JK Brother’s (已結業)

平時食開的放題都係日式為主，呢間多左d韓式食物。落單係用QR CODE，線上落單，幾好，好環保又方便，而且上菜速度快。呢到有醬油蝦同八爪魚刺身，一坐底已經望到個水缸，有好多隻八爪魚，上碟時仲識郁架。醬油蝦好大隻，醬料味都遮到本身海鮮的腥味。另外，飲品料好多韓國牌的飲品，連米漿都有！平時一枝都要成$10 幾蚊架！甜品櫃有馬卡龍、杯裝布甸等等。重點係有好多雪條簡！ 食左cheesecake味雪條同 綠茶紅豆三文治批！食物種類都好多，同平時食放題的大同小異，但就多左韓式料理，可以叫韓式泡菜，鍋類仲有部隊鍋。

上星期同friend子去左試呢間位於尖沙咀既JK Brothers日韓fusion放題！我地訂左位，入去嗰陣啱啱轉時段，所以好快有位。環境幾好幾企理，用QR code手機落單方便，而且d野食都嚟得算快。•野飲 – 選擇頗多，有我鍾意既韓國入口梨汁！•刺身 – 新鮮既。黑松露帆立貝個黑松露醬帶出左帆立貝既鮮味。醬油蝦都幾好味，d殻都唔會太難剝。其他刺身都正路整體冇伏。值得推介既一定係帶子同埋佢呢度既招牌活八爪魚鬚，前者係我少數食過唔腥而又大粒厚肉既帶子，後者就上菜既時候仲好生猛喺度郁郁貢，我人生第一次食覺得好盞鬼！d八爪魚鬚加左少少芝麻絕對係明智既做法，少少芝麻香反而提升左d八爪魚鬚既鮮味！•壽司 – 芝士海鰻，原條海鰻賣相都幾吸睛！•熟食 –我嗰舊燒羊架都唔係大家平時食開/想像嗰個位，味道其實幾好。炸八爪魚鬚好特別，我frd子一咬開個炸皮就成隻手指套咁甩左岀嚟！LOL 一口芝士個味幾濃郁，趁熱食其實唔錯。蒜蓉焗蠔就有d燶，擺得入口。至於本是同根生，我山水豆腐花試左既嗰舊凍豆腐味道就頗標準，不過好大舊！ 整體嚟講，不俗。而且食同睇得岀呢間放題d野食係有諗過同有心機整既。個人可以推介俾其他

昨晚第一次到這間放題餐廳食飯，主要想試食醬油蝦，活八爪魚🐙，這是其他放題餐廳一般都沒有的。因此，才到這間餐廳試食。昨晚一到這餐廳出升降機，已經企滿人在門外，這狹小的空間內，基本上難以在企人，但奈何店內的員工沒有安排，疏導人群。而是叫客人不要站在店內，當時店內根本完全沒有人客。這行為舉動完全是令人失望，完全感覺到客人是不受尊重。令人一開始已經對這間店舖的服務非常失望。相信去過這間店舖的客人都有這感覺。基本上去過一次以後都不會再去。未去過的客人，邀請你們自己親自去體驗下這間店舖！

地方擠迫，用QR code落單好似好方便，但上菜唔係自己叫嘅嘢食，佢仲話張單係我嘅！！！ 食物種類選擇少，除咗會郁嘅八爪魚刺生同生 醃 醬油蝦外，魚生都算ok,不過刀功真係差啲！其他真係冇咩特別！！！！串燒牛舌 雞串 腎都好唔點,簡直係 中伏！！！呢啲基本串燒個汁又奇怪完全唔配合，連大昌超市嘅雞串都高質過佢！！！炸物粉厚😫,職員大聲用粗口鬧另一位同事，打開門口做生意㗎，點解可以咁呢？感覺唔多好！！冇米漿又冇M字雪糕勁失望！！！！兩個人埋單$590 唉！俾呢個價錢真係唔點！！旺角真係好多間都正過佢地，食物選擇真係好少！唯一優勝係收碟快🤣🤣🤣🤣🤣🤣🤣真係未埋單已經肯定冇下次…………勁 失望

