Hungry Monkey (金朝陽中心二期 - Midtown) (已結業)

今日同女友人去銅鑼灣行街，無知想食咩，見登龍街好多餐廳，所以記諗住過到依邊先再決定食咩野。一直都好想食鐵板燒，友人都表示有興趣而且見menu價錢都幾抵食就決定一試入到去我地都算早，所以有bar位坐可以睇住師傅燒因為想食海鮮，所以我地決定散叫，真係無揀錯，師傅手勢一流， 店員都好細心解釋。梅水晶 芥辣八爪魚前菜 酸酸辣辣好開胃南非鮑魚佢近卡位果邊有板有d時日menu,南非鮑魚大大隻都係$98。 師傅燒得剛剛好，鮑魚好新鮮，點少少醬汁，perfect match托托蜆佢本身係有4隻，因為今日蜆比較大隻所以變左3隻。 蜆好鮮甜，好juicy 送到黎已經聞到好香既蒜蓉味明太子奄列好大份，蛋煮得好嫩，入面有大量明太子。蟹盛御好燒一黎到已經嘩一聲，個面有蟹肉、蟹籽同蟹膏。佢餅入面都仲有蟹肉，蟹全部都係蟹，好香濃蟹味，勁滿足。店員比左紫菜同薑可以按自己喜好加。香蔥牛肉薄燒佢係lunch menu都有，我地一路食都見到師傅長期都整依個，咁有人氣點可以唔試好多蔥好多蒜，牛肉入口有熔化感覺，好juicy好嫩。飲左兩杯野，埋單都係唔洗$800，超級抵，下次都要再黎食。

Hungry monkey 🐒 入口位於登龍街，好有居酒屋🏮氣氛，睇到廚師煮鐵板燒，喜歡呢個視覺享受。梅水晶（Pickled Chicken & Shark Cartilage)好特別，有啲似將雞軟骨以及魚刺一條條嚟食，配上我最喜歡嘅梅子醬，是十分開胃的前菜。磯煮鮑魚一隻$98，好入味，吃起來有鮑魚味又有好鮮甜既醬汁味😋😋😋😋😋明太子奄列好欣賞呢間餐廳🍴加好多蔥同埋香料，令到食物嘅層次感好豐富。蟹肉忌廉餅蟹肉忌廉好滑好香，外層燒得比較硬，口感有別於一般的炸物。正！香蔥御好燒咬落淡淡都係蔥，啲蔥係香甜嘅，所以好滋味，推介推介👍🏻👍🏻👍🏻帝王蟹鉗燒得好香，香得令人好回味😍😍蘋果梳打喜歡😍配食物份外滋味😋

同同事去銅鑼灣行街，大家都好想食日本菜。記得朋友之前推介我一間日式鐵板燒。一入到餐廳氣紛好好，好適合同朋友聚會食飯。店員都好有禮貌介紹餐單餐單上選擇有好多，我地一開始叫左一份冷盆 蕃茄蒜子沙律味道好清新好開胃。然後我地就點了一份蟹肉忌廉餅外皮炸得好香口好脆，而入面口感好軟熟，好香蟹肉味，好好味。我地繼續就點了一份南非鮑魚，菜單寫左係牆身板上，擺盆都好精緻好細心幫我地砌成一小件，好新鮮口感都好好。食完鮑魚，我地就叫左1份 托托蜆好新鮮！好鮮甜！而且睇住廚師係我地面前煮，見到好細心幫我地將殼分開。之後我地再叫一份一夜干雞扒，我自己真係好鐘意！！雞肉好滑，唔好煮得好過火，而家皮好香口，味道剛剛好！好鐘意！最後我地就叫左一份 和牛脂炒飯。d飯炒得粒粒分明，而且當你每啖飯都有和牛既脂肪，令到炒飯多了一份牛肉味道！好香！同時我我叫左一杯十年成熟梅酒唔會太甜，加冰好順口

