Kailash Parbat

營業中

休息中

前排同朋友睇左齣印度電影，所以心血來潮想一齊食餐印度菜！經其他朋友介紹下，黎到呢間係尖沙咀嘅印度餐館一入到去都幾驚喜！因為呢間餐館裝飾好新穎、好Modern，一入到去就有一種好舒服嘅感覺點餐嘅時候，好彩餐廳有中文Menu，如果唔係真係唔知點嗌啊😝印度咖哩角呢個印度咖喱角上菜嘅方式好特別，係有一架玩具貨車做裝飾。而且呢個印度咖喱角同中式嘅咖喱角唔同，份量大好多，兩個咖哩角四個人share食已經夠喇！咖喱角味道鹹而帶少辣，好開胃，好味！奶酪蕃茄馬薩拉呢個菜式好特別！開頭以為有蕃茄嘅話會好酸，但反而濃濃嘅奶酪味更為豐富，味道亦都有小小辣，令人食唔停口！奶酪菠菜呢個菜式係用奶酪煮菠菜泥，味道清新又新鮮，而咸咸地既味道配埋餡餅更好！！芝士餡餅呢餐真係名副其實嘅芝士大餐，連餡餅都有芝士係入面！芝士味道濃郁，配埋番茄馬薩拉同埋奶酪菠菜， 口感味道非常夾，即使食好多都唔會漏，好食！呢餐印度素菜好有驚喜！睇來以後同friend gathering除咗日本菜西餐，仲有另一個選擇喇！

自從朋友帶咗去食印度菜之後，我都同朋友一樣愛上咗印度菜，naan加咖哩完全係絕配黎，真係好好味🤤，所以今次再約朋友食印度菜，不過今次唔同啲，揀咗印度素菜。話明naan加咖哩係絕配，咁又點可以唔叫呢，今次揀咗cheese naan，再加奶酪蕃茄馬薩拉。naan外層烤得好香脆，入面則好軟熟，而奶酪蕃茄馬薩拉好濃味，岩晒重口味既我。今次最驚喜係呢個奶酪薯仔馬蕯拉餡餅！口感好豐富，雖然冇肉喺入面但唔會覺得好單調，好好味不過有少少辣，我同朋友都對呢道菜讚不絕口！小朋友口味既我都係揀返mango lassi，味道唔會太甜，不過會飲到有啲香料喺入面，但可以接受。朋友叫咗masala chai，試咗一啖，意外地唔係好重香料味，連小朋友口味既我都覺得幾好飲幾香滑。

呢日去到尖沙咀買咖啡豆， 買完都差唔多成七點幾，都有啲肚餓，但係又唔想食啲太滯嘅嘢，食素都係一個唔錯嘅選擇。寶勒巷附近都有幾多嘢食，掙扎咗一陣決定上去萬事昌廣場試下食印度嘢。 一入到去都幾乾淨企理， 而且周圍都擺滿好多印度風格既擺設，非常colorful， 睇落已經好開心。座位都算闊落，而且檯與檯之間有一定嘅距離，可以好好同朋友傾計。地方都幾大，而且唔會好嘈，氣氛都幾舒服。食物嘅選擇同款式都好多，貼心嘅係佢會分開咗英文同中文menu，可以畀我呢啲唔係好識嗌印度菜嘅香港人，都可以好易理解。佢會用細字喺菜名下面講解，每道菜式入面有啲咩食材。食之前店員仲好貼心咁送上醬汁，而且仲介紹邊樣係咩味， 綠色嘅係香辣汁， 深啡色嘅係酸酸甜甜，另一個就係甜甜辣辣。Marsala papad其實係用想少少嘅辣椒粉再加埋洋蔥番茄芫茜切粒，配上脆餅， 食落好香口，而且辣辣地好開胃。Bombay bhel puri呢一個係傳統嘅印度街頭小食，用上唔同嘅蔬菜， 例如番茄、青椒、洋蔥、香草、茴香籽撈埋脆米，加上少少酸酸地既醬汁， 但係就唔辣，比較清新。 最特別嘅係擺咗係一架單車仔上面， 非常吸引，忍唔住影相。Do

