Kailash Parbat

營業中

休息中

喺尖沙咀寶勒巷附近做完嘢知道呢頭都好多上樓嘅餐廳，揾揾下就嚟左呢間位於萬事昌廣場3F嘅 Kailash Parbat食印度素食。餐廳裝修精緻用心，以活潑開朗嘅鮮黄色為主色，另外將好多廚具掛喺中間做分隔，畀人一種致身一個偌大廚房用餐嘅感覺。😊餐牌亦加插左好多印度風貌嘅相片，别緻漂亮。馬薩拉印度薄餅 ($30) - 香脆嘅薄餅上面舖滿番茄、紅洋蔥、芫荽；番茄的微酸，紅洋蔥辛辣，加上芫荽的香味，再撒上馬薩拉粉同辣椒粉做調味，味道同口感都豐富，新鮮醒胃！鍋炒麵 ($70) - 以多種爽口嘅蔬菜炒麵，紅蘿蔔、青瓜、粟米仔、椰菜、西蘭花……等，爽口有層次，再以大蒜醬油作調味，味道香辣惹味！經典的馬薩拉茴香茶 ($40) - 小茴香籽配馬薩拉茶，味道似酸奶加上小茴香籽，幾特別，值得一試！呢餐食物好食又夠地道，裝修用心漂亮、員工親切有禮，整體感覺不俗！

尖沙咀好多印度餐廳，但要搵有印度風味而有特式嘅，呢間唔錯㗎！佢係食素嘅印度小食，而且有好多年歷史，世界各地都有分店，質素應該有保證👍🏻食食吓發覺，原來過半數都係印度人幫襯，好似去咗印度旅行咁。店員好細心咁比咗個中文menu，方便我地了解印度嘅食物同容易揀到想食嘅嘢。先黎一架單車🚲，呢個係印度特色薯蓉餡圓脆餅Papdi Chaat，入面係凍的乳酪，加入咗印度人好鐘意食嘅脆脆，凍凍地又酸酸地又少少辣，好開胃啊！另外店員送上一碟有3款醬汁，分別係甜，辣同酸，店員介紹可以按自己嘅喜好加強食物嘅某種味道，三樣都好特別，可以一邊食一邊玩。之後就上個印度素咖哩Paneer Kadai，落單個陣店員有問我地洗唔洗less spicy?因為唔太食得辣，少辣都ok。但個咖哩好正啊，熱辣辣，咖哩入面係有豆腐，食落都有啲似食緊肉㗎😅配埋個餡餅Stuffed Paratha真係好好味又有印度風味，記住唔好扮斯文，一定要用手食啊！個薄餅配頭先個乳酪都唔錯㗎🤣另外，飲品叫咗個店員介紹嘅Patiyala Lassi印度芒果奶昔，味道好清新，怕辣嘅可以用黎解辣啊！

勁耐冇搵過契媽，又知契媽食素多年！見到呢度有素食，所以決定同契媽黎試下！對於我係一個好新既嘗試 🤣一入到餐廳，已經可以感受到鋪頭既用心，裝飾同裝修充滿住印度風味。因為餐牌係全英文，甚至D食物名我地都唔識讀，好在開飯呢道有相睇下！亦係咁知道係有中文餐牌所以就問店員拎。另外發現到一件餐廳好貼心既事，契媽睇完餐牌就話可能咖哩都會有洋蔥同蒜，但佢係食全素怕食唔到，所以我就問店員有冇邊一D係冇蔥蒜既食品可以介紹下喇！點知原來呢度係有一份特別為唔食蔥蒜嘅客人而設。完全解決到我呢個危機 👏🏻👏🏻最後我地落單叫左2個薄餅1個咖哩仲有1個小食，侍應話我地都已經好夠食架喇！呢係一個小食叫做PANI PURI，用一個炸嘅脆脆波，頂頂開左個窿放D都係炸過嘅扁豆入去，再加上薄荷水同羅望子醬去食，但幾特別佢算係一個冷盤黎！之後2款薄餅同咖哩就一齊上菜喇！咖哩個名係PANEER MAKHANWALA – 用左好多既蕃茄精華去煮呢個咖哩，同埋加入左一粒粒COTTAGE CHEESE！味道唔錯！好野味！至於薄餅，上菜既時候脹卜卜好新鮮，2個外型睇落一樣但係個餡唔同既：一個係MASALA CHEESE NAAN，顧名思義

