Green Orange

一間有格調有氣派既Green orange位於上環區樓上2樓既西餐廳，今晚相約好姊妹來晚餐，餐廳既格局好有歐陸feel，一排既玻璃窗，一連串既吊燈配襯著長長的餐枱，甚有氣派。時間尚早，客人希少，但七點後人漸多起來，好快坐滿人了，我都係早幾日前已book定位。我們坐於餐廳的一個角落，枱上的燭光與窗外的燈光互相輝映，更加添幾分情調好適合情侶共餐，閨蜜傾談既好地方在店主悉心介紹下點選了以下餐點~先來個熱辣辣既飽點，麵包十分軟熟，加點橄欖油和黑醋，更加開胃黑松露雜菌忌廉湯，把湯慢慢攪拌時，散發著陣陣黑松露香味，口感軟滑，味道香濃焗蟹肉酥皮，鬆化既酥皮，上面盛著滿滿既蟹肉，帶點鹹香味，既香濃又creamy呢個係餐前小點，與好姊妹share來食剛好主餐有~脆焗豬手伴蜜糖芥末汁，話時話一般既豬手都係偏鹹同較肥膩，但呢度既豬手焗出來完全無肥膩感，表皮香脆，肉質軟腍，又唔會太鹹，再點埋芥末食，味道甚佳意大利飯真係好講究飯既質感，唔係咁易煮得好食，呢度既龍蝦汁海鮮意大利飯，口感煙煙韌韌，夠creamy,龍蝦汁液滲入每粒飯帶出濃濃既龍蝦味，海鮮有蝦，帶子，青口，蟹鉗，既新鮮又爽口，有水準Green oran

某個星期五😝豬仔老細唔係到😝我地就山長水遠由金鐘去左上環食西餐豬仔好少會突然有驚喜🤣但個日竟然特登提早book好位帶我食好西～唔通真係甘好食？通常 期望越大 失望就更大～但係呢次 竟然超越左我期望〈😍ノ！我地叫左兩個lunch set 分別係燒帶子沙律同烤🐷肋骨叫完之後就開始坐定定等食啦～話甘快 綠橙員工就為我地送上兩塊熱辣辣的蒜蓉包蒜蓉包略嫌蒜蓉有d重手 以致個包有少少太濕..之後燒帶子沙律就黎啦帶子好明顯係用靚帶子 燒得剛剛好 鮮甜多汁～沙律菜份量都幾多 裡面仲有煙肉絲 配上微酸的秘製檸檬汁 令人非常開胃 搞到我越食越餓tim食下食下 豬肋骨bb都黎啦〈😍ノ 個肋骨好大舊😱百幾蚊 無諗過會比甘大份我地😱大份之餘 味道都令我同豬仔好驚喜🤤🤤個汁濃得黎一d都唔膩 好多餐廳豬肋骨個汁都整得好膩 食食下就唔想食 但係呢個豬肋骨就成功令我食曬都覺得意猶未盡啊！正！主角出色之餘 配角亦唔馬虎 伴碟ge薯仔味道一樣令人感動如果你真係用支槍指住我 逼我講一樣無唔完美ge地方...我會話伴碟ge酸菜味道唔夠突出 唔夠酸 又無乜味..除此之外～整體個豬肋骨bb其實都真係接近完美啦😝總括黎講 我覺得綠橙

