Green Orange

近來減肥, 都好少出街食飯. 今日朋友生日, 點都要同佢食餐飯. 朋友去過 Green Orange 一次想再去, 就一於來呢度食啦. 餐廳 menu 選擇唔算多, 所以我地好快就揀到食乜喇. 首先上餐包, 有2款: 芝麻 & 香草. 香草包夠曬香濃, 係我大愛!減肥當然要食沙律打底啦. 帶子煎得超香, 個面仲有少少脆口. 正! 另一超好味係西柚. 所有皮都清走曬, 而且好甜好 fresh. 如果減肥可以日日食呢個沙律就開心死!!之後就到蟹肉南瓜湯. 蟹肉好鮮甜, 絕對唔係罐頭蟹肉可比美. 朋友就食肥爆 carbonara, 我就唔敢食喇. 而我就 order 左西冷扒. 件扒好靚好淋. 超有肉味. 對我而言, 都係愛美國西冷既肉味多於日本和牛的油香. 呢餐雖然都好肥, 但好味! 減緊肥食佢, 都算無浪費 quota. 

今日難得收工就想去食啲特別野，於是同爸爸去咗上環附近一帶搜羅有咩西餐好食，記得附近有一間食西野唔錯就喺上環地鐵站一出就已經係。去到嘅時候店員好親切為我地講解今日有咩好食，經過我哋一番討論之後決定先點一個西柚帶子沙律同埋黑松露蘑菇湯，之後主菜點左海鮮大蝦意粉同埋ribs， 首先沙律帶子好大粒而且煎得好香口之後個湯個黑松露味好重好開胃配埋餐包簡直一流，之後到主菜海鮮大蝦意粉大蝦好大隻而且烹調煎得好香令我食得津津有味，之後個ribs用咗秘製醬汁去烹調有燒烤醬同埋自己研發嘅醬料去配合而成，出嚟個效果簡直一流，而且呢度嘅服務員態度好好不停為你加水而且氣氛一流好適合情侶或者一家大細嚟聚餐下次一定會再去。

朋友即將轉地方工作, 佢話好想再食多次GREEN ORANGE, 因為之前去食就遠水路了. 我都好掛住佢地個蟹肉酥皮, 岩哂啦! 就去食多次吧!海鮮濃湯 ($98)除左蟹肉酥皮之外, 海鮮濃湯都比我地翻兜,因為湯好濃厚~ 落足料去煮呢! 而且湯入面都額外放左相當份量既海鮮,一碗湯夠我地2個SHARE焗蟹肉酥皮($118)見到佢上場一齊心心眼, 又可以聞到佢好香既牛油酥皮味,食到滿滿既蟹肉! 滿口香氣!忌廉白酒煮青口($118)呢個係新點既餐前菜, 真係好好味, 又多左個要翻兜既野食,青口既肉好嫩滑, 冇煮過龍, 而忌廉留有白酒既香味同埋少少果酸味,好開胃, 我地食完仲用餐包沾埋D汁食埋佢呢, 青口既份量都唔少GA脆焗豬手伴蜜糖芥末汁($238)侍應幫我地切開豬手, 太好了. 豬手既肉本身都醃得好好,唔會太咸, 不過點埋佢既蜜糖芥末汁就更好味了.除此之外, 底下既薯仔亦都好好味,因為咬落係甜甜地架呢間樓上店既食物整得好岩我地口味呢, 唔知第3次光臨會係幾時呢

今日難得工作完畢，就同同事去食西餐慶祝，想起上環附近有一間百年老店嘅西餐，就去試吓一去到好好彩唔使等位就已經有位而且服務員很用心講解同推介頭盤同主菜有咩值得食，經過我哋一番討論之後決定頭盤飲黑松露蘑菇湯同埋帶子西柚沙律之後主菜點左大蝦海鮮意粉同ribs。先講黑松露湯黑松露很重，而且有蘑菇粒非常好飲之後帶帯子沙律煎得非常香口而且好大粒，到主菜大蝦海鮮意粉大蝦煎得非常入味加埋意粉簡直絕配，到ribs用咗秘製醬汁加燒烤汁去烹調而成效果非常好食淨係飲過湯同食主菜都已經值回票價下次一定會再嚟食。

今日難得早收工，又想食啲好嘢特別係西餐，就聯想起上次朋友介紹嘅一間餐廳位於上環嘅，之後嘗試去walk in好好彩唔使等位就可以入去食飯, 服務員叫Alex他很好人一坐低就介紹今晚有啲咩主菜推介。之後經過他的提議我哋決定前菜飲黑松露蘑菇湯，之後點左個帶子西柚沙律，先講個湯黑松露味好重好好飲加埋忌廉湯簡直冇得彈，帶子沙律帶子好大粒煎得好香口，之後到主菜我地點左ribs同埋大蝦海鮮意粉，ribs用咗好特別嘅醬汁去烹調有時燒烤汁同埋特製嘅醬汁去混合而成而個意粉味道十分好，海鮮大蝦醃得非常香而且味道好入味。而且服務員全程都笑容好好，值得一試。