今晚約左印度客户，諗住帶佢去食返家鄉菜，同事推薦呢度。位置方便易搵，一入到去環境好好。服務員好好禮貌，仲好有耐性咁介紹菜式同埋提供中文餐牌。 印度特色薄荷水配炸圓脆餅❤️呢個係服務員highly recommend, 係印度好出名嘅街頭小食。有2個醬汁可以推入脆餅入面。一款帶甜，一款帶咸，食落有d似香港嘅炸雲吞😂奶酪蕃茄馬薩拉❤️蕃茄味濃郁，加入忌廉令到汁感好細滑，奶酪唔會有騷味😋酸酸的，好開胃。奶酪菠菜❤️超健康之選，菠菜令成個感覺好清新，中和奶酪嘅膩。成件事變得剛剛好👍蒜味Naan❤️蒜蓉味好出，又唔會太乾身。沾上以上2款醬汁一齊食，好食又好飽肚😬芒果奶昔❤️超濃縮嘅感覺，芒果味好濃郁，好適合重口味人仕間唔中食下印度菜感覺好好，雖然肉類選擇比較少，但所有菜式都包含各式各樣嘅香料，每一款都有特別之處。今餐客户亦十分滿意✌️😍

尖沙咀周圍都係野食, 搵餐廳都搵好耐, 最後搵左呢間, 試下新野先估唔到上到去超多人, 50%香港人, 50%印度人差唔多爆場架餐牌有超多選擇特色薯仔薯仔超正, 好"諗"身, 調味粉咨度都適中, 邊位香脆好味鷹咀豆圓脆餅食落幾清新, 有少少酸酸地, 小辣但好開胃上面面條超脆, 有少少似炒面質地蕃茄好新鮮, 中間既薯仔亦好好食菠菜茸芝士味道超級特別雖然有芫荽, 我本身唔LIKE呢樣野, 但係我竟然對呢樣菜有少少咖哩味, 配上裹面有類似豆腐既野食, 中和左濃味好鬼夾, 豆腐亦十分香滑特色鷹嘴豆薩拉有少少似印度撈面味, 如果鐘意食既朋友一定要試下鷹嘴豆好"諗"身咖哩味唔會話好濃整體好好食

今個星期五約咗朋友食飯，想嘗試下異國風情，於是就決定咗去食印度菜。一入到去待應姐姐已經笑容滿面，好有家既感覺，而且佢仲會推介有咩好食，不過我已經做足功課諗好要食咩哈哈。先上既係印度芒果沙冰，岩岩入口係乳洛味比較重，跟住芒果味會慢慢走出黎，大夏天清新又清暑。 再上既係印度Biryani(香飯),香料味好複雜多變，個飯係印度香米乾身食落好有層次感，跟埋飯一齊上既酸酸乳酪一齊食，一啖接一淡清咗底。再黎既番茄乳絡咖哩酸酸甜甜入面仲有一塊塊既茅屋芝士，好味又特別，而且seasoning唔會太過份，完無咩罪惡感。而個印度薄餅第一口香脆美味，第二口軟熟，個包一定係發酵得好好先可以做到咁。餐廳既環境好闊落，燈光又柔和，而且呢餐係素食啊，即刻覺得健康咗。

