459
62
23
電話號碼
23685228
開飯介紹
「Lagom」的瑞典語意思是 不多不少，剛剛好，這種生活態度亦是 Lagom Kaffe 的理念。我們主打輕食及西式料理，如意粉及全日早餐等。我們亦提供主打甜品 - 即製梳乎厘。
繼續閱讀
附加資料
可於網上訂座選擇戶外寵物有善區域
營業時間
今日營業
12:00 - 22:00
星期一至日
12:00 - 22:00
公眾假期
12:00 - 22:00
公眾假期前夕
12:00 - 22:00
*最後落單時間: 21:00 (食物)
以上資料只供參考, 請與餐廳確認詳情
有關獎賞計劃
優惠
招牌菜
食家推介
相關文章
今日去觀塘工作，放工就去觀塘搵嘢食同事推介餐廳遠離觀塘最中心嘅地方，冇咁多人，會比較坐得舒服，就嚟食飯晚餐掃 q r code落單，可以睇到實物相片但係這個炸軟殼蟹漢堡冇相片，我哋有想試下所以都叫咗 另叫多個台北燉牛肉意粉上菜前睇睇四周環境，覺得舒服，充滿空間感果然冇推介錯，係同喧鬧嘅觀塘市中心有另一種感覺台北燉牛肉意粉食落感覺有擔擔麵嘅感覺因為有少少麻辣醬汁份量足，食到尾都唔會覺得乾我自己都幾鍾意呢個意粉，因為夠麻但係唔辣牛肉有牛肉味餐牌上唯一睇唔到相片嘅軟殼蟹漢堡有驚喜包烘得夠脆、軟殼蟹內脆外軟， 另外薯條份量都偏多，上面仲有芝士粉夠惹味朋友為食又叫多咗一個鮮雜果吉士撻上面生果份量都幾多，而且夠新鮮，提子咬落爽口，水果夠甜， 批底做得冇咁甜配合返真係甜而不膩餐廳冇喺觀塘市中心的煩囂嘅感覺舒服寧靜享受的一餐
繼續閱讀
前幾天經過觀塘海旁，見到呢間好耐無食既樂感。餐廳戶外設計休閒，主打輕食、西式嘅料理，仲喺一間寵物友善餐廳添，都方便主人帶自己嘅寵物來，相信一定好有氣氛。<二人晚市套餐> $488胡椒吞拿魚和風沙律和風沙律需要額外+$20，吞拿魚色澤粉嫩，胡椒粉令吞拿魚嘅鮮味更突出，沙律加上柚子醋味道偏酸，食落開胃，同吞拿魚既味道都幾夾。水牛城雞中翼（6隻）雞中翼外皮偏淋身，但醬汁好足，肉質滑嫩。炸軟殼蟹漢堡搭配牛油果紅咖哩醬汁與薯條漢堡好足料，除咗有一般漢堡會見到嘅番茄、生菜等配料，最矚目嘅一定喺軟殼蟹，軟殼蟹大大份，一啖咬落去，軟殼蟹外脆內軟，軟熟既牛油果同埋惹味嘅紅咖喱醬令漢堡包好有泰式風情；薯條都值得一讚，粗身薯條炸得香脆可口。煙三文魚帶子奶油燉飯+$30點了煙三文魚帶子奶油燉飯，飯面灑上藜麥，食落去有脆脆口感。意大利飯煮得恰到好，配料有幼蘆筍、火箭菜同埋輕輕煎香過嘅帶子，溫泉蛋令燉飯更加creamy。京城玄米茶鮮奶玄米茶鮮奶+$5轉咗燕麥奶，茶粉質感明顯，茶甘醇厚。京都焙茶鮮奶焙茶鮮奶拉花好美，+$5轉咗無乳糖牛奶，奶味明顯，焙茶慢慢滲透出來。鮮雜果吉士撻+$48顏色繽紛，吉士味道偏甜，整體配搭唔錯，仲有好多款唔同生果可以食。其實喺想試提拉米蘇多啲， 可惜嗰日無提供。
繼續閱讀
而家觀塘越來越多好嘢食，今次就試咗呢間勁有特色嘅休閒戶外西餐廳！店內設計充滿和諧格調，而戶外設計以休閒為主，仲可以帶埋大家嘅寵物一齊嚟玩！餐廳主打輕食同高質嘅西式料理，晚上仲提供不同口味Shisha，絕對值得大家同朋友一齊嚟消遣！👍🏻================🟠台灣風味牛肉千層麵 $148呢個千層麵非常足料，勁香又帶少少麻辣味！牛肉同濃厚嘅醬汁佈滿係每層麵中間，食得出係即叫即焗！芝士有超誇張嘅拉絲效果，喺香港好少食到咁好食又有台灣風味嘅千層麵！🥰🥰.🟡煙三文魚帶子奶油燉飯 $168帶子勁大粒，彈牙鮮甜煎得岩岩好！醬汁夠晒creamy，燉飯軟綿有咬口，而且份量都幾大份，夠兩個人一齊分享🥰.🟢芝士磨菇釀雞翼 $78雞翼入面充滿左濃厚嘅芝士同蘑菇，雞翼炸到外脆內軟，配合埋醬汁一齊食簡直一流😍.🔵鮮雜果吉士撻 $48雜果撻夠晒多鮮果，而且個皮做得好脆！係一個唔錯嘅甜品選擇！.🟣飲品：桂圓紅棗茶 $36 & 京都玄米茶鮮奶 $53誠意推介佢哋嘅玄米茶鮮奶，熱辣辣冬天飲完即刻暖笠笠！甜度仲啱啱好😃
