K2 Kitchen (已結業)

牛肝菌榛子茸湯牛肝菌榛子打成茸, 濃香馥郁的香甜, 幼滑口感，榛子味道香醇牛肝菌較味道香濃，好好飲呀黑毛豬火腿伴哈蜜瓜黑毛豬風乾火腿, 口感香濃，以哈蜜瓜的清甜中和Iberian ham 的鹹, 一咬下去份子晶球湧出甜甜的哈蜜瓜汁，好開胃呀!焗波士頓龍蝦 配牛油松露醬龍蝦肉上釀滿牛油芝士, 配黑松露配料，焗出來好香。食落好惹味, 牛油芝士汁加上鮮味，口感豐富，香滑又彈牙, 龍蝦肉又多肉，啖啖肉, 正!!

近來經常去觀塘搵食，皆因平靚正…每次打開OpenRice，觀塘工廈既選擇係多到眼花，個個食評都好似幾好，有D食評係堅、有D係流…真係睇你好唔好彩！今次呢間K2，係近期係觀塘搵食中伏既一間…入去地方算幾寛趙，有窗但係唔開亦睇唔到出面，變左有少少局促，環境就好一般。待應有禮有笑容，餐牌選擇都唔少，左度右度，叫左個威靈頓牛柳Set。北海道甘蝦伴蘆薈沙律﹕無咩難度既一款菜，最緊要隻蝦夠新鮮大隻鮮味，就無得輸。好少食到蘆薈做既沙律，對我黎講，幾清新！牛肝菌榛子茸湯﹕牛肝菌一向菌味濃郁，呢個湯論菌香都好正，就係唔知佢點解用榛子茸………..食唔出榛子味，榛子本身味道唔突出，唔知佢係呢個湯既角色係咩！個湯口感就麻麻地，滑就滑但有少少稠過頭。仲有佢個Bread Stick.......韌既，極唔新鮮，又唔番焗！ 威靈頓牛柳﹕Well，呢個絕對係有少少難度既菜色，出面好少有得食，又好多有得食但做得唔好，呢間都唔例外，牛柳過熟，少少韌，牛味欠奉，墊底酥皮亦都濕透，處理得唔好。配菜又比佢裝飾一輪，好睇唔好食。黑白朱古力慕士﹕賣相係好靚，但慕士食唔出有朱古力味，應該都唔係用靚朱古力！餐飲熱朱古力，當然係大路朱古

K2 Kitchen 原來同我上次去的I kitchen是姊妹店，餐牌菜式也是大同小異，但都無傷大雅，反正上次去過I kitchen 都食得好滿意，今晚就一於再試下啦，最喜歡就係呢度可以免開瓶費同埋可免費切餅，今晚友人就準備了枝酒一齊分享。店內設計都係以黑白簡單為主，座位不算迫，同埋冇限交枱時間，可以慢慢食，就是樓上舖比較優勝之處。 北海道甘蝦伴蘆薈沙律，甘海老蝦亦即甜蝦，蝦肉都幾大隻，肉質嫩滑、有淡淡的鮮甜。配點白色泡沫，帶點淡淡的檸檬味，有啲分子料理玩味。甘筍忌廉湯質地濃稠適中，好滑又順喉，甘筍味道香甜，沒有令人討厭的草青味，好味又有營養。威靈頓牛柳$258，酥皮金黃香脆飽滿，切開裡面的牛柳不會太熟，仲帶點嫩紅色，食落仲有點點肉汁，酥皮底也算乾脆，焗得剛剛好。一拿出呢個芒果慕絲蛋糕，我地都覺得好驚喜，白色長碟上變成一張畫紙，師傅在碟上利用朱古力醬同埋唔同顏色嘅糖漿畫成梅花同孔雀，蛋糕上又放上蝴蝶，真係唔影相唔得。蛋糕有三層色彩，面層芒果味道較濃，中間慕絲香滑，底層蛋糕鬆軟，視覺與味覺都好滿足。

工廠區樓上私房菜,好食既餐廳真係好好食,但有時都會遇到D名不符實既餐廳今日放工同同事咁岩就遇上後者雞脾肉D醬汁,做出黎造型係幾靚,不過食落味道好怪而且雞肉好韌,明顯唔係新鮮野食落味道口感都唔好蘋果批伴雲妮拿雪糕做得好花巧,但又係入口唔好蘋果批唔夠脆,入面果肉唔新鮮,所以唔好食雪糕佢用自家制雪糕,做出黎味道麻麻甜品黎講算係低水準

