Give Me 5 (已結業)

早半年我同男朋友已經嚟過這裏食飯，當時已經覺得不錯，所以今次再經過觀塘，我們就再嚟到這間餐廳食。餐廳環境寬敞，座位之間不會太狹窄，而且景觀開揚，燈光光猛。服務方面，侍應態度好好，雖然我們早到左大概十五分鐘，11:45am就到了，但係侍應都俾我哋坐住先，同我地講12點就可以享用自助吧。食物方面，今日我哋係食午餐，Menu就只有lunch set，但係每一個套餐都配搭自助吧。自助吧有沙律、生果、麵包、同薯仔餐湯等等，還有甜品。我最喜愛自助吧嘅薯仔湯，仲有蒜蓉包。蒜蓉包蒜蓉味濃厚，而且烘得好香，配搭薯仔湯，真係好好味。主食方面，我地叫咗一個澳洲肉眼扒，仲有三文魚忌廉烑長通粉。肉眼扒煎得好香，好有牛味。忌廉長通粉呢就好香芝士味，三文魚份量都好多。兩個餐都食到我哋好飽，食完主食之後我哋仲再夾多次沙律同埋甜品。因為我哋嘅座位背光，所以可能影出嚟嘅相唔係好令，但係其實現場既賣相都係唔錯的。

經過觀塘 表姐話約我食lunch嘅all you can eat 仲話一定啱我心水 餐廳位於工廈之中 全院滿座 一入門口就見到自助沙律吧同甜品櫃 好吸引我地安排坐闊落卡位 望到少少海景 環境唔錯午市套餐原來可以任食沙律 餐湯 甜品 新鮮水果 最驚喜係任斟任飲紅白餐酒 性價比極高 是日餐湯係薯仔忌廉 口感creamy 至於新鮮水果有豬腰芒 西瓜 哈蜜瓜 都係我最愛十款套餐 我本來揀美式燒豬肋骨配脆薯角可惜豬肋骨賣晒 店員都好貼心建議轉改燒春雞燒春雞肉質香軟幼嫩 配料透過雞皮滲入雞肉 味道更有層次 雞皮薄脆 食埋都唔怕肥 將紅薯炸成脆片配上脆薯角 香口之餘不失健康表姐點全熟法式香草羊架配露絲瑪莉汁 大概三件羊架 煎香嘅羊架肉味濃郁無羶味 而且肉汁豐富 入口爽口細嫩 咬落結實有彈性羊肉愛好者一定唔可以錯過 食埋啫喱 蛋糕仔 連甜品胃都飽埋呢間餐廳完全可以滿足一眾打工仔以美食慰勞自己嘅心態唯有食得好 先有更多動力工作

平日放題就食得多每次都飽到捧住個肚走今次同男友選左間位於觀塘鴻圖道得Give Me 5......慶祝相識週年晚餐得一個Menu 就係兩小時海鮮串串任食價錢$298+10%/一人小妹係海鮮愛好者呢個package最岩我一開始先試冷盤 同出面的自助餐相若 有冷蝦 螺同青口 特別既係有冷三點蟹蟹一啲都唔馬虎係有膏架當然要考你運氣啦 小妹拎左兩隻 兩隻都有膏 ！ 正呀～然後到試餐湯喇是日餐湯係健康既甘荀湯配上脆口香蒜法包 清濃味交雜順序到沙拉吧拎沙拉🥗類類有頗多 個人推薦醋汁蕃茄洋蔥 好開胃又香口 食到已經好飽喇然後再到烤肉區睇睇有咩燒物每人限取兩款海鮮有聖子 貴妃蚌 扇貝 鮑魚（可惜拎唔到）帶子仲好大隻！主菜到了！羊膝成隻脾咁大 燴起好腍身羊肉味重 底下是傳統薯蓉愛羊肉的我表示滿足另一個主菜係斧頭扒 份量十足！扒既size同我既手掌🖐️差唔多大小鳥胃真係食唔哂值得一讚既係佢既醬汁甜甜的好易入口來到晚餐的尾聲當然係食甜品甜品櫃裡有七至八款甜品樣樣都是一口份量個人最愛係朱古力慕絲非常香濃Yum Yum!另外，場內還有桌球🎱發飛標可玩岩哂同朋友一齊黎吃喝玩樂了吧整體來說主菜份量多推薦烤海鮮

