JK Brother’s (已結業)

係又想食日本野又想食韓國野既情況下，發現到呢間放題！同埋上網見到竟然有韓國好出名既活八爪魚刺身，次次去韓國都無緣食，難得香港有，令我更期待！黎到見到八爪魚刺身，仲郁緊，吸實隻碗，夾都要d力，覺得幾得意，入口種感覺好特別，有d啜住喉嚨咁，好新鮮又好爽彈！我仲叫左個部隊鍋，有時係韓國餐廳食既都好大份，呢度可以自己一個食，同埋自己簡食材，更加方便，味道都好正宗同我係韓國食既差不多！茶碗蒸都有surprise 到我，蛋勁滑又香，仲有海膽做topping!刺身我都叫左幾款，最正係帶子，大大粒又鮮甜！炸蠔都好出色，新鮮炸起，外脆內軟，蠔味十足！呢度既放題比出面更多選擇，而且食物質素都好高，下次一定會再黎呢！