去上環剪髮後，吃過晚飯才回家去。是夜落腳點是>>>Green Orange<<<，鄰近地鐵站，交通方便。 餐廳在大廈二樓，乘坐升降機或走樓梯也可到達。 選擇窗旁的座位，感覺開揚。 餐牌選項不算太多，但總算涵蓋了各式紅白肉、pasta類食物，當然少不了甜品。 開餐前，先嚐餐包，蘸點黑醋和橄欖油享用，更見滋味。 以生蠔作頭盤。生蠔肉質爽口，咬下去的感覺一流，味道清甜，有夠新鮮。 焗蟹肉酥皮(HKD118)即叫即焗，熱騰騰的非常惹味，絲絲蟹肉口感上乘，味道濃淡得宜，絲毫無膩滯感。 主菜是海鮮慕絲烤釀大虎蝦(HKD248)。一客共有三隻，虎蝦被開邊後，上面釀入三文魚等海鮮，烤過更為香氣四溢。爽口蝦肉容易被切出，用餐過程不會狼狽。下面墊以焗薯，無懼缺乏澱粉質。 甜品是檸檬雪葩(HKD68)。Lemon sorbet 原個獨立包裝由意大利進口，食客點餐後，方會開封，以保衛生。 檸檬酸香醒神，比一般雪糕感覺更為清新，不喜奶香的話，更會喜愛這款甜品；而且份量剛好，不會因甜品帶來太多罪疚感。

環境: 樓上鋪。冷氣夠，乾淨清潔有別一般樓上鋪食店充斥油煙氣味，呢點讚一下！相就唔提供了，其他post已有好多。focus 個人食評^^食物:頭盤:燒帶子柚子沙律鵝肝配呠酒梨蟹肉酥皮盒湯:海鮮濃湯蟹肉南瓜湯主食:龍蝦汁海鮮意大利飯卡邦尼意粉甜品:檸檬雪芭檸檬芝士蛋糕評語:1) 燒帶子柚子沙律: 4.5分，讚。燒帶子厚薄剛好，燒得夠香之餘冇油淋淋既感覺。沙律菜有雨衣金蘭，唔只得羅馬生菜，較有口感。柚子用上紅肉柚，清甜不苦，激讚。油醋汁鹹甜酸比例很好。2）鵝肝配呠酒梨: 3.9分。樓上鋪此價錢鵝肝份量偏少。鵝肝煎得剛好，鹹度也剛好，下方多士厚度配合得很好。3) 蟹肉酥皮盒: 3.7。整體ok。蟹肉有蟹味。酥皮盒沒有受潮或過油。但欠缺點特色！4) 海鮮濃湯: 3.8。湯濃度鹹度都好balance， 不過湯內既海鮮失色。蝦用上雪蝦，只有彈牙卻欠缺鮮蝦肉既質感同鮮甜。青口好老，冇鮮味。基本上只想飲個湯，完全唔想食佢啲海鮮，98蚊咁既質素我覺得overpriced.5) 蟹肉南瓜湯: 3.5。蟹肉好鮮，不過有大量軟殼，每一啖都被軟殼充斥，飲得好辛苦。南瓜味濃，清甜。湯亦夠rich.6) 龍蝦汁海鮮

約左個舊同事食飯佢帶左我來上環呢間樓上西餐廳夜晚食飯其實都幾鍾意來呢區日頭呢度人來人往但夜晚會有一份寧靜Green Orange位置超方便mtr 出左來之後行兩分鍾左右就到上到去覺得環境相當舒服簡單但帶高貴燒帶子沙律材料除左有大大粒嘅帶子仲有份量唔少嘅西柚顏色同味道配搭得相當出色味道相當清新可口西柚酸同甜味都剛好食完相當開胃係一道非常出色嘅前菜唔會太酸香煎鵝肝伴砵酒燴梨呢間係我食過最好食嘅鵝肝入口即溶伴菜同梨一d都唔馬虎梨嘅味道同口感都剛好海鮮慕絲烤釀大虎蝦調味相當特別之前都未試過呢種調味方法從顏色同presentation可睇出廚師功力同心思火喉控制得宜蝦口感結實味道好香同相當鮮味腐乳忌廉汁羊肉扁意大利麵呢道菜可謂創意佳作完全無諗過西餐入面會加入腐乳原素相當驚喜最重要係好味估唔到個汁咁好食同埋同羊肉相當夾最後甜品我哋叫咗檸檬芝士蛋糕同埋椰子雪葩個人比較鍾意椰子雪葩椰子味道超香濃口感相當滑溜食完好滿足呢度環境、食物同服務都相當出色怪唔之得之前有電視節目介紹佢地啦