繼續閱讀
餐廳：Lagom Kaffe (觀塘)地址：觀塘偉業街180號Two Harbour Square1樓相信唔少人都認識呢間開咗1年有多嘅Lagom Kaffe，短短時間打造咗兩間佔地面積夾埋超過10,000呎嘅台式西餐fusion Cafe都真喺幾厲害👏，長期吸引唔少人過嚟Relax吓飲杯咖啡☕️。今次去觀塘Two Harbour Square呢間分店佔地超過6,000呎，空間感極大，入到去即刻有一種休閒寫意嘅感覺😌，室內設計以藍、白、啡色為主色，設計帶有格調情懷，配合埋戶外空間俾客人帶埋貓貓狗狗嚟盡興一番🐈🐕Lagom Kaffe嘅大廚喺台灣人，除咗主打輕食同台西式fusion料理，仲有各式手工甜品🍮，晚市亦提供唔同口味嘅甜品，迎合到唔同人嘅需要同口味👍✝️胡椒吞拿魚和風沙律 $98面頭輕輕烤過、加咗胡椒嘅吞拿魚色澤均勻粉嫩，鮮味得嚟帶有一層燒烤胡椒香，配上沙律一齊食就無咁dry🥗，沙律加咗柚子醋酸甜開胃，不過個人就覺得濃味咗少少✝️台北燉牛肉意粉 $118食落有啲似麻婆豆腐嘅味道，辣中帶香🌶，香中帶麻，雖然食到底有少少油膩🤏，但呢種麻辣口味真喺令人越食越上癮😋。當中仲有唔少好似肉醬意粉咁嘅肉碎，配搭埋軟腍有陣陣肉香嘅燉牛肉片，有無啲似食緊台灣食牛肉麵嘅感覺😆✝️植物肉漢堡配松露薯條 $148無論望落定食落都以為喺食緊真嘅肉，用咗大豆蛋白為主要嘅植物材料，整成有咬口、有味道、似到十足嘅植物漢堡，仲有車打芝士、生菜🥬、番茄片🍅，用兩塊表面微微焦脆嘅麵包夾住，增添咗唔少滋味🥯，當然唔少得加咗芝士粉、可以蘸松露醬或者茄汁嘅香脆薯條✝️芒果竹炭蛋糕 $38Lagom自家製嘅芒果竹炭蛋糕，以黃黑顏色間隔，製造出吸引鮮香嘅蛋糕，中間嘅蛋糕層、面頭嘅香甜芒果粒同芒果吉士醬🥭，食落一啲都唔溜，值得一試😏Lagom Kaffe開放式Coffee Bar可以一睹咖啡師沖調每一杯拉花同精品咖啡👱🏼♀️，佢哋仲有自己嘅炒豆師為Cafe帶嚟與別不同嘅咖啡豆，叫咗杯Flat White($42)同Caffe Latte($42)，可以夠我坐返成晚喺度慢慢嘆️，呢餐真喺不多不少啱啱好☺
繼續閱讀
我哋嗌咗二人晚市套餐（$458）、鮮草莓吉士撻（$48）同埋柚子芝士蛋糕（$38）首先講咗嗰個套餐嘅前菜先啦（分別就係炸薯條同埋水牛城雞中翼6隻)我想講佢哋炸薯條嘅份量真係超多😱😱而且真係好脆口🔥🔥水牛城雞翼食落去嘅味道幾啱啱好有少少辣得嚟又會有少少酸😆😆雞肉食落去亦都好嫩滑跟住就嗰刻我哋揀咗嘅兩個主食啦（分別就係煙三文魚帶子奶油燉飯同埋台灣風味牛肉千層麵）我想講嗰個奶油燉飯真係好吸引😋😋首先賣相已經係其中一個好吸引嘅地方之後食落去真係超Creamy🥰🥰帶子食落去亦都好新鮮、彈牙而且仲有少少爽口嘅感覺之後嗰個牛肉千層麵亦都勁高質佢食落去嗰個口感真係好豐富一咬落去就超濃郁嘅肉醬同埋芝士❤️❤️而且千層麵亦都唔會太過厚食落去口感啱啱好跟住就講吓嗰兩個甜品啦柚子芝士蛋糕食落去甜度幾啱啱好鮮草莓吉士撻食落去比較脆最後就講埋我哋嗌嘅嘢飲我就揀咗要熱日本小山園抹茶鮮奶我覺得呢杯嘢飲嘅抹茶味都幾濃郁😝😝但係味道上又唔會太過澀而我朋友就揀咗要熱多明尼加朱古力奶飲落去嘅朱古力味都算幾重值得一提嘅係佢哋喺一間寵物友善餐廳‼️‼️如果有興趣嘅人可以不妨嚟試吓
繼續閱讀