JK Brother’s (已結業)

呢間餐廳應該請咗好打手嚟寫食評，食物質素差，格局差，但都可以有咁多人話好食同有趣😂本身男朋友話想食韓國嘢，記得之前新假期有介紹過呢間，就打電話問吓有冇位，本身話冇嘅要去到九點先有位，但過咗一陣打去就話宜家都有位，咁我哋就飛奔過去。食物差到我連相都唔想影，簡單講吓啲食物有幾差。第一，醬油蝦腥到擺唔到落口，我用筷子篤完啲蝦再食其他嘢都有腥味第二，炒野菜基本嘢，啲菜唔熟，生嘅第三，部隊鍋好多味精，只係用味精吊啲咸味第四，炸玉子好鞋第五，章魚燒啲粉唔知點整出嚟，啲粉好「章」第六，燒菠蘿好酸，一聞就知個菠蘿未熟。第七，三文魚話係挪威嚟，但一啲都唔挪威，淡口，色澤都淡。其他刺身都唔係太好，刺身蝦仲見到啲卵。第八，炒牛肉粒啲牛脂肪煮到溶哂溝埋啲汁，食完一粒即刻飽其他攞貨返嚟炸完可以俾客食嘅嘢，都唔掂，榴槤炸彈啲榴槤糕唔香，外皮厚。炸雞腎好硬，似食緊石頭。其實講真，佢又唔係一啲嘢都唔好食嘅，個蟹棒好食，有蟹味，活章魚都OK，我覺得最好食都係佢個牛油粟米😭😭但問題係係我兩個人俾咗成$600，淨係個牛油粟米好食。如果個價錢係百零蚊位嘅，我覺得可以接受，但收我$300位要食呢啲質素我真接受唔到。我未試過食放

聽人講呢間放題唔止有日本嘢食，連韓國嘢都有，今次就決定同朋友嚟試下。呢度叫嘢食嘅方法都幾方便，係用QR code，可以不斷自己落單。一嚟到就Order左响好多食評都見到嘅生八爪魚同埋醬油蝦。八爪魚同我響韓國食到嘅差唔多，醬油蝦都幾有驚喜，好入味，好想同飯一齊食。刺身同壽司嘅選擇就一般，不過都有火炙，軍艦，手卷。熟食方面有串燒炸物等等，要讚下佢個羊架，熟嘅程度剛剛好，忍唔住叫咗兩次。蟹子沙律係我食日式放題必食嘅，點整都好食哈哈。然後佢個牛油粟米我都叫咗兩次，因為真係好甜好香。最後就梗係食甜品啦，佢有成三個雪糕櫃，好多韓國雪條雪糕，仲有必食嘅movenpick，真係飽到不得了，滿足！

較早前途經佐敦，見到這個燈箱牌寫住- 新鮮生章魚，有趣又新鮮，於是同好姊妹入去試試地方雖然唔大，但裝修有趣點餐用QR code 電話掃描，方便又環保！食放題梗係努力點一大輪食物，刺身，壽司一定唔少得，甜蝦，赤背，螺，北寄貝，新鮮可口壽司種類都不小，有我最愛的蔥呑拿魚軍艦，帶子壽司，蟹棒壽司，章紅魚壽司，美味可口侍應放上一小碗食物在枱上，一看原來是活生生的章魚，正當猶豫從何入手，好友已經一手拿着往嘴裏去！於是拿起筷子，夾一口鼓起勇氣放進口裏，雖然感覺怪怪的，但鮮美無比，點上豉油更能調出鮮味來好友點左幾個炸球體的東西，叫我地食完估吓是什麼，炸得啡黃色的，面層流著微紫色的是墨魚小丸子，另一個係番薯炸物，最後一球有驚喜，咬開已聞到一陣榴槤香，好彩喜愛吃榴槤，不然被她整蠱了炒雜菜加上芝麻更惹味，日式蒸蛋味道都不錯三個雪糕櫃，好多雪糕雪條可以選擇，大部份來自韓國牌子，價錢也不便宜的