之前在網上看過介紹這間裝修很美的印度菜，正好想帶M先生去試試印度菜，其實他有很多其他國家菜式的餐廳都沒試過，正好應該可以給他帶來一個很好的印象。前菜我們選了Sev Puri 印度特色鷹嘴豆圓脆餅和Tuk Tuk Kailash Parbat特色脆薯仔及芋頭。鷹嘴豆圓脆餅一共四件，面頭黃色的是脆脆麵條，然後下面有洋蔥、鷹嘴豆、酸酸辣辣醬、大蒜醬、甜酸醬，最後有一塊圓脆餅，口感濕濕但又同時脆口，中間醬汁酸酸甜甜辣辣，又有洋蔥都爽口，味道意外有趣，屬於微辣，加上上層脆麵條和最底的圓脆餅，仍然能夠保持脆身，所以係意外的好吃，甚有印度風味特色脆薯仔及芋頭，用一架外形是木頭車的呈上，非常得意！脆薯仔一個個圓形，面頭是辣辣的調味粉，挺惹味的，吃落其實十足薯仔塊，裡面是薯仔肉，軟軟的，整個烤得好香，挺好吃Saag Paneer 奶酪菠菜，是把菠菜打蓉後加上奶酪，非常Cremay，口感非常幼滑，裡面有一粒粒類似豆腐粒的，加了少少芫茜碎，沒試過的起初會被外貌嚇到，但實質吃上去很美味，亦很健康Masala Cheese Naan 馬薩拉芝士烤餅，吃印度菜必定要吃的Naan烤餅，我們選了是芝士烤餅，全部都是即

今日同朋友兩個人去左尖沙咀食印度菜，上網見到間餐廳啲裝修都幾靚就黎呢度。 都幾易揾， 侍應好helpful 好認真咁解釋啲野係點食， 好好笑容， 全餐飯都好輕鬆， 唔會比人趕住食， 好大壓力咁。 本身都驚上樓鋪會難揾， 但係都好易揾。好大隻字寫住個大廈名。入到去又有牌寫住係三樓啲裝修好靚， 好多色彩繽紛既餐具掛住。可能因為樓上鋪， 地方大， 啲枱唔會好迫， 坐得好舒服。餐牌雖然係英文， 不過若果唔係成日食印度野都未必知係乜， 好彩下面都有講係乜野煮成。另外都好細心咁有中文menu。即刻明白曬。野食未上， 先比左幾款唔同味既sauce比你點野食。下面呢個皮好脆， 入面有啲薯仔粒， 店員教我地先再旁邊啲汁倒入去再一啖放入口。 啲汁少少酸少少辣， 好配合。幾好味。下面呢個入面全部都係菜同芝士， 個皮都好脆， 啲菜同芝士係入面， 口感幾好。 幾好味。下面個咖啡點面包， 個包好新鮮， 好軟。 個汁都幾辣， 好香， 好濃。 好味道。叫左杯lime soda , 有啲甜， 有啲咸， 好似咸檸七咁， 好好味。呢杯譯做提子汽水， 但係唔係平時啲提子， 酸酸地， 幾易入口。

今晚同男友拍拖，黎黎去去食既野都好悶今次試下印度菜～係香港好似比較少見一去到點知勁多本地印度人（即係代表唔會伏，因為佢地自己本地人都光顧）所有服務員都係印度人，所以清一色講英文佢俾了份中文menu我地（貼心～）否則真係睇唔明餐牌我地嗌了前菜係孟買特色薯仔脆餅，主菜嗌咖喱，大蒜黃扁豆同埋naan～佢啲飲品好吸引，所以我地都嗌了試下，分別係印度奶昔同粉紅秘魯孟買特色薯仔脆餅（$75）佢面有一層greek yogurt/sour cream既物體，酸酸甜甜幾開胃，而且presentation唔錯！仲有三隻sauce俾你蘸（辣、甜、清新）大蒜黃扁豆（$65）Naan蘸住食唔錯～而且食到入邊有好多豆類，會好適合素食者食！而且雖然大蒜，但食完唔會口臭👍🏻印度奶昔（$49）我覺得好正，啖啖芒果味濃郁，而且佢有加香料，帶丁點兒鹹味，幾特別！就我以上體驗，我覺得餐廳好正宗！食印度菜黎無錯！而且餐廳內裝修都幾文青feel～完全唔似我幻想中既印度餐廳～推介💪🏻