今日朋友話要試試另類餐廳，估唔到係印度餐廳呀，唔搵唔知，原來尖沙咀都幾多印度餐廳喺到，openrice見到原來呢間係食素菜，而且國際間都幾多分店，信心保證，無妨一試！場內裝潢幾別緻，而且幾意外嘅係除外有印度人喺到，都幾多香港食客去食，估唔到都幾受本地客人歡迎！大蒜薄餅（$30): 一塊好厚嘅印度薄餅，但係大蒜味無我想像咁重，外皮脆卜卜，點唔點咖哩汁已經幾好食。傳統印度素菜咖喱（$85): 傳統印度煮乳酪、辣椒、洋蔥、番茄。雖然我叫咗微辣，但唔食辣嘅我都已經覺得幾辣。而且印度咖哩唔似東南咖哩加椰汁，所以洋蔥味會比較突出。孟賣半杯茶（$35) : 經典馬薩拉茶配印度香料和草藥，所以相比香港嘅奶茶，道味都好唔同。印度奶茶傳統上都是要加香料嘅，例如豆蔻、碎薑、肉桂、丁香等等，google話呢啲香料有好似中藥材咁養生食療嘅功能。by the way, 呢個嘅餐廳好貼心咁提供兩支一大一小嘅礦泉水，唔需要加錢嫁！

呢日一位素食者朋友帶我黎食印度素菜，對於好少食印度菜嘅我最多都只係食過印度烤雞同埋烤餅，朋友話怕我食唔慣香料味道，所以介紹左我食以下呢兩款，又幾好食！！經典印度孟買烤三文治三文治烘烤得幾香脆，入面有薯蓉、青瓜、乳酪同少少洋蔥，口感幾豐富， 唔會好重香料味，好食 仲有酸辣醬點仲配埋薯片，雖然唔太夾，但單食薯片都幾好味印度旁遮普式咖喱角賣相好得意，用貨車裝住的咖哩角呢款咖哩角同港式唔同，塊皮厚實d脆d餡辣辣地，有d似食緊肉醬咁旁邊的鷹嘴豆醬幾好食第一次食呢d, 味道淡淡的。印度芒果奶昔茫果奶昔有好濃郁的芒果味，有少少香料(?)係入面，幾好飲其實呢度都幾靚,裝修有別於印象中的印度餐廳幾乾淨同埋坐得舒服如果睇唔明英文餐牌，可以問侍應拎中文餐牌的。

咖哩人人都食過，印度素食餐廳既咖哩又食過未呢？吾係朋友帶我黎, 我都吾知TST隱藏左間咁地道既印度菜。見到好多食客都吾係華人樣,侍應都吾識講中文，感覺間餐廳都幾international。佢地會好貼心咁提供中文餐牌，所以吾洗擔心吾識點菜。如果你同我一樣對印度菜本身零認識，可以叫侍應推介俾你, 我都係跟推介點菜，係真好食架 XD 1. 前菜: Pani Puri 印度特色薄荷水和羅望子醬配炸圓脆餅($70)薄荷水味道清新，羅望子醬味道特別，兩種醬混合起來係酸酸甜甜既味道，與脆餅搭配合適，非常開胃。2. 前菜av Bhaji 薯仔咖哩配牛油包($75)咖哩薯仔非常惹味，味道濃郁，香氣滿溢，真心想喊碗白飯撈堆剩底既咖哩食。包揸左牛油好香，但略嫌有點油膩，攞上手食隻手變到油淋淋。3. Paneer  Tikka  Lababdar 印度特色咖哩配芝士薄餅($115)真心好好食, 個咖哩好易入口，會好易食上隱，入面都有幾多cottage cheese, 個芝士薄餅係好足料, 食到啖啖芝士, 真心推介，係必食架。 4. 飲品 Patiyala Lassi 印度芒果奶昔($49)解辣功效非常好，配咖

