Fûhn (The L. Square) (已結業)

2018年10月4日。銅鑼灣。晴。晚餐想食越南嘢，於是就揀咗呢間餐廳餐廳喺駱克道L Square一樓，一出電梯就係餐廳入面裝修簡單，窗邊啲位比較別緻餐廳唔算大，但晚市好快就坐滿咗餐牌都幾資訊性，有唔同香草配料嘅介紹牛河分咗4個size，XXL睇落好驚人，餐牌上提供埋份量參考，咁就唔怕嗌太大份，食唔晒浪費啦～餐牌上寫咗餐廳賣嘅係北美式嘅越南河，無乜概念同普通越南河有咩唔同，食過先知～肉類配搭主要分成牛同雞，仲有素食可以揀咁我哋就試咗L嘅牛湯河同埋正常size嘅雞絲湯河有河粉或者金邊粉可以揀仲嗌咗個小食拼盤添～雞絲湯河嘅配料比較簡單，入面有手撕雞同雞肉丸，再加上大量蔥花先飲啖湯，超～級～美～味～個湯好鮮甜，應該係熬咗一段時間，但係個色澤依然好清，唔會見到面有油飄住雞肉亦唔會嚡口，雞肉丸幾特別，平時好少食到唔錯唔錯！牛湯河嘅size果然大咗一個碼湯底同雞絲湯河唔一樣，但都係好清甜，一啲都唔油膩配料都多咗好多，唔只種類多，每款數量亦唔少，食極都仲有，非常抵食！食嘅時候大部份時間都唔知自己食緊牛嘅咩部位，要睇返餐牌先知配料有生牛肉片、牛坑腩片、牛筋片、手打牛丸、牛腩邊、牛柏葉每款都至少有4件，份

今日同朋友去左呢間越菜dinner，樣樣睇落都好好食，我地兩個女仔叫左2人小食拼盤，香煎雞扒撈朦同特式牛湯金邊粉 豬頸肉，小食拼盤有牛油雞翼，煎得脆口食落去咔咔聲，最好食係蝦餅，好新鮮同熱辣辣上台，春卷都好香口。豬頸肉好juicy 多汁 燒到岩岩好起焦又唔會太lone 肉質都好夠咬口，值得推介特式牛湯金邊粉入面既牛柏葉好爽口同新鮮 牛丸都好有咬口 唔怪得知叫特式牛，香煎雞扒撈朦帶好多配菜 蔬菜都係爽口新鮮 店員服務態度有禮 下次都會再同朋友尼呢度食

fŭhn @ 銅鑼灣🔅之前見到好多post都介紹呢間既越南粉🍲好好味…但一路都未有機會試, 就算係佐敦開左分店都因為太早閂門都係試唔到…🔅終於有機會黎銅鑼灣試下…一上到去打開lift門: 咁吉既😅😅…唔理咁多…坐低先講。望一望餐牌, 最特別就係有size分(好懷念…)…第一次黎唔好叫太多野…咁就點左生牛肉金邊粉同特色牛肉金邊粉(Large size)…🔅生牛肉就當然得生牛肉啦…特色牛肉粉就有牛肉, 牛腩, Albert yip, 牛筋(硬小小), 牛丸(同全香港最好味既牛丸比就真係見到尾燈當你贏...)…個湯就比較淡不過好夠熱(放左配菜都仲熱🙂)…而湯就有股香草味不過味道不太討好。金邊粉就正常啦...🔅味道冇驚喜同價錢少少偏貴…雖然Large份量都算好足料…不過唔會番兜🙂

I have been here many times and it's getting worse. The first time I had a lot of herbs with the pho. Last time no herbs at all. I really like the vegetarian pho and came with my vegetarian friends here. Now they are not serving it any more! Now I am not gonna come any more! Anyway the restaurant is really messy and dirty now.

