影片
更多
2021-03-30
1642 瀏覽
聽喺呢度返工嘅細妹講，Lagom好大好靚又有室外坐，唔算多人，係hea飲hea食好去處。今日午餐時間黎到，勁多人囉...(笑)不過好生意就證明啲出品口碑好，多回頭客啦！等左一陣就有位，由於多人，所以冇得揀靚位坐喇，都ok la，地方唔算迫，我接受到，最正係真係有一個好大嘅室外地方，有陽光射入黎影相都靚啲！用qr code自助落單，發覺個餐牌同實體版好似有少少出入，可能有啲嘢食已賣晒所以下左架。我地叫左兩個午餐，加$10就有一杯餐飲，幾抵喎！減肥食下沙律，呢個黎麥花園沙律好啱食！賣相好吸引，食落仲覺得好fresh好清新，佢唔係淨係得堆菜，入面有烤過嘅南瓜件，椰菜花，杏仁片，有幾舊紅菜頭，大量南瓜籽。黎麥我反而覺得少左啲啲。整體黎講算高質，對得起個價錢。細妹食左個烤牛肉三文治。佢個名叫三文治但佢其實係一片酸種濾法包上面有一堆牛肉同一片煙圍一個圈，裝住一隻溫泉蛋，賣相極之精緻。牛肉搽左烤肉醬先去炒，少少辣少少甜咁，好味嘅，最驚喜係佢冇整淋個法包，所以食到底都仲好脆。旁邊有沙律菜，解膩幾好。餐飲有幾款可以揀，鐘意咖啡嘅可以揀long black or latte 呢啲，我就要左杯凍latte，
聽喺呢度返工嘅細妹講，Lagom好大好靚又有室外坐，唔算多人，係hea飲hea食好去處。今日午餐時間黎到，勁多人囉...(笑)不過好生意就證明啲出品口碑好，多回頭客啦！等左一陣就有位，由於多人，所以冇得揀靚位坐喇，都ok la，地方唔算迫，我接受到，最正係真係有一個好大嘅室外地方，有陽光射入黎影相都靚啲！
用qr code自助落單，發覺個餐牌同實體版好似有少少出入，可能有啲嘢食已賣晒所以下左架。我地叫左兩個午餐，加$10就有一杯餐飲，幾抵喎！
減肥食下沙律，呢個黎麥花園沙律好啱食！賣相好吸引，食落仲覺得好fresh好清新，佢唔係淨係得堆菜，入面有烤過嘅南瓜件，椰菜花，杏仁片，有幾舊紅菜頭，大量南瓜籽。黎麥我反而覺得少左啲啲。整體黎講算高質，對得起個價錢。
細妹食左個烤牛肉三文治。佢個名叫三文治但佢其實係一片酸種濾法包上面有一堆牛肉同一片煙圍一個圈，裝住一隻溫泉蛋，賣相極之精緻。牛肉搽左烤肉醬先去炒，少少辣少少甜咁，好味嘅，最驚喜係佢冇整淋個法包，所以食到底都仲好脆。旁邊有沙律菜，解膩幾好。
餐飲有幾款可以揀，鐘意咖啡嘅可以揀long black or latte 呢啲，我就要左杯凍latte，係細杯啲，不過正價都係呢個size㗎咋，所以午餐價認真係抵！鐘意茶嘅可以試叫手調茶類，我哋叫左呢杯維多利亞時代的伯爵茶，個名夠曬長，即係乜東東？飲一啖，有陣橙味嘅果香，同earl grey好夾！
最後梗係要整件cake，細妹話佢食過好多次呢度嘅earl grey巴斯克好正，好啦試下先！係好食喎，尤其是上面pat醬料，真係好earl grey!! 件cake 本身就似cheese cake多啲，中間好cheese好實淨，earl grey味就一般，欠creamy，靠曬個醬去加分。
餐廳係主張比客人任坐，所以要等位在所難免。室外主要係提供shisha，唔食嘅話好似都可以坐出去嘅。服務呢，一般年輕人嘅服務啦，cool啲，冇乜尾音咁，的確係可以做得更好。整體黎講，以環境同食物取勝，值得一試。
張貼
