LAB10 (已結業)

旺角一帶都好多日式放題，火鍋放題等等，吸引大量年青朋友、學生們約埋啲friend過嚟享受下週末嘅人生， 食物質素中規中矩，價錢都係在合理範圍之內。在朗豪坊的（lab10）當然也不會怠慢，餐廳定位屬中價，每碟菜100元左右，人均消費200多元，食物質素也比放題要好，屬高檔次的餐廳，韓牛也是必點菜式，餐廳現推出優惠價，如叫第二份肉類拼盤喺facebook 按like 就可半價，相當抵食。旺角，定位當然係for 夠潮夠型既年青人。韓式果汁吧，叫外賣拎走，拎住行街飲都得。🍒🍑🍐🍏🍎🍓🍍🍋🍊🍈🍇韓式炒粉絲$85，爽身夠煙韌，牛肉味滲哂落粉絲度。主角，特級韓牛拼盤$438，1++的等級相等於和牛等級A5，為分類中最優質的級數，和牛動軌過千元，油花爆棚。 韓牛油脂均勻，油份中和，肉位更多，更香濃肉味，咬口更緊緻有力，鐵證韓牛並非等閒之輩。從天上降落凡間的天使，好有牛肉味，又夠肉汁，難以形容。Medium rare，3成熟度夠哂數，超正。帶子好新鮮，食起時好有層次感。海鮮類，帶子，八爪魚夠鮮甜。

韓燒一向都好深受香港人愛戴，包括我自己在內，但每次韓燒完個身都會一陣味🤢今晚同朋友係朗豪坊行街，途經十樓既時候就俾LAB 10個門面吸引住，全白色既裝潢，再望下個餐牌竟然係韓燒，即刻拉左朋友入去。坐低之後仲係度諗緊自己有冇黎錯地方🧐因為餐廳非常乾淨，丁點油煙感都冇😱😱韓式牛骨湯大量白蘿蔔，清甜到痺，侍應仲會提供條小匙羮俾你食牛骨入面既骨髓韓式牛肉炒粉絲出奇地一D都唔油，粉絲仲好彈牙，份量都唔小特級和牛拼盤有牛肩肉、牛肋骨、西冷、肉眼四款，份量十足💪🏽牛魔王至💙每塊牛既油脂都分佈平均，牛味很濃，大多入口即溶，基本上醬都唔駛點，首推🐮肩肉!!!食韓燒又點小得啤酒Buy 2 Get One Free 🍻🍺

今日約了朋友吃韓燒，首選是旺角區，在朗豪坊有一間吃韓燒的評語不差，就決定試試。今日七點來到，可能時間尚早，店內不太多顧客，一般韓國菜的餐廳內裡燈光都比較暗淡，而這間卻非常光，走時尚風格的裝潢也令我有耳目一新的感覺，餐廳內裡座位不算多，樓底高，空間感非常闊，部份四人檯可用屏風分隔，私人空間感高，值得一讚！我們看看餐牌，款式雖然不算多，希望重質不重量，啤酒買二送一，我們點了stella 和 hoegarden各一杯，一客特級和牛拼盤、韓式海鮮蔥餅、韓式炒粉絲。特級和牛拼盤比想像中大份、每款牛都很重牛味，紋理分佈平均，自己燒時如時間配合得宜是很滑。韓式海鮮蔥餅 用料十足，每一件都有很多蝦仁。韓式炒粉絲 味道也不錯，很香麻油味！總評：食物質素高，餐廳裝潢也別出心栽。

據說熱愛韓風的小妹, 自從九月返回家鄉再回港後, 久久至今未嚐韓食, 深深感到歉疚。今天到朗豪坊閒逛時, 竟發現此新開韓店, 小妹不假思索, 即時上前拜訪。店家外已擺放一大張餐牌, 已深深吸引小妹駐足欣賞, 奈何愈看愈肚餓, 哈哈。店家裝橫簡潔有品味, 讓人感覺非常乾淨衛生, 與坊間瀰漫重重燒烤味的燒肉店與別不同。泡菜金字塔$48店家非常有心思, 連泡菜酸瓜都可以創意一番, 以金塔形式擺放不同前菜, 令人嚐心悅目。特級和牛拼盤 $438 (韓式牛肋骨 ,牛肩肉, M5西冷, M5肉眼)嘩嘩嘩, 超勁份量多牛牛呀。細看牛肉油脂紋理分佈極美, 厚度適中, 輕燒下滋味無窮。偶然二塊失手, 煎至略焦竟無損其美味, 沒有半點韌性, 即使是生手亦全無問題。最重要牛肉本身極鮮夠美!士多啤梨梳打 $28梳打不會太甜, 剛剛好, 於燒肉點嚐非常配合。

