影片
更多
2018-11-02
16 瀏覽
呢排食得太多肉， 有時都會有啲罪惡感，但係出街食飯，唔食肉又好似無咩選擇 。所以朋友帶我試下呢一間嘅印度素食，雖然話就話係素食，但其實都有好多唔同嘅款式。對於食肉獸而言，有唔同口味嘅食物，但係又唔會覺得好似食齋咁寡。餐牌上都有幾多款式，尤其飲品都好多種。小食方面都有唔少嘅選擇，而且下面有一小行字係寫低咗有啲乜嘢食材， 對於食客而言，比較容易理解呢個係咩菜式。有三款自家製嘅醬汁提供畀客人， 而我就比較鍾意綠色嗰款，辣辣哋又有啲香草味。呢一個masala 既脆餅落咗少少嘅辣椒粉同埋蕃茄洋蔥等等，同平時一般食到嘅印度脆餅有啲唔同，口感比較豐富。而呢一個脆米就比較特別，佢屬於印度嘅街頭小食，落咗唔同嘅蔬菜同埋香料，但係食落都好清新，酸酸甜甜咁，好開胃。至於呢一個蒜蓉烤餅就非常之新鮮熱辣， 質感好鬆軟之餘 ，仲好有牛油味，點埋咖哩食就最啱喇。至於呢一個係烤蘑菇串燒， 外面塗抹上好多嘅醬料，蘑菇吸收咗醬料嘅香味，燒得好乾身之餘，入面仲有啲薯仔餡料，食落都幾得意。至於呢個就係番茄芝士咖哩， 食落唔算好重番茄味，反而好香，但係唔會太辣，點埋烤餅食就一流。而我最鍾意食就係入面嘅芝士，口感有少少似食豆腐咁
所以朋友帶我試下呢一間嘅印度素食，雖然話就話係素食，但其實都有好多唔同嘅款式。
對於食肉獸而言，有唔同口味嘅食物，但係又唔會覺得好似食齋咁寡。
餐牌上都有幾多款式，尤其飲品都好多種。
小食方面都有唔少嘅選擇，而且下面有一小行字係寫低咗有啲乜嘢食材， 對於食客而言，比較容易理解呢個係咩菜式。
有三款自家製嘅醬汁提供畀客人， 而我就比較鍾意綠色嗰款，辣辣哋又有啲香草味。
呢一個masala 既脆餅落咗少少嘅辣椒粉同埋蕃茄洋蔥等等，同平時一般食到嘅印度脆餅有啲唔同，口感比較豐富。
而呢一個脆米就比較特別，佢屬於印度嘅街頭小食，落咗唔同嘅蔬菜同埋香料，但係食落都好清新，酸酸甜甜咁，好開胃。
至於呢一個蒜蓉烤餅就非常之新鮮熱辣， 質感好鬆軟之餘 ，仲好有牛油味，點埋咖哩食就最啱喇。
至於呢一個係烤蘑菇串燒， 外面塗抹上好多嘅醬料，蘑菇吸收咗醬料嘅香味，燒得好乾身之餘，入面仲有啲薯仔餡料，食落都幾得意。
至於呢個就係番茄芝士咖哩， 食落唔算好重番茄味，反而好香，但係唔會太辣，點埋烤餅食就一流。
而我最鍾意食就係入面嘅芝士，口感有少少似食豆腐咁，但好有奶香味，質感好軟滑，不過咖哩份量都幾大，可以叫多幾份烤餅去點。
總括嚟講，嘢食質素唔錯，份量都幾大，可以同一大班朋友share食，平均每人大概二百蚊左右，價錢都ok。
張貼
