Lagom Kaffe (已結業)

知道呢間係桔梗集團，而桔梗係出名難食嘅黃店。估唔到呢間一樣咁難食，冇下次。叫咗一個all day breakfast 同奶油花雕酒燉雞意粉。個早餐同桔梗嘅賣相同食材幾乎一模一樣，所有食材都係凍同埋係好廉價嘅貨，麵包係凍，啲菇好油，兩隻蛋絛味之餘仲要落咗勁多鹽。成疊碟野簡直不堪入目。輪到碟意粉，點知仲難食，完全冇酒香，啲雞肉仲要腥。我哋坐喺室內嘅最邊邊既位置，望住室外區，沙塵滾滾。啲沙塵係咁吹落去我哋張枱，搞到食完嗱嗱聲走人算。食物質素完全唔合格，絕對冇下次。

我朋友上網睇過呢間餐廳嘅食評，見到啲相睇到個地方同環境都唔錯，所以就book咗位去試吓，網上寫佢哋close 凌晨兩點唔知道原來餐廳嘅晚飯時段去到10點,我差唔多九點去到就已經last order ，個Menu其實都只係得大概10款main course,點知四樣都賣晒，我哋無奈都只可以揀到兩款花雕雞風味奶油雞肉燉飯啲雞肉冇花雕酒香，食落冇驚喜，而且燉飯唔好食，呢個飯呢個價錢食完好失望。夜市酥炸海鮮有大蝦，魚柳，墨魚，上菜嘅時候全部都係熱辣辣，食落去都幾脆口，魚柳唔差，墨魚彈口，配蜜糖芥末醬，食落去都開胃。最後去到9點50分左右，侍應話10點close, 連坐喺度休息5分鐘嘅機會都唔可以，我都知道阻人收工好慘，但呢餐飯都真係食得幾慘，唔會再去了。

辦公室附近最近新開了這間餐廳，裝修走歐式風格，以原木色為主題，配襯不同的顏色，看着很舒服，裝修風格吸引了很多年青人及文青來拍照打卡，雖然我不算是他們的一員，但也樂於在午飯時間來嚐試一下他們的菜式。All Day Breakfast ($128)全日早餐朋友享用的全日早餐，味道不能評價，不過目測用的材料非常豐富，詩華力腸及火腿煙肉用料也很充足，分量十足，朋友說味道不錯，唯一遺憾是欠缺了薯餅，如果有薯餅整道菜式就圓滿了。Taipei beef stew spaghetti（$98）台北燉牛肉意粉這款牛肉意粉非常驚喜，意粉卷成長條形狀，上面鋪上牛肉片，意粉煮得剛好，硬度適中。最好的是意粉及醬汁的比例剛好，不會太乾不會太濕，也很掛汁。這個菜式是中西合璧，雖然選用的是意粉，但醬汁則是選用四川麻辣口味，非常惹味開胃，越食越上癮，叫人欲罷不能。而且份量也不少，吃一份牛肉意粉絕對夠飽一個下午。評分：8.5/10Bolognese spaghetti ($88)經典蕃茄肉醬意粉另外一位朋友點的意粉，這碟意粉賣相就沒有麻辣牛肉麵那麼美麗，意粉的排列就是混亂的，沒有特別卷成形狀，不過朋友說味道仍然不錯，只是

第一次來食，打正旗號黃店，一定要支持！環境好舒服，地方大，design 簡約。食物就物非所值，以價錢來計，食物味道一般，松露燉飯，無咩松露味，牛肉千層麵，焗到乾晒！培茶巴斯克蛋糕，培茶同芝士味一啲都唔濃。收加一，但無服務，我唔係要殷勤，但起碼指示要清晰！我第一次來，問職員時佢話6:30pm先開始入座，我問係咪要排隊，佢話係，但到夠鐘，另一個職員先話要訂枱先入得，咁其實可否叫我地排隊時提一提，咁我地好預算決定等定唔等！order 嘢，可否放下QR code 單時提一句可用QR code 下單，同埋原來結帳又要舉返手！去廁所原來要鎖匙，其實問廁所喺邊度時職員可否提提，唔提唔緊要，在廁所門口寫啲提示標語都好吖！鎖匙原來掛喺防煙門出面側邊幅牆度，真係邊會留意到！可否唔好supposed 食客supposed 咩都知！只係想你地講一句咁多！