【#SUPERMAMA開心SHARE】好韓好味@JK Brother’s成日聽人講JK Brother’s有幾好食 今次同姊妹去試，原來JK Brother’s韓國放題又真係幾正有好多野選擇，為左食多D，咩都點1-2件 咁先食到更多款式嘛自選的韓國雪條有好多款 仲有活生生既八瓜魚畀你點來食刺身種類唔少，有帶子、甜蝦、八爪魚、三文魚等等 又真係好鮮甜，蟹棒更是啖啖肉前菜唔可以放過，又是必食的八瓜魚呀海膽玻璃蝦、卷物同鰻魚壽司都好好味蒜香牛肉粒、牛仔骨都好有肉香炸蠔、炸紫薯、炸蝦卷都好脆口，係即炸既！天婦羅又係必食既，我地都好中意佢既蝦同蟹棒 因為熱辣辣，又夠薄脆炸香蕉、炸榴槤、鴨胸、牛舌都超吸引最後食支強勁芒果肉的雪條同韓國果汁，就飽足回家

朋友book左今晚食放題，跟住個地址都好易搵到。本身無咩期望，放題食黎食去咪又係嗰啲。嘟左個code就可以用電話自己落單，睇一睇有好多野一般嘅放題店都無，即刻醒神哂！當中最特別就係活章魚刺身，上到枱仲郁下郁下，吸住個碗好難夾起，香港真係好少有！男友人仲食左兩碟添。另外仲有水冷麵都好特別，原本以為好大碗，原來係細細碗咁樣，仲有溫泉蛋，口感好滑，個麵都唔錯！值得一提係飲品好多樣化，港式韓式都有！最後就必食甜品！睇個雪櫃以為自己去左韓國便利店，竟然有雪糕三文治，仲有好多未見過嘅雪條，正呀~

平日晚上去食放題慶祝，好彩一早有訂位，去到餐廳滿晒座。 宜度係用電話落單，落單容易，全部食物都有銷售量同相片參考。落左之後，出菜速度好快，一陣就有野食。款式有好多款，以日韓為主題。日式刺生當然唔少得，仲有韓國醬油蝦，皇帝蟹腳🦀。韓國醬油蝦係用韓國醬油醃日本大大隻刺身蝦🦐，味道非常鮮甜，個人好鍾意食宜款。👍👍👍壽司都有好多款式，蒲燒鰻魚壽司既鰻魚長過舊飯差唔多兩倍。海膽玻璃蝦，火炙及黑松露系列都係特色壽司🍣。串燒，天婦羅🍤，部隊鍋，日韓飲品，日韓甜品同dryers, movenpick 雪糕🍨都有。 由於款式太多，我都試唔到咁多樣野，聽隔離枱講，羊架都唔錯，大家可以試下。基本上，每款食物都好有水準，下列食物個人認為係必叫既（排名不分先後）：1. 蒲燒鰻魚壽司2. 韓國醬油蝦3. 黑松露帶子壽司4. 貓山王榴槤炸彈5. 原隻有頭甜蝦6. 炸蝦卷

06-04-2019 21:45生食八爪魚 ，感覺好殘忍！食之前浸落wasabi 度消下毒殺下菌就放入口，基本上除咗鼓油同wasabi ，都冇乜特別，都係嗰句覺得殘忍！ 跟住個同事唔知做乜叫咗一個餃子，又好多炸物，炸蝦，炸生蠔，炸榴槤，見到都飽！不過炸野又好好食！仲有燒蠔。終於見到一大盤棘身，好大粒帶子，好甜，甜蝦，榮螺，北寄貝，赤貝 ，食棘身指定食物。打邊爐我就冇食到，因為冇諗住打。飲品方面的確有好多款，超過十款以上，有啲未見過。總結來講棘身方面同其他食店日本放題都差不多，呢間嘅帶子大粒啲 。講漏咗，有一碗四五隻醬油大蝦，都幾好，不過要用手自己剝殼，成手都係，食都幾麻煩，不過新鮮又美味。落單方面新玩意，用微訊掃描卡仔就可以響apps 內落單，慳番紙同筆，好方便又環保，不過廚房都有出飛的。環境方面就差咗啲，出電梯得個六呎都冇，唔夠鐘咪上去，又夠鐘先入得，盞搞，焗要落番樓下等夠鐘！由於星期五六日，假期前夕，呢餐無優惠，原價238+10+10% 10人埋單3001。每位273

