LAB10 (已結業)

朗豪坊開左間新既韓國燒肉餐廳，次次經過都見有D人等下位。餐廳位置都多同光猛，最緊要係乾淨無油煙味，佢地通風做得十分好，一D味都無。石頭飯好食，大大碗料有多。韓式炒粉絲好香，麻油味好濃。海鮮方面，叫左帶子同虎蝦，兩款都好鮮甜，帶子仲有膏架，虎蝦又大大隻。去到牛方面，叫左牛肩肉，咬落去好林，都JUICY。韓國西冷，一上就見到好多雪花，牛既脂肪分布十分平均，咬落係無渣，D油係個口到好香，好好食呢。仲有叫左澳洲肉眼，相對地無太多雪花，但比起西冷就林D。兩款牛都十分好食。最後叫左杯碟豆花梳打，清清甜甜，解渴之選。