在觀塘區有不少工廠大廈有人細美食店，這間也選其中一間性價比高的食店。頭先試試這間店舖雖然位置比較遠離MTR ,但食的環境非常不錯,枱與枱之間的空間觀塘,而且看起上嚟非常乾淨和舒服。然後是說這個價錢,最貴的餐是138加一，但是這個價錢其實是包吃自助沙律吧,所以其實不算貴。再來少少這個沙律吧吧，沙律，湯，生果，甜品應有盡有，其實有不少好吃的東西。七成熟的澳洲肉眼扒，非常大塊，但是肉質比較硬，我想這個大概是九成熟的， 65分。三文魚煙肉忌廉汁會意粉，這個有很重的芝士味加分， 75分。

觀塘工廠大廈的semi buffet ($298+10% )好大既場地🤔記得book 定位呀 都多人😻有6 個選擇主菜☝🏻☝🏻我地叫左⛅️F.澳洲肉眼扒配野菌汁厚身肉肉肉肉肉🤗食肉怪物朋友大愛！5成熟岩岩好⛅️B.加勒比海煎鱸魚柳煎得好脆，魚柳好大片其他野有沙律bar😉栗米仔，沙律菜，蟹仔，皇冠螺，青口，海蝦等等餐湯-南瓜湯☺️重有餐包法包😊最重要係串燒！立即燒欣賞呀🍡燒蠔最味道！肥美蠔💋燒牛舌，雞串，雞翼，聖子，扇貝等等飽飽既一餐唷🤗🤗🤗🤗🤗🤗🤗

觀塘係一個非常多樓上餐廳嘅地方，但想搵間地方大、環境寬敞，就唔係好多餐廳做得到，今日同同事午餐時間嚟到位於鴻圖道嘅Give me 5 食lunch,感覺唔錯。餐廳格局及設計開揚，座位算多，完全唔侷促及感覺悠閒。佢地主打西式fusion菜式。午餐提供主菜+半自助形式任食沙律、餐湯、甜品及新鮮水果，連埋任飲紅、白餐酒，價錢由$75-$138唔算貴，滿足心大心細嘅朋友之餘，又可以試多啲嘢同慳番唔少錢，呢個模式值得推介。沙律吧及生果區嘅食物新鮮，選擇亦唔少，如果見無晒服務員會好快咁refill，抵讚！甜品區有啫喱同蛋糕選擇。美式牛肉漢堡配煙肉及脆炸洋蔥圈漢堡牛肉入口不會過硬或散開，肉汁尚算不錯亦都有咬口配埋煙肉同脆脆嘅洋蔥圈，醬汁比例剛剛好，薯條亦都唔油膩，整體不錯。澳洲肉眼扒配野菌汁點咗5成熟無煎過頭，份量有兩塊，牛味香濃，肉質不錯有彈性配野菌汁味道好夾。餐廳內仲有飛標機同桌球擡可以玩，如果食完悶悶地可以去娛樂一下。另外服務員有求必應，落單上菜速度又快，態度良好。希望能一直保持水準，值得推薦。

因落著毛毛雨，昨天跟同事一齊去左公司附近既Give me 5 食番個lunch,而餐廳都係5樓，正好配合Give me 5既主題，不用等就有位坐了，我地2個點左：沙律🥗吧+法式香草羊架配露絲瑪莉汁$138；香草🌿羊架有3件，肉身唔會太羶又好腍身，現埋個rosemary汁更加可提升羊架既juicy滋味！沙律🥗吧+澳洲肉眼扒（8安士）配野菌汁 $138； 同事叫左7成熟，所以肉身較為熟透同厚身，肉身都好多汁，稍微韌左些少，但配埋薯蓉一齊食原來另有一番滋味😋😋午餐set仲包埋餐飲一杯，我地選左凍檸水，糖漿另上，可以幫助腸胃消化一下！沙律🥗吧都好豐富，唔同種類既新鮮爽口沙律菜，仲有吞拿魚長通粉添，是日餐湯就有南瓜🎃湯配蒜蓉包，南瓜湯好濃郁同杰身，真係好似食緊成個南瓜既口感，蒜蓉包都好香脆，送湯一流。仲有西瓜🍉，蜜瓜，芒果🥭同紅白餐酒任食同任飲，最後仲有幾款甜品tiramisu 、朱古力cake和jelly等等，食到咁上下，客人仲可以打埋桌球🎱、擲飛標作飯後娛樂添，真係又有得食，又有得玩啦！😌☺️+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大