Hungry Monkey嘅陳設有啲似居酒屋但係又有個鐵板燒吧檯，感覺幾特別今次我哋坐喺吧枱嘅右側，可以清楚見到廚師做料理純熟嘅手法好似睇表現咁！首先上咗梅水晶，係用梅漬醃過嘅魚翅梅味清新，魚翅爽口，非常開胃之後嘅磯煮鮑魚，同樣係凍食鮑魚被切開每一粒都見到昆布醬汁煮過嘅啡色明顯吸收曬湯汁嘅精華，味道濃沃口感仍然保持彈牙爽口！係一流嘅下酒菜！微辣嘅辣酒煮花螺，每一粒沾滿醬汁用竹籤一粒一粒咁挑出嚟，一邊傾計一邊食非常之舒服悠閒！最抵讚嘅係佢連手套都準備買畀你！唔怕整污糟煎明太子配上香蒜，一片一片夾住食非常香口到主菜A5和牛坑腩，肥瘦相間，充滿油香鐵板燒嘅火候剛剛好，和牛坑腩做得好嫩滑！香蔥御好燒係一道類似大阪燒嘅主食係日本一款經典嘅鐵板燒小食，呢度都做得唔錯！口感厚實配埋香蔥香味四溢！最後食返個甜品，菠蘿雪葩！係佢哋今期新出嘅自家製甜品！用完個菠蘿裝住雪葩，口味清甜，真係好似食緊菠蘿咁！完美嘅一餐！呢度除咗食嘢之外真係好適合同朋友嚟飲番杯靜靜地吹水！現場都見到好多情侶談心，拍拖都唔錯！

#日本菜 #鐵板燒呢間喺銅鑼灣登龍街嘅餐廳，睇佢個名仲以為係西餐，原來係香港人最喜歡嘅日本菜，仲要係鐵板燒🔥🔥好開心🥳我可以坐喺鐵板附近嘅吧座，可以睇住師傅整🤤🤤🤤梅水晶 （$48）未試過，原來係日本🇯🇵新一代人氣下酒菜～～爽脆嘅鯊魚軟骨，加上切碎酸酸地的梅子，配搭酒🍶應該唔錯😌南非鮑魚 （$98）鮑魚肉厚，肉質爽彈，醬汁更能帶出鮮味。 師傅將鮑魚切薄片，方便進食A5和牛抗腩 （$168）師傅喺我面前燒，火🔥光熊熊，陣陣牛肉香撲鼻，油脂慢慢流出，令人食指大動😋 牛坑腩油脂分布平均，色澤紅潤，烤得外脆內軟，入口即化，齒頰留香😚日本炒麵 （$78）炒麵加入很多配菜，炒得幾乾身，食落好香唔太油膩。 桃味梳打 （$38）如果唔飲酒，可以試吓，滿有香甜桃味又醒神午市仲有好抵食嘅套餐，選擇好多。

今天老婆寶寶回到外家，探望外父外母。因此，我便與老朋友來到銅鑼灣區閒逛了一天，閒逛之際於登龍街的金朝陽中心地下無意發現這間食輕量版的鐵板燒餐廳，許久沒有吃鐵板燒的我們，便相約與老朋友來去用餐，來一個男人浪漫。餐廳門口的店名和內裏的吧枱位置同樣使用霓虹燈作招牌，予人感覺矚目吸睛，整體裝潢以木系配搭皮革座椅為主元素，座位頂部設置有酒櫃陳列各款酒類，配襯暗調的柔和燈光，設計型格特別。礦泉水普娜天然礦泉水來源於義大利國家天然保護區的3700英呎高山裡，該處水質新鮮純淨，含有低礦物質，因此其色澤清澈明亮，飲用時順滑柔軟，味道散發礦泉氣味，是廚師們揀選作佐餐水的推崇品牌。蕃茄蒜子沙律蕃茄是來自日本的新鮮蕃茄，師傅特意將其剝皮再製成沙律，入口蕃茄味濃郁，脆嫩多汁，酸中帶甜，配上和風沙律汁、青蔥、蒜子調味，整份沙律清新開胃。唐揚豆池魚池魚又名爲真鰺，屬鰺科的一種白身魚，大廚選用幼魚並以炸製方式製作，用餐時正好一口一條，炸後的豆池魚色澤金黃，肉質豐腴嫰滑，酥脆香軟，鹹香味美，擠上檸檬汁同食，魚香鮮味十足。帝王蟹腳帝王蟹當造期是每年11月至翌年的2月份，以蟹腳肉最為飽滿，因而餐廳選取蟹腳和蟹鉗部分製作。帝

