Lagom Kaffe (已結業)

之前在openrice看了餐牌，打算11：00時前去到店吃bagel breakfast set。可惜店員說現在已沒推出堂食早餐set，只可散叫包點、蛋糕和飲品。而lunch set是在12：00後才提供。所以我只好散叫牛角包和flat white。店裏空間很大，只有我這個顧客，感覺很舒適。失望的是牛角包完全不鬆脆，而且很硬，對不起$24這個價格。而flat white的奶也不夠，感覺失望。場內有室外及室內座位，如果只是去坐坐聊天也可以，但如果要求食物質素，就會覺得失望。

食過兩次，個奶油花鵰酒燉雞意粉和台北燉牛肉意粉都好好食。今日再去，點知個花雕雞意粉就出事。一上枱，個汁稀到呢！咬一啖，碟意粉無味既，我仲以為自己失去左味覺，心諗唔係麻。 咁叫侍應換過碟，佢哋都好好服務，但再出嚟嗰碟都係一樣無味，朋友嗰碟都係無味，係個雞，同意粉，同個汁三者分開左囉，意粉真係好少可煮到咁難食囉。另一個朋友碟牛肉意粉就正常。心諗，一百蚊食個咁既意粉，真係唔會再幫襯。估唔到新開左唔係好耐，就變成咁。

週未同老公行完山，下午揾地方 Hea 享受美食，最終選擇左一間觀塘區西餐廳，位於商廈一樓兼且可以帶寵物架！ 地方超大有室內室外，環境開揚，室外要排隊因為較多人等，讓主人同狗狗可以一齊坐添。餐廳簡約明亮，讓人感到好relax, 店員帶位後通知我地用QR code落單, 心急嘅我即時先賭為快，有什麼好野先。Earl Grey Cheese cake吸引住，好滑好soft芝士味再慢慢滲出淡淡茶香, 非常鐘意呀！ 配埋凍杯多明尼加朱古力奶，朱古力味非常濃但一點都唔甜，反而飲下時回甘好Rich, 當有點累時即時回復正常，呢個係純個人嘅配搭！老公就食佢地嘅全日早餐 Brunch, 賣相吸引超大碟，兩個 share都夠，雙蛋，大條辣味肉腸，煙肉，炒雜菇，烘麵包同沙律，非常豐富。我還多加份 Fish & Chips, 金黃脆卜卜魚柳薯條，粉漿薄薄，有幾件就唔同平時一大塊嘅，配埋自家製嘅醬汁醮點來一口，帶點微辣香甜，幾特別加埋鮮菜減抵油膩感！

觀塘有不少樓上cafe，但這家卻是我去過的最chill的cafe。門面裝修十分光鮮亮麗，內裏間隔舒適，而且還有一大片空曠的平台可以讓人在戶外進食。餐牌的選擇多樣化 一般西餐的意粉，咖啡，蛋糕一應俱全，還有水煙可以吃呢。我們點了一個台式燉牛肉意粉，意粉上有幾片薄牛肉，吃下十分嫩口。意粉的醬汁是牛肉粒去燉的肉碎，味道有少少麻辣味，整體吃下有驚喜。雞肉凱撒沙律分量很多，滿滿的芝士，沙律醬和雞肉片。吃下會覺得十分滿足，不會覺得太齋。而最令人驚喜的是fish and chips，魚肉外脆內嫩，吃下新鮮。而且薯條也炸得剛剛好。餐廳似乎出名麵包糕點類，我們點了一件伯爵茶芝士蛋糕試試。芝士蛋糕吃下芝士味濃郁，但不會太甜膩，又有絲絲的伯爵茶味道。可惜這次肚子已經沒有空餘的位置吃其他糕點了，下次再來一定會試試其他糕點。 另外留意到餐廳有賣dirty咖啡，不容易沖製，可以看出餐廳的誠意和質素。

