LAB10 (已結業)

朗豪坊韓式燒肉店lab10，係一個可以坐得好舒服地食韓燒嘅地方！呢度嘅抽風系統做得好好，全餐飯一直燒肉，一啲油煙都冇，值得一讚！辣醬+燒肉汁今晚主力食牛！叫左呢個「特級和牛拼盤」（$438），份量大，足夠3-4人share!呢個咁大份量嘅拼盤包括：韓式牛肋骨、牛肩肉、M5西冷、M5肉眼。靚牛配合靚爐，燒1-2分鐘已經食得。每一款都各有特色，好有油脂，一啖牛一啖白飯好好食。又或者夾生菜包牛肉，加少少辣醬，正！

好耐冇食韓國燒烤～記得以前好鍾意去食平民化啲嘅韓國燒烤，漢x苑果啲～之前經過朗豪坊見到有一間白色好明亮嘅新餐廳～原來係食韓式燒烤同埋juice bar pairing! 佢外面仲有得外賣綜合水果汁飲～餐廳格局以小清新為主，主要係白色和少少樹木作點綴～講到明係食韓燒，應該好大油煙啦～入到去估唔到係一絲油煙都冇！其實唔講仲以為係西餐廳tim啊～而牆上的Where's The Food燈好當眼，就咁睇都好eye catching以為係粗口XD因為時間尚早，所以唔駛等位，侍應安排咗二人位俾我，不過因為我拎住一袋二袋唔夠位放所以侍應比咗個大小小嘅位置我！呢樣值得一讚～menu有和牛拼盤和一些燒肉，仲有啲韓式料理可以選擇～佢有個menu係韓式燒肉+ juice pairing，睇落好特別～不過今次嚟係想做食肉獸所以就叫咗特級和牛拼盤～特級薄切和牛肉眼同埋韓式水冷麵本來唔諗住叫嘢飲但係諗諗下韓國嘢配佢既果汁好似不錯，所以點多杯 Red Hot配燒肉～Red Hot 係蘋果士多啤梨西柚汁加蜜糖～個配搭好開胃又不失甜度！成杯都比較重蘋果香，加返啲西柚汁又好醒胃可以幫助消化同一時間有蜜糖又好啱食燒肉太熱氣

這天到朗豪坊逛街，然後在商場用膳。餐廳環境簡約，通風不錯，所以就算鄰座客人在品嚐韓燒，我都不會覺得有油煙味。這間餐廳最能吸引我的是飲品。我點了一杯big n small。生薑的味道蠻重，而橙及西柚味道則不算十分突出，但細味的話都能品嚐到橙及西柚的味道。鰻魚鐵鍋炒飯看似是小小的一盤，但吃起來分量不少。炒飯裡有不少鰻魚，我雖不好鰻魚，但覺得整體味道不俗。鰻魚沒有泥味，而醬汁的味道很濃郁、美味！脆香芝士炸雞的外貌一般，但雞肉多汁，外皮香脆，值得一試！

今晚 返完中更收8 點 約左fd 8點半 去食韓燒我仲以為食同場果間點知在朗豪坊 上到10 樓個名叫lab 10 聽個名未知時我仲以為係食西餐真係估你唔到人到晒 9 點入坐 可以食90 分鐘呢度一入去 真係唔似食韓燒個格局真好西式入面ge裝飾都好Lab feel當然要睇下menu中間個拼盤有吸引到我地再 叫左2 個set加芝士炸雞同traffic light由於食物相太多 所以menu就出得一張呢個係泡菜金字塔(泡菜+辣蘿蔔+辣青瓜) 呢個造型 好qq我自己就鐘意辣蘿蔔因為最爽脆 而且仲有d清甜唔會太辣 而kimchi就好入味生韓牛拌雪梨牛油果頂部好多大葱絲中間有生韓牛而底部就有牛油果+雪梨絲再配埋一個酸酸甜甜汁超級開胃 加埋牛個口感有d似三文魚咁肉質都好鮮嫩 而且幾有咬口配埋其他材料都好夾食落唔會好難吞落口特級薄切和牛肉眼真係好薄 但已經好惹火6-7成就剛剛好再加埋個生蛋黃汁韓式牛肋骨 &牛肩肉好多肉 有2 盤因為叫左2人setd肉紋同脂肪 有紋路而唔係一pat一pat我個人就like. 牛肋骨因為牛味重d, 而且無咁肥但係都好食ge海鮮拼盤(虎蝦+蠔+帶子) 我無食蝦 因為有敏感食

