Green Orange

久不久要對自己好啲嘅。今晚想食好啲！好舒服嘅裝修，有少少輕音樂。坐得吾逼夾。先叫個starter：雞肝黑毛豬火腿胖香檳啫喱。好厚身嘅肝！味道吾太濃，加多士食已經好ok。火腿都吾咸喎！個啫喱好特別。我冇為意，一咬落馬上有酒香！好得意。呢個係牛肝菌雜菌忌廉湯： 好香！好濃。豬仔骨都幾大份！熱辣辣咁上台。切開嚟睇，肉同骨吾係散開咖！冇話煮得太淋。肉質仲好有結實多肉汁。再嚟份黃金蟹肉意大利飯。少少咸帶出蟹肉嘅鮮味！仲有啲菇喺飯入面，食起上嚟多咗層次。最後我仲追加咗個甜品。個Brownie同雪糕好夾！總括嚟講又係一次大滿足！！

因為工作關係經過上環先食原來呢一區有咁多好野食😋😋最後揀左呢間fusion菜環境好好，好安靜適合情侶約會或者同好姐妹傾心事🤣🤣餐廳剛剛換左新menu新菜式樣樣都想食首先頭盤我地揀左香煎鵝肝伴砵紅酒燴梨（$138）鵝肝好大塊😍😍一啖鵝肝一啖紅酒燴梨Balance得咁岩岩好唔會太膩仲好清爽！湯係牛肝菌雜菌忌廉湯（$78）好creamy因為個人對菌類毫無抵抗力所以當然👍🏼👍🏼👍🏼Main course 我地首先叫左西班牙黑毛豬架（$228）調味剛剛好！齒頰留香，連配菜都好新鮮好好食！黃金蟹肉意大利飯（$178）第二味main course係risottos 係我食得最滿足既！好多好多蟹肉，而且唔會膩！正！

今晚約左朋友再黎上環呢間餐廳食飯..前菜我地叫左香煎鵝肝配伴砵紅酒燴梨..鵝肝好厚煎到金黃..好香好脆..紅酒燴梨甜得黎又有d酒香..好特別..餐湯有牛肝菌雜菌忌廉湯..睇落一片黑媽媽..但飲落好香..對於鐘意食雜菌既我就好鐘意..主菜叫左新出既黃金蟹肉意大利飯..成碟金黃色...食落好似有d南瓜味..甜甜地..有好足料既蟹肉..好鮮甜..好正最後仲有燒西班牙黑毛豬架..好大塊..又係煎到岩岩好..食落好淋..入口即融..配埋薯菜就唔會好漏..

呢間餐廳用柔和燈光，營造了一個舒適的環境，非常有情調。呢到真係很適合慶祝紀念日～食物種類都有好多選擇：雞肝醬多士拼黑毛豬火腿伴香檳啫喱店內自製既雞肝醬，非常特別。雞肝醬旁附有柚子醬。食落感覺好Fresh👍🏻呢道菜既香檳啫喱令我感到很深刻。食第一啖就即刻有好濃既酒味散溢,就知呢隻啫喱一點也不普通！估唔到酒味啫喱可以整到咁濃。黃金蟹肉意大利飯這道菜雖用蛋黃黎整，但食落帶有一絲甜味，絕對是一道會帶來驚喜的菜式。意大利飯口感佳，唔會好膩！蟹肉份量適中。呢個飯凍左都係咁好食🤤朱古力布朗尼伴雲呢拿雪糕食埋個甜品做飯後既點綴。朱古力布朗尼外脆內實，甜度岩岩好。連埋雪糕一齊食可以中和好full既感覺。