聽講桔梗開咗間新嘅分店，咁啱又近我所以就約埋friend一齊去懲罰下佢，上網睇到環境又正又有outdoor就知一定勁多人，所以我都預早一個禮拜打去book，個職員話星期六冇得預約，一至五就可以，之後我問佢係咪只有Walk in，佢同我講話係，我仲同個friend講話邊個早到邊個去攞定位先，早啲去，點知去到嘅時候，企出面嗰個職員話係冇得打嚟預約，但係可以喺OpenRice預訂，我聽到之後呆咗，咁算啦可能係啱開業，公司嘅運作未暢順我都可以理解，同埋我同我個friend真心想食，點知我哋兩個人足足喺出邊等咗45分鐘，好記得由6:30等到7:20，仲要而家只可以食到10點，變咗我哋想坐耐啲都唔得，最尾我哋揀咗outdoor,當我哋出到去坐低嘅時候見到起碼有三張空枱或以上，仲要到最尾我哋食完走嘅時候嗰幾張空枱仍然都係冇人坐，真心堅嬲😡😡😡😡😡至於嘢食果方面，有個叫夜市酥炸海鮮，嗰個幾好食外脆內軟，啲粉又唔厚，最想試嗰個牛肉千層麵賣晒，最尾試左個花雕雞雞肉燉飯，麻麻地，冇乜特別，完 句號

大排長龍嘅桔梗姊妹店，之前旺角店一開業就去食，之後開姊妹店都未有機會嚟，約朋友Friday night過嚟吹水食飯。環境地方超超超大！仲有outdoor係食shisha，座位同座位之間又寛敞，坐得好舒服，同朋友傾計亦唔怕比隔離枱聽到。餐牌食物選擇就比我預期少，反而飲品選擇就非常多。 餐前麵包 食台灣菜都好似西餐咁，有餐前麵包，麵包小麥味好香，亦都好有咬口。 台灣風味牛肉千層麵 $148 望落去同平時食嘅千層麵差唔多樣，芝士十分多，牛肉亦濃味，調味剛好唔會太鹹，麵質無偏粉或硬嘅情況，不過台灣風味想突顯嘅意識唔太明顯。 花雕雞風味奶油雞肉燉飯 $148雞肉醃得好入味每件都有花雕味，至於雞肉燉飯即risotto，十分有咬口，食落嘅口感就好似加左薏米咁，稍硬左少少，但稍硬，至於奶油味突出唔太膩。 伯爵茶芝士蛋糕 $52打卡一流，一呷已經好香伯爵茶味，然後就係芝士蛋糕蓉蓉又結實嘅口感，必點！總括而言，一如既往店舖空間都好大，座得好舒服，又提供shisha，好relax嘅環境，食物選擇更多就更好啦！

星期六的下午，帶女女到觀塘海濱跑下直行出路口，就到了新起的建築物 Two Harbour Square 入面有一間近期大熱的餐廳Lagom  Kaffe本黎打算係下午2點半，過了LUNCH 時間黎會少人不過等的依然不少呀~還好，等待的位置很精緻，仲有櫈坐，所以大家都不介意呢~ 一入門口，就見到呢個好大吧枱，係超級的大其實成間餐廳都好大，分為戶內及戶外2部份餐廳最出名的，要數呢個極大的戶外用餐區配上藤梳化，感覺好悠閒舒適呀~ 餐廳以QR CODE 點餐，食物分別有早餐類，三文治類，沙律，意粉類及CAKE 每款種類都有2-3個選擇是日係海濱跑完，大叫肚餓的女女，一眼就點了這個經典蕃茄肉醬意粉和黑糖鮮奶這個蕃茄肉醬份量真的超大係以湯碗上的，是有深度的呀~ 和平時那種混滿茄膏的紅紅肉醬不同這碗是比較天然的蕃茄湯底混合肉碎，很有家的味道呀~ 黑糖鮮奶上枱時看到濃濃的黑糖沉底還好攪拌後味道沒有想像中的甜就是不明白為何在餐廳也要用膠杯。而且膠杯軟軟的，上闊下窄，好像很易倒翻~害我整餐飯也擔心女女會倒瀉.. 阿女幫我選的FISH & CHIPS 當然係因為那個薯條囉~ 整體賣相不俗，有黃有綠FISH

