Give Me 5 (已結業)

因為朋友在觀塘返工,所以我們經常約在觀塘食飯,今次佢發現了工廈區有一間食半自助餐的餐廳,所以我們決定今晚在這裡食飯! 由觀塘地鐵站行去餐廳大約10分鐘,餐廳位於內街的工廈5樓全層,踏入餐廳一刻,真的不能相信竟然大得咁誇張,枱與枱之間好闊落,坐得非常舒適,卡位好多,全部都靠窗邊,真的不錯!!餐牌簡單易明,半自助餐只需自選1款主食,便可以享受120分鐘任飲任食沙律吧,餐湯,甜品,飲品!!最令人驚喜係可以任食澳洲穀飼肉眼和紐西蘭有骨烤羊腿!!而且仲會送1隻愛爾蘭生蠔!!仲有卡邦尼意粉或螺絲粉或長通粉連溫泉蛋任食!!實在太豐富啦!!<南瓜湯配蒜蓉包> 南瓜湯熱辣辣,散發著香濃的南瓜味,味道香甜,口感綿滑!麵包塗上厚厚的蒜蓉,烤得很香脆!!南瓜湯配蒜蓉包食真係一流!!<愛爾蘭生蠔> 生蠔好大隻,有1隻手掌咁大!有海水味好新鮮,沒有腥味,蠔身鮮甜,肉質有彈性,真的不能錯過!<芝士焗波士頓龍蝦> 賣相十分吸精!龍蝦肉上鋪滿厚厚芝士,透過烤焗,芝士完完全全滲滿了龍蝦肉內!餐廳好細心稍為拆開了龍蝦殼,方便我們進食!肉質鮮嫩啖啖肉!十分好味!<美式炭

第二次來訪Give me 🖐🏿，今晚閒日晚上比上次少人，約半場坐了人，而且今晚可以坐窗口位，座位闊落，空間感強，望到維港海傍夜景超正！今晚主菜點了芝士焗波士頓龍蝦，龍蝦半份但都幾大隻，上面佈滿了芝士，調味只用了小小香料，突出了龍蝦的鮮味。朋友點了意式香腸拼盤，有六款不同的香腸，有酸瓜伴碟，最好吃是白色的香腸，而紅色的香腸肉味很重。另外任食澳洲殼飼肉眼，專人切片，嘗了三片，香草和黑椒味道很濃，配黑椒汁都幾好吃。有很多飲品選擇，最愛百香果蜜，其他還有薏米水幾健康。甜品選擇幾多，味道一般啦，都是主菜較出色。最開心是有美式桌球玩，玩了差不多1小時，都過了120分鐘，員工很友善沒有打發我們走。令人輕鬆愉快的環境，員工又有禮貌，值得和三五知己再來！

上星期放工約咗好姊妹係觀塘食飯，原來觀塘好多商廈都好抵食，係fb見到呢間give me 5 晚市好抵食，二百幾蚊有任食牛扒，我地就衝住呢樣野去食喇！先黎每人送一隻愛爾蘭生蠔，正呀好鮮甜！我叫咗燒春雞主食，燒得好香脆，特別雞腿部份皮脆肉嫩，一隻咁食都真係幾滿足！好姊妹叫咗煎三文魚做主食，三文魚外皮煎得金黃，咬落有水份，唔會煎到魚肉乾身晒，都唔錯！我地當然食完主食後即刻去拎牛扒同羊肉啦牛扒用香草淹咗，香草味道都幾濃，肉質都不錯個人比較喜歡羊肉，因為唔算好穌，食落味道相對清淡，我鍾意～原來出面仲可以叫pasta，佢係用厚芝士刮d芝士出黎再撈埋d意粉，所以好濃芝士味，可以一試呢！兩個人加埋唔洗＄500，呢餐算係咁啦～

Happy Friday! 就係要大吃大喝！目標鎖定觀塘區，近年觀塘好多工廈番新，開咗好多正餐廳，give me 5 就係其中一間！一入到去，餐廳超大，西式裝修好舒服，一定好適合節日或者紀念日嚟！呢個套餐超抵！buffet加主菜都係$238！ 飲品選擇超多！連健康工房都有，絕對大手筆！所謂既buffet亦都唔馬虎！除咗基本沙律吧，仲有燒牛肉同意粉！完全係酒店buffet既格局！仲每位附送一份生蠔！簡直不嗇工本！講番主菜亦都出色！煎三文魚扒，三文魚肉嫩，外層煎得香脆芝士焗龍蝦，芝士捨得落，龍蝦啖啖肉！正仲有多款甜品！ 非常圓滿！每人238實在係抵

