Give Me 5 (已結業)

同事生日，成班同事齊齊去在觀塘Give Me 5為佢 慶生。餐廳地方夠大，而且係半自助餐，自選一款主菜後，重可以任飲任食自助區食物，大家還可以玩下枱波和飛標。一入門口就是自助區，有海鮮、沙律、湯、甜品、飲品。重有即燒串燒。等待主菜期間，進攻了自助區，冷盤的海鮮新鮮，海蝦和青口爽口、凍蟹肉質和蟹膏鮮甜。串燒由專人負責，，即燒串燒香噴噴，款式都不少，燒翼皮香肉嫩、鮑魚鮮甜彈牙、海蝦鮮味彈牙、茄子軟嫩香口。主菜：美國斧頭豬扒配玉米糕伴蘋果蓉黑醋醬，大大塊厚切豬扒真的像一把斧頭，中間程粉紅色，豬扒有口感，配蘋果蓉黑醋醬，有蘋果香味，也有黑醋的酸甜味，味道不錯。最後試埋碗南瓜濃湯，都好濃郁美味，甜品也不錯。

觀塘的工廠區向來都是平民飯堂，一些西式午餐如果在中上環地區可能要價二百多元，而在觀塘地區則可便宜近30-40%，全因地區之間的租金差異，今次朋友特意帶我去了他心目中的心水之選。在上主菜前，先有任食沙律吧作前菜供客人先選用，當中有多種沙律菜，水果，餐湯供選擇，可以在上主菜前，先食一些作為前菜。我點了澳洲肉眼牛扒，用了大約十分鐘便送到，首先外觀已相當吸引，用刀切開牛扒時，當中的肉香更是香氣撲鼻，配上蘑菇汁，當中的相互配合，更是出色。然後是朋友點的香煎虎蝦配蒜香配蒜香意粉，份量不多，蒜香味卻相當濃，虎蝦則用上了不同的調味料，令虎蝦的鮮味更突出，而且肉質相當彈牙，相當出色。結帳時用了$271，價格相當合理，不錯。

舊同事攪中秋聚會，當然吾會少左我，佢哋訂左觀塘Give Me 5 食半自助晚餐，餐廳地方都好大，座位寬敞。設有自助區，有冷盤、甜品、飲品。最吸引我就是是冷盤的海鮮，有凍蝦、凍蟹、青口和螺，新鮮爽口。另外還有專人即燒的海蝦、蜆、鮑魚、雞冀、腸仔、燒賣、茄子、秋葵、粟米、翠肉瓜等，串燒熱辣辣、香噴噴，十分美味！每人可以選一款主菜，六款自選歐陸成主菜，我選了希臘風味烤春雞配地中海溫沙律。烤雞是半隻，皮烤至金黃色，肉質鮮嫩。食飽飽重可以去打下桌球，又或考考眼介，玩下飛標。一樂也！

晚上的觀塘，人流明顯比早上少了很多，位於鴻圖道的一間餐廳的燈牌，卻特別吸引了行人的眼睛，這就是名叫”Give Me 5” 的餐廳。這是一間主打海鮮串燒任食的餐廳，這亦是吸引我去試試的主要原因。坐底點好main course 就急不及待去睇睇海鮮和串燒。海鮮方面主要有四款，但吸引我既都係凍蟹和蝦，無限量供應的海鮮，加上多種醬汁，絕對係非常夠份量的頭盤。 而串燒方面，有專人為你即叫即燒，你要做既野只係負責食。同場仲有沙津bar,適合鍾意食沙津既朋友。食到咁上下，main course 亦都上枱，係半隻燒雞，幸好當晚胃口還不錯，食左咁多海鮮串燒，仲可以清埋呢個咁大份既主菜！