早排行街都發現左依間新開嘅韓燒餐廳，見到佢嘅裝修好特別本身一直都冇為意係食韓式燒肉，因為門口係買果汁。當我認真一望嘅時候先見到入面係食韓燒嘅食物，但係好出奇地餐廳入面係完全冇煙味，食完之後絕對唔會覺得成件衫都好臭，相信餐廳嘅通風同埋抽風系統做得好好。因為諗住試吓新野所以就入咗嚟食，餐廳嘅Menu其實分咗幾款肉類，有tasting set同埋beef platter 或者散叫其他肉類。我哋今次就揀咗嗌精選和牛拼盤，其實睇相以為份量唔多，但係上菜嘅時候發現原來肉類嘅份量都真係好多下，其實食完一碟牛已經飽咗七成，而且每分嘅和牛都有大概四至五件，食落都幾飽下，另外platter 會包埋生菜，等我哋食嘅時候都唔會覺得太過滯。有幾款嘅和牛食落去都非常之香口，肉質亦都好鮮甜值得一讚。之後我哋散叫咗一份豬護心肉，同樣都係分量十足，味道幾juicy另外我哋仲叫咗一款芝士炸雞，又係份量好多而且用熱鍋咁樣上所以係非常之熱辣辣同埋除。配埋特製嘅芝士辣醬食落去又有特別嘅感覺。然之後我哋見到隔離枱帶咗一款生牛肉他他配牛油果，又心郁郁想試吓，食落去嘅味道幾特別，配埋牛油果醬食落去甜甜鹹鹹覺得好特別都幾值得一試。最後

今日約咗朋友在朗豪坊睇戲，散場時沿商場行上去 ，想揾個地方食飯，傾吓近況，行到10樓就見到一間幾特別嘅鋪頭，就選了這間韓式燒烤店嗰店名叫 Lab 10，，坐低感到這裏沒有一般韓式風格的裝修， 比較簡單整潔，服務員取了餐牌給我們，我就在三款牛肉套餐中選了特級和牛套餐，之後再加一些其他菜式，很快先上醃製好了的韓式梨汁牛五花腩，這個是我覺得來這裏一定要選取的，由於本身已經醃製好了，就算不點醬也好味道 ，之後來的就是今天的主菜特級和牛套餐， 套餐包括西冷，肉眼，牛肩肉和牛肋骨四款約30件，先食我較喜歡的西冷和牛肋骨，跟住再食肉眼和牛肩肉，肉眼係我嘅至愛，入口即溶，超正。，我們還加點了兩份大虎蝦，再來就是海鮮大醬湯，我覺得這個湯也很不錯 ，我們還點了通常來韓式餐廳都會點的炸雞，炸雞好香脆，還附上了一大碟的芝士醬給你點，別有一番滋味，可能掛住食都忘了飲嘢搞到冰都溶晒，，今晚我們都很滿意這一餐，約定下次要再來食呢度出名的韓牛拼盤。

難得放假，殺入旺角鬧市。行到好攰，呢刻有間舒適又寬敞既餐廳醫下肚係好緊要！餐廳外面仲有take away 既新鮮果汁，又多款生果配搭，實有一款岩飲！原來新店開張，大家鍾意食燒肉既，一定要趁住個優惠黎試試，非常抵食！款式非常多，燒又得，唔燒又得！半燒半唔燒又得！好鍾意距既獨立空間，將你同隔離枱有私人空間，同朋友黎食，就可以好暢懷！ Sour Bomb $35，酸酸甜甜，有新鮮既柚子同橙果肉，加埋檸檬同薄荷葉，老公話好飲完好似叉左電甘！韓式牛肉炒粉絲 $85，最愛既韓國菜式，肥牛又好嫩口，而且係正宗既韓式粉絲，醬汁亦唔會太濃太咸！脆香芝士炸雞 $68，熱辣辣，非常惹味，大大舊既雞塊，再配上芝士，十分邪惡之選泡菜海鮮薄餅 $138，平時係韓國店係用麵粉漿，第一次試泡菜mix pizza，而呢款係薄薄餅，唔膩又份量又剛剛好海鮮有蝦、魷魚、蜆，再加埋泡菜同芝士，正！韓式人蔘雞湯 $118，老公超喜愛人蔘雞湯，話要補一下！非常足料，大半隻雞、有紅棗同人蔘，好抵食！再加入少許粥，成個湯變得十分濃！