見桔梗呢間新開嘅cafe好大又可以室外用餐，已經想試好耐，最近難得約到閏蜜去朝聖！我地為免要排隊，約了12點去到。果然真係無咩人，可以直入。個裝修好森系，感覺悠閒。係cafe 入口處有甜品同麵包賣(相片攝於埋單時)，不過我地剛到的時候侍應表示甜品和麵包還未到貨，因此不確定是否自家製作。餐廳用QR code點餐，我地叫左以下野食︰台北燉牛肉意粉 ($98)呢個意粉超好味！好推薦!佢完美地將台充滿台北特色的燉牛肉結合西式的意粉，入口微辣，好香九層塔嘅味道，而且啖啖牛肉粒，好吃！令唔中意食意粉嘅我都食唔停口。全日早餐 ($128)每次去cafe都會想叫all day breakfast。今次呢個all day breakfast 真係無令我失望。個酸種麵包好煙韌，配上酸甜醬，好好食。而且當中的蘑菇事先炒過，好香好入味。成碟好足料！巴斯克抹茶芝士蛋糕 ($52)坐到1點左右，終於見到甜品陸續擺上甜品櫃，我地叫左巴斯克抹茶芝士蛋糕黎試。不過呢個芝士蛋糕比較令人失望，個質感好鬆散，好容易食到成枱蛋糕碎，而且芝士味唔出。Flat White ($34)室外用餐區

觀塘開咗一間寵物都去得嘅餐廳 裝修得好華麗 好relax 好有空間感 而之前喺牛頭角食過幾次 今次都有驚喜印象相當不錯 個刻好肚餓 就決定食個lunch 喇選擇繁多 成日都好想試吓經過選擇困難症既洗禮 決定食下面幾款食物朋友想食all day breakfast 真係大推介 賣相相當不俗 有煎滑蛋 我同朋友係咁爭住食😂 仲有好特別嘅南瓜 好小地方食到 呢個真心推介 健康之餘又好食 白菌 沙律 腸仔 完全係勁impressive 因為要煮得剛剛好要好有技巧 果然呢間真係無令我失望 超級好食 鮭魚牛油果香草三文治-呢個份量非常大 完全係兩大塊包 個包烤到剛剛好 帶有小小香脆 牛油果同三文魚 完全冇諗過會有呢個配搭 意想不到咁好食 同朋友食個不停 一下子就清哂 真係太好食了Fish and Chip-炸得好香脆 啱啱好唔會太濃 有d 似係澳洲fish market 食既味道latte- 選左fruity 咖啡豆 提升左個咖啡去另一個層次 好香 奶幼滑 食完飲佢真係十倍滿足

旺角有桔梗，九龍東有姊妹店「Lagom」，觀塘、牛頭角各有一間，兩店同桔梗有個共通點，就係環境幾寬敞，亦唔會限時，的確幾好hea。觀塘店喺海濱附近，有室內同室外座位，室外露台空間十足，唔熱的話應該幾舒服（雖然抬高頭都係被工廈包圍）。呢度有all day menu同晚餐，以西餐為主，但都有創意fusion菜式同甜品，飲品就有多款咖啡、奶昔、精品茶、酒。All day menu走輕食路線，想飽肚都可以㨂all day breakfast同意粉。意粉得3個選擇，其中兩個係fusion款式，一個係奶油花雕酒燉雞，我選的另一個係台北燉牛肉（$98）。咁樣形容啦，佢係肉醬意粉的base，但加左台灣紅燒牛肉麵的元素，食入口會有好強烈的花椒味，辣勁中等，好有椒麻的感覺，越食越刺激，非常創新但又唔會覺得唔夾。加埋面頭鋪左薄薄幾片腍滑牛肉，就好似食緊意粉版的牛肉麵，好食。輕食的其中一款係炸魚薯條（$88），炸魚的炸漿好薄，出面好脆，但魚肉仍保持嫩滑多汁，火候拿捏得好好，而且調味恰當，點下帶少少辣的千島汁，味道更加提升。薯片雖然普通嘢，但唔會炸得燶同乾身，仲好有薯仔香，食兩條又食下沙律菜，就可以平衡下。近期

Lagom Kaffe以自由工作空間為概念，上年10月係牛頭角開業後，最近係觀塘再開分店，同樣以落地玻璃設計，木系格調，感覺相當Cozy。最特別之處座位有分室內同室外，室外有濶落嘅露天後花園，可以帶埋寵物嚟，天氣好嘅時候絕對係女仕們打卡嘅好地方！Lagom Kaffe主打咖啡、意粉、三文治，戚風蛋榚等等嘅輕食， 是日假日，同朋友一齊係度度過一個懶洋洋嘅下午。落單係以Scan QR code 形式，非常方便，疫情下絕對能令客人安心。All Day Breakfast:All Day Breakfast 係呢度嘅招牌菜之一，又點可以唔試下呢？All Day Breakfast賣相一流，非常豐富，有齊太陽蛋、炒雜菌、香腸、煙肉同埋沙律，最特別係配埋自家烘焙嘅酸種麵包，比係平時食到嘅更香更軟，沾埋伴碟嘅肉桂燕麥醬簡直一流。除此之外，煙肉微微煎過，油香四溢，香腸微辣，非常juicy，整體味道唔錯。鮭魚･牛油果･香草三文治：酸麵包上鋪滿左煙三文魚、牛油果醬，水波蛋同芝士粒，煙三文魚入口唔會太鹹，配上水波蛋同軟芝士粒，帶有鹹香味，整體配搭唔錯，配埋伴碟嘅沙律菜，感覺相當清爽，有飽肚感之餘仲夠健康。I