《Lab 10》 #食在旺角📍旺角亞皆老街8號朗豪坊10樓26號舖-🔹精選和牛拼盤 $360有厚切牛舌、首爾牛肋條、牛後腹肉、牛小排 每款各5件 最出色應該係牛肋條 而且調味剛好唔會好咸 包菜食更出色其次就到牛小排 肉質超軟熟 另外兩款都好味 整體質素幾好 價錢中上 值得一試🔹韓式豬皮 $88成日睇韓劇都見佢地燒豬皮好好味咁所以食親韓燒都會嗌返碟🤭 燒到脆脆地又煙韌🔹大帶子 $58（2件）真係幾大隻 每邊燒一陣就食得 店員都好nice有提醒我地幾時反轉🔹韓式水冷麵 $75又係因為睇韓劇😂 食完燒肉最後一定要食水冷麵幾好味 份量唔多 酸酸地易入口好快食哂 配埋青瓜一絕🔹鰻魚鐵鍋炒飯 $128影完相就要即刻撈埋佢 如果唔係就會痴底架啦呢個份量真係比想像中多 食到勁飽都食唔哂 鰻魚都幾多同埋幾肥美 🔹Sour Bomb $35🔹Thermometer $35今次食韓燒竟然唔係飲酒 因為呢間主打嘅飲品係果汁類 所以一定要試下Sour Bomb係有檸檬、西柚、奇異果、蜜糖、生薑 外表平平無奇 但幾好飲而Thermometer 係藍莓+士多啤梨嘅Smoothie 呢杯就有齊外在美同內在美啦💬最後仲

近排啲朋友成日帶我去食韓國菜，雖然好鍾意食呢類新派韓國菜，可以同我嘅偶像一齊食同一類嘅嘢，我已經感覺到好幸福，但係其實講真食得都有啲厭，因為一個禮拜食城3、4餐，不過呢間（lab 10）， 以實驗室研究員做工作嘅宗指係（ 大膽假設，小心求證），去做食物，當然將成間餐廳提高一個層次。 好似拍kpop嘅場地一樣，周圍都有好多大光燈。 特級韓牛拼盤，呢度而家做緊facebook promotion 喺facebook打卡即刻有第二份半價，又可以share畀啲朋友睇到，喺朗豪坊都有靚嘅韓牛食，唔需要飛去首爾或者濟州島，仲有唔同嘅部位，全部都好深紅色，切得夠厚，脂肪位匹分佈平均。 食韓牛一定要送飯，油脂太多有時會有啲膩口感覺。 淨係見到呢啲顏色已經食指大動啦。 我鍾意食半生熟，更加有肉味。 韓國人雖然好鍾意食活生生八爪魚嘅刺身，但係香港應該禁咗，所以唯有食燒烤嘅八爪魚。 兩隻燒元貝，貝柱位大大粒，鮮甜肥美。

次次去食韓式燒肉都好大陣油煙味，燈光比較暗，呢一間韓式燒肉正正相反，裝修光猛充滿年青氣息！燒肉嘅選擇好多豬牛雞海鮮，小食款式都好多！首先叫咗碟韓式牛五花，我只用左好少好少醬油，燒出黎好嫩好香，有少少似肥牛。之後再叫碟韓式豬五花，有三種口味你想韓式燒汁醬，薑汁柚子醬，黑椒鹽版，我自己比較鐘意食薑汁柚子醬，好開胃又解油膩！燒好左粘少少海鹽，好perfect!Special set 好抵食！牛小排超級多，夠晒彈牙，有口感；薄切和牛肉眼4件，好好味，兩邊約燒十秒就得，入口即溶又香濃牛味！牛肩肉充滿肌肉，彈牙而不韌！牛腹肉相對林少少，油脂分佈均勻！點少得兩杯好好味特飲！

今日出左旺角行街，有朋友話想食韓國燒烤，行行下朗豪坊又咁啱俾我地見到間韓式燒烤，就一於入去食特級和牛拼盤：分別有牛肩肉(Chuck eye roll)、M5西冷(M5 Sirloin)和M5肉眼(M5 rip eye)， 整體上三款肉味都很豐富， 特別是肉眼尤其香口，而牛肩肉咬口一流。韓式梨汁牛五花：使用韓式梨汁浸醃後燒起來特別香，再配上生菜，入口生菜爽甜肉質嫩滑。炸芝士卷(Deep Fried Chese Roll)：外皮夠脆炸得剛剛好中間芝士又夠香滑。和牛肉醬芝士薯條(Minced Beef Fries with Chese)：粗身薯條炸得夠香脆， 混合芝士及韓式 辣醬口感一流。泡菜海鮮薄餅(Kimchi Seafood Pizza)：批面佈滿芝士， 當中配合泡菜及蝦肉， 喜歡吃芝士的朋友不要錯過。韓式牛肉炒粉絲(Korean Jap Chae)：韓式粉絲一向出名爽口煙韌， 再加上肥牛及青椒絲， 是一款韓國傳統美食。菠蘿：新鮮菠蘿片自己燒，想要燒得幾燶都可以。