從來未食過印度菜的我們，有次朋友極力推介這餐廳講十分之好味，所以今次就等朋友放假我哋一齊過去，食冇諗過印度菜嘅裝修都十分之精緻，而且坐得舒服。侍應服務十分之好，好詳細解釋餐牌入邊嘅嘢食。今次我哋就叫咗一個菜、餡餅和一個小食，價錢方面唔算好貴，而且坐得都舒服都幾抵食。成日食咖哩角都係硬身皮炸油淋淋，但這裡的特色薯蓉餡咖哩角配餡餅真的幾好味喎，甜甜地醬汁，入面帶點咖哩香和不少薯蓉，食完醬汁和配菜我地沒有浪費照食，因為實在味道好驚喜好味。之後主菜蘑菇馬薩拉來到了，味道偏辣好香，但吾會只有香料味好特別，蘑菇不少又大粒，都幾入味，配上烤餅一齊食十分好味，而且烤餅大片夠乾身軟熟岩晒吸醬汁，而且入面材料豐富增加不少口感。

不嬲喜歡吃印度食物的我，常常都會去唔同嘅印度餐廳食，但往往有好多印度餐廳都坐得唔係好舒服，難得我另外一位朋友介紹咗一間印度餐廳俾我當然就去試試啦。去到冇諗過有咁多印度人已經喺度食緊飯，仲諗住以為九點幾會比較少人去到，今次帶咗幾款嘢食，好多都十分之好味，而且坐得真係幾舒服，價錢亦都合理。應該下次會再同其他朋友聚會來吃。今次就叫咗一個特色奶酪串燒，來到三粒紅和綠都幾吸引，本人就喜歡吃紅色，入面的乳酷口感有點似硬豆腐再硬少少，味道淡而香，講真都幾飽肚，我地都用了不少醬汁試食。烤餅二片十分大片而且口感一流，配上之後來的家鄉素菜更加好味道，家鄉素食味吾太辣但好香香料香，入面有不少蔬菜好入味。每人一件講真份量都不少，仲吃不到甜品了，唯有下次再和朋友來試試。

數不清第幾次行過寶勒巷，拍拖經過時，男朋友突然提議食印度菜，我都覺得在香港食印度菜這件事情很新奇，所以吸引了我們光顧！甫一進來，就見到一張張彩色的餐桌和七彩繽紛的裝潢，好像歡迎這裡的客人用膳一樣，而餐牌亦有中英介紹，十分貼心。我們主要點了一些他們推介的食物。其中一款叫Gobi manchurian，它用了一個特別的容器承載着，咬開外層，原來內裡是椰菜花，很特別呢！另一款是印度薄脆上加上蕃茄、芫茜、青椒、洋蒽和辣椒粉，實在令人胃口大開，味道不錯！?店員(可能是店主)還送我們一個小食，賣相雖然吸引，但少吃印度菜的我倆實在吃不完了，太不習慣這種乳酪加印度小食的味道，亦說不出有什麼材料。雖然如此，我們都很感謝他們的心意！亦會介紹喜歡印度菜的朋友到此嘗一嘗

跟男朋友都從未食過正宗的印度菜，所以今次特意來到這間位於尖沙咀的印度餐廳Kailash Parbat ，正因為睇過介紹，這家餐廳裝潢頗有特色，顏色鮮豔奪目，好有文青feel 所以就特意黎試一試~~ 一入黎店買帶我地坐低，餐廳坐位舒適度高，侍應熱情主動，亦幫助了我們這兩位印度菜新手推薦了幾道特色食物。餐廳菜單是英文，店家亦準備了一份中文的菜單，好細心~~~先黎既係飲品~~ 左邊是（Patiyaia印度奶昔, 右邊是（粉紅秘魯）奶昔中的芒果濃郁非常，亦甚為香甜，有作消暑解辣，在奶昔中暗藏香料，很有印度的風味。而粉紅秘魯是一杯辣番石榴的消暑飲品，味道先甜後辣，甚為特別，是值得推介。玉米湯 這個湯跟西式既玉米湯有很大的分別，比較像是中式的湯羹，而玉米湯中除了用上玉米外還有其他的菜粒，令其清甜無比。印度粘土烤磨菇串燒這道是用上兩粒烤磨菇在內裡釀了豆蓉，將其作為肉丸狀，甚為有趣，口感亦很獨特,而味道亦是偏向少辣。印式炸白菜這道菜是有分乾或濕的，而我們這次是乾的，是沒有肉汁，濕的是充滿肉汁，這道菜是用上椰菜絲作為球型去炸，再配上大蒜豉油汁，吃的時候有點像在吃中國菜的感覺。咖哩薯仔包咖哩濃郁，薯仔已成

