾靚，門口位置係湖水藍色同鮮橙色嘅配搭，個feel耳目一新得黎又好refreshing。入到去主要都係木色同灰色，最鍾意就係有張睇落好好坐嘅梳化同大棵綠色植物，見到都覺得chill呢。最surprised都係窗口位竟然冇玻璃，本身以為係方便俾啲客可以近啲戶外新鮮空氣，後尾問返男友先知，原來佢直情係有outdoor seating㗎，可惜夜晚唔開放，如果係日頭黎，就可以吹住初春微風，同三五知己慢嚐咖啡，實在太嘆喇。睇返menu，原來除咗有紙質menu，仲有得俾我地嘟曲係電話度睇menu，咁就唔怕幾個人爭住睇啦。食物睇落唔算好多選擇，不過好在佢甜品同嘢飲選擇多多，更有唔少係響其他地方唔多有嘅特別嘢，係個食tea嘅好地方。落咗柯打之後好快

舊年11月到訪過「樂感 」（Lagom Kaffe）牛頭角店，印象唔錯，尤其啲咖啡幾出色，窩夫及自家製麵包都頗有特色。最近，聽食友分享，「樂感」最近晌觀塘都開咗新店，地方更大，更有室外位。乘着過開嚟觀塘，就試試這家觀塘店。果然喺幾大熱，門口堆滿人，好彩地方大，位多，走咗一批午餐客，都唔算等好耐，就有位。 餐廳嘅室內位本身都頗大，裝修以簡約為主，唔算好花巧，色調就以湖水綠拼啡，加上樓底都有啲高，唔會好侷促，總之就一派簡約咖啡店格局。 而另一部份室外位，原來亦唔細，主要放嘅喺梳化椅，甚有峇里風情。天氣和暖嘅，曬曬日光浴都幾唔錯，但就無設太陽傘，唔知到盛夏嘅時候仲喺唔喺咁。此外，店家觀迎帶寵物，亦提供土耳其水煙，不過，就因為呢兩點我哋覺得坐番室內好啲。 餐牌跟牛頭角店有啲分別，唔見有窩夫供應，其他嘅就差不多，如全日都供應嘅輕食、意粉、沙律，仲有各種咖啡、精品茶，以及其他特飲。另外，就仲有一啲蛋糕及烘焙產品，堂食或賣走都得。 雞肉凱撒沙律･溫泉蛋 $78凱撒沙律部份做到足，依樣有煙肉碎、烘麵包粒，仲灑下唔少巴馬臣芝士，醬汁亦調校得酸香開胃，篤開隻溫泉蛋，將蛋漿撈勻，味道更具層次，又加咗啲藜麥，