一直聽聞觀塘工廈隱藏不少優質餐廳, 唯人生路不熟, 而且觀塘區對我來說比較偏遠, 故很少到觀塘工廈尋幽探秘, 最近有朋友極力推介, 說吃過K2覺得質素甚佳, 更是想一吃再吃, 所以我倆訂位來這晚餐了。冠力工業大廈就近APM, 交通方便, 大堂的保安叔叔很盡責, 對來訪者都要登記身份, 雖然會耽誤一點時間, 但對此我是支持的, 這樣証明大廈保安做得好, 不管是業主租戶還是我們這些訪客, 也會較安心。踏入門口, 已見有不少客人在用餐, 還好我們訂了位, 餐廳裝修頗型格, 男士應該很喜歡, 女士也覺得很順眼, 部分更有皮梳化椅座位, 坐得舒服, 座位之間的距離合理。晚餐set dinner有六個選擇, 價錢由$188至$258, 已括前菜、餐湯、主菜、甜品、飲品, 價錢亦算合理。我們叫了兩個set dinner, 外加一個小食share。(另外叫的小食)  西班牙黑毛豬火腿伴哈蜜瓜 $188 黑毛豬火腿切得薄片, 色澤紅潤, 油脂分佈平均, 咸香油潤, 不會死咸, 是很香醇濃厚的味道, 哈蜜瓜又甜又多汁, 帶來了清新感, 和黑毛豬同食簡直是絕配, 百感交集。(前菜) 自家煙燻三文魚伴血

是日黎到K2 KITCHEN 見到有威靈頓牛柳呢個菜色就點黎試下。想唔到有咁大既驚喜。煙燻三文魚三文魚肉質甜美，加上煙燻味道令口感更加豐富，加上特調既醬汁令到食三文魚多了一份清新既感覺，就算再食幾多都不會膩。威靈頓牛柳威靈頓牛柳的做法都幾煩複的，先要做好外面的面包皮又要配合內部牛柳的生熟程度，外面要做到鬆脆，牛柳就需要似質嫩滑，是十分考廚師的經驗。今天試了K2的水準真是十分好，牛柳保持到十分鮮嫩及肉汁都停留左肉中，每口肉都十分JUICY，好多西餐廳都不見到有此款菜，可以係到食到真係好好彩。老闆仍十分有誠意保留左呢款漸漸消失的菜餚。精選甜品菠蘿味的蛋糕，師傅連碟上的圖案都做到十分精緻。除了蛋糕好味外在視覺上都係一種享受。更令我感受到他們對食物的誠意。

之前食過 I Kitchen, 都覺得幾好食, 今晚黎試埋佢既姊妹餐廳 K2 Kitchen, 仲要有人請食飯, 期待呀...餐廳裝修以黑白灰為主色調, 燈光較暗, 走型格路線的~~也很喜歡掛在牆身既白色動物頭掛飾, 感覺好特別又不浮誇, 不竟是在工廠大廈內的餐廳, 坐位份外寛敞, 還有舒適既皮梳化, 坐得非常舒服~~ 牛肝菌榛子茸湯很喜歡飲較 Creamy 既湯, 入口陣陣香濃既牛肝菌味, 還食到細細既榛子粒, 非常有嚼口, 上面還配上鬆脆既餅乾條, 點小小湯食仲正~~北海道甘蝦伴蘆薈沙律認識我既人也知我是一個海鮮控, 特別鐘情於蝦蟹的, 見到甘大隻既蝦, 我影左一張相已經一啖食左佢落肚了, 蝦不單止大隻, 而且肉質仲超鮮甜又爽彈, 但得一隻真的到喉唔到肺, 好想食多幾隻呀!!原隻波士頓龍蝦龍蝦開成兩邊, 龍蝦肉上塗上薄薄一層牛油及配上小小松露去烤焗, 賣相吸引, 肉質厚實又彈牙, 蝦膏又夠肥美, 好滿足呀~~焗墨汁海鮮飯呢個海鮮飯非常豐富, 底是黑黑的墨汁飯, 上面放滿了帶子, 蝦, 扇貝, 青口及魷魚, 旁邊還有沙律醬用作增添鮮味, 碟邊還配上伴菜, 視覺感一流~~我試了帶子,

近年工廠區內的西餐廳興起得十分快，以官塘黎講每棟大廈都可以找到西餐廳。之前朋友試過K2 KITCHEN就跟我介紹。今日放工就黎試試係咪朋友形容咁好味。牛肝菌榛子茸湯第一口飲落去牛肝菌既味道已經湧入口腔之中，牛肝菌濃郁細緻既味道恰到好處，配合了榛子茸令到湯十分幼滑，不單豐富了口感亦沒有搶了牛肝菌既味道。黑魚子鮮蝦忌廉蛋十分精緻的一道前菜，蛋白上滿滿的黑魚子，黑魚子本身有點咸，但加上幼滑既蛋白就可以互相溶合，達到了一個十分理想的效果。蛋中還有鮮嫩的鮮蝦跟半熟的流心蛋黃，食完上層的蛋白再食中間的蝦和蛋黃，味道更加鮮美。甘蝦蘆薈沙律沙律的蔬菜十分新鮮，已是沙律最重要的部份。要讚一下的是甘蝦好大隻，而且肉質十分CREAMY鮮甜，食完真係想叫個甘蝦刺身既衝動。有骨黑豚豬鞍有骨黑豚豬鞍近骨部份的肉亦料理得十分幼滑，但我更喜歡的是旁邊有肥肉的部份，燒完之後沒有一絲的油膩感覺，加上瘦的部份一起食，油脂的部份令肉質更加香濃滑漏，而且更加豐富了口中的質感。這是要厚切才可以感受到的滿足感覺，就算唔喜歡食肥肉既朋友食完都會愛上佢。