I have had trouble getting good Indian food on the Kowloon side but if you know where to look then you will find a lot.Discovered this restaurant after dining at Anjappar.What I like about this restaurant is that they have branches around the world which means they are really good with a uniform standard that should be the same worldwide.Kailash Parbat is a modern Indian restaurant like Juhu Beach in Central which sadly closed down but the prices here are pricey but not as pricey as Central.I en

吃厭了中日台韓菜？今次我搞搞新意思，品嚐一下印度菜，但不是普通的印度菜，而是主打素食的印度餐館，Kailash Parbat。平時我很少食素菜，更何況是印度素菜，對於我而言，是一個非常新鮮的嘗試。不過可惜的是，由於我於下午茶時段到訪，所以未能供應主菜。若大家想試主食，要於三點前或六點後時段用餐。甫入餐廳，已經被其裝潢吸引，用色非常鮮明，給人非常有活力的感覺。而且十分乾淨企理。一開始打開餐牌，心中呆了數秒，因為不太能看懂。店員看我一臉疑惑的樣子，主動送上中文餐牌，非常細心。打頭陣的是印度烤餅，可選擇烤或炸方式烹調，是次我則選了烤。烤餅很薄而且非常脆，若單獨食用，會嚐到淡淡香料味。不過若嫌太過單調，可配上不同醬料，為烤餅加添不同風味。烤餅上枱時會配上三種不同的醬料，深綠色的是帶有微辣的醬汁，其加添了青檸汁；而深紅色的是甜味醬汁；最後咖啡色的則是酸味醬汁。於一道小菜中，能嚐到三種口味。看到餐牌上有「孟買特色美食」，就選了份孟買三明治試試。上枱時，還是熱辣辣，即叫即整，相當新鮮。孟買三明治的餡料相當豐富，當中有酸辣醬、薯蓉、青瓜、奶酪，而且外層麵包烘得非常香脆。因此三明治內即使沒有肉類，味道也

我與癲姐二人很喜歡食印度菜的，我哋在openrice 看到有一間新開的印度菜餐廳🤗🤗。餐廳正正位於尖沙咀寶勒巷，位置非常方面， 我哋二人二話不說就馬上訂位，我們二人要來一個正宗的印度晚餐之夜。😁😁哇～餐廳裝修得好靚，而且好有中上環feel，色彩繽紛，排列整體，還有好多印度特別，很美的一家餐廳啊～😍😍😍餐牌不單只英文版本，其實還有中英對照的，如你有需要可跟職員要求給你睇份中文menu😀😀。我哋就叫了前菜“Pani Puri w/ potato ”是一個印度餅加薯仔，點上他們特有的香料醬，非常香口惹味。😋😋😋之後來了一碟“Panner Tikka Spicy Green & Red Marinaled Cottage Cheese ”，質地似豆腐，其實係印度芝士，極之美味，好食到停唔到口😌😌😌😌。食印度菜點都要食咖喱😉😉，我哋叫了黃咖喱“Lasooni Dal Tadka” ，質地比較杰身，似湯類型的，直接食又得，撈飯食都得。😋😋我哋梗係要用印度薄餅點咖喱汁一齊食啦～印度薄餅方面，我喜歡Roti, 而癲姐喜歡Naan。我食原味的，癲姐要鬆化同香口，所以叫了“Garlic naan”。飲品