✿╮❤╭✿ ✿雜感女生   好味日記✿ ˚*•✰。JK Brother’s．活力放題。✰•*˚ ✿✿小資女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤❤ 朋友說沒有吃過韓式活八爪魚 很想一試JK Brother’s的放題 因為主打有任點的活八爪魚既然如此，膽小的我，就陪她試吧果然有個養八爪魚的魚缸 非常生猛 見到台台都有點，爬來爬去，我膽小 就看朋友吃吧，我下次儲大點膽量來吃吧此店7點前未滿座 一到7點，全部坐滿人客 看到任飲的飲品櫃，都是特色韓國果汁啤酒 還有很特別的米漿，味道甜甜的，充滿米香先上場是刺身，樣樣都夠鮮甜 特別是帶子、大蝦、蟹柳令人流口水了前菜必點鴨胸沙律，清新中帶煙薰香氣海膽蒸蛋，香滑有海洋氣息，口感不錯任點串燒，Grill 香十足，爽口彈牙，必食牛仔骨肉味香，牛味突出，又是必點蒜香蠔，夠濃香惹味，是愛蠔者必食的天婦羅大蝦，又香脆又嫩，質感非常好炸紫心甜薯，又香又甜又軟，甜薯控應該一試大量任食的雪條，都不是坊間易見的 主打韓國乳酪鮮果口味藍莓口味的內裡更

生日同屋企人去呢間新開既食放題刺身種類算多 有帶子 八爪魚 甜蝦 三文魚 吞拿魚等仲有我最鐘意嘅三文魚 各類刺身都新鮮 尤其是甜蝦壽司方面 賣相精緻 飯不算太大 火炙三文魚最為吸引 翻叫了兩次這個，天婦羅相常不錯 外脆內軟 即點即炸加上蛋黃醬！一流生八爪魚很好吃 口感獨特 不用加醬汁 味道濃郁 我也忍不住吃了兩隻燒物方面是即叫即燒 新鮮出爐串燒非常好吃 肉汁鮮甜可口 很香的炭火燒烤味道特要推介這個燒雞翼!! 超好味

一坐低當然要叫一盤刺身去熱下身，三文魚、甜蝦、帶子這幾樣是必須的，估唔到連松葉蟹腳呢個高級食材都可以揀，放題真係比較少見上菜見到個擺盤都算係有誠意！同埋d刺身勁新鮮，食到停唔到，兩人叫左2-3 round 魚生。刺身是無敵的正，又肥美又新鮮，我好鍾意食蟹棒，啖啖肉好滿意，其他仲有拖羅、牡丹蝦、赤貝、三文魚等松葉蟹蟹腳喺廚房預先處理，到我地面前只需要將殻拿開，就可以見到蟹肉，勁貼心呀！仲要有勁多蟹肉，一定要點！另外叫左有特色壽司都好吸引，好似黑松露三文魚都係必食推介。火焰三文魚壽司，其他仲有芝士大蝦燒、帆立貝等等，即叫即製，如果喜歡芝士的朋友，應該都幾鍾意口中少少地溶芝士的狀態而熟食方面必食炸榴槤波波!!! 超超超超級RICH既榴槤味道

星期五晚跟朋友到了尖沙咀的JK brother’s，聽說放題有生八爪魚和醬油蝦食。由於好少放題餐廳會依兩款食用任食，所以我一口答應了，然後我們一早已訂好位。Book了位的食客需要按時入座，如果早到只能在餐廳外排等入座啊！醬油蝦：個人必食推介首位就系醬油蝦，首先每隻蝦size相當大隻，完全可以用肥美來形容！醬油蝦肉質結實，絕對吾系林badbad既死蝦，放入口中已充滿濃郁既鮮甜味道！而醬油味既咸味剛好，不會蓋過蝦本身既鮮味，直到宜家也令我很回味！生八爪魚：八爪魚果然非常生猛，吸力超級驚人，當夾既時候也很吃力，因為八爪魚吸實碟子。食落較有口感，但味道可以再咸一點來調味。海膽刺身：依款刺身是餐廳為每枱食客送的，不能再order。海膽沒有腥臭味道，入口既溶！加了紫菜一起食用也不錯！刺身：好多選擇，每款刺身厚度適中，非常有口感。小籠包：小籠包外皮不算太厚，可以包實肉汁。咬開表皮後，湯內爆出，入面既鮮豬肉不會太乾，整體也很好吃呢！串燒：雞腎口感硬了點點，但依然帶爽口。蕃薯甜甜的，也不會燒得太耐。