餐廳現在做半自助餐，前菜餐湯甜品飲品都任食任飲。沙律菜有多款選擇，選色翠綠新鮮，口感爽脆，有四款醬汁選擇，一次過滿足多個願望。餐湯是蘑菇湯，菇味濃郁，吃得到碎碎的蘑菇肉，好味。每個餐會送一隻生蠔，手掌般大，多肉鮮甜，不腥又沒有沙，一隻唔夠喉。主菜點了三文魚扒和燒春雞。三文魚皮煎得香脆，肉質依然保持嫰滑，廚師的技術很好。春雞肉質軟稔，配上醬汁吃很開胃，不肥膩。兩個主菜伴碟的蔬菜焗得香甜，咬開有汁，特別喜歡焗蒜頭，蒜味不重不怕有很強口氣，味道是甜的。

Give me 5 之前係Lunch 時段黎過 一個lunch set 加salad bar任食同同事食過覺得質素唔錯 salad bar 款式都幾多不過真係有點遠 lunch time 時間唔多夠 所以都無再黎食喇同埋晏就都真係幾多人黎食 早前再睇到介紹佢晚上有$238半放題 主菜6選1款同埋烤羊腿、肉眼牛排、巴馬臣溫泉蛋卡拜尼等任食星期一的晚上唔多人客 決定再同朋友黎一試一次 先上了一人一隻生蠔 真係幾大隻 食落新鮮主菜分別揀了龍蝦、煎三文魚同燒春雞龍蝦有點小失望 芝士太多 食唔到龍蝦味燒春雞就好香香草味 而且唔會乾身煎三文魚外皮香脆 同時保留到魚的肉汁 Salad Bar 款式多 餐湯話係南瓜湯不過飲落似甘筍蕃茄湯多點巴馬臣溫泉蛋卡拜尼有幾款唔同配料揀 而且味道香濃扁意粉麵質剛剛好 長通粉就相對較軟身 肉眼牛排太難咬 食到好累 而且無咩牛味 只食到香料味烤羊腿反而好好多 有少少羊羶味 Staff 收碟的速度好快 唔會無人理你以$238+1呢個價錢及食物質素絕對比同區其他西餐實惠

官塘區工廈有好多食肆，慢慢發掘又有好去處，今晚來到鴻圖道90號既GIVE ME 5, 呢度環境唔錯，地方頗大，晚餐是半自助形式，是夜120分鐘任食肉眼牛扒及烤羊腿，另有自助沙律吧、餐湯、甜品、飲品，另每人還可自選一款主菜~來到樓下已可見到餐廳招牌，搭上5字就到達餐廳，這裡地方寬敞，好多座位，但好快坐滿了! 所以要預先book位啊 !自助沙律吧，咁當然要自己動手來個沙律，餐湯及麵包先~每人送一隻愛爾蘭生蠔，生蠔都算新鮮肥美主菜係香煎三文魚配檸檬牛油汁，三文魚煎得幾香口，另外有個蒜頭煎過的，食落無蒜味，好易落口，咁樣煎過都幾好食另一個主菜係意式香腸拼盤，五款唔同既味道各具特色，喜歡食香腸的朋友，呢個拼盤肯定滿足到你澳洲穀飼肉眼牛扒及紐西蘭烤羊腿，120分鐘任食，羊肉唔羶，牛扒肉質如再稔一點會更好，可配搭不同既醬汁來吃 其實還有廚師即場煮溫泉蛋卡邦尼意粉或長通粉，只是自己實在已經很飽沒有食了，這夜十分飽足，咁既價錢相當合理，呢度無論地點地方都很方便舒適，如一大班朋友來食飯慶祝都好適合，因地方夠寬敞，值得再來