很久也沒食印度菜了，充滿期待的一晚，還是素食呢，真是很新奇的印度風晚餐。門口一大個牌，馬上知道是這間餐廳。我和朋友6點幾到了，看內在環境都幾新潮和很有色彩繽紛，同原本認識印度餐廳感覺大不同，環境十分乾淨同靚。本來打開餐牌是全英的，但我問待應有沒有中文餐牌，竟然有呀，馬上就看懂了，十分關照我這些對少看英文餐牌的人這是餐廳內特式辣汁，有三款辣汁，比d食得辣既人，青色係辣的，土色的是酸的辣，啡色透明感高那個汁係甜的辣，根據不同人口味而陣間可以再加入菜中。而待應根據我地口味都好細心推介邊隻岩我地，佢話我食得辣可以加入青色那款汁，我也比較過果然我喜愛這款呢，是辣辣的刺激感。紫色飲品是提子蘇打（左）,友人點左話似話梅味道的飲品～很有特色，真的未試過這味道的飲料，右邊則是印度檸水,同青檸蘇打同樣，但多了咸味道，少了平時很酸的感覺。首先來了冷盤，印度特色街頭拼盤，內裏有四款食物，可以三人進食這款，因為每款有分左三分，一人食一分，食左4款，冷盤也十分足夠了。內裡所有材料以栗米粒、洋蔥、薯仔粒、蕃石榴粒、蕃茄、香草、乳酸同所度圓煎餅而成四款不同材料的款式，最為喜愛有個撻形印度餅內盛著栗米粒、蕃石榴粒、薯仔

小妹一向鍾意食印度菜，今次難得拉到朋友嚟陪我食印度野，始終太過重口味未必人人鍾意，顧客都係以外國人同印度人為主。呢間印度餐廳嘅裝修好時尚，都係第一次去裝修得咁靚嘅印度餐廳食野。中間有一排彩色嘅廚具做屏風好特別，環境好舒適。餐廳貼心地有提供中文menu. 雖然英文餐牌有寫下每個餸係咩嚟，有咩材料，但始終夾雜住好多印度英文，所以都花咗唔少時間睇menu. 好彩老闆見我地struggle 咗咁耐就推薦下有咩係特別好食，聽完佢意見之後我地就改咗最初嘅選擇。朋友見到隔離枱碟野好似好好食，我哋就跟住人哋叫。依個係鷹嘴豆馬薩拉配油炸包。個油包好似個波咁，內裏空心，出面炸到又薄又香脆，點埋個馬薩拉好開胃。跟店主推薦叫咗個Paneer Tikka Lababdar, 佢唔係咖哩，係蕃茄馬蕯拉，入面有四四方方嘅cottage cheese. 雖然有d肥膩，但真係好好食，因為有蕃茄有少少酸酸地，好開胃。我地叫咗個推介嘅Masala cheese naan. 焗到軟綿綿，好香芝士味，入面有細細粒嘅cheese. 愛芝士嘅人一定會鐘意。餐廳亦有Indian Hakka菜，比較貼近中國人口味。依個Veg Manc

好多人誤會素食就一定好清淡,但係其實都可以有好多選擇 好似呢一間喺尖沙咀嘅印度素食 ,雖然選擇唔算太多,但勝在樣樣都好有水準,而且職員仲非常好客,值得推介!餐廳設計都好新穎,用咗唔同嘅煮食用具同埋玩具做裝飾 驟眼睇落去完全唔似印度餐廳, 真係夠曬估你唔到!❤❤❤餐廳亦都好貼心,覺得客人未必識睇英文同印度菜名,所以就為我哋準備咗中文菜單!但係中文菜單比較難翻頁,希望可以改善一下先來一個粟米湯同西式嘅好唔同 ,比較清淡,但係除咗粟米之外亦都用咗好多唔同雜菜去煮所以可能粟米味就冇咁明顯,但係清清哋都食到雜菜嘅鮮甜,唔錯!我哋放咗一段時間先食呢個包,因為掛住傾計!但係放咗一陣都依然好食,有麵粉包住蒜蓉黎炸,粉漿唔會太厚!蒜蓉炸完之後亦都唔會太過攻鼻 無醬點亦唔覺得好乾! 但係辛辣嘅感覺就會喺你口腔持續一段時間!圖中左下角係番茄乳酪,右下角係雜菜咖哩,上面中間嘅就係蒜蓉烤餅! 只可以話呢一間印度餐廳嘅呢類餸菜係特別出色風味十足!我以為兩碟菜個顏色差唔多味道就差唔多,點知係完全唔同嘅味道,各有特色!番茄乳酪入面有少少類似水牛芝士嘅物體, 軟綿綿淡淡地唔會搶咗個乳酪嘅鮮味 而且入口就非常之濃郁,有蕃