銅鑼灣區內一向是優質日式菜系集中地,無論是刺身壽司,鐵板燒或是融和菜式,都能輕易找到優質餐廳;素來食盡各種美食的饗客好友這次相約我到區內一家鐵板燒來個飯局相聚,便知道又有口福,就馬上答應出席!週四夜的銅鑼灣較為繁華一點,從地鐵站B出口前往,可避開沉悶冗長的A出口;來到餐廳門口,映入眼簾的是門面的顔色,燈光,裝潢及構圖,帶點美式餐廳的風格,加上漫畫化的猴子標誌,霸氣得來又非常醒目!由於好友一早已訂了位,一來到就可入座;於大廈地面樓層的餐廳,好處是可擁高樓底,十足的空間感;而內裡的主設計是環繞鐵板爐具的吧枱,讓客人們安座於此可全程觀賞廚師們的鐵板燒技藝!而柔亮的燈光亦集中於此,有如聚焦在舞台中央;旁邊的圓枱則相對地暗色調,喜歡有情調的會較適合;而空氣中彌漫著絲絲煙燻,肉類特別是牛肉的油脂氣息,已引人垂涎!餐牌的製作亦較為精美,加上適中份量的選擇,讓人很容易點選合心意的菜式;而當日精選的,就以粉筆寫在牆上的黑板上;這等場合當然由好友發辦來點菜;與好友閒聊了一會,侍應生先遞上前菜-蕃茄蒜子沙律;將蕃茄去皮後,淋上特別調製的醬汁,啖味起口感鹹甜酸很平衡,更加突出蕃茄的酸爽清新,令人開胃!唐揚豆池

今日放工同女友約銅鑼灣見，行左陣街，就肚餓揾野食，行左去燈籠街覓食，最後見到間好似新開既居酒屋，裝修幾靚，所以就入左去，入面都幾多客人，但好彩啱好有位，唔洗等，見啲野食幾啱胃口，所以就決定食。我哋叫左沙律、辣酒煮凍花螺、伊比利亞豬、蟹盛御好燒、日本炒麵、蟹肉忌廉餅、白鱔，同埋兩杯威士忌Highball 。首先黎左兩個冷盤，沙律係個凍生蕃茄，係一個人份量，我哋share 黎食，酸酸甜甜，好開胃，唔錯；辣酒煮凍花螺，冷盤比想像中份量大，辣辣地甜甜地，食落好爽口，唔錯。食完冷盤就到正餐，首先黎左蟹肉忌廉餅，蟹肉同忌廉完美配搭，味道啱啱好，推介。跟住到伊比利亞豬，燒豬扒，上枱時望到個樣已為佢好乾，點知食落又煙煙韌韌，唔會好乾，味道仲要唔錯，好香豬扒味，推介。跟住再到白鱔，呢個價錢唔平架，所以本身期望係好大條好肥美，點知上到枱份量冇預期中大，味道係可以既，係多左啲小骨，要食得好小心。最後黎到蟹盛御好燒、同埋日本炒麵，蟹盛御好燒勁多蟹子，味道適中，唔錯。日本炒麵都好算大份，雖然炒得幾香，但可能已經去到尾聲，所以並冇覺得好好食，不過可試。