💁🏻‍♀️Kailash Parbat🍴-素菜就食得多，印度素菜就真係未食過！今次同朋友揀左間尖沙咀嘅印度素菜餐廳，感覺非常新鮮🤩-一入到去就聽到啲印度歌，好似置身於bollywood電影場景咁～啲員工都非常友善，有中文menu提供，見我地點菜雞同鴨講又會同我地解釋🤣-Pani Puri 印度特色薄荷水配炸圓脆餅 ($78）個feel似係印度菜嘅頭盤，侍應好熱心咁教我地將啲薄荷水倒落個圓餅到食。🙊薄荷水加埋脆餅再加埋入面啲餡食，口感幾豐富同清新😇-Pav Bahji薯仔咖哩配牛油餐包（$78）呢個咖哩都幾濃味，另外加埋檸檬汁同洋蔥會易入口啲，點牛油包食可以食多幾個🤣但啲薯蓉夠足料-Paneer Tikka Lababdar（$85）咁多款菜式最中意呢個！咖哩唔算太辣，但都惹味，加埋啲芝士，可以吊吓味！（本人覺得食落好似豆腐🤣）建議大家要加配薄餅，唔好浪費左啲咖哩😍-Patiyala 印度奶昔（$45）足料，飲落去好似飲緊楊枝甘露加啲香草🙈但都幾特別👍🏻/呢間餐廳勝在有印度特色，啲員工嘅服務絕對加分！見到老闆同其他食客都有講有笑，so nice!

真的已有一段時間沒有吃印度菜，皆因身邊唔多朋友喜歡，難得今晚XO女話想食，當然求之不得，馬上認承，想不到她竟是印度菜愛好者，太好了！由XO女決定，今晚來到一間裝潢好有特式的印度餐廳，最吸晴是中間一排掛上色彩繽紛的印度餐具，有水煲、飯盒、湯舀、煎pan、麵粉棍、碟子等等....唔止呀！仲有得意餐車，有趣！有趣！另一邊還掛上多盞好有印度feel的吊燈。全店充滿印度色彩，亦好colourful ，好有朝氣！地方寬敞闊落，近門設有兩大張湖形的梳化座，感覺好舒服！中間有一行好sharp的黃色長沙發座配四至六人枱，另一邊排牆亦有長沙發座，亦有多張四至六人枱，而上一級小台楷還有一張十多人長枱，可容納不少客人。餐簿有兩本，其實兩本的菜式都是一樣，只是語言的分別，我們當然看中英對照嗰本。設計既清晰又精美，分別有止渴飲品、印度街頭小食、孟買巿特色美食、主菜、特色湯品、印度粘土烤爐美食、東方菜色、印度旁遮普式風味、米飯、印度包或餅類、伴菜和甜品，估不到有咁多選擇，仲很有特色！**************************餐廳其中一重點是Chaats，大家知是什麼嗎？即是印度傳統街頭美食，真係未食過，怎