朗豪坊開左間新既韓國燒肉餐廳，次次經過都見有D人等下位。餐廳位置都多同光猛，最緊要係乾淨無油煙味，佢地通風做得十分好，一D味都無。石頭飯好食，大大碗料有多。韓式炒粉絲好香，麻油味好濃。海鮮方面，叫左帶子同虎蝦，兩款都好鮮甜，帶子仲有膏架，虎蝦又大大隻。去到牛方面，叫左牛肩肉，咬落去好林，都JUICY。韓國西冷，一上就見到好多雪花，牛既脂肪分布十分平均，咬落係無渣，D油係個口到好香，好好食呢。仲有叫左澳洲肉眼，相對地無太多雪花，但比起西冷就林D。兩款牛都十分好食。最後叫左杯碟豆花梳打，清清甜甜，解渴之選。

整體很平均的餐廳！😋😋我地嗌左特級和牛拼盤😋大部分肉都係肥瘦均衡，而且多肉汁，好重牛味！🐄，只有一款肉比較un。另外嗌左鰻魚飯！❤️個飯真係要讚！好多好多好多鰻魚！好足料🐟，啲飯又夠水分，唔會又乾又硬👍🏻嗌左杯士多啤梨水蜜桃同藍莓沙冰，兩杯都好好飲🍹餐廳環境都好靚，抽煙都做得好好，食完行返出泥都唔會好大陣肉味服務態度都好好！原本話90分鐘用餐時間但餐廳無咩人，同朋友坐左好耐都無吹我地走

又到Happy Friday既日子~就要食餐好既! 對自己好d ma今次搵到呢間新潮韓燒黎食~呢道既特色係無煙燒烤, 唔會食到成身都係燒烤味!宜家Lab10做緊優惠~就係like 同share 佢地Facebook page 同Ufood 條片就 叫第2碟燒肉有半價!等店員介紹完我地就開始點餐~燒野方面我地叫左:五花腩肉- 有3種醬汁配搭(生薑菠蘿醬, 生薑蘋果醬同青檸醬), 我個人喜歡青檸醬同生薑菠蘿醬好特別, 仲好好味!豬頸肉- 醬汁好好味, 燒起黎唔配醬都好好味蜆- 都幾大隻, 清洗得幾好無沙虎蝦- 味道ok, 幾大隻雜菇拼盤- 要連包裝燒幾分鐘到, 再加燒汁再燒多2分鍾左右就食得, 好味!其他野就叫左:脆香芝士炸雞- 韓式炸雞加埋芝士, 另上既芝士醬係有少少辣架, 我覺得好特別唔會太油膩, 炸雞好脆泡菜豆腐湯- 唔錯~我好鍾意飲泡菜湯!Big & Small- 用新鮮嘅生果製造有西柚, 香橙, 蜜糖, 生薑, 味道甜甜酸酸, 飲完幾開胃Lime Soda- 味道同mojito一樣, 只係無酒精整體都好好味, 價錢又唔會太貴, 燒烤又無油煙味, 真心推介!下次再黎都想試下鵝肝炒飯

最近朗豪坊無煙燒肉Lab 10都幾受歡迎，今次約朋友黎試下到底有幾好食先！Juice bar 叫咗2杯飲品，用新鮮水果，好fresh, mix 得個味道都好正😝燒肉價錢唔算平，但以和牛黎講，性價比幾高。特級和牛拼盤($438)，精選和牛拼盤($360) 不過好在like Facebook page 有第二碟半價優惠 (以價錢較低一款做折扣)牛肉好新鮮，肉味好鮮好juicy🙈 燒得好香，唔點醬汁都好好食喇，牛舌正👍🏻我地四個都咁大食，食燒肉梗係唔會夠啦！叫咗啲小食同主菜🌝小食有炸芝士卷 ($56) 同燒酒煮青口 ($78) 炸芝士卷係幾香脆，但芝士實在太少了，好微既芝士味。燒酒煮青口都唔錯，酒味唔重，但就可以將青口既鮮味逼岀黎🙈 韓牛三重芝士薄餅 ($188) 味道唔錯，食得岀牛味，餅底好脆，但如果芝士再多啲就好了鰻魚鐵鍋炒飯 ($128) 呢個飯做得好出色！味道濃得黎又唔會好鹹，鰻魚燒得好惹味，飯粒又好煙韌，特別之處係用咗呢個鐵鍋，近鍋邊嘅飯粒就會變咗飯焦，食落好香口😆