台灣風味牛肉千層麵Taipei Beef Stew Lasagna花雕雞風味奶油雞肉燉飯Stew Chicken/Yellow Wine紅酒Jip Jip Rock花雕雞燉飯酒味好濃，再加埋杯紅酒，其實都後勁幾大，走個陣時真系有啲醉，笑咗。燉飯味道比較淡，臺灣千層面就味道重啲，好濃芝士味，千層面都幾厚下。我自己食慣淡啲口味，會prefer個燉飯，朋友就鍾意個麵多啲。不過夜晚有啲蚊。吸蚊ge朋友唔好坐出邊。想下次夜晚去多次，真系去飲酒😝

早前已經睇到不少朋友分享係桔梗姊妹店，當然要特意過黎試下餐廳面積幾大，座得舒服，更有戶外位也是一間寵物友善餐廳，當日都看見不少狗狗黎假日來人很多，都等位等左一段時間餐單簡單，飲品就比軟多款台北燉牛肉意想不到有驚喜，份量都算多味道就係就肉醬意粉加麻辣醬個人覺得幾好味另一樣叫左奶油花雕酒燉雞雞都幾重花雕味，有係幾特別，意粉好creamy伯爵茶芝士蛋糕蛋糕唔會太甜膩，外面伯爵茶醬又濃味，下次黎都會再叫咖啡就叫左Flat White， Black coffeeFlat White飲落順口，絕對有下一次

旺角人氣店桔梗很久前已經想幫襯，無奈人龍太長，另一半又最怕排隊。最近得知原來桔梗於牛頭角及觀塘開了兩間姊妹店，觀塘店位於Two Harbour Square。從前於觀塘放工時路經Two Harbour Square，入夜後非常僻靜，心想此間樂感應該都不會太多人，特意選了星期一晚上最少食客的日子到訪。樂感觀塘店位近海濱長廊，於Two Harbour Square一樓位置，沒有名牌，路過未必會留意到。步上一樓，餐廳面積很大，樓底很高，空間感十足，不過人聲很鼎沸。餐廳以輕食及咖啡為主，輕食有鬆餅、牛角包、玉桂卷及多款巴斯克芝士蛋糕，作為下午茶配咖啡應該不錯。晚餐選擇不多，跟餐有麵包盤提供。麵包是最喜愛的歐陸麵包，氣孔很大，入口鬆軟，麥味香濃。花鵰雞風味奶油雞肉燉飯從外觀看來，此菜似一般西式奶油雞肉燉飯，不過加入花鵰酒後，油膩感減輕，帶有淡淡酒香味。中式杞子既有裝飾效果，亦更似fusion菜。迷你軟殼蟹牛油果三文治此菜下單時原以為是件裝牛油果三文治伴以炸軟殼蟹，想不到三文治變成超級迷你方包。迷你方包好像小朋友玩煮飯仔般的骰，很小巧可愛，味道不差。方包厚切，烤得外脆內軟，搽上牛油果醬，味道更為吸