作為一個偽術家，餐廳除了食物味道外，食物賣相絕對能左右我會否光顧她。見到賣相精緻的食物，正所謂先入為主，未吃已感到賞心悅目。當然如果味道跟外觀有太大差距，最後只會落得敗絮其中的評價，食客受騙了一次，下次也不會再上當。但最近在友人介紹下，就發現了一間食物賣相吸引，味道也沒有令人失望的西餐廳。＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊K2位於觀塘巧明街，距離港鐵站僅五分鐘路程，穿過APM就到，非常好找。由於餐廳隱身在一棟工廈內，而該工廈於晚間時段都要登記訪客身份證的。甫步出電梯，左手邊就見到從黑暗中發光的食店招牌。餐廳裝潢雖簡單，黑色牆身配上白色動物頭造形的裝飾，天花簡單掛上黃色紗巾，但半明半暗的環境卻顯得頗有格調。店內座位也算寬敞，約可容納60位食客。每張枱上也有蠟燭以增加氣氛。晚餐有六款選擇，包前菜、湯、主菜、甜品和餐飲，價錢由$188至$258，價位尚算合理。如果六款晚餐仍然不合心水，餐牌內也有數十款主菜可單點，只要加$48亦可轉配套餐。 北海道甘蝦伴蘆薈沙律前菜有兩款選擇，我跟朋友就各點了一款交換試試。北海道甘蝦蝦身粗如成人手指，入口非常鮮甜，肉質帶點爽彈，蝦只

因為工作關係來到觀塘，從MTR站穿過商場，走了一點點路終於來到目的地--K2 Kitchen, 路程不遠但真係唔簡單，因午膳時間的觀塘份外人多，車多...一入K2 Kitchen發現環境頗為舒服relax，與街外形成強烈對比一坐低，待應哥哥已經熱情有禮的招待（1）小食及餐湯：味道咸香，可惜餅乾已淋晒餐湯係蒜蓉西蘭花湯。口感Creamy, 偏咸（2）Main course：黑松露醬香煎盧魚配薯蓉跟炒雜菜：筆者最欣賞黑松露汁，因黑松露散發住獨有既香氣，配上較淡口味的主角盧魚可算係清新。醬汁同薯蓉同樣非常夾蝦三色椒意大利飯（馬來亞風）意大利飯帶有東南亞風情的香草味，有煙韌有口感，可惜蝦爽口但無咩鮮味（3）甜品：上班日子可以由第一道食到最尾一道甜品真係好奢侈好味！

觀塘的工廠區開滿著不同食店是人所共知，但要在同區競爭相信都不容易，所以每間食店都要有特色之處，才可以吸引到食客來臨。K2 Kitchen以甜品藝術較為特別，除了食物賣相吸引之外，甜品的彩碟花紋也能傾倒眾生。除了食物賣相，食物質素和味道都有一定水準，價錢也是相當之合理，才可以在觀塘的工廠區屹立不搖。*************************走進觀塘的工廠大廈不是第1次，從地鐵站來到K2 Kitchen一點都不遠，5分鐘路程便能到達。在進入K2 Kitchen的門前，便看到廚師推介，今天還有橙酒煮班戟伴雲呢嗱雪糕。走入K2 Kitchen，環境也不錯，座位也坐的舒適。這裏就是煮橙酒煮班戟伴雲呢嗱雪糕。由服務員安排之下入座，枱上一人一份食具。北海道甘蝦伴蘆薈沙律，是晚餐的指定頭盤選擇之一。北海道甘蝦一般大隻，把泡泡放在蝦頭增加賣相吸引力。北海道甘蝦真的幾大隻，蝦肉色澤不錯，也幾鮮甜，蝦都滑身，配上點沙律醋吃又幾好味。牛肝菌棒子茸湯，是晚餐的指定餐湯選擇之一。牛肝菌棒子茸湯味道確實和氣味一樣的香濃，還能吃出一粒粒的牛肝菌在湯中，讓人回味無窮。鹿兒島有骨黑豚豬鞍，牛肝菌汁 HKD248，