繼牛頭角分店後，今次黎到偉業街分店，同樣地佔地廣闊嘅餐廳係好relaxing, 同其他枱之間有好寛闊空間，環境佈置上值得加分。食物方面，醉雞意大利飯有新意。雞扒經過輕煎，跟意大利飯配搭在口感上係西式做法，而味道上，雞扒完全吸引左花雕酒既辛香，口味游走於中西之間。另一個意大利飯配煙三文魚和帶子，經典西式口味之上放上一個半熟雞蛋，撈勻意大利飯之後得益於蛋黃的香、奶油的滑，食材之間配合度高，最岩我口味。整體而言味道幾可靠，意大利飯偏硬身，有顆粒感，如果喜歡糯一點口感可以嘗試下單時和店員溝通一下。

繼早前喺牛頭角站新店開張後話咁快又到觀塘呢間分店開雖然位置就比較偏僻 附近都係商業區正因為咁 更顯得佢係鬧市中嘅綠洲裝修採用柔和的風格 令人覺得好舒服同放鬆 有室外同室內 室外更有一大片草地俾小朋友同寵物一齊享受一個舒適嘅假日 食物種類唔算多 主打輕食 有蛋糕 牛角包 同戚風蛋糕 等輕食 係用手機下單 今次叫咗 all day breakfast 同台北燉牛意粉 再加兩杯咖啡 食物分量好充足 可以一齊share食我最欣賞係個意粉 佢個醬汁好特別 有少少麻辣味但係唔食得辣嘅我都可以食 牛肉似用慢煮方法烹調 保持到肉質嫩滑嘅感覺All day breakfast 擺盤好靚最啱打卡用 豐富又健康 最啱假日一邊慢食一邊嘆杯靚咖啡 放鬆下咖啡種類好多 好難得先簡到 今次試左泡沫咖啡同latte 味道唔錯 香濃 帶少少酸 仲有好靚既拉花 想黎試最好早少少搵係靚位 中午開始多人要排隊

緣由： 網上看見這間餐廳的好評，加上喜歡它的戶外空間，感覺挺令人放鬆，因而相約好友週日去放鬆一下. 打電話預訂時，被告知星期六日不設提前預訂，因此我們在門外輪候大約半小時方可入座。 入座時，被告知戶外空間只開放給戶外客人，不過室內空間亦採光度十足，令人舒適.只是桌椅略嫌細小。📍奶油花雕酒燉雞意粉 $98點了網上推介的奶油花雕酒燉雞意粉。一口吃進，意粉偏硬，奶油味和花雕味欠奉，只是一個普通白汁意粉。意粉份量適中，但花雕酒燉雞只得兩件，略嫌不足。📍台北燉牛肉意粉 $98台北燉牛肉意粉帶來驚喜，入口很重的花椒味 伴帶點辣味，適合喜歡川菜的我。配上肉碎更是令人胃口大開。📍多明尼加朱古力奶 $48比普通朱古力奶有更濃郁的朱古力味，口感雖不夠厚滑，但是味道不錯，適合喜歡朱古力的朋友。服務態度 只能用差來形容，男侍應端來意粉的時候，‘砰’的一聲隨手放到桌面，然後頭也不回地走了. 即使是街邊大排檔也不會這樣待客吧。 另外，結帳的時候，前後找了三位侍應，等了15分鐘才拿來賬單。

中午1點半來到餐廳 都等左一陣位餐廳環境比想像中大 有戶外地方 感覺好悠久午餐黎講，食物價錢中高，不過份量對得起價錢食物質素亦唔錯 三文治既麵包較硬身 豬肉鋪滿包面 食完好滿足有時間慢慢嘆個下午茶係一流