因為佢打左人生第一個負評。服務態度差到爆，又貴又難食，成百蚊杯cocktail難飲到飲咗兩啖就飲唔落。最好笑係咩啊？個bartender 主動走過黎問我杯野係咪唔好飲，我想講真係唔好飲，然後佢就走左去，想問人意見都有誠意少少？你有special recipe都單聲丫 ，真係當d客白老鼠，咪玩啦？比你本menu同個qr code入面個menu又唔同，8點幾去到又好多野冇得嗌。book左位遲到係唔岩，但係都冇人等位啦，唔洗黑面又串到咁，叫你下次早少少？澳牛都好service過你啦！入到去覺得個環境係幾靚既，點知d蚊多到咬死你（已經唔係坐露天）話想坐返入少少啦，丫～抹左枱又唔想比你轉啊！個飯味道還好啦，不過唔值依個價，個炸海鮮難食到呢，搵埋d餸頭餸尾炸比你咁。雖然話就話係黃店，但係真係好難食又唔抵啦！食到成肚氣回頭是岸

星期六放假chill一chill!!!😜因為聽講要排隊好耐，所以家人先去拎位😚等我慢慢出門口，實在太愛我了！😌佢係排咗一粒鐘。。。拎咗飛可以去觀塘海濱行吓睇吓海🌊 都幾近的等位嘅時候會見到蛋糕櫃同沖咖啡嘅counter，都幾吸引🥴 入去嘅時候見到都幾大幾多位㗎啵！仲有戶外空間添！真係好爽啊！不過今日比較熱就唔想坐出邊啦🌞🌞🌞我哋叫咗一個all day breakfast, 同埋雞肉芒果三文治（辣㗎！辣㗎！辣㗎！）兩杯嘢飲，cappuccino & dirty野食係好食既！個三文治入邊嘅雞胸肉完全唔鞋口，加芒果超夾❤️❤️❤️不過份量就唔算多，胃口大嘅朋友可能唔夠食。All day 就正正常常啦，始終而家周圍都有得食，唔係特別outstanding 嘅話好難跑出🙃咖啡係幾好飲嘅，咖啡豆嘅味道非常之出色。可惜係dirty上到枱嘅時候奶同咖啡已混成一體，影出嚟唔特別靚啦😆下次時間充足啲會再嚟食，坐耐啲可以叫埋蛋糕試下！搵個地方傾偈吹水來講都唔錯，但係要避開星期六日，因為等位比較耐😌要有心理準備丫

朋友見到雜誌訪問，帶我嚟補食生日飯，平日午飯時間二人去，人唔少，陰天冇開露天位，還好可坐露天旁的位，後來下午茶時段開左，唔少狗主帶愛犬坐嚟，露天位原來有水煙服務。 可改善一下女洗手間，餐廳唔細，一般女士較多，一格做儲物室，得一格仲轉唔到身，稍欠奉。沙律個汁有驚喜，以為千島汁，原來有少少似冬蔭功嘅香辣惹味，只係好微辣好喜歡，炸魚外脆不硬味道特色。 意粉中西合璧得嚟又夾到，雞嘅酒味唔算太濃，咬後慢慢滲出，皮會食到酒味多啲，沙律個汁撈啲意粉都好夾。 咖啡可以，花果茶好香。 蛋糕本來想食嘅兩款茶味都售罄，但雲呢拿都有驚喜。 第一印象，整體滿意。

地方大，環境好chill，坐得好舒服！最好嘅係，無入座限時！本身預咗要等一個鐘，但去到竟然可以即時入座！QR code點餐，非常方便！點咗4個lunch set，Fish and chips有驚喜，個batter做得好好，啲粉漿岩岩好，好脆口，魚亦有汁，唔乾身！反而大家推薦嘅奶油雞意粉無乜特別，個all day breakfast亦非常高質！最要讚賞嘅係杯latte！飲到底，個拉花仲成個圖係到、證明佢啲奶打得好，拉花做得好好 👍🏻👍🏻👍🏻