今日出到旺角同女友仲有媽媽一齊上左朗豪坊食燒肉～ 最開頭感覺係入面幾光鮮，同埋上網見到話佢抽氣好好，食完都唔會好大味！我地叫既第一道菜係韓國野必備泡菜，呢到既泡菜金字塔有三款，係燒肉途中清一清油膩感，呢到既泡菜味道唔錯，唔會太酸。第一碟黎既係牛舌，厚切的確有時好冒險，因為質素唔好可能會好靭，但呢到食落都好好食，青檸汁係之後都可以點其他野食。呢到最值得推薦既應該係佢地既拼盤，和牛拼盤選用澳洲M5和牛，有四個部位，其中牛仔骨份量充足，其他西冷、肉眼同牛柳都每樣有5件，肉質好好，其中肉眼係最有油香又不失肉味，令我都有啲驚喜。帶子58兩粒都算大粒，不過海鮮唔係呢到賣點，合格就好。特選護心肉，係一款唔錯既豬肉，不過切得比較碎係我覺得可以天進步既地方。叫左個鵝肝鐵鍋飯，鵝肝冇平時食到咁油，飯粒炒得好好好乾身，粒粒分明，下面有飯焦，加上佢個醬汁，有啲似甜豉油但又更厚身，我個人十分推薦。呢到有juice bar，呢杯The Flash飲落都好fresh，有我最愛熱情果，有機會大家都可以試下。最後值得讚既有個爐既抽風系統好好，食完都唔會全身好大味，同時店員會係最後上菠蘿，就咁食同燒菠蘿都好好味。總結我覺

今日起旺角行左半日街，之後起朗豪坊搵野食見到lab 10好似幾正，價錢又唔算好貴而且好耐冇食過韓國菜，就諗住入去試下要左$438既特級和牛拼盤，裡面有牛肋骨、牛肩、西冷同埋肉眼份量超級大，樣樣睇落都好靚雪花分佈平均，肉質鮮紅等3分鐘個爐透熱就可以燒牛肉，一燒就已經好香，牛肉裡面既肉汁湧哂出黎燒到仲有少少紅就可以食得，食落去真係好juicy肉質嫩滑，牛味香濃，食到停唔到口人蔘雞湯，用料豐富雞肉外表金黃，裡面雞肉鮮嫩配埋糯米食，每一啖口感都好rich個湯都唔油膩，幾好飲韓式辣年糕，顏色好吸睛份量十足，而且唔算好辣超級飽既一餐！

近來開天氣開始轉涼，係時候可以去食下韓國燒烤，上星期去旺角行街，跟住去咗朗豪坊一間新派嘅韓國料理， “Lab 10” 裝修清新modern ，好有fresh嘅感覺。除咗韓國燒烤，佢仲有多款唔同嘅食品選擇，有冷麵、煎餅、湯鍋等等嘅韓國菜式。首先當然要食燒烤，餐廳而家做緊promotion第二碟燒烤肉類有半價，我哋點咗韓式梨汁五花牛，五花牛切成薄片，鋪滿一個大碟份量非常 豐富，燒烤肉質新鮮好味，因為牛肉夠薄，所以好快就燒好，牛肉經過梨汁醃製，完全唔需要加調味料肉質好味。另外我哋點咗三色五花肉，每款四片五花肉用唔同嘅醬料醃製，有唔同嘅口感唔同嘅味道，再配合相同嘅醬汁，味道香濃，不過餐廳就冇生菜畀你包肉食，需要另外單點。除咗燒肉我哋點咗一個鰻魚鐵鍋炒飯， 鰻魚份量多，加埋鰻魚燒汁成個炒飯都充滿鰻魚香味。另外點左一個韓式香蔥煎餅，平時響其他韓國餐廳點呢個泡菜煎餅價錢又貴分量又唔多，但係佢哋嘅煎餅性價比十分高，而且又好味，絕對要點選。最後我哋仲食埋個水冷麵，水冷麵嘅酸汁係獨立分開畀你，按個人口味加多少，冷麵彈牙口感好， 食完燒肉食一個冷面就最啱。