在朋友的推薦之下，我們晚上到了位於觀塘的Give Me 5 吃晚飯。用餐是以半自助餐的模式，先選擇一個主菜，其他前菜、沙律、餐湯、海鮮、燒烤、甜品均是任食的。於是我和朋友就點了一個牛扒和一個雞作為主食。在主食上菜之前，我們先去拿點海鮮和餐前小食。海鮮部分有凍蟹、蝦、青口、東風螺等，種類雖然不多，但是都十分新鮮，蝦肉彈牙，凍蟹肥美有膏。澳洲肉眼扒，伴碟有薯角和露筍，牛扒五成熟，切開的肉仍帶有粉紅色，入口肉味濃郁，再配上野菌汁，更是野味。牛扒是八安士的，份量剛好，不會因為主菜吃得太飽，而吃不下其他食物。希臘風味烤雞，雞肉鮮嫩，沒有過多的調味，是非純粹的味道，很不錯。烤雞配以地中海溫沙津，是以紅腰豆、橄欖和芝士等組成，這個配搭非常特別，從未有在其他餐廳吃過，非常值得一試。現場也有廚師即燒的蝦、多春魚、貝殼類、腸仔、丸類等，非常豐富，每樣拿一件已經吃得很飽。最後當然要吃我最愛的甜品、蛋糕、啫喱凍。酒店級的食物，但每位埋單只是$298，果然十分抵食！

今日lunch黎左鴻圖道呢間西餐度食~最平$75已經可以任食沙律吧加任飲紅白酒跟餐都有餐飲 唔飲酒既 普通檸茶檸水都有~如果可以坐耐d仲抵~沙律吧嘅選擇其實都唔少如果唔食得多嘅人 可能真係食沙律吧都會飽~大路野 薯仔 生菜 意粉等等 同埋有唔同嘅汁旁邊就有紅白酒任飲同埋各式生果餐湯都係一樣自助任飲 呢個南瓜湯都幾好飲同埋飲得出佢係真材實料而個蒜蓉包都好好食 唔會焗得太硬岩岩好好香口呢個炭燒豬頸肉意大利飯豬頸肉個邊燶燶地岩岩好 個飯唔會太濕幾好食呢個就係香煎比目魚雖然都唔少骨但煎得幾香幾好食而個炸蒜配埋一齊食都幾好食~最後仲叫左呢個炸豬手，一黎到已經聞到好香~其實係好食既但個皮實在係太硬喇 切得真係幾辛苦D薯蓉同埋紫著片都好好食最後梗係要食埋甜品先買滿啦個人覺得佢既cheese cake幾好食 有芝士味朋友就話佢個檸檬凍餅都好食~啫哩就普通啦臨走 梗係要飲返杯先啦佢個白酒就偏酸 不過都算幾易入口 唔算差~如果可以再飲多幾杯就抵喇🤣

今時今日百物騰貴，出外用膳，吃個豐富午餐，分分鐘要二百元以上，今午來到觀塘鴻圖道的 ’Give Me Five‘，享用一個半自助午餐，竟然有意想不到的收穫。此店地方寬敞，還有提供免費桌球和飛鏢給顧客耍樂，都算照顧周全。自助沙律Bar有紅酒和白酒免費提供都算是益食家，主菜選擇都非常多。熱騰騰的南瓜湯香濃幼滑，鮮甜可口。8安士的澳洲肉眼排配野菌汁味道不錯，份量十足。法式香草羊架配露絲瑪莉汁，羊架五成熟，無羶味，頗有水準。還有甜品和咖啡，每人平均$152，盡享美味豐富的午餐。

今日同家人到觀塘食lunch ，見到這間半自助餐，有主菜，而自助食品包括餐湯、沙律、甜品、生果，最驚訝係红、白酒，原來係任飲添，一入到餐廳，一覽無遺的開揚景，仲有好多窗口卡位。我們都是食肉獸，午餐主菜叫了澳洲肉眼扒，五成；另外叫了法式香草羊架。 是日餐湯係中湯花生雞腳湯，好清甜，雞腳超淋。沙律吧都好多款選擇，有飽肚的長通粉，有溫室豆苗，有新鮮白菌，薄脆，主菜澳洲肉眼扒配燒蒜汁上枱，點了五成熟，肉眼扒厚身，喜愛旁邊有燒蒜頭，要有新鮮及這麼大個的蒜頭先可以燒得咁淋的蒜頭，連牛扒一齊食，非常好食，牛扒上天灑滿香草。另一主菜是法式香草羊架配露絲瑪莉汁，有三大支香草羊架，都係$138，超抵食，叫了七成熟，好淋身，肉質夠嫩。因我個人鐘情白酒，再以斟了一杯，估唔到都好fruity, 餐廳還放了一個甜品雪櫃，多款蛋糕，啫喱杯，的的骰骰的一小件，可以試多啲口味。最後食埋新鮮生果，哈蜜瓜同西瓜都好甜。叫埋餐茶咖啡，非常滿足。餐廳右邊還有桌球枱和飛鏢靶，有免費飛鏢耍樂，也有收費的，適合上班族放工happy hour。