我和小女友都從未食過正宗的印度菜，所以得到朋友的推介，特意來到這間位於尖沙咀的印度餐廳，一嘗究竟。這裡裝潢頗有特色，顏色鮮豔奪目，坐位舒適度高，侍應熱情主動，亦幫助了我們這兩位印度菜新手推薦了幾道特色食物。餐廳菜單是英文，但為及香港人的關係，所以店家亦準備了一份中文的菜單，真是細心的安排。左邊是（Patiyaia印度奶昔）右邊是（粉紅秘魯）奶昔中的芒果濃郁非常，亦甚為香甜，有作消暑解辣，在奶昔中暗藏香料，很有印度的風味。而粉紅秘魯是一杯辣番石榴的消暑飲品，味道先甜後辣，甚為特別，是值得推介。（玉米湯）這個湯跟西式既玉米湯有很大的分別，比較像是中式的湯羹，而玉米湯中除了用上玉米外還有其他的菜粒，令其清甜無比。（印度粘土烤磨菇串燒）這道是用上兩粒烤磨菇在內裡釀了豆蓉，將其作為肉丸狀，甚為有趣，口感亦很獨特,而味道亦是偏向少辣。（印式炸白菜）這道菜是有分乾或濕的，而我們這次是乾的，是沒有肉汁，濕的是充滿肉汁，這道菜是用上椰菜絲作為球型去炸，再配上大蒜豉油汁，吃的時候有點像在吃中國菜的感覺。（咖哩薯仔包）咖哩濃郁，薯仔已成薯蓉幼滑綿密般，令其整體質地濃稠，味道入口時不太辣，但辣勁會隨之湧現，而

朋友將到外國升學，為了和他餞別，特地選了他的家鄉菜吃。餐廳的裝潢很有特色，擺設井井有條，七彩的顏色顯得這裏活力十足。由於我吃印度菜的經驗真是屈指數，所以點菜方面裹是交給朋友好了。我們先點了PAV BHAJI (CHEESE) ($85)別少看這個看似餐包的咖哩薯仔包，包中充滿牛油香，在旁的器皿裝滿印度醬，十分精緻。咖哩醬料很濃很香，嗅起上來有陣香辣的味道，可以塗上包上或撕一點回沾上醬料吃，十分惹味。還有可能按個人喜好加上洋蔥碎和檸檬呢。KHAAS KHICHDI ($70)跟照片的樣子有點出入，以為它是很濃很辣的，誰知一點也不。這印度香飯是濕濕的有一點黏，吃起來甜甜的，不會很濃，感覺還蠻特別。MASAL CHEESE NAAN ($40)來到印度餐廳，當然少不了吃薄餅啦。不像普通的薄餅，這馬薩拉薄餅加了不少配料，如洋蔥碎、番茄、青辣椒、芫茜還有辣椒粉，聞起來蠻香的，口感也豐富。DO RUKHA KHUMB ($95)這是印度粘土烤磨菇串燒，賣相挺好看的，點上特製醬料也很新鮮特別。

同男朋友係學校做完野，佢話今天心情好，想試新菜式，咁就搵到依間試我地從未試過既印度菜。我地叫左個印度特色鷹嘴豆蓉脆餅、素印度香飯、印度咖喱角同埋一杯印度芒果奶昔試下！首先黎左個奶昔，個奶昔落左好多乳酪，有好濃郁左芒果味，最梗要係唔會好甜，而且之後既野食都有D辣，依杯岩晒用黎解辣解渴。個豆蓉脆餅係果度既店員推介，可能見我地唔係印度人，驚食唔慣同唔知叫咩，所以佢就推介左一D比較多人叫嘅菜式，依個就係其中一個啦！D白色既汁酸酸甜甜咁，真係好開胃，我勁鐘意！裡面D豆蓉份量唔多，岩晒做頭盤個炒飯D菜同香料十分之香，米粒又分明，又唔會好油，少少辣不過唔會辣到食唔到，所以雖然份量十分之多，我地2個都食得七七八八。個咖喱角係裝係架車到，好搞笑！咖喱角裡面係淡淡既咖喱，加埋D豆蓉，個口感再豐富D！最鐘意依間既印度餐廳服務好好，d野都幾啱食，下次可以再試！