我同朋友都係北美住了很多年。而北美的越南pho都很好吃和很多款式，係香港真係好難揾到。這間的越南粉有不同size和餸選擇，係香港好小越南餐廳會咁做，但在美北是非常普遍的。因為不是每個人都喜歡吃所有牛部位。我地點了一個生牛肉粉和一個雞絲湯粉。雞絲湯的雞湯幾清幾好味，比牛湯好喝。牛湯略嫌不重牛味。湯不算咸，岀面很多越南餐廳的湯都很咸。肉和粉都好食，又可以自己加香葉和芽菜。牛油雞翼炸得香酥好食。椰青和越南咖啡沙冰都好喝。我很喜歡吃紙米卷。但香港很難找到一間好吃的。這間的軟殼蟹紙米卷上面的椒鹽粒粒很咸，完全蓋過紙米卷的清新，不太吃到軟殼蟹的味道。可能其他紙米卷會比較好食。

下午時分，走到銅鑼灣發現有呢一間越南菜。我點了炸春卷蔬菜粉皮和牛肉湯河都令我十分滿意，牛肉十分新鮮。雖然沒有可以選擇其他粉面；例如金邊粉和米粉，但可見老闆對經典嘅牛肉湯河十分着重，不會迎合客人嘅個人喜好去呈現一碗好味經典嘅牛肉湯河。這一份堅持令我十分欣賞尊重。小食分量足，特別係炸春卷都好想特別推介俾大家，香脆可口都不在話下，最欣賞的是炸得好鬆脆，口感一流！

聽朋友講銅鑼灣有間新式越南菜幾好食，於是今日收工就同朋友去食，到場時間是星期二大約6點，場中約坐了一半，以這個時間計，是幾好的。坐下後，大約很快便有服務員放上菜單及向我地推介菜式，於是我們就根據推介點了個香茅雞扒撈檬，燒豬頸肉撈檬及的菜單。等了大約10分鐘就上菜了，速度算快的。說回味道，雞扒撈檬的味道是不錯的，有越式菜酸酸甜甜的感覺，檬粉是厚身及細長的分格，是正宗的越南菜應有的風格，雞扒是正常的質素，但是上菜時是熱騰騰的，明顯是即炸，加了不小分，但食落是快餐店食到的感覺，也是不太特別。

今日廚房有啲少插曲，所以只有雞湯底，所以平時食開牛既我都轉一轉，食個香茅雞扒湯金邊粉。好細心地分開了上的，那麼湯就不會洗去香䓤的香味！而友人的撈檬就沒有分開上的，都是放在一起。愛雞之人必選！超多汁！啖啖肉！仲要份量係勁多！每庁都必叫小食拼盤，因為有炸春卷、雞翼同蝦餅，每樣都係我最愛❤️每啖蝦餅都好多蝦的!肉汁爆出黎！另外我友人想食米卷，所以我哋叫左軟殼蟹卷，我覺得比蝦米卷香口、口感豐富好多❤️同埋最愛其實係佢拌酸菜😂

超大碗嘅越南粉，肚餓時一個唔錯嘅選擇，但湯很多味精😂。 嗌咗個XXL，食完有啲口渴！香茅豬扒撈檬不錯，份量也是蠻大的。餐牌多選擇。在銅鑼灣眾多餐廳來說算是難得。

咁啱一個人去開銅鑼灣想食個early dinner 經過L Square 嗰陣諗紧食咩好，之前都有喺呢個大厦試過幾間餐廳 水準都唔差，所以決定一於上嚟試下呢間 望一望OpenRice都多人食 應該都不錯。上到嚟餐廳地方唔大 不過好彩嚟得夠早 仲有好多位 我食到一半嗰陣間餐廳已經full 曬 佢哋個Menu主要都係分小食 沙律 湯麵 及飯呢幾個選擇，最特別嘅係佢哋嘅湯麵有分size 分別係 M L XL 同XXL。 M比較適合當lunch or tea 或比較細食嘅女仔，L算係正常size，XL 就比較適合大食嘅男士，而XXL 係同朋友share食。而我今日就叫咗一個L size嘅生牛肉湯麵 $75 同一杯牛油果奶昔 $48。食物上枱嗰陣真係俾佢嚇咗一跳，個碗大到呢......😱 好彩夾左一下原來啲面嘅份量都算正常，如果唔係都唔知點食好😅湯麵有更餸一小碗嘅香葉辣椒同芽菜青檸，試咗一啖湯非常清甜唔覺有味精。然後加埋啲香葉辣椒一齊再食，真係好正！好似我喺越南食過嘅生牛肉河粉咁好味雖然杯牛油果奶昔我冇影低，但都係10分推薦！好香嘅牛油果味同奶味 飲起上嚟唔會膩反而仲會幾清新 認真唔錯！呢間餐廳

下午茶餐（$48）及單點粉麵價錢合理。見餐廳評價不錯，專程來嘗試。河粉新鮮，生牛肉片鮮嫩，但湯底偏淡，乏牛骨和香料味，牛肉丸帶羶味、牛柏葉帶腥味。粉麵跟隨一份芽菜、辣椒和青檸。下午茶餐小食供選擇炸雞翼及越式炸春捲，炸得好、味道相當不錯。但輸在麵線，試了一次就足夠了。