早幾日見疫情緩和，約啲朋友去觀塘區食嘢 ，上網見到呢間餐廳 ，好多正評， 一心諗住去試下， 上網訂咗位 ，去到攞位嘅時候點知佢話只有個半鐘頭， 初時諗住佢平日唔多人， 可以坐耐啲， 點知準時個半鐘自動幫我哋埋單， 冇問過我哋要唔要加嘢食， 但係當時我見到係冇人等位嘅， 手機落單我欣賞， 人力資源應該是提升服務質素， 可惜一點都感覺唔到， 講番食物， 晚餐只有數個選擇， 選擇不多，食品質素味道一般， 賣相精美， 打卡一樓， 唔怪得之可以成為網紅店， 總結如果諗住約朋友去傾偈，只有個半鐘時間， 整體裝修環境感覺舒服，但晚餐比較 陰暗, 我覺得應該可以再做好啲!

We think the food of Lagom Kaffe’s kwun tong branch was average tho their prices were quite competitive compared to other cafes in HK but I would say the overall experience is so-so and below my expectation😢 And here’s the reason why👇🏻-I read many reviews saying that it’s a work-friendly cafe where you can chill for the entire afternoon...tbh I’d give 1/10 for work-friendliness- the cafe was crowded and noisy even it’s outside of peak hours on weekdays. Their tables were so packed together and y

武漢肺炎呢排少咗出嚟咬人，趁個垃圾正苦未放毒入嚟，快d出嚟食多幾餐飯先~ 今次我地揀咗呢間餐廳， 見佢都好似幾新， 又可以就咁book位，好方便佢個menu唔多嘢食揀，但係我地叫嘅樣樣都好食 貴精不貴多呀~ 佢係用app 落單， 好方便， 唔駛叫人嚟寫單，我地可以慢慢揀我地揀咗夜市酥炸海鮮，迷你軟殼蟹牛油果三文治同花雕雞風味奶油雞肉燉飯。 d嘢食未嚟到就飲住嘢， 食吓佢個面包先~ 個包係d好raw嗰種，感覺應該係健康d, 多d纖維，冇乜點加additive, 都幾好食~ 食食吓d主菜就嚟喇~ 個夜市酥炸海鮮有蝦，魷魚，魚，食落都幾好味，配埋個wasabi蛋黃醬，都幾惹味 之後試個三文治， 佢其實係個包迷你， 個size好得意，好似自己玩緊煮飯仔咁， 但係個軟殼蟹唔迷你， 係成隻咁上， 可以自己夾埋嚟食又得， 分開食又得~ 得咗個花雕雞風味奶油雞肉燉飯望落普通，但係食落原來好掂 好surprise件雞好勁嘅花雕味， 但係唔會醉， 真係估佢唔到， 好好食！ 個飯又好好食喎， 嗰幾粒杞子簡直同個花雕味互相呼應， 呢個飯真係好得！！！ 成餐飯我地碟碟清， 食到好飽佢其實話入座後計1.5h

提早一個星期book outdoor位食水煙.當有早一日因為有少少微雨🌧下午餐廳打嚟reconfirm 我哋坐入面定出面但係對話過程有少少唔愉快⋯⋯ 因為佢同我哋講一有少少雨就要走⋯ 唔可以轉返坐入邊⋯⋯（我哋同行六個人就諗緊⋯如果我哋嗌完嘢食又落雨咁點算😅）打電話黎個職員都係話：就算有嘢食入面有位都要即刻埋單走💩🔔搞到我哋全班成晚都提心吊膽祈求唔好落雨🥲🥲6:45去到發現未有太多嘢食可以選擇 所以我哋係大部份都係叫小食 食物方面不過不失⋯ ⭐️⭐️全晚我哋非常之讚Shisha⭐️⭐️ 有幾種唔同嘅口味揀 而且水煙師非常細心同極之專業！得閒就會幫我哋拆會唔會有炭味同埋會唔會濁！呢一樣喺其他食水煙嘅地方真係未感受過👍🏻👍🏻 而且水煙師非常之詳細解釋俾我哋聽Shisha唔同嘅專業知識👍🏻👍🏻👍🏻👍🏻👍🏻