舊同事喺上環返工 因為要搵佢食飯 所以黎左呢度對於路痴嘅我來講 呢度都算幾方便 地鐵站一出行前幾步就已經到咗 一的都唔難搵餐廳環境少少昏暗 幾有情調 而且天花掛住傳統嘅吊扇 都幾特別餐牌選擇都幾多 而且附上精美彩色食物圖片麵包燒帶子柚子沙律沙律用柚子同蕃茄仔圍住 色彩鮮艷奪目中間係燒香左既帶子 為一陣嘅大餐開一開胃先蟹肉南瓜忌廉湯食完沙律 飲返個湯暖下胃先個湯溫度啱啱好 食落去唔會燙口南瓜味濃郁 而且好黏稠上面仲有豐富蟹肉都幾大碗 兩個人些呀就啱啱好新奧爾良式辣腸鮮蝦意大利麵意粉都真係有的辣 但煙韌辣肉腸脆身 好似食薯片咁脆焗豬手配蜜糖芥末汁豬手皮脆肉厚身餐飲甜品 朱古力布朗尼夠曬大碟又有睇頭雖然話甜品係第二個胃 但都食到飽飽地好彩呢個布朗尼唔會好滯鬆軟而又做到朱古力流心 唔錯

今晚來到上環一間歐陸餐廳晚餐，地點很方便，上環地鐵站A2出口，右手邊就是了。搭電梯上2樓，一開門就見到粉筆紙寫上的招牌，相當有藝術感。餐廳環境好靜，播放著柔和的音樂，相當relax~餐牌的選擇很多，我們選了廚師推介的燒帶子柚子沙律做前菜，而主我自己就揀左香煎白鱈魚伴粉紅胡椒忌廉汁。燒帶子柚子沙律的賣相吸引，有3粒又大、燒得又香的帶子，配上爽口新鮮的蔬菜同秘制的醋汁，加上大大片又清又甜的柚子，令人開胃。主菜係我幾鍾意的香煎白鱈魚，初初都擔心粉紅胡椒忌廉汁係咩料子，但原來係好好味好Creamy的汁，微辣的胡椒味滲入伴碟的薯仔內，令薯仔更惹味，而白鱈魚都非常厚身，肉質鮮嫩多汁，魚皮烤得金黃香脆，一試難忘！餐廳的店員好好客，會主動為你換碟及添水，謝謝。

放工同同事來光顧這間位於上環港鐵站上蓋的西餐廳晚餐- 「Green Orange」！由於我們訂了檯，所以來到不用等位，直接安排入座！ 我地叫了一客燒帶子柚子沙律、焗蟹肉酥皮、香草燒紐西蘭羊架！入到來，覺得這餐廳環境寬敞，很寧靜，播放著柔和的背景音樂，很享受！帶子柚子沙律： 新鮮沙律菜加入清新的柚子肉，配上味道很好既沙律汁，清新醒胃！而且帶子煎到金黃色，味道很香口但沒有油膩感！焗蟹肉酥皮： 一來到已被非常多的蟹肉所吸引！我們趁熱吃外層很脆的酥皮，熱騰騰的，也吸收了蟹肉鮮甜，很驚喜的配搭，值得推介！香草燒紐西蘭羊架： 咬下去時，感覺到羊架很肉質很鬆軟，而且很入味，配合了其它配菜及美味既燒汁，更加令羊架帶出豐富口感，吃來很香口！不但沒有羊羶的味，而且羊架味道不會太濃，品嚐到羊架肉質細嫩多汁，很值得推介！

今日同朋友一行3人去左上環，差不多7點，見肚餓，就係地鐵站附近搵間餐廳食晚飯！餐廳位於2樓，環境好寧靜，感覺好舒服，最適合我地靜靜地享受！我地選擇左全是廚師推介的美食，落完單，侍應就送上熱辣辣的麵包，好鬆軟、好香，配埋醋及橄欖油，好開胃！之後係前菜燒帶子柚子沙律，帶子煎得剛剛好，外面是脆脆的，呈金黃色，咬落去好彈牙，而且仲保留住帶子的鮮甜多汁；沙律菜好新鮮，特別是柚子，粒粒鮮紅色，又甜又多汁！再黎焗蟹肉酥皮，一上檯已經好香，切開時發現，蟹肉混左洋蔥同蟹膏，每一啖都充斥住好香好濃的蟹味，加上酥皮好鬆脆，盛住滿滿的蟹肉，好足料！而我主菜選左香煎鵝肝伴黑松露雜菌意大利飯，鵝肝煎得好香脆，外脆內軟，每一啖都充斥住滿滿的油香味，配上意大利飯，軟硬適中，不會有油膩的感覺！總括而言，是一間高質素的樓上餐廳！