好耐冇一家人一齊食自助晚餐🥰有次路經觀塘，見到近近地都有半自助晚餐就mark低左，一個人三百零蚊左右就豪一次啦😆😆😆觀塘工廠大廈樓上鋪食店 氣氛也不錯✨待應安排到窗邊位置🥰有海景睇呢✨呢度半自助晚餐 係選擇一主菜再另外有頭盤、冷盤、甜品、飲品自助餐叫左4個主菜熊本霜降牛排（8oz)配黑椒汁口感嫩滑，咬起來沒有根 不錯香燒挪威三文魚配香檳忌廉汁👍🏻👍🏻三文魚多脂肪油🙈🙈 配上香檳忌廉汁甜甜地 幾得意🥰法式寶雲酥羊架外面酥酥脆脆，同羊架幾夾裏面仲有粉紅嫩肉🙉仲有 波士頓龍蝦粘米多呢個龍蝦啖啖肉🦞🙈自助沙律冷盤剌身海鮮頭盤甜品自助區！細細粒 可以試晒唔同口味最後仲有自助飲品👍🏻

位於觀塘鴻圖道90號的give me five約1年前嚟食過，覺得環境很好，而且還有半自助餐添，今晚兩母子再來撐下枱腳，一入門口就見一排凍海鮮有海蝦，東風螺，青口，蟹等等望落非常吸引啊！跟住就係沙律吧和一壺大南瓜湯。侍應生很有禮貌招呼和介紹選一個主菜後所有飲品食品是任食的。餐排有好款選擇~~我選了加勒比海辣醬煎鱸魚配古斯米~~份量不算大，鱸魚煎得香口，有兩大條青紅椒伴鱸魚，望落又幾有氣勢，古斯米味道有點怪怪味，不懂品嚐😂只食了一口。靚仔想食雞，希臘風味烤春雞配地中海溫沙律，靚仔好細心啊！拆曬雞肉可以慢慢食，肉質都算嫩滑而且好香燒春雞味。👍係時候出動食凍海鮮了，海鮮頗新鮮！今晚沒有自助生蠔食，有點失望啊！原來熟食還有很多，有兩位廚師不停燒烤好似bbq咁燒的，要供應全場來客，其實真的幾辛苦啊！種類也很多！有蠔，鮑魚，帶子，扇貝，花甲，海蝦，腸仔，多春魚，魚蛋，墨魚丸，牛丸，菠蘿，雞翼等等其實好多好多好多種類型，但因為人多，每人每次只可取4件咋，廚師都燒得好快手呢！最後當然係食甜品啦！甜品不算多不過就有我最鍾意食嘅藍莓芝士，已經好滿足啦!食咗七粒，細細粒好似腐乳size😋飲品叫咗一杯凍奶茶，

最近半自助餐比較流行，剛好前幾天跟閨蜜聚會有機會嘗嘗。餐廳位於觀塘鴻圖道90號5樓全層，距離地鐵站大概10分鐘路程，餐廳面積非常大，裝修風格乾淨俐落，窗邊坐位景觀開揚，半自助餐形式適合多人聚會，有飛標機、桌球供客人使用。門口位置放有海鮮冷盤，及沙律吧，食材新鮮，種類多。甜品飲品櫃，汽水是小玻璃瓶裝，最好喝的那種！燒烤吧，店員一直在燒不同種類的食材，燒好的放在一旁，捧著碟子選，店員會夾到你的碟子上。主菜六選一，豬牛羊雞魚蟹都有。閨蜜選了美國斧頭豬扒配玉米糕伴蘋果蓉黑醋醬。我選了澳洲肉眼扒(8安士)配野菌汁，七成熟，肉質鮮美多汁，份量大。各種燒烤，海鮮非常新鮮，蜆肉鮮甜，而且肉質飽滿，鮑魚剛剛熟，肉質彈牙，生蠔配上蒜蓉更惹味。連加一人均消費$328。