銅鑼灣好多好嘢食，舉頭望明月，咁樣月光四圍都係呀，我哋啲月光族，見到月光就洗光用光清光 ，入嚟坐低，叫咗幾樣嘢食，頭盤沙律，係蕃茄薯仔沙律， 有心思前菜，一開八件，蔥花伴碟，紅襯綠，好養眼。跟住整個芝士奄列，好特別就係以前未食過，用芝士做料包蛋，口感好特別，自己返去試一試。跟住再整個明太子配埋啲蒜蓉汁， 鹹鹹地味香夾埋啲沙律或very good啦。跟住整個豆芽韭菜花炒豬肝，好味，送酒一流，咬落口索索聲very好味道 。A5和牛坑腩上場，話曬都係A5和牛，食落真係好有味道，同食飛驒牛， 不相伯仲。日本炒麵，開餐嚟梗係要搵啲嘢以醫下肚呢。好嘅嘢都要叫返食，飽個肚嘢先。 再叫兩杯嘢飲，一個蘋果梳打，一個桃味梳打，話時話真係都幾特別嘅，喺外邊冇呢啲梳打搵得，到所以另有一番滋味。值得推介嘅就係 ，佢嘅雪糕同雪鈀，椰子雪糕，係真係一個椰子開兩邊，張佢打成啲雪糕，連売上。同埋柚子雪葩，都係連柚子一齊上呢，兩個係喺日本直送到嚟嘅，所以呢啲心思去邊度搵呀，所以呢一次食得非常開心，簡直做月光族都做得抵呀。

疫情下好多朋友都有思鄉情緒出現，哈哈！我也不例外！原定計劃日本之旅當然要取消啦。朋友介紹銅鑼灣登龍街Hungry Monkey可解除口腹思鄉情😂😂環境不算大，佈置有點日本料理feel㗎！侍應生很有禮貌，廚房是開放式嘅！可以欣賞廚師在你面前煮美食，正👍😋坐下有點口渴便叫飲品先，蘋果梳打和桃味梳打~連飲品都來自日本，味道入口好清香👍頭盤沙律是蕃茄蒜子沙律，好醒胃啊！煎明太子~大廚好手勢呀！成條明太子煎得好靚，外脆微焦香，明太子鹹香味濃配埋蒜片同食，味道好夾，蒜子有少許微辣。芝士蛋奄列~ 呢個好特別！蛋煎得好滑，包住芝士就更加香滑，入口有滿足感。豆芽韭菜花炒砂肝筋~睇住廚師炒，配菜有芽菜同韭菜花是我喜愛食呢！菜炒得好爽口，因為是用平鑊炒的，食落好似是用個鑊拋高兜幾兜嗰下手勢，👍肝筋好爽口。A5和牛坑腩~A5牛坑腩部分是好矜貴㗎！肥瘦均勻，入口不油膩溶化了，好有肉汁味好juicy，真係好似食緊日本飛驒牛一樣，食唔停口，好快就食曬啦！師傅手勢一流。真心推介👍👍日本炒麵~有韭菜洋蔥紅蘿蔔等等配菜都好多！好大碟，麵上面重有鰹魚碎片喐下喐下好吸引，好夠份量啊！椰子雪糕和柚子雪葩~椰子雪糕原來個殼真係椰

很久沒有在港島區食飯，今日係限最令第二日，估唔到街上仍然好多人外出食飯，我亦不例外，今日想試吓銅鑼灣呢間鐵板燒。朋友講個師傅整得好好！A5和牛坑腩$168肉質口感都好到位，脂肪唔單止分布平均，而且牛肉味好重，唔需要燒汁的點綴。有一種入口即溶的感覺，嚟到呢度必食推介！和牛脂炒飯$138望落去冇乜特別，但係食落去真係意想不到、我身邊嗰個讚不絕口！佢唔單止香、仲未夠鑊氣！啲飯一粒粒，可見師功架！超級勁！贊贊贊！入面加咗青椒紅椒粒，好彩係細細粒，因為我平時唔係好鍾意食椒，但係佢用嚟炒呢個飯令我食多幾碗，和牛脂都好正！好想打包😂海膽熔岩魚餅$58一口咬開魚餅，內裏的海膽都滿寫出來，喜歡吃海膽的朋友，必點椰子雪糕$58呢款雪糕已經唔係第一次食，我記得某些餐廳都有，他的椰子味道很滑溜，而且不會太甜另外黑板上設有時令招牌食物、餐牌上冇的，大家可以留意下！因為上面寫嗰啲大部份都好好食！