據我從資料搜集得知，觀塘的工廈之中隱藏了一間廣受好評的半自助餐廳，我和女友看到，當然要來一試究竟。餐廳位於工廈中層，環境舒適，感覺十分開揚，而且空間十足，即使人流不少，也不至感到焗促。餐廳還設有遊戲空間，但午市關係似乎未有開放。沙律吧 Salad Bar自助餐形式。有湯，有沙律，有餐酒，有甜品，有酒，乜都有，想食就食，選擇都幾多！點了餐牌先來一轉沙律，餐湯當作頭盤！澳洲肉眼扒（8安士）配野菌汁 ($138) Australia Rib Eye (8oz) with Wild Mushroom Sauce (HKD138) +Free salad bar, daily soup, dessert, fresh fruit, red wine & white wine (10% service charge) 點了五成熟，成個餐大大份，牛肉品質不錯，唔會好太靭，而且幾厚身，另外薯蓉特別多，午餐來十分滿意。法式香草羊架配露絲瑪莉汁 ($138) Lamb Rack Frenched with Rose Mary Gravy (HKD138)+Free salad bar, daily sou

係facebook見有人分享海鮮串燒放題,見幾吸引就約埋好友一齊試試佢。天公不造美,放假先黎落大雨。打電話即日預約左7點,見好似有窗邊位,訂座店員回覆係先到先得,無得預留。可能由於平日,同埋地點其實幾唔就腳。7點黎到都唔係太多客,只有1/3 客人。成功坐到窗邊位,枱面放著2個餐牌。除左主菜需向店員落單,其他一切自助。朋友主菜點左牛扒5成熟,我點左斧頭豬扒。另外加左2隻生蠔。牛扒成數算準,豬扒有點乾。以$30一隻生蠔黎講算幾大隻,有海水味亦係我鐘意的爽脆型生蠔,只係唔算太肥美。冷盤有多種沙律菜,南瓜湯,蒜蓉包。冷凍海鮮有蟹,蝦,螺,蜆,青口。D蟹係有膏的,不過補充時間都幾長。串燒方面需要去爐頭排隊,每人每次限取4串。4串當中只可要2串海鮮。燒蠔,蟶子等長期有,燒鮑魚就需時比較耐,等第一次話岩岩派曬。第二次出去企係度等左幾分鐘先等到。其他特色d海鮮一晚可能只得1次。閒日都咁,如果星期五六日黎都唔知有係燒海鮮。總括黎講食一次試下就算了。地點唔方便,食物供應又唔算多。如果每人$298+10% ,我可以去酒店加dd錢食好d,起碼唔洗食自助餐都限量供應咁款。

愈來愈中意係觀塘搵好野食，選擇多又唔貴，今次同大胃王細佬揀左呢間Give me5✋🏻揀一個主菜，其他任添，包括紅酒🍷白酒🍶沙律生果、甜品🍮，最貴揀肉眼扒都係$138，呢個價錢好難唔心動💓澳洲肉眼扒配野菌汁$138叫左7成熟，扒肉脂肪配上個野菌汁一流，仲係汁度見到粒粒蘑菇，底下配左薯蓉，最驚喜係呢兩塊紫薯片，烤得好脆，正！香辣番茄醬魷魚扁意粉$98個汁初初食唔覺得辣，愈食愈入味，總體唔錯，但建議唔食得辣既就唔好揀～不得不說甜品都好出色紫色香芋味同白色芝士味都好好味，甜而不膩，唔覺唔覺會食左好多舊👀最後最後，Latte係勁好飲！我中意奶味重既好岩我，連糖都唔做加！

勞動節放假的前夕，勞碌完一整天收工找男朋友食晚飯，男朋友咁岩係觀塘收工，上網search 觀塘工廈有半自助餐都幾吸引，就決定左呢間。📍環境餐廳位於5樓，一入餐廳感覺非常闊落，位子都幾多，亦有窗邊卡位式，我地就被安排坐到中間位置，發現入面些仲有一張大的桌球桌同兩部飛標機供客人玩，如果同幾個朋友黎都唔錯，食到飽可以玩陣消化下又可以增進友誼。📍食物呢到主打半自助式，意思係每人可揀選一款主菜，其他例如沙律、冷盤、甜品、燒海鮮串燒及飲品可自行出去拎，雖然自助的食物款式無話好似自助餐咁多，但以呢個價錢確係經濟實惠又有自助餐感覺，有時自助餐款式太多都未必食得哂，而主食我同男朋友都一致鐘情肉眼扒，仲忍唔住叫多每人兩隻愛爾蘭Carlingford No 0 plus生蠔試試。主菜未到，先自助拎些食物醫醫肚，見到海鮮冷盤剛剛fill好，就拎左凍蟹、蝦食住先，冷盤仲有青口同螺等，食落都好新鮮，海鮮最重要係呢點，男朋友都食左兩round蝦，蟹都好鮮甜😋如唔想食凍野，另外一邊仲有燒既海鮮，每人每次限拎4串😆 有燒蠔、燒海蝦、燒扇貝、燒貴妃蚌等，見到都流哂口水，燒物除左海鮮亦都有其他丸、雞肉、燒賣、腸、雞脾菇等等