-香港有咁多越南餐廳邊間先最正宗❓🤔小編有好推介🤗特別專為牛肉迷而設😏🐂位於銅鑼灣的Fûhn 原來裏面指HAVE FUN💃🏻是指吃得享受的意思嗎⁉️👅一齊睇睇有咩好西食😋😋😋-1️⃣特色牛湯粉(L size) $108係呀你冇睇錯係L SIZE🤩🤩🤩呢碗牛湯粉由L SIZE起跳仲有XL($128)丶XXL(大胃王挑戰)添🤤聽聞是他們家的招牌菜(必叫)‼️鍾意食牛肉嘅你不可錯過喔裏面有生牛肉丶牛坑腩片丶牛筋片丶牛柏葉丶手打牛丸丶牛腩邊 超級豐富 份量也不少💯生牛肉非常嫩滑 湯唔算超級熱 所以要等一陣先全熟♨️牛坑腩片+牛筋片筋中帶肉 有咬口之餘亦煮得非常入味 超讚👍🏻牛丸果然是手打係唔同啲 好彈牙而且牛味重😽牛腩邊煮得好淋身食得出煮咗好耐 好入味 小編最愛😻湯底方面亦非常濃郁 滿滿的精華Menu建議係一至二人份量👫而小編留意到在場好多男士都叫來自己食女生們可以挑戰一下喔🙆🏻‍♀️-2️⃣小食拼盤 $98(二人份)內有越式牛油雞翼丶手打蝦餅丶春卷雞翼好濃蒜香味🍗啱啱炸起熱辣辣蝦餅因為手打的關係非常彈牙🦐春卷入面包住素菜所以整體感覺唔會好油膩再配埋甜酸醬一流💪🏻-3️⃣炸椒鹽軟殼蟹米紙卷 $78軟殼蟹不算大🦀略

越南嘅河粉令我對越南呢個地方留下深刻印象，返到香港之後都唔係咁容易食到越南正宗河粉嘅味道。但Fuhn嘅河粉令我回憶起之前喺越南食到嘅味道，呢度嘅牛肉河粉用料好新鮮，食得出嘅鮮味同埋入口溶化嘅安格斯牛，令人食到真正牛肉河粉嘅味道。另外米紙軟殼蟹卷亦十分清新，米紙包住生菜同埋蘿蔔絲，在捲起熱辣辣脆卜卜嘅軟殼蟹，口感非凡！然而佢嘅豬頸肉同埋炸蝦餅，都十分出色，相比之下炸蝦餅簡直係一百分！炸蝦餅裏面嘅蝦肉係一隻隻嘅蝦，新鮮程度爆登！係彈牙嘅口感，加上外面麵包糠包住嚟炸，外脆內彈牙，係前所未有嘅好味道， 十分推薦。

男朋友突然間想食pho, 就揀咗呢間openrice 人氣幾高既fuhn。佢揀咗個特色牛湯河，呢間餐廳本身嘅牛湯河有分4個size, 由regular到XXL, 呢個牛湯河既預設size係L, 所以兩個女仔黎share一碗都無問題！呢碗pho既配料相當豐富，有生牛肉、牛坑腩片、牛筋片、手打牛丸、牛腩邊同牛柏葉，個人覺得生牛肉既質素最高，牛味好濃郁！每碗pho都有好多香料可以加我就叫咗個香茅豬扒飯，再加配一隻太陽蛋，豬扒份量十足，炸得都ok, 可惜香茅味略嫌不足。炸蝦餅，都幾彈牙，我覺得鹹左啲，但男朋友覺得ok椰青，超級大個XD越式蒸餾咖啡，係一杯唔錯既香濃咖啡。

點了特色牛湯粉及牛油雞翼，店員問要金邊粉還是河粉，選擇了河粉，結果來的卻是金邊粉。叫了店員來了解，他説可把碗來的金邊粉換成河粉，不想多事, 最後也沒有換。感到失望倒是真的。食物總算不錯，生牛肉肉質嫩味道可口, 牛丸夠juicy, 牛腩就相對較乾，牛筋片和牛柏葉也不錯。服務普通，見到有食物送錯枱的情況。音樂聲音有時太大，剛進店的客人其實聽不到店員的說話, 導致站在lift 口呆等。希望他們考慮下提昇用餐體驗。