好耐都無出街食飯啦，今日同另一半去咗呢間都幾出名嘅鐵板燒食飯，入面氣氛幾好，一路食飯一路播住歌，小酌一杯簡直係寫意。蕃茄蒜子沙律完個番茄配上酸酸地嘅沙律醋，上面有啲蒜子同埋蔥花沈左喺面，食落酸酸味味好開胃，蕃茄多汁新鮮蟹肉忌廉餅蟹肉忌廉餅炸得好金香，忌廉味十分濃郁，亦都食到有啲蟹肉係入邊，兩者配搭毫無違和感，一碟有四條，兩個人食嘅話每人都分到兩條，係一味非常香口嘅餐前小食南非鮑魚南非鮑魚唔係佢嘅餐單上面，係寫咗係黑板上面嘅Special Offer，表面燒過嘅鮑魚有少少焦味，點埋少少醬汁一齊食，爽口彈牙托托蜆托托蜆係我最鍾意嘅海鮮鐵板燒，喺蜆殼上面有原汁原味嘅蜆肉，加埋啲肉汁鎖住係上面，配上蔥花同埋蒜蓉粒，加少少鹽已經好好味和牛脂炒飯用上和牛側邊嘅脂肪同埋其他配料一齊炒嘅飯，粒粒分明非常之有咬口，和牛食落去好香油脂味，簡直停唔到口白桃梳打如果揸車唔想飲酒就可以試吓佢嘅白土梳打，有白桃味之餘又解渴

蕃茄蒜子沙律$28酸酸甜甜非常開胃醒神帶有清新的感覺提提大家，用餐之前會送上收費蕃茄蒜子沙律作為前菜🤩如果不需要可以同店員提出😌海鮮蟶子$196蒜粒炒得好脆口，而且好香，聖子用鐵板燒燒熱，配上蒜粒，幾嘢未。南非鮑魚$98眼前是切成一片片的鮑魚，旁邊的燒汁隨着自己喜好有冇需要先沾用因為鮑魚本身都已經好有鮮味而且食得出係新鮮的食材！柚子雪葩$58酸酸的柚子味，比較適合女孩子。為完美的一餐畫上句號。呢度每一日都會有廚師推介，記得留意吓！因為時令款式全部都係必吃！下次再嚟試吓其他先

又係cwb出沒，男朋友話同我食鐵板燒我梗係say yes la! 🤤 尼間餐廳細細間但又幾有feel，普通枱似去左酒吧我地坐正bar枱睇住師傅整😉梅同lemon highballu: 梅味dry d，酒味出; 檸檬味居然偏甜，各有特色見到酒肴幾特別本身想叫，但最後心思思叫左花螺送酒，辣辣地好惹味👍🏻之後叫左個伊比利亞豬同忌廉蟹肉薯餅豬帶少少爽脆口感，肥瘦適中，唔會太乾身👍🏻忌廉蟹肉薯餅正常發揮，餡料爆棚👍🏻兩款都好啱送酒食然後見餐廳有寫當造海鮮，叫咗白鱔試🤤男朋友唔好但係都食咗一半😆😆煎到皮脆肉嫩，不過小心多骨👌🏻店員推介新出嘅蟹盛御好燒，即係蟹肉餅加蟹子😮紫菜係我自己另加🥰蟹肉味突出，口感紮實，夠飽肚感👌🏻身邊嘅大食怪唔夠飽所以加多個炒麵😮可能因為我已經飽所以感覺炒麵比其他食物失色，都係比較鍾意佢地d送酒小食🤭