朋友在觀塘附近工作，相約放工吃晚飯相聚，他介紹了這間餐廳口碑食物都很不錯，於是來試一試餐廳位置算不錯，離地鐵站的確算近，一入餐廳空間很開揚，坐位空間也很足夠由於是半自助式餐廳，每位價錢除了包全場提供的自助餐點與飲品外，也包一客主菜我和朋友各叫了西西里茄醬扁意粉伴脆炸軟殼蟹以及澳洲肉眼扒配野菌汁（五成熟）,兩個主菜其實高於我們的預期，相當有水準，本人叫的肉眼扒很不錯，一刀切開就有肉汁流出，咬下去肉質也很爽口，牛扒用料不錯，非常美味。 而份軟殼蟹蕃茄意粉，西西里蕃茄醬汁好野味，扁身意粉非常入味，而脆炸軟殼蟹入口好香好味。半自助部份，有很多高檔冰鎮海鮮，新鮮海蝦，田螺，青口和蟹。 不要以為自助關係，冰鎮海鮮都很新鮮，而質素好高。海蝦和蟹肉的肉質仲很彈牙，鮮味仲好重。另外還有即烤食物，如肉丸，茄子，雞軟骨，雞扒，雞翼，蒜蓉蠔，甚至鮑魚都有，真的很高檔很物超所值。最後吃飽後，甜點時間，有好多種類的蛋糕，切得很貼身，不太大不太細，都是一小口。可以每款都嘗試一下。 一間餐廳好同差，真的可以由細微部份睇得出。餐廳的食物質素同環境都係上上之選。除左可能觀塘位置唔算太近地鐵站，其他部份真係值得再去，特別一

觀塘工厦食肆多，網上見有人推介這間Give Me 5 有半助午餐，主菜選一款，而餐湯、沙律、甜品、生果同红,白酒，任飲任食，今日约埋朋友去試下。餐廳地方很大，有不少卡位和長枱，我們午餐主菜點了澳洲肉眼扒和法式香草羊架。是日餐湯係南瓜湯，湯唔稀，仲食得到南瓜蓉，沙律菜很新鮮爽脆😋澳洲肉眼扒五成熟，肉眼扒唔韌有肉汁😋法式羊架夠冧，香草蓋了羊架的羊羶味，有驚喜😋不得不讚餐廳嘅甜品，款款蛋糕雖然細細地，但都好好食，我差不多食齊咁多款😋侍應清理餐具夠快手，頻率高👍🏻餐廳仲有桌球枱和飛鏢靶供食客玩樂,晚上相約三五知己食下晚餐，又可以飲下红,白酒，倾下計，又可以比試一下，係唔錯嘅好地方👍🏻我們見有空閒就玩了一陣飛鏢，雖然係第一次玩，原來都幾好玩，唔難中靶，飛鏢投中鏢靶的感覺很興奮呢🤭

觀塘工廈林立，每次總想要把它全都逛一逛。那麼高強度的運動前當然一定要食飽飽。今次找到這邊，之前都沒有逛過這兒，原來這裡有一棟餐廳。這店午餐除了主菜外還包了半自助前菜甜品，還真划算！這半自助午餐可認真，有湯、各種沙律、水果、很多種類的小甜點，更有紅白餐酒呢！這忌廉湯真不錯！西蘭花的微香，加上細滑的口感，配上多士，美妙！必需説炸蝦漢堡真的用心，自家製蝦餅彈牙，加上新鮮菠蘿和沙律菜，很fresh!加上這view和環境，值回票價！

一份主菜連自助沙律🥗、水果、餐湯及蒜包，還有甜品任食，百多元算抵呀！一家五口，於平日到這店食午餐，是日南瓜湯，配上脆脆的蒜蓉飽，正呀！沙律有正常，看似新鮮的配菜，還有不同醬汁及黑醋選擇。水果有西瓜和哈密瓜，都很甜啊！甜點有多款細細件的芝士及朱古力蛋糕。主菜賣相都很吸引啊！叫了羊架，很香，不羶。咖哩吉列豬扒飯，咖哩配飯，很開胃，阿仔食得很高興。還有那蝦漢堡，份量十足，很大個，阿仔吃不掉。分嚐了一點，蝦漢堡脆脆的。餐廳環境寬敞，窗邊景觀很開揚，很舒服。食得飽飽，阿仔還在玩擲飛標及打桌球。這就過了一個下午。若要久坐，這是好選擇。