Fûhn (The L. Square) (已結業)

4點幾同大少出銅鑼灣覓食見呢間幾多好評就決定去試試一出笠就已經系餐廳枱與枱之間空間都闊落好多梳化位我地去到果陣仲有下午茶餐$48 一碗粉＋小食＋飲品計落都好抵食，但我地想試多d野食就無嗌嗌左特別牛湯金邊粉L size $108（+$10三片扎肉）生牛肉＋牛栢葉＋牛丸＋牛腩呢個size好大碗份量夠兩個人食，會有一碗有青檸、芽菜、檸檬葉、指天椒既配料俾您倒入湯粉中攪勻食會更香，湯底清甜，生牛肉好嫩滑，牛柏葉爽口，牛丸同牛腩都好有牛味扎肉厚切結實彈牙二人份量小食拼盤$98牛油雞翼＋炸蝦餅＋春卷牛油雞翼有驚喜一咬落去好香牛油香味炸到脆卜卜又吾油，肉質仲好嫩炸