觀塘區有不小工廈餐廳，但好吃的小之又小。這陣子周圍到不同工廈吃飯，很高慶今天找到這間K2 Kitchen，食物頗高質素且價錢合理。燒有機紅菜頭伴羊奶芝士，北海道帆立貝，檸檬泡沫 (Kim 子推介指數 9/10)第一個前菜，賣相極之吸引，令我對餐廳加倍信心。羊奶芝士完全沒有膻味，而且芝士CREAMY 軟滑。紅菜頭味道清甜，伴大大隻帆立貝一流享受。甘蝦蘆薈沙律 (Kim 子推介指數 9/10)想不到甘蝦如此肥美新鮮，味道鮮甜。配以泡沫檸檬和蘆薈沙律十分fresh。威靈頓紐西蘭牛柳(Kim 子推介指數 9/10)威靈頓牛柳是傳統的英國菜，在牛柳上蓋上酥皮烤焗而成。這道菜式的名稱相傳是以威靈頓公爵命名，將牛柳塗上鵝肝醬然後蓋酥皮焗烤而成。酥皮非常香酥而乾身，非常新鮮，一砌開牛柳，發覺肉汁被被鎖在乾身酥脆的皮內，牛柳肥瘦適中，肉汁多而食落一點也不過火。香橙檸檬芝士餅 (Kim子推介指數9/10)一個完整的晚餐必須有一個美味甜品作結。這個香橙檸檬芝士餅真的色香味俱全。有如詩畫般的點綴，美極了。說到味道，芝士餅散著淡淡的香橙及檸檬，不太甜卻味道適中，非常健康又好味!

位於觀塘工廠大廈的K2 Kitchen，燈光昏暗，以黑白作主調，座位寬闊，加上店員專業的服務，還真有高級餐廳的氣氛。Amuse Bouche通常在酒店的法國菜，又或是價錢不相伯仲的私房菜中遇到。沒有留意餐牌的我，當店員送上小前菜時，為這額外的一道開胃小吃，感到驚喜。微咸的豬肉凍，啫喱洋溢著肉的鮮味，放在清新爽脆的青瓜上，加上一點蜜糖芥茉，少少甜少少嗆，確實開胃。田園沙律新鮮爽脆的沙律，簡單地淋上黑醋，刨上幾片既薄又香的巴馬臣芝士，以最天然的味道為沙律調味。有咸，有酸，有甜，陣陣清新。紅菜頭湯把紅菜頭打成蓉的湯，帶渣的口感，又稠又稀。沒有多餘的忌廉蓋過味道，就只有最後淋上的幾劃忌廉，保持紅菜頭本來的清甜。甫坐下便留意到每枱都放了兩條麵包條。喝湯時伴著吃，竟有意想不到的乾爽、硬脆。焗三文魚龍脷柳卷配菠菜忌廉汁色彩繽紛如三色彩旗從魚柳卷放射出來，賞心悅目，叫人胃口大增。三種顏色分別是紅菜頭、青豆和南瓜。沒有任何調味，味道又清又淡，只有紅菜頭的甜較為突出。球體的翠玉瓜、中間切開十字插著小草的車厘茄、粟米芯和木耳，為擺碟帶來立體感。龍脷柳包著三文魚捲起去焗，淋上奶味極重的忌廉汁。龍脷柳嫩滑，三文

 今晚8.00pm又有靚女 CALL 吹水, 又係觀塘區工廈, 來到門口……裝修似曾相識, 跟同區的 i KITCHEN 有點似, 不知是否同一個老闆架呢?餐廳燈光很 relax 舒服我都係食 set dinner 啦, 價錢由 $188-268 不等, 包前菜、餐湯、主菜、飲品及甜品, 一站式, 唔洗諗, 啱晒我呢類唔想用腦的懶人。頭盤 : 紅菜頭帆立貝色相吸引, 紅菜頭配帆立貝, 上面放了2條青蔥火箭菜點綴, 再配以檸檬泡沫, 很有立體感, 廚師很有心思為客人增添食慾, 紅菜頭煮腍甜, 帆立貝剛熟, 貝肉還是爽口的。紅菜頭汁味道清甜, 還加了少許羊奶芝士增味, 很清新的前菜。廚師餐湯 -甘荀忌廉湯香濃又 creamy 的甘荀湯, 沒有甘荀的青澀味道, 清甜美味。 原隻焗波士頓龍蝦 ($258/set dinner)原隻龍蝦配以香濃的牛油芝士松露汁烤焗, 色澤誘人, 香氣四散, 龍蝦肉爽彈鮮甜, 仍保留了龍蝦汁在內, 幸好沒有 over-cook, 剛剛好, 點少許香濃鹹香醬汁同吃, 美味至極點不止美味, 那些蝦頭的艷麗香軟蝦糕, 簡直迷魂是日特飲 - 蜜桃香橙梳打飲品反而比較普通,