去開觀塘，就一定搵樓上小店試新野。有人介紹我呢間，因為佢嘅晚餐半放題可以任食沙律羊牛扒飲品甜品。一上到黎侍應就同我地講原來今日食呢個套餐每人送一隻生蠔，好開心呀。跟住我哋叫咗主菜之後就出咗去攞放題食物啦。因為見到隔離枱個主菜其實都好似幾大份，我們也都不敢攞咁多啦，怕食唔晒。係我行完一個圈拿完沙律之後，生蠔已經係枱面等我哋啦接着主菜也好快咁送到上嚟第一下梗係食咗佢嘅生蠔先啦，真係好大隻好鮮甜！其實佢既沙律款式有很多，我就選咗一啲自己比較起好食嘅做前菜。主菜：香煎三文魚配檸檬牛油佢2面真係煎得金黃同埋香脆，點小小檸檬牛油味都唔錯。美式豬肋骨配燒烤汁呢個豬肋骨真係好好味，買相靚豬肋骨又夠入味，佢嘅份量仲要好大份添。兩碟都有一啲配菜同埋蒜頭，估唔到佢既蒜頭都整得好好味。食得呢間，緊係要出去攞返啲牛同埋羊返嚟食下啦。因為已經有點點飽，係咁意每样攞啲啦。朋友話佢嘅羊好好味，我自己就鍾意食佢嘅牛多啲。最後記得佢仲係甜品任攞飲品任飲㗎！

朋友仔生日當然要請佢食餐好啦,所以就請佢食半自助餐,可以120分鐘無限任飲任食牛扒。每人仲送一隻愛爾蘭生蠔,都幾新鮮大隻,不過就唔夠肥美。主菜我哋選擇咗芝士焗波士頓龍蝦,一份有半隻,龍蝦肉口感夠爽口彈牙,仲有大量芝士。另一款主菜就揀咗德國有骨豬手配黑椒汁,豬手大大隻好香脆,豬皮咬落脆卜卜,而且好多肉。任食嘅澳洲殼飼肉眼同紐西蘭有骨烤羊腿,肉質軟淋一D都吾韌,可以無限Encore。非常推介嘅廚師即場現煮嘅巴馬臣卡邦尼通粉,有各式各樣嘅配料可以選擇,廚師將煮好嘅通粉放喺成個巴馬臣芝士上炒伴,令每條通粉都沾滿芝士。自助沙律區有多款沙律菜,配料同沙律醬,可自製一款啱自己口味嘅沙律。當然唔少得甜品,成個雪櫃放滿唔同種類嘅甜品,見到都覺得心心眼。

唔知由幾時開始，觀塘區已經變成開餐重鎮，菜式價錢多種選擇，今晚呢間係半自助餐形式，之前已經食過，今晚特意帶肉食類友人黎試下!就係呢個120分鐘無限任飲任食牛扒餐今次仲特別加送每人一隻生蠔 (對上一次食係無嘅)，今晚係愛爾蘭生蠔，好大隻呀!  蠔身比較薄，蠔味普通但食得出新鮮，唔駛再加錢就有生蠔食都唔錯嘅!外出有自助食物區，有餐湯供應，今晚係椰菜煙肉湯，好夠熱，加埋片多士暖下胃先仲有沙律區，多款沙律菜，粟米，車厘茄，青瓜等材料可自製沙律主菜分別叫左客芝士焗波士頓龍蝦 (見場內好多人都食)，半邊用芝士焗，仲有精美紫薯片及薯蓉作配菜，賣相幾吸引!龍蝦肉都唔少喎，用叉一吉就成舊肉出現，肉質都幾彈牙!另一客為法式燒春雞配露絲瑪琍汁，半隻春鷄，燒得皮脆又無脂肪，肉質當然嫩滑，就算食晒成隻份量岩岩好!食完主菜就出去拎肉眼同烤羊腿啦專人幫你切，再自己淋上醬汁肉眼唔會太熟，仲見到少少紅色，肉質帶少少嚼口; 而烤羊腿就全舊肉，無脂肪，羊味普通唔會太過"蘇"!  友人追加幾碟.........哈..哈...........!而另一位置有即煮巴馬臣溫泉蛋卡邦尼，自選配菜及意粉類醬汁唔夠厚身，但味道都唔錯，每條

朋友介紹，來了觀塘食午餐，佢話Give Me 5 啱曬C9 兵團，事關有一個salad & dessert corner，任食唔嬲，加上食物款式多又美味，一定會比個大like 呀一入門口，嘩！已見到沙律及生果bar 啦，坐下後，立刻叫了法式香草羊架露絲瑪利汁，及澳洲肉眼扒配野菌汁，之後就拿拿林去夾沙律了。沙律食材新鮮蒸蛋好正，面頭有煙三文魚架，冷麵也很爽口醬汁也有很多選擇啊餐湯任添唔嬲甜品的蛋糕是bite size，可以每樣都試下，而且很鬆化，味道很正羊架肉質鬆軟，點了醬汁後更能帶出羊味，現在也回味無窮啊Rib eye 肉質鮮嫩，很有牛味及juicy，伴碟食物也很不錯呀地方寬敞，坐得舒服有時間可以打番場波先