朋友係附近返工，聽聞依間餐廳食飯氣氛唔錯，所以就選擇黎試試😋😋餐廳裝修以白色同埋原色實木為主，係有格調的歐洲裝修風格。我地都坐得好舒服，當晚我地被安排坐係玻璃窗旁，所以特別有氣氛。餐廳Menu，每樣嘢睇落都好好味，好難揀，我地都揀左好耐🙈🙈雜莓餐包，餐廳建議配黑醋同埋橄欖油食，食落好軟熟，好香😋Starter：雞肝醬多士拼黑毛豬火腿伴香檳啫喱。食依個starter 係有次序的，應該食啫喱先，再品嚐火腿或者雞肝多士。啫喱濃縮左好多香檳，食落去好似飲緊香檳咁。食完香檳啫喱，再食一快火腿，完完全全可以將油香滿溢嘅火腿肉香帶出黎。聽餐廳負責人介紹，雞肝醬係餐廳自家制的，味道好濃郁。而食完啫喱，再食雞肝多士更有風味👍🏻虎蝦海鮮濃湯：有虎蝦、青口、帶子。個湯好濃郁，味道濃鮮。湯裡加左小番茄，小番茄嘅酸味可以帶出湯嘅另一番滋味。黃金蟹肉義大利飯：個飯唔係太creamy, 食落甜甜地，幾開胃，唔溜。餐廳負責人話個飯用左蛋黃去整，所以有黃金兩字。燒西班牙黑毛豬架：依個主菜都好出色👍🏻切落去嘅時候，肉汁不斷流岀嚟，鮮嫩多汁。黑毛豬架嘅油脂分佈得好好，所以食落好有油香味。朱古力布朗尼伴雲呢拿雪糕：食完正餐，

約朋友吃飯為了方便她，選了間距離地鐵站不到一分鐘步程的西餐廳。店內裝修簡單利落，菜單以單點為主，可加HKD88轉為套餐。兩人單點一前菜，兩主菜及Upgrade一個套餐即足夠飽肚。鵝肝醬多士拼黑毛豬火腿伴香檳啫喱鵝肝醬份量滿大，質感柔軟軟滑富油潤感，塗在多士上，增加多士味道，減少油膩感。火腿肉味濃郁，肉質煙韌，油潤感十足，越咬口感越香醇濃郁。蟹肉南瓜濃湯湯底柔順幼滑，香濃南瓜味，味道較濃烈，絲絲蟹肉香甜增加鮮味度。鵝肝醬烤菇闊條麵鵝肝醬以芝士白汁鮮製，烤菇烤至軟腍滑溜，再以手打闊條麵作麵底，麵條吊掛濃厚稠密鵝肝醬，味道濃郁美味，注意的是醬汁濃稠易飽肚。燒西班牙黑毛豬架份量剛好一支黑毛豬架，豬肉肉質結實密度高，咬下爽口彈牙肉汁豐富，整支並沒肥膏。配菜有秋葵、蕃茄、紅蘿蔔及薯仔等。朱古力布朗尼伴雲尼拿雪糕店家自家製布朗尼及雪糕，布朗尼質感密稠而鬆軟，味道較濃郁，雪糕軟滑冰凍，粘度較稠而不易溶化。

今年結婚6週年, 2個都好想食豬手, 同埋可以交低個小朋友俾屋企人. 兩個出黎慶祝, 真係好期待.11月30老公已經打去BOOK枱. 留定左豬手同問埋甜品可唔可以寫字, 是可以的. 終於到左琴日..上到去.. 餐廳氣氛好好~好有feel~ 都好有情調~坐低左1分鐘倒, 有位侍應同我地講.. 今日冇豬手供應...... WT......我地期待左好耐......而家先同我地講冇....... 但我諗我地2個都唔想破壞琴晚既心情..... 咁就好努力睇MENU.... 諗好哂食咩... 見到有個蟹蓋好似幾正.... 一落單..... 又冇蟹蓋............ 就係咁.... 我地(內心好嬲地)走左~~~~~後記:1. 老公話可能餐廳有call過佢通知我地冇豬手.... 但我check反.... 唔見餐廳電話有打過來而miss左... 2. 雖然個地點好近我地, 好方便...但我地唔會再去... 都唔會推介俾朋友仔3. 如果琴日唔係結婚週年飯, 我諗我已經爆左佢地.. 但我琴晚冇架~

今天經過附近，所以來到了green orange試一試。我7點半來到，不算太多人。但到了8點多，已經開始多人。點了餐後，麵包就很快送上。麵包十分鬆軟，而且熱呼呼的。接著就是雜菜沙律。雜菜沙律十分大份，當中有蟹柳、車厘茄、不同的沙律菜。沙律菜十分新鮮，而且很爽口。下一道是餐湯，是忌廉湯。忌廉湯十分cremy和濃郁。主菜終於來到了。我點的是烤美國安格斯西冷扒。西冷排十分大塊，比我的手掌還大。店員上菜前已經幫我切好牛排，十分細心。我點的是五成熟，烤得剛剛好。肉質鮮嫩，而且肉汁滲出，十分juicy。下面還有薯菜。焗薯點上燒烤汁十分滋味。甜品方面，有抹茶蛋糕。抹茶雪糕的抹茶味香濃。再加上藍莓和士多啤梨作裝飾，再塗上朱古力醬，賣相十分好。最後點了一杯熱檸茶。檸檬有3片，十分足料。今天真的很滿足！想不到上環有這間出色的西餐廳！而且店員待客十分好！下次一定會再來試試其他菜式