喺朗豪坊食飯唔會抵食得去邊，但呢間鋪面文青，估唔到食韓燒嘅餐廳就顛覆左我呢個概念🤨抽風系統唔錯，食完冇乜油煙味。店員仲會主動換網，抵讚👍🏻梨汁牛五花薄得黎之餘都好有肉汁，即使齋食唔點醬都一樣咁好味我最愛嘅牛小排，牛味最重而且唔un，配埋新鮮爽口嘅生菜一齊食就Perfect店員推介嘅三色五花肉，配左菠蘿、蘋果同青檸汁一齊燒同食，味道冇違和感之餘仲好清新！護心肉份量好多，啱哂食肉獸xd除咗燒物之外我哋仲有嗌咗其他熟食。呢個鰻魚鐵鍋炒飯好惹味。鰻魚汁包裹着每一粒飯，而且鰻魚粒好嫩滑。由於鐵板上嘅關係所以即使食到最後一啖飯都仲係熱辣辣海鮮大醬湯有些少辣，所以嗌咗一碗白飯黎送就啱啱好。入面海鮮包括蜆，大蝦同蝦仁海鮮蔥餅煎得好脆口，醒埋佢特製嘅酸辣汁可以降低油膩度之外仲提升咗味道嘅層次嗌左唔沙冰同果汁，全部都好fresh！

朗豪坊係潮人聚腳地，裡面這件韓國餐廳同樣很潮。有別於一般傳統韓燒， LAB 10 裝潢比較年輕化，光猛開陽。他們用無煙燒烤爐，唔使食完一身油煙，這是重點。特級和牛拼盤 $438, 有西冷，肉眼，牛肩肉，牛勒肉。我偏愛肉眼，夠嫩夠牛味。大帶子 $58，不過不失，夠新鮮。炸芝士卷 $56，芝味濃，外脆內軟，雙重口感。韓式牛骨湯 $118，精華在骨髓裡面，記得食埋。鰻魚鐵鍋炒飯 $128，炒得干身，惹味。RED HOT $35，凈係個樣已經夠靚仔。GOLDCOAST $35，同樣顔值爆燈。

今日跟友人到旺角走，行到朗豪坊後見到有不同種類的餐廳呢。一看到這潮人新派韓燒～便立刻跟朋友進去了。這店的裝修很棒，都是令人感到很潮的感覺呢。一看餐牌就看中這朗豪坊中美味燒肉重點：薄切和牛肉眼B01。日式薄切的和牛是日本的國寶級食物，必定要試試以別的食法， 肉眼切得很薄身，也令人很期待喔。 薄切和牛吃來不太膩之餘，也較很有牛味。不過，薄切和牛之油花分佈均勻，肉質幼嫩而多汁，易煎過火，反而由店員細心地去為我們主理更好。大帶子：海產向來是港人最愛，當中帶子及扇貝相信是市面上最為常見的食品之一。 不過味道如可以多加蒜頭，棒棒了！不可不提是其飲品，是即叫即做很好味。韓國料理中，我最喜歡的是這個水冷麵，韓式水冷麵，食材豐富、清爽開胃，為夏日美食之選！這家很有誠意的做韓式水冷麵，口感棒，就一直吃著。很喜歡水冷麵那種冰涼﹑酸酸的﹑帶著芥末微辣的湯汁，配著自己喜歡的食材，煮到剛熟的雞蛋～絕對可以一解夏日的悶熱呢! 曾經試過跟著食譜來，但都不能做得如這間店的口感，最愛的水冷麵，因水冷跟拌冷麵的材料差不多，但碗內有滿滿的冷麵汁加冰。夏日天氣熱，不想往外吃飯又沒有胃口，就很建議在這店吃韓式水冷麵，蕎麥麵煮得非

經朋友推介下，今天朋友帶我來到朗豪坊10樓的 Lab10韓式料理來試一下。一入店內，環境清新，裝潢時尚，感覺好乾凈。今天餐點由我朋友來發板，點好菜後，很快就開始上餐了。先送上的是朋友極力推薦的韓式梨汁牛五花，唔點汁直接食用都很好味，我會建議直接進食，能吃出牛肉的真味。然後來的就是特級和牛拼盤，牛肉份量也不小，我就較喜愛西冷的口感，配上汁料，又有另一翻滋味。海鮮我們就只點了虎蝦，食落味道鮮甜彈牙，口感不錯。唯一是我選的，就是海鮮大醬湯，我覺得這個大醬湯比我在韓國食的不遑多讓，選料十足。最後是我最喜愛的炸雞，芝士醬另上我覺得不錯。加上今天服務員禮貌周到，讓人覺得好舒服，好滿足的一餐！朋友介紹這間餐廳，與在韓國馬場吃的韓牛感覺差不多，令我回味韓國的旅程。