兩個女有自己嘅節目🤷‍咁自己梗係搵啲節目啦！梗係帶老婆去食一餐浪漫晚餐啦！辛苦搵嚟志在食🙆‍咁啱老婆要去上環買海味，就帶佢去一間高雅啲嘅餐廳啦💁‍餐廳不但環境唔錯而且食物質素都好高添😋分量中超大添👍🍽🍽 Green Orange🍽🍽餐廳裝修格調舒適宜人，燈光有少少暗，非常有情調且浪漫🌹⋯⋯播出輕音樂！so so sweet🌹🌹香煎黑毛豬豬扒會海藻沙律🥗伴芝麻醬＄138黑毛豬豬扒肉質甘香，肉味香濃！煎得外脆內嫩！回味無窮！材料豐富💁‍有番茄仔、新鮮嘅粟米、秋葵、青瓜、芝麻、海草、爽脆嘅沙律菜🥗配上芝麻醬汁，超好味又大份又新鮮😋😋龍蝦汁海鮮意大利飯＄208正宗嘅意大利飯risotto，其實米嘅中間心係僅生💁‍呢間餐廳就做得非常正宗！配上龍蝦汁，味道濃郁😋海鮮：有帶子、大蝦🍤、青口、赤貝蔬菜：青椒、紅椒、黃椒、洋蔥、翠玉瓜、秋葵、大量野菌配上龍蝦汁煮成奶油般濃郁😋非常Creamy朱古力撻🍩🍮🍫＄58朱古力撻分三層，頂層香濃朱古力醬、中層有香濃嘅朱古力夾心！餅底又唔會蓋過朱古力味👍⋯⋯仲有兩條朱古力百力滋丶朱古力脆米丶紅酒啤梨😍老婆非常滿意💑話下次會再嚟

今日我嘅死黨話佢升職加薪，特意請我去食一餐慶功宴飯，問我得唔得閑😏我梗係非常樂意啦⋯⋯因為佢喺上環返工嘅緣故，佢話帶我去一間非常有情調嘅西餐廳🍴仲話呢度食物質素好好添，但係價錢就非常公道😋🍴🍴 Green Orange 🍊🍴🍴位於昌盛大廈2樓，地鐵站🚉步行約1分鐘，非常方便👍餐廳播住🎻🎹🎼雅典嘅音樂，配合柔和燈光！歐陸風格！係拍拖💑同👯‍♀️傾計relax嘅好地方🎈🎈餐包🥖🍞非常鬆軟，仲有橄欖油和醋添蟹肉南瓜忌廉湯＄78🥣蟹肉份量非常多，肉質鮮美，又唔會蓋過南瓜嘅鮮甜，湯頭濃郁，creamy😋😋份量仲超大添⋯⋯醬燒美國豬仔骨＄238這是店長推介的👍店長話佢哋係採用美國嘅豬仔骨，因為佢哋無數嘅嘗試，一致決定👍話佢冇肉嘅羶味道，採用穀飼養殖！肉質爽滑酥嫩，配上特製嘅醬汁😋yummy配上酸菜🥙減低油膩感！仲有薯角和沙律菜伴碟添😬非常豐富！仲係份量超⋯⋯大添最後整返杯凍檸水🍹非常滿足😍😍

呢晚出咗去上環做嘢，之後順便約喺附近返工嘅朋友仔食飯，記得之前食過唔錯，所以決定再幫襯! 睇緊餐牌嘅時候，店員主動介紹同推介一啲食品，我哋聽完都覺得唔錯，所以就落咗單。然後就嚟咗熱熱嘅餐飽，食落微甜鬆軟，有淡淡麥香，點埋橄欖油同黑醋，又係另一種滋味。首先上菜嘅係燒帶子柚子沙律，帶子表面煎得香口，裡面肉質鮮嫩，火侯控制得好好，柚子又甜又多汁，帶微酸，再配埋沙律菜，好清新嘅感覺! 再來就係蟹肉南瓜忌廉湯，南瓜味香甜，質地好幼滑，啖啖蟹肉攪埋啲濃湯，真係好夾好好飲! 之後就上香煎鵝肝伴黑松露意大利飯，鵝肝充滿油香，煎得好香脆，配埋有黑松露香嘅 creamy 意大利飯，雖然邪惡，但食咗先至算，好正呀! 另一個主菜叫咗醬燒美國豬仔骨，店員介紹佢哋用嘅係比較多肉嗰款豬仔骨，切開一睇，真係唔同出面食到嗰啲，真係好厚肉，啲肉食落又淋又滑，有肉味，唔錯! 食完正餐，就到甜品時間，叫咗個朱古力布朗尼伴雲呢拿雪糕，布朗尼最怕焗到乾爭爭，呢到食到嘅仲保持到濕軟嘅感覺，朱古力味香濃，配埋冰凍嘅雲呢拿雪糕，一冷一熱，為呢餐畫上完美句號。