聽說最近香港有一家放題餐廳好有名，我朋友食過以後一直推薦，今天我跟朋友先去食一下，有什麼特別的。它是在九龍公園附近，可以先去游泳在來食，非常方便。上面地方很大，一整層都是它們的，所以有好多位置可以放東西，飲料雪櫃有4個，甜品櫃都有4大個，加起碼有三四十款，枱面上都好乾淨，不會油油的，非常好，過了一下老闆親自過來給了一張紙，原來是要用手機連QR Code點餐，不用一張一張紙寫數字，還不用寫枱號，多方便。首先點了一大盤刺身，有三文魚，帶子，有頭甜蝦，希靈魚等等，全部都很新鮮，有頭甜蝦膏非常多，三文魚有一點點腩位。其他食物的款式都有好多，這裡只是4分之1的東西，有蒜泥焗生蠔，有麻辣雞翼，燒三文魚頭，燒菠蘿等等，還有好多好多甜品，雪糕雪條加起來都有十幾款。最最最想介紹的是醬油蝦，超級超級好食，裡面是大大隻的牡丹蝦刺身，用了好多醬料醃，把整隻蝦裡面全都是醬油的味道，爽口新鮮，一試難忘。

而家香港地食放題已經好普遍，基本上一個地區已經有十幾二十間可以選擇，想搵到一個特別D，價錢又唔貴既，我會非常推展呢間。價錢都只係二百幾，但款式就多到起碼有過百款，仲要有幾多好特別既野食同飲品。飲品方面已經有多達3個雪櫃，起碼20款飲品，當中既飲品都唔係普通野，我最鐘意既有青提味，雪梨味，菠蘿味，仲有菠蘿酒，青提味同雪梨味係同一個牌子，飲到最尾會有好多果肉，因為唔識睇英文，所以唔小心拎左呢個菠蘿酒，不過估唔到咁好味，第一啖飲落去好重菠蘿味，之後慢慢有小小酒味，但對我呢種怕飲酒既人都覺得好味。跟住重頭戲黎啦，呢間最出名可以任食生八爪魚刺身！從來未去過韓國既我，睇電視成日見人介紹呢個生八爪魚刺身，估唔到第一次試既係香港，店員送黎個時都有提我地落麻油，我估只係味道問題，但男朋友就話可能怕吸住，落D麻油等佢吸唔實，放入口個下真係要好大勇氣，第一下俾佢吸住條唎既感覺，咬兩下已經唔會在吸，真係好特別。其他既食物都非常非常之多，有刺身有壽司，就連燉蛋上面都會有一粒海膽，非常特別，燉蛋滑到入口即溶，仲有小籠包，連打邊爐都有，真係太多太多款式啦。鐘意食甜品既你，千其唔好錯過，平時放題都只可以每人一個，呢到

好開心朋友約我去食放題~~ 好耐冇食放題喇，今日一於大擦特刷！！ 聽講話餐廳開咗冇耐，好受歡迎㗎喎 好多嘢飲，兩大個汽水櫃！！超多韓國飲品，可以講話應有盡有 食物方面都好多種類選擇，淨係點餐紙都有排點呀，哈哈 最興奮梗係食刺身啦呢度居然有松葉蟹，好少放題有㗎，超驚喜啊！！全部刺身都好鮮新鮮又鮮甜 預早訂枱有海膽送淨係睇個樣都超級吸引，成版滿曬！！好夠新鮮！！一啲腥味都冇 壽司就點左黑松露帆立貝，黑松露配帆立貝超match ~鰻魚壽司又係好正喎, 一條骨都冇 嚟個海膽蒸蛋先 蒸蛋滑到一個點，超棒呀！！ 生八爪魚~~平時淨係韓國先有得食，估唔到香港都有！！八爪魚仲識喐，好生猛 感覺好有咬口，好過癮！！ 不得不提嘅就係呢度不論雪糕雪條都係有好多好多嘅選擇！！同其他放題簡直冇得比... 特別係有好多韓國嘅雪條.. 又有movenpick同埋再dreyer's嘅雪糕揀喎全部都係任食㗎, 淨係食雪糕都回本 經濟實惠，食物又多選擇，大家又多間放題選擇喇

放題一向是我所喜，一大班人唔使就嚟就去，鍾意食乜就點乜，最近去試咗呢間幾有特色的放題，除了一般中日泰菜式外，還加入了韓菜元素韓式活八爪魚刺身非常特別，無需飛韓國都可以嚐到活八爪魚刺身，上枱時仲郁緊非常生猛，夾起來都有啲難度，皆因佢會用吸盤吸實碗邊，店員提示可加點麻油方便夾起再配合芝麻同食增添香味，將八爪魚放入口中未咀嚼之前可以感受到還在蠕動的感覺很奇妙，而八爪魚的口感煙韌，味道鮮甜略帶海水鹹鮮醬油蝦另一款特別的菜式醬油蝦，原隻生蝦肉質滑溜鮮甜，加上醬油提鮮，更覺鮮味刺身點咗三文魚，赤貝同帶子，刺身質素唔錯，食得出鮮甜，尤其帶子非常厚身壽司火炙原條芝士海鰻壽司/火炙三文魚腩壽司/牛油果軟殼蟹沙律卷/蔥吞拿魚軍艦，呢幾款都喺我至愛的壽司拉絲芝士爆炒牛肉牛肉軟腍，連同洋蔥香蒜爆炒非常惹味，加埋芝士超邪惡香酥紫芋丸/韓國密糖芥末醬炸雞/一口蘋果角話明加入韓國元素又點少得韓式炸雞，雞肉炸得金黃酥脆但仍保留肉汁，加上蜜糖芥末醬，口感獨特黑椒牛舌牛舌燒得香口，爽口彈牙海膽茶碗蒸茶碗蒸雞蛋滑溜，海膽鮮甜，小心一啖就滑入喉嚨啦炸物明太子鱆魚燒，日芝士年糕，紫心蕃薯脆餅，這些炸物都做得唔錯，無油膩感蒜香燒