今日嚟到上環揾野食，上咗嚟樓上嘅Green Orange先嚟就梗係嚟個餐前包先啦！”燒帶子柚子沙律”煎得香口鮮甜嘅帶子加上甜甜柚子，再加埋沙律菜，配合特制嘅沙律汁，每種味道都唔會搶去大家本身嘅味道“蟹肉忌廉南瓜湯”濃濃嘅南瓜味，加上蟹肉嘅鮮甜味，唔錯嘅配搭“新奥爾良式辣腸鮮蝦意大利麵”辣腸本身香脆，鮮蝦彈牙，意大利麵夠口感，醬汁辣度適中，令人越食越想食“脆焗豬手伴密糖芥末汁”豬手最梗要係咩？就係夠香脆啦！呢個豬手燒得非常香脆，但肉身唔會太硬，咬落仲軟度適中，仲有肉汁，配合密糖芥末汁一齊食，仲可以減少豬手嘅油油嘅感覺”朱古力布朗尼伴雲呢拿雪糕”梗係唔少得甜品啦！份量十足，睇隻碟都知，差不多成張枱咁長布朗尼食落仲係微暖，咬落仲有溶咗嘅朱古力粒，但亦唔會太甜，配埋雪糕一齊食，先最好食

今日OT開完夜，同同事黎左呢間Green Orange 試下。無book位都唔係好多人，雖然舖頭唔大加上樓上舖，但係睇得出老板有認真諗過裝修同佈局，整體氣氛十分好，如果唔係聽日要一早返公司，開返枝紅酒嘆下都唔錯架。其實做野做到好攰，無乜心機，所以每人叫左一個飯求其填飽個肚就算。點知，個飯真係食過翻尋味。今晚我叫左個鵝肝黑松露意大利飯，乾脆地另外叫左個黑松露忌廉湯，依家諗返原來我對黑松露都無乜抵抗力，講左個湯先，好香松露味，忌廉blend得好綿滑，加上豐富既菇菌粒，十分之高質。淨係飲完個湯已經覺得可以推薦，個黑松露係個口好香咁徘徊，真係無得頂。至於個飯，一黎到已經比個鵝肝吸引住，睇得出廚師好有心機咁煎香舊鵝肝，岩岩好煎到油香標出黎。老實講，靚肝唔需要大，雖然唔大，但已經令我十分滿足！！而且佢食落口唔肥唔膩，但個咸香感入口即溶，口感好正！意大利飯方面，白汁方面無乜話好定唔好，間間餐廳都差唔多，都頗為creamy，但個飯底就相當不錯，軟硬度適中，索哂白汁同黑松露既香氣，呢個就係risotto既一大特色。埋單落樓都係兩舊靚一個人，係中上環黎講差唔多啦！認真下次可以再戰！

是日搵地方同男朋友慶祝周年紀念，係上環行行下發現呢間舖，格調唔錯，於是決定入去睇下，一試無妨啊嘛！餐廳刻意營造浪漫寧靜柔和既氣氛同格調，好適合情侶約會，知己聚腳，別有一番風味。從餐牌可見菜色係充滿心思，而且種類繁多，想食豬牛羊都得，滿足曬奄尖既香港人。餐包有兩款唔同既包配上黑醋同橄欖油，我個人比較鐘意食黑醋，酸酸甜甜，令人食指大動。前菜叫左道燒帶子柚子沙律，旁面既番茄仔非常鮮甜，加上濃濃既柚子味，帶子亦煎得剛好，格外可口。主菜叫左醬燒美國豬仔骨，bbq sauce夠曬濃郁，配上啖啖肉豬仔骨，而且燒得好均勻，簡直係愛不釋手。加上餐廳服務周到，有生日大事慶祝一定會再黎！