Green Orange 想食好耐, 苦無機會, 今日終於要出上環買材料可以順個靚便大快耳朵, 店鋪是樓上鋪, 面積不太, 環境裝修得頗有氣氛, 食飯傾計歎慢板的好地方。臨近聖誕加添了聖誕氣氛的裝飾今晚想飲酒, 向店員要求介紹輕型版啤酒, 他推介了呢隻德國品牌手工啤。德國品牌手工啤Flensburger Gold ($48) 外表很型吧！配合埋街外景致及餐廳聖誕氣氛, 心情好似置身外國咁 hea。Flensburger Gold金黃酒色, 泡沫細緻, 入口麥味出奇地頗重, 飲後卻出奇地没有苦澀餘韻, 麥香重但口感清爽, 雪得夠冰凍, fresh。 煎带柚子沙律 ($118)色彩配合豔麗, 極吸睛, 份量大, 足夠2人食。刺身级带子底面煎得金黃香口, 鲜甜軟滑, 厨師只加了少許香草及黑胡椒提味, 不搶带子鮮味, 好食。红肉柚子甜而多汁, 微微的果酸令食欲大增, 令沙律菜更清鮮爽脆。海鮮慕絲烤釀大虎蝦伴薯菜 ($248)3隻king size 虎蝦香噴噴上場大虎蝦開邊, 放上以蛋白蝦膠混合而成的滑醬釀焗,  蛋白蝦膠醬焗到香噴噴, 口感滑口, 呢個醬掂大虎蝦則燒得刚刚熟, 還保存了蝦汁,

今日係人生特別日子，想搵間餐廳食晚餐，知心好友介紹上環港鐵附近的西餐廳 Green Orange。晚膳後，真心覺得無介紹錯，值得一去再去。食店環境優雅浪漫，裝潢滿有歐陸風味，透明玻璃窗，可觀賞街景，類似外國的西餐廳佈置。我覺得食店非常適合情侶共進晚餐，好讓感情生活增添情趣。餐桌設計簡約，枱上有浪漫的蠟燭，在柔和的光線下，戀人特別美麗英俊。店員服務態度一流，有禮貌，做事爽快殷勤，耐心回答提問，讓我感覺非常舒服。食物方面，水準高，價錢合宜，如能與情人一起分享食物，相信感情會大大加分。沙律份量多，蔬菜爽口，酸味味，十分開胃。餐湯夠濃夠稠，好好味。豬手皮脆肉嫩，滿有骨膠原，女仔恩物。朱古力甜品夠濃，配上奶茶令我心情開朗。整體而言，食店非常適合情侶拍拖二人世界，其實都係求婚好地方。

商務午餐來到這家餐廳，離上環地鐵站非常近。入座后點了鵪鶉配沙拉，等待的時間相對較長，大概等了20分鐘。然而上菜后的擺盤和味道都比想象中更驚艷。首先可以看到鵪鶉外圍的沙拉顔色豐富，而且還有Quinoa精緻地鋪上上面。而底下的沙拉亦是色彩繽紛，應該是用了甜酸的Citrus 果汁(猜測是橙子或者柚子)打底，然後混合還是相連的一小塊一小塊的玉米，以及紅菜頭和綠葉，賞心悅目。而鵪鶉是溫的，衹是感覺稍微燒得有點乾，吃起來很入味的。總體而言在忙碌的上環能發現這麽認真擺盤和用料的店，還是覺得值得一去。

雖然澳門巳通車，但我還是喜歡搭🚢，今次選擇返到香港先晚餐，無咁迫人係正落船上環地鐵站附近有家睇落吾錯西餐，就食埋先回家拉😁室內裝修格調蠻有情調，點住蠟竹，燈光昏暗，好浪漫💕餐桌擺設也很講究，而且很貼心，一坐下來便送上面包，遞上檸檬水👍先來頭盤，燒帶子柚子沙律，這個搭配很好，帶子香口剛熟，柚子清新😍蟹肉南瓜忌廉湯，係我至愛😍蟹肉很多，鮮甜，南瓜🎃香濃又滑口喜歡食辣，這碟辣椒蒜片橄欖油意大利粉，很惹味，全新鮮蒜片，很香，微辣，正考廚師功夫😝燒美國安格西冷，賣相已經好靚，食落好稔好重牛味，完全無根，而且切好曬👍仲有秋葵，薯仔，茄子🍆做配菜!好味😋😋其實仲想食埋甜品，但已經好飽了，下次再來試🤩