上環有好多隱世美食，位於上環永樂街就有一間。 Green Orange 鄰近上環地鐵站，由地鐵站步行幾分鐘就到，位置非常方便。餐廳裝修以歐陸風格，配合柔和嘅燈光非常有情調。餐廳食物款式選擇多，而且有啲仲好特別。當然有女士最喜歡嘅甜品啦。點餐之後店員即時送上餐包，餐包外脆內軟，加上黑醋同橄欖油一齊食味道一流。香煎鵝肝伴砵酒燴梨，煎香嘅鵝肝配上一片多士，中和咗鵝肝嘅油份，砵酒燴梨非常入味。燒帶子柚子沙律，有四隻好大隻嘅帶子，帶子新鮮而且爽口彈牙，加上柚子酸酸地非常開胃。腐乳忌廉汁羊肉扁意大利麵，非常特別嘅配搭，西式嘅餅意大利粉配合中式嘅腐乳，味道竟然出奇地夾，腐乳忌廉汁加上肉嫩多汁嘅羊肉味道配合得天衣無縫。海鮮慕斯烤釀大虎蝦，有三隻大虎蝦，蝦肉結實而且新鮮，海鮮慕斯提升虎蝦鮮味，而且仲有大量配菜。檸檬芝士蛋糕，芝士蛋糕軟身有好清新嘅檸檬味，而且唔會太甜。椰子雪葩，食起嚟有好重嘅椰子香味，而且賣相吸引。總括餐廳店員服務態度一流，食物亦好有質素，而且價錢合理。

今晚同朋友去食好野,選左上環Green Orange 入到去坐低,氣氛都幾好今日坐低就睇下食咩先先黎個包醫肚加埋醋同油一起食,都唔錯燒帶子柚子沙律,蟹肉南瓜忌廉湯,香煎鵝肝伴黑松露雜菌意大利飯,醬燒美國豬仔骨就係我地今日既晚餐燒帶子柚子沙律--帶子真係好香口,燒完出黎令到個鮮味出晒黎,而柚子酸酸甜甜令到胃口大開,蔬菜都好新鮮蟹肉南瓜忌廉湯--好多蟹肉,仲有好香南瓜味,熱飲完人都醒神晒香煎鵝肝伴黑松露雜菌意大利飯--好多菇呀,而黑松露香到幾里遠都聞到,鵝肝既油香味入口久久未散醬燒美國豬仔骨--唔似一般既豬骨,肉多好多,好厚肉,個醬汁令到成個豬仔骨都昇華去到另一個層面再黎個飯後甜品,朱古力布朗尼伴雲吒拿雪糕好濃既朱古力味,慢慢入口一啖朱古力布朗尼,一啖雪糕丫丫好雪糕凍凍地咁,NICE

Green Orange 位於環永樂街，鄰近地鐵站。餐廳裝潢走簡約風，用餐環境不俗。海鮮濃湯的蝦味相當濃郁，材料非常豐富，含有帶子、青口等多種海鮮，十分開胃。然後我們點了龍蝦汁大蝦扁意大利麵，大蝦真的很大，十分新鮮，加上香草牛油汁實在是完美配搭。扁意粉亦入口滑溜，吸收了龍蝦汁的精華。另外，我們又選了脆焗豬手伴蜜糖芥末汁，豬手外皮十分香脆，不太油膩，肉質鮮嫩，較為健康。

公司附近食晚飯。Green Orange在港鐵站隔離，食完可以盡快回家抱住簡單食餐飯的心態，估唔到餐廳環境都唔錯。下次都可以同閨蜜食飯傾計。樓上西餐廳好少會預備2set刀叉空氣麵包 正呀！唔駛食完麵包已經飽晒忌廉白酒煮青口 $118前菜青口通常用藍青口，但餐廳就改用大青口。大青口比較鮮甜，又多肉。黑魚子香煎帶子墨魚汁義大利飯 $188好味，唔膩，唔會食少少已經唔想食，真心做得唔錯。脆焗豬手伴蜜糖芥末汁 $238食到豬手已經好飽🤣 多得個芥末汁令我可以多食2件椰子雪葩 $68好香椰子味。幫完美的一餐畫上句號