今晚約了為食姊妹「美味子」飯聚，選擇了一間位於上環地鐵站附近的西餐廳《Green Orange》。《Green Orange》位置方便，距離地鐵只需2分鐘。餐廳樓底高，寬敞舒適，有歐陸元素的吊扇、吊燈、壁畫，旁邊落地窗子，感覺置身異國，讓客人可以悠哉悠哉享受下班後的輕鬆時刻。😌餐牌選擇挺多，有湯、沙律、前菜、意大利飯、意粉、主菜及甜品，還有時令生蠔、不同酒類任君選擇。今次我們點了幾款廚師推介的菜式，分別是「海鮮濃湯」、「燒帶子柚子沙律」、「龍蝦汁大蝦扁意大利麵」、「香煎白鱈魚伴粉紅胡椒忌廉汁」。「海鮮濃湯」名不虛傳，鮮味濃郁，一碗分量，2人分享也足夠。湯料挺多，有蝦、帶子、青口，非常鮮甜，配上麵包，麵包吸收海鮮湯精華，一邊吃、一邊禁不住大讚！👍🏻😋「燒帶子柚子沙律」賣相吸引，味道令人喜出望外！那拌沙律菜的油醋汁秘製配方，把蔬菜的清甜和香燒帶子、新鮮柚子的甜厚交纏得恰到好處，酸甜醒胃，一頓美味晚餐的好開始！💯👍🏻「龍蝦汁大蝦扁意大利麵」主角扁意大利麵，口感一流，軟硬度適中，煙煙韌韌，是我個人特別喜歡的質感！至於龍蝦汁的味道，也是令人難忘！非常鮮甜濃郁，完全沒有海鮮腥味！😋「香煎白鱈魚伴粉

今次黎左呢間係中環既樓上舖，同女友慶祝我地既anniversary, book既時候睇open rice見佢D相同賣相都唔錯，所以一試，去到都無令人失望，首先係個裝修都頗有情調，淡黃色既燈光，cozy既環境，加上咁岩個日落雨，我地坐係窗邊，好似去左英倫咁既感覺。只係當日人比較多，嘈左少少但都仲可接受。食物方面，可能係因為樓上舖關係，價錢係中環黎講一D都唔算貴。因為時間早唔算肚餓，我地叫左唔多野，一個沙律、一個湯同一個risotto。沙律方面好有驚喜，我地叫左個燒帶子柚子沙律。帶子一開二燒到岩岩好，配上清新既新鮮柚子，同少少醋，好Refresh好開胃。湯方面我地叫左個黑松露雜菌忌廉湯，忌廉打到岩岩好，好Creamy得黎又不失黑松露既香味，差D想叫多個！因為我地兩個都好鍾意黑松露，所以risotto叫左個香煎鵝肝黑松露雜菌意大利飯，我欣賞佢既鵝肝煎得夠香，雖然我唔識分究竟佢係鴨定鵝，但果浸油香依家都仲記憶猶新，配上雜菌忌廉汁中和番，實在係岩岩好。總結黎講我好對呢間餐廳十分滿意，高度推薦!!!