係又想食日本野又想食韓國野既情況下，發現到呢間放題！同埋上網見到竟然有韓國好出名既活八爪魚刺身，次次去韓國都無緣食，難得香港有，令我更期待！黎到見到八爪魚刺身，仲郁緊，吸實隻碗，夾都要d力，覺得幾得意，入口種感覺好特別，有d啜住喉嚨咁，好新鮮又好爽彈！我仲叫左個部隊鍋，有時係韓國餐廳食既都好大份，呢度可以自己一個食，同埋自己簡食材，更加方便，味道都好正宗同我係韓國食既差不多！茶碗蒸都有surprise 到我，蛋勁滑又香，仲有海膽做topping!刺身我都叫左幾款，最正係帶子，大大粒又鮮甜！炸蠔都好出色，新鮮炸起，外脆內軟，蠔味十足！呢度既放題比出面更多選擇，而且食物質素都好高，下次一定會再黎呢！

每月同閨蜜約好的飯局， 今次選擇了這間 以生八爪魚為主打的日韓放題, 一入去已經見到大大個魚缸放八爪魚，飲品雪糕甜品區間隔清式種類多。這裏是用QR code手機落單，十分方便。一坐低即刻點了招牌生八爪魚試試，非常新鮮生猛，入口鮮甜爽口彈牙； 醬油蝦大大隻好鮮甜， 醬油入味味濃； 點了一盤刺身質素不錯，新鮮爽甜； 輪到熟食，榴槤波波有驚喜熱辣辣，榴槤蓉一咬就流晒出黎，榴槤味超濃郁，炸香蕉幾特別，味道甜甜地唔錯，另外點了炒野菜好惹味、香芋波波香脆可口、芝士餃子外脆內有流心芝士、燒菠蘿燒得剛好清甜、鴨胸沙律酸酸甜甜好清新。 食到飽飽地都當然唔少得要試下甜品啦，呢到好多韓國雪糕雪條選擇，最後我揀左芝士蛋糕雪條， 口感好似食緊芝士蛋糕咁，芝士味好fresh一啲都唔膩，令今餐放題畫上完美嘅句號。

一開始見到係以活章魚做賣點就覺得好吸引 去到真係有一缸活生生嘅八爪魚喺度🤔🤔好神奇食物種類好多 除咗有新鮮八爪魚同唔同嘅刺身之外 佢哋另外一個主打醬油蝦，係新鮮唔腥，因為我好怕腥😳炸物都好好食，都係即叫即整，因為送上嚟嘅時候仲好熱同好脆🤤最鍾意嘅就係佢嘅炸蠔同蒜蓉蠔xd熱食方面，佢地既串燒都好出色，最鍾意就係香蒜牛柳粒，一啲都唔韌甜品方面 有好多韓國直送嘅雪條 例如30%芒果雪條 甚至仲有movenpick而且所有Staff態度都好友善 食物送上嚟嘅速度都好快 性價比好高！

以前食過JK brother係一間工廈韓國菜，味道都唔錯。但原來尖沙咀呢間係日韓放題黎，可以一次過滿足哂咁多個願望🤓先食咗沙律先，沙律食落好清新，係冇得取代既開胃菜然後揀咗少少壽司，因為太易飽唔夠膽叫太多🙊 但食落係新鮮既～炸物款式都唔少，一口芝士好好味🤤 天婦羅食落雖然個炸粉厚咗少少，但入耐餡料都夠新鮮我自己會偏向呢度既燒物，因為串燒實在係唔錯🤪 燒牛舌，雞軟骨同魚豆腐都好正好好味。燒雞翼都好岀色韓式炒粉絲，其中一樣我鐘意食既野，炒到好香好惹味，仲好有口感🤤最後叫埋個部隊鍋真係滿足哂，配料十分之多！