同老公行完海味街為做冬做好凖備!😊見晚飯時間就費事再買餸煮飯，係地鐵站A2出口隔離食左green orange ！主要西餐，都係牛扒意粉個D拉，不過意外地全部野都好好味喎😋😋加上店內裝潢有型格，燈光暗暗地，望住窗邊街外落住微微雨，好有詩意呀💕我地一坐低，店員服務到位，即刻端上兩個餐包，熱烘烘👍 同檸檬水👍餐牌選擇不算多，但勝在都喜歡老公叫在枝德國啤，起喜歡，連樽都拎走埋，又真係覯嘅😍Starter 㨂在 燒帶子柚子沙律，正，帶子香口，柚子很甜，超大一盤😂😂蟹肉南瓜忌廉湯，蟹肉很多，一點不弧寒，夠二人食Main course 一定係西冷五成，juicy 有牛味，切好曬，細心，配菜也很多😝仲有簡單辣椒蒜片橄欖油意粉做得很不錯，很香呢，特別喜歡💕很驚喜的一餐，好啱食，價錢不貴，絕對有下次😋

知道今晚家人都外出，晚餐要自己解決，不需急於趕回家，再做一點手頭的工作才下班，這時上環大部份的海味店已關門，街頭行人已少了很多，工作了一整天，不想吃碟頭飯，找間較好的餐廳慰勞自己。在這區工作了有兩年多的好友曾介紹過這間店，這晚便來試試，樓上店一般會較輕鬆，可不需趕著交檯，合我心意。想不到，平日的晚上也有頗多捧場客，場面熱鬧。餐牌的選擇也多，沙律，湯，意粉，意大利飯，主菜等，雖然主菜有我喜歡的牛扒，鹹豬手，但鑒於體重驟升，惟有一餐半餐吃少點肉。點了魚作主菜，侍應提議加錢轉套餐，有齊沙律，餐湯，甜品，咖啡等，見這麼落力介紹，也照單全收。是日沙律，賣相不俗，除爽脆沙律外，竟有西柚肉，青瓜，酸酸甜甜，非常醒胃，而且份量也不算少。椰菜花忌廉湯，打得順滑之餘，也有些質感，是打爛的菜花蓉，夠熱。餐包是暖暖的，滲出麵包香，點些橄欖油，黑醋，吃得健康。主菜是香煎白鱈魚伴粉紅胡椒忌廉汁，魚皮煎得焦黃，我愛吃魚皮，香脆好味，白鱈魚結實中帶軟滑，不是肉質很削那種，所以用煎也可煎得很美味，點帶點微辣的粉紅胡椒忌廉汁，給味蕾上一點小刺激，伴菜有秋葵、甘筍，薯仔，車厘茄，剛好吃到七分飽，我相當滿意。甜品是Choco

都說樓上舖做得好一樣會有驚喜！餐廳座落港島「邊陲」位置的上環，平日比較少踏足，但其實自鐵路延線開至堅尼地城，上環已由終途站搖身一變為中途站，這麼遠那麼近，而且一出站口轉右行數十步便到，算是相當「就腳」。 說回今晚西餐的亮點，主菜點了龍蝦汁大蝦扁意大利麵，大蝦名副其實好大隻，綴以龍蝦汁的寬扁意大利麵，濃稠得來又不嗆喉，相當美味。 這道脆焗豬手伴蜜糖芥末汁，豬手上枱好壯觀，女伴不禁”嘩”了一聲！侍應細心問我們要不要幫手切開……切開之後骨肉分離，皮脆肉粉嫩，再蘸上蜜糖芥末醬， 完全俘虜了我倆的心。前菜點了燒帶子柚子沙律，火灸過的帶子鲜甜味美，沙律菜好新鲜，亮點是紅肉柚子酸甜適中，開胃可口。 餐湯點了海鮮濃湯，有蝦、青口、魚塊……口感豐富又十足龍蝦湯滋味，最深得我心。 甜品時間，是椰子雪葩，點了一個兩份分，與女伴你一啖我一羹，口感似椰香雪糕。