灰灰的天令本來就枯燥的工作徒添沒趣, 整個早上一邊工作就一邊在想, 有沒有可能在中午飯時間裏, 稍為改變一下這種悶悶不樂的氣氛. 就這樣想着想着, 竟然真的神來之筆, 給我想到這間餐廳. 從觀塘地鐡站下來, 一路上都人來人往. 但只需往海皮方向多走一條內街, 情況就截然不同了, 人煙頓時變得疏落. 再多行幾步, 乘升降機到五樓, 就到達這家食店了. 說這家店是只是食店會否有點名不符實呢? 食店內竟然有飛鏢機兩部及美式枱球枱一張, 供食客免費使用. 技癢的朋友大可一展身手. 跟同事們先先後後玩了數局, 就匆匆的回到餐桌上點餐了. 今天點了魚柳包及牛扒, 午餐全都跟自助沙律吧的. 沙律吧內容相當豐富, 由蔬菜, 生果, 湯到甜品都一應俱全. 大家可以隨自己的喜好, 細意欣賞. 今天大部份沙律吧的食物都嘗過, 蔬菜及生果都十分新鮮清甜. 南瓜湯味濃可口. 肉眼扒要求了八成熟, 上菜時的外觀恰似預期, 牛肉味濃, 內裏多汁.  魚柳包賣相美觀, 層次感不俗. 魚柳金黃, 入口外脆內軟, 配上多款新鮮蔬菜更顯鮮甜. 咖啡奶茶亦比得上茶餐廳, 香濃得宜. 甜品精緻味美. 這些機構的員工注意, 您們

在觀塘附近工作，通常都係公司附近工業大廈食午餐，呢間Give me five同事食過都覺得OK，所以今日你試吓。入到黎已經見到自助水果班同埋沙律吧已經好吸引。地方光猛闊落，仲有桌球🎱 玩👍有10款套餐可供選擇，前菜餐湯全部任食，午市套餐六人同行一人免費，都好優惠👍澳洲肉眼扒配野菌汁-牛扒六成熟烹調得啱啱好，咬落多汁，配少少野菌汁已經好好味。法式香草羊架露絲瑪莉汁-一啲都唔蘇，加入香草好惹味，肉質亦唔會太un，幾好食👍沙律可以因應個人喜好自己配搭😋甜品都有好多款，水果新鮮鮮甜。😍😍😍

同友人都係觀塘返工，聽講呢度係自助任食前菜同牛扒，於是有日平日放工去食呢度既location同地鐵站都唔近，但上到去意外地多人，應該大家都係觀塘返工。呢度既前菜有湯有包有沙律，質素一般，種類都唔少。任食既牛扒同羊扒都唔錯，呢個價錢黎講，唔會比到最頂級既肉你，但至少食完你覺得好食加抵食食完前菜同扒類都飽左7成，但仲可以叫多個主菜，我同友人都係揀左龍蝦！龍蝦同芝士就係絕配，好食！食飽仲有任食甜品同任飲！二百幾蚊一位包咁多野真係幾抵食朋友聚會一流！

是日happy Friday就約左朋友去食個Friday lunch, 觀塘有不少工廈西餐, 但今日就都係去番之前食過嘅Give me 5. Semi lunch包括左salad bar, 餐湯, 主菜同甜品, 加埋一都係一百蚊左右, 算係星期五慰藉一下自己嘅好選擇. 我揀左個溫泉蛋卡邦尼意粉, 溫泉蛋冇過熟非常之好, 但個人覺得主菜份量偏少, 我就覺得唔係好夠喇, 同埋意粉煮得硬身左少少, 再煮多一陣先上會好好多. 但係如果唔夠都可以食salad bar同飲湯, 是日餐湯係我愛嘅蘑菇湯, 唔會溝到好淡, 我都有飲左2碗. 除左主菜份量可以多番D之外, 甜品都可以多D選擇, 因為當日嘅蛋糕都唔係好合我心意, 所以我都係食左杯啫喱就算喇