尖沙咀不嬲出名多放題，今日就試左呢一間。點食物好方便啊，呢間放題好與時並進，係用手機點餐架！🤤🤤呢到食物既種類非常多，值得一讚！😎由日式料理，泰式料理，串燒，甚至到部隊鍋都一應俱全，真係胃口細啲都搞唔掂🤤🤤😍🤘首先，串燒好好食啊，尤其係燒菠蘿🍍🍍酸酸甜甜，好開胃😙 同埋蟹籽沙津都好正，入面有一條條既蟹柳絲架，唔係用硬硬既假蟹柳🤡但係有讚但都有彈🤧，天婦羅賣相還可以，但係食落就。。。好厚粉啊！😞仲有好重油味。另外，部隊鍋都好一般🤧好咸，啲料又好麻麻。不過可能我本來唔中意辣啦。。。唯一好食既就係鍋入面既午餐肉😎不過，由於放題都好大程度上係注重食物選擇同埋氣氛，所以呢間性價比都還可以。

朋友話新開有生8爪魚同醬油蝦食，就去試下。黎到坐左係到，林緊仲吾比餐薄我地點，原來距地係用QR code 點野食，款式真心吾多，但放題食物質素極度一般，都係刺身，壽司，陪隊鍋等除左醬油蝦好食，其他都麻麻。不過距4個人食有一人半價，叫做可以試。

之前睇蘋果動新聞介紹過呢間有得食活章魚 嘅日韓放題店 當時見到已經心噢噢好想去食 終於約到朋友陪我去喇午市放題 中午12時至下午三時晚市放題下午5時15分至11時45分唔同時段有唔同收費 二百零蚊一個人可以接受 都抵食㗎 食物款式都幾多選擇超誇張好彩一早有book位 全場爆滿餐廳設有魚缸 養咗好多隻活章魚 全部都係由韓國直送 唔使飛去韓國都有得食真係好即叫即切 上枱嘅時候章魚嘅神經還在動 吸盤強而有力吸啜碗邊 看來有點恐怖 但我都願意一試 生吞這食法可以保留最原始的美味 口感黏滑 肉質紮實 非常有咬口食放題又點少得日式刺身呢 整體刺身新鮮無雪味 款式夠多 最為推薦有頭甜蝦 蝦肉鮮甜肉質夠肥美另一亮點係呢到嘅韓式醬油蝦 平時去韓國餐廳食好貴㗎 呢度竟然可以任食 醬油蝦醃得夠入味 肉質爽甜 唔會太鹹壽司種類都幾多選擇 上面刺身配料夠新鮮 有 軍艦 火炙的 手捲 ……任君選擇炸物方面 本人很喜歡榴槤波波及香芋波波 榴槤又香又邪惡 有流心效果香芋波波就好似我哋平時食雪糕嘅香芋味一樣 味道好香 全部都係即叫即炸 熱辣辣夠新鮮仲有好多食物提供 例如人參雞湯，小籠包等等！ 小籠包推薦， 皮薄餡靚有肉

醬油蝦好好味😋又多汁，又大隻， 好鮮甜真係估唔到尖沙咀都有得食生八爪魚，口感好得意，好正👍🏻值得一試😋😋食刺身啦😋😋好新鮮呀！有帶子，甜虾，北寄貝，赤貝同鮑片 均不錯呢款係日式燒餃子，口感ok，原來係粟米豬肉餃子👍🏻燒菠蘿，估唔到食入口仲有咁多汁，好甜同好香菠蘿味炸物，我地叫左3款，當中有炸香蕉(長條)，炸榴槤(圓形)同炸三角卷，最特別就係炸榴槤(因為係流心)鍾意食榴槤可以試下沙律系，點左2款，一款係鴨胸沙律，令一款係凱撒沙律，特別係鴨胸沙律，味道好得意，有小小酸酸辣嘅感覺凱撒沙律，我最愛，平時外面食好多時D菜都係黄食落口有苦澀味，但呢間就唔同，沙律菜好新鮮炒清菜，口感好爽好清甜，好香麻油味，加埋芝麻一齊炒正👍🏻壽司都ok，我最欣賞就係劍魚壽司，吞拿魚碎壽司，馬刀貝壽司，尤其吞拿魚碎壽司好多料好大舊，重點係舊飯唔會散哂，好有口感甜虾刺生真係好好味😋😋好鮮甜，又大隻，食20隻都仲想再食👍🏻👍🏻最愛呢個牌子雪糕😍因為唔係多地方都有得食，除左呢個牌子雪糕外，仲有好多款韓國雪糕， 由頭食到落尾，捧著個肚走，好滿足呀！