是晚約左卡樂媽ladies dinner, 我地去左呢間好近上環地鐵站既Green Orange食飯傾計。佢位於一楝商廈入面，上到去感覺有d懷舊既感覺，昏黃既燈光，沉色木枱凳再配幾幅西洋畫，好似7、80年代既西餐廳，環境清幽舒服😌好啱今晚ladies傾密計🤫。Menu我地硏究左一下menu, 問下店員有咩好介紹，佢建議我地兩個人可以叫一份沙律share，一份pasta/risotto 加main dish 已經夠食，所以硏究完一輪我地決定叫推介既柚子燒帶子沙律🥗，一碗海鮮濃湯暖下胃，一碟龍蝦汁大蝦扁意大利麵再加一碟香煎白鱈魚😋😋😋甜品我地今次就冇叫到因為美味子之後有朋友急call趕時間要走啦。有d可惜😅柚子燒帶子沙律🥗-大碟，啱兩人share食，食落去以為落左d黑醋，點知店員話係佢地自家製既vinegar! 唔怪得就係覺得味道有d特別啦，yummy😋海鮮濃湯-一上濃湯已經有陣濃郁既龍蝦味撲鼻而嚟，鮮甜入味，絕對係必食呀😋👍🏻香煎白鱈魚伴粉紅胡椒忌廉汁-其實店員推薦食招牌豬手或者羊膝但咁啱美味子同卡樂媽我地兩個都唔食，所以就試下鱈魚啦，估唔到又出乎意外地好食喎！😮魚煎得靚，層魚皮又脆又香

個人覺得環境幾溫馨浪漫🌹又和舊同事們相聚😆😆😆😆門口一樓，右邊是永樂街。明明是夏天，街境好適合冬天。🧤可以講，menu上全部都幾合我胃的樣樣都叫點吧mussels in white wine, 煮得很好！以前不喜歡食青口的，覺得鮮味不如其他海鮮，後來明白是煮太老🤔 這煮得剛好，汁甜，推薦👍🏻👍🏻seafood soup! 好濃的湯，好多海鮮！望番相都肚餓crab meat risotto, 十分開心的賣相！的確好多蟹肉， 應該稍稍焗過，好香番意配上truffle,正正grilled sirloin, medium, 外型不錯，食落也很多汁！連薯仔也很好食呀

約左一班舊同事食飯，想搵間坐得舒服傾下計既地方，一於試下呢間係上環地鐵站附近既樓上西餐廳。環境：呢度地方唔算十分大，但四人位都幾寬敞，坐得舒服，加上呢度燈光偏暗，增加左私人度，岩晒情侶或者三五知己聚會傾計！服務：呢度既侍應好有禮貌，仲好主動不時幫我地加水、換碟、切菜，服務滿意！衛生：因為燈光比較暗，所以感覺地方尚算新淨，當然枱凳同用具係乾淨既。味道：Caesar salad不嬲係我至愛，呢度既比較簡單，菜、麵包、煙三文魚，加上少許sauce，個人覺得咁樣反而更加適合作為前菜開一開胃。另一starter係青口，雖然係starter，但都有好多隻喎，配住稀稀地既忌廉湯，都係一個唔錯既開胃菜。焗蟹肉酥皮，餐廳推介果然有驚喜，未食已經聞到好香，一啖肉配一啖飯，再配上黑松露，不知不覺間就食晒！脆焗豬手配蜜糖芥末汁，又係餐廳推介，豬手焗得非常脆亦都幾大份，配埋個honey mustard sauce令豬手變得不一般！抵食：starter百幾蚊，main dish二百幾蚊，其實都係西餐中位價，最緊要氣氛夠，坐得舒服，就值晒了！

知道今日會係上環上堂早早reserve左呢間座落係好多樓上餐廳既大廈 水準都有番咁上下🤭好懷舊既黑板字 滿滿的中學時光🙈好想試下黑啤🙈但係無人陪我成間餐廳唔算好大 但都見到有啲六人檯 聚餐都算唔錯選擇忌廉白酒煮青口個汁都算出色 酒香味十足但又唔會太濃青口新鮮甜美😂仲有淡淡忌廉中和 岩哂唔好太重忌廉既我😉海鮮濃湯 都非常足料 但可惜我唔記得影啲料😂甜酸度適中 為你開胃👏🏻大蝦意粉一見就知啖啖肉 下面既雜菜意粉沾上少計蝦味 更突出是日大牌牛扒真係做到medium💪🏻💪🏻💪🏻唔易架上面啲格仔紋帶著燒烤的誘惑🤭肉汁飽滿👏🏻總括黎講 呢餐算係high quality 而且價位都對得住味道！