之前睇Facebook, 講到好吸引。因為我係韓國食過活章魚，勁好食，係Facebook 見到話全港首間活章魚，唸住回味下韓國既味道。之前book左位，當日下午有人打黎reconfirm. 但完全聽唔到佢講咩，快到呢，要問多次先知，佢講咩。我地一行三人去食，book左6點，5點50分上去等，點知未開門，同時已經有5個人等緊。 之後就越黎越多人，等果個位勁細，個個一出lift 見到咁多人都落返走，果個咁既空間，塞滿人，又焗，又熱，仲要過左6點都唔開門..要等到1810先入得，真係慘過返工迫地鐵。開門就帶我地入坐。我襯入坐時未有人就去洗手間，但洗手間勁跣，差d跣到。之後返埋位，朋友已經用QR code 落左單，其實呢個設計唔錯，但想講，一張枱只可以用一個手機用到QR落單，同行朋友唔可以同時間一齊睇有咩食..同埋我地坐果個位收得好差，連電話都收唔到.仲叫人點QR落單..😅😅坐位勁窄，如果兩個人食放題，甘本放唔哂d野..因為我地3個人坐4人位就好dd。但位與位既太窄，基本上要等人出左先入得。因為我有幾次出去拎野飲，同雪糕，有個男職員勁同我後面張枱吹水，我一直等佢出黎我先入到..感到勁無奈。好講

真係第一次寫食評，真係伏到一個點！鋪內空間比較細同迫格離枱溝通絕對每一字都會清晰聽得一清二楚的！我係食5:15分個一輪，埋位就已經立即點野食上菜時間算快的但全程有一個好嚴重嘅問題每一枱嘅食物都出錯全部都亂哂，好多會去左格離左右啲枱大家點嘅野食會大兜亂咁！但有個職員都好有禮貌不停講唔好意思我都接受的！野食既部分黎了首先刺身，壽司真係好普通，唔夠鮮佢主打既活八爪魚刺身同埋醬油蝦就反而唔差既不過我點左4隻醬油蝦其中一個係臭左食唔到其次串燒我點左牛舌，雞腎，沙嗲雞肉，芝士豆腐牛舌同雞腎都過哂龍，勁乾身超難咬沙嗲雞就不過不失嘅炸物燒物點左吉列蠔，牛仔骨，羊架同埋燒生蠔吉列蠔外熱內冰凍...所謂既羊架根本係羊扒最伏亦係我最期待既就係燒生蠔本身一上菜個下見到都已有少少失望因為比較乾身一食落口，真係直頭難食唔鮮之餘男朋友個隻直頭係壞左臭既連格離枱都係一樣咬左一啖就放反低唔要了牛仔骨又係不過不失一品料理炒野菜，牛柳粒，芝士鍋貼，地獄餃子，小籠包茶碗蒸，爆炒牛肉牛柳粒同爆炒牛肉反而好好食的地獄餃子中意食辣野既人都可以一試茶碗蒸上既海膽臭的但係個蛋好好食小籠包就真係難食了無湯汁之餘口感直頭係霉霉爛爛咁你點估

見雜誌介紹呢間新開嘅放題，話有活八爪魚、醬油蝦食，諗住同老公嚟試吓，結果係伏中之伏。無論刺身、壽司、串燒、鍋物，無一樣好食，八爪魚係會郁，但刺身、壽司唔新鮮，未食過啲甜蝦係無味，串燒無香味，同鍋物一樣好重味精，好咸，清酒淡而無味，雪糕雪條係任食，但個冷氣勁到好似雪房咁，唔好講話食雪糕，就算坐喺度都凍死人，我凍到不斷要落樓下解凍，有嘢食先上番去，從未試過食放題食到有嘢淨，仲要凍到病，真係貼錢買難受😣，唔會再幫襯。