今日放工約左好友睇戲行街食飯，咁我地上琴最高落番去睇下有咩餐廳，行琴10樓見琴有間食韓國燒烤😋😋特級和牛拼盤 $438拼盤有牛肩肉、M5西冷和M5肉眼😍整體上三款肉質鮮美而且口感豐富， 西冷和肉眼是很香口嫩滑，而牛肩肉很有咬感！炸芝士卷 $56上網睇到好吸引，外皮香脆可口，炸得好香口，中間芝士熱辣辣很細滑和牛肉醬芝士薯條 $68粗身薯條🍟炸得好香脆，再配韓式和牛肉醬芝士更添味道！韓式牛肉炒粉絲 $85個人很喜歡食韓式粉絲，粉絲很爽口煙韌， 配上肥牛及青椒絲一同炒更加香口！

難得紅日放假緊係約埋幾個朋友出黎聚下食下飯啦！去完韓國又想食韓燒，所以揀左呢間位於朗豪坊10樓既韓燒！我地一行三人揀左以下呢個Set餐$388但呢個Set必需2Set以上，所以我地都叫左2set另外仲叫左特級和牛拼盤$438先黎set牛有牛助骨、牛肩肉，肉質好靚好新鮮，都算厚身肉質眼見都明顯多汁，牛肉唔洗燒到太熟，5-7成熟都已經好有口感，超正。呢個係牛肉拼盤有牛助骨、牛肩肉、西冷、肉眼每個部位都有唔同既口感，每片肉質都好嫩口，肥瘦均勻牛肉味濃。特級薄切和牛肉眼呢個有專人即場燒俾我地食，先用肥豬肉搽滿個燒網，搽得唔夠會痴底架！燒五成熟就夠。專人燒，話咁快就食得！燒好後加點蔥花一齊食更香口！肉質入口即溶既口感。一試難忘！生韓牛伴雪梨牛油果原來牛油果加生韓牛一齊食口感十分嫩滑份量都好多架，一點都唔少！海鮮拼盤緊係留返最後黎燒啦！有老虎蝦、生蠔、帶子隻隻都大大隻，老虎肉質爽口鮮味！

高質素冇煙味韓燒🌻特級和牛拼盤 $438有韓式牛肋骨，牛肩肉，M5西冷，M5肉眼，牛魔王至愛，份量多而且質素亦唔錯，肉嫩多汁。鹽燒厚切舌配青檸醬$125牛味好濃，厚身，要燒得有技巧。秘製護心肉$98豬肉普普通通。大帶子$58幾新鮮。鵝肝鐵鍋飯$168絕對值得推介，炒飯粒粒分明唔油而且有少少脆飯焦，鵝肝煎得外脆內軟非常甘香，加埋沾特製醬油醬甜甜地咸咸地，加上蔥花係完美滿足既一啖飯。泡菜金字塔$48泡菜正常味，醃蘿蔔酸味較重爽口，醃青瓜比較甜。Juice $35 /杯 兩杯都幾 fresh, 3種生果溝埋，清新解油膩。菠蘿是送的，可以燒或就咁食，甜甜的。.服務到位，裝潢特別，而且對於韓燒來說最重要的抽氣系統做得好好，食完聞唔到有燒野味，呢間仲要係朗豪坊咁方便，一定要試。

途經旺角朗豪坊，已到晚飯時間，十分肚餓，偶然發現10樓有一家食店，叫Lab 10，像化學實驗室一樣，挺有意思，就搭電梯上去看看有什麼好吃。看著門外的餐牌，原來是食烤肉，還有一些熟食，例如熱湯、炒飯，雖然喜愛烤肉，但今晚沒有太大興致，想即叫即食。入到店內，裝潢果然有點實驗室的感覺，坐位之間有一塊一塊矇矓透明膠做間隔，有點像自修室，感覺有趣。打開餐牌，直奔主題，就叫一款小食、一個熱湯、一個炒飯，再加一杯飲品，有時肚餓起來，落決定特別快而準。【生韓牛伴雪梨牛油果 - $108】這款菜式非常特別，平日都食生牛肉，但都是伴生雞蛋來吃，第一次有牛油果加雪梨，味道非常清甜，加上牛肉鮮嫩，吃起來非常匹配，甚有驚喜！【韓式牛骨湯 - $118】起初以為只是一條帶有點肉的牛骨，但店員一端上來，差點以為送錯，因為這條牛骨是一條豎起來，驟眼看真不知是牛骨，而且中間有大量牛骨髓，第一次食一條骨髓這麽豐富的牛骨，湯味清甜，絕不是味精湯，烹調認真，良心之作。【鰻魚鐵鍋炒飯 - $128】這個鰻魚飯賣相非常討好，米飯粒粒分明，又有嚼勁，難得是竟然吃到有飯焦，相當驚喜，平日外面一些食店，炒飯就是炒飯，那會有飯焦給你，這