這間西餐廳引入全新理念構思、圍繞西餐主題的確令人食指大動觀塘驅走舊有悶氣的確吸引能勾起無限食慾回響！供應一向大受歡迎時令主菜種類繁多炮製推介更以近期大熱120分鐘半自助式晚餐相當吸睛而大眾化價格合宜相當抵食，豐富變化味道相當不錯精選無限添加比想像中來頭不少列成一處任君選擇同時每人在主餐牌上選擇一個主菜$298+10%( 澳洲肉眼扒(8安士)配野菌汁 )( 美國斧頭豬扒配玉米糕伴蘋果蓉黑醋醬 )沙律吧創新配搭即叫即處理、款款新鮮如 : 肉品/餐湯/甜品/意粉/健康輕盈素菜大比拼，餡料入味拌勻主菜香口飽腹不愁一個人去同樣一應俱全

聽聞觀塘的攻下會有很多少為人知的西餐廳，於是我們在網上找了這家大鑊好評的西餐廳，試一試係咪真係咁好食！$158既德國鹹豬手大大隻，食落去肉質厚身又分明，個皮都好香脆好正。帶子意大利飯，飯唔會太硬，而且好香奶油味，食落去唔膩，想一食再食再食！最正係做緊推廣既豪！做緊$10一隻，而且好新鮮，包你食完又想再食，但就限每人只可以食三粒。重有佢地既pizza好創新，有別於平時既pizza,入口好多洋蔥，個底好薄，正！

Kwun tong 宜家有好多樓上舖，係哩棟大厦樓下見傳單話semi buffet, 冷盤有蟹螺海鮮，仲有串燒任食，見價錢唔太貴就試下。一上到黎個環境都幾大，圍住180度都有窗，唔似其他工厦無窗甘焗促。哩度得一個menu, 主菜可以選一款， 其實都幾難選，又想食牛扒又想食豬扒！冷盤有蟹，螺，大茄蜆，青口，蝦，都好多款選擇，佢d 野都好新鮮，可能流量大，refill 都快。沙律吧自己撈，都多配料，菜同醬都有幾款，菜都乾淨新鮮。串燒吧真係人手逐串燒，有海鮮有蠔有魚，有肉，有好多菜，有我喜歡既翠肉瓜！主菜肉眼扒5 成熟， 都剛好熟，配左黑椒汁斧頭豬扒有成兩塊，其實未食主菜已經半飽。仲有甜品櫃有啫喱，奶凍，布甸！每樣野都係食左一輪就好飽啦！

素聞觀塘區西餐廳一向卧虎藏龍上次試過一間無失望今晚決定試試另一間友人推介嘅餐廳位置離地鐵站有點遠 不過都算易找而且有大大個招牌唔會搵唔到空間感好足景觀開揚 好寬敞嘅一間餐廳而且仲有得玩桌球同扔標唔錯唔錯Semi Buffet 包一個main course 其餘任食任飲正叫咗個斧頭豬扒同煎鱸魚一上枱 斧頭豬扒真係斧頭咁大火喉控制得好好保留到d肉汁而且肉質一d都唔鞋鱸魚反而有d失色可能煎得過咗火有d鞋海鮮凍盤質素比想像好好新鮮 沙律吧都好多選擇可以中和返食得太多肉嘅內疚感😂任食串燒好 好 味完全可以滿足想食海鮮又想食肉但又要懶健康食返d蔬果嘅心 😂😂😂甜品區亦有不同種類蛋糕同啫喱分量小巧 最適合有第二個胃又怕肥嘅姊妹們可以每件都試又無罪惡感😂呢度地方夠大 選擇又多 又有野玩幾適合一家大小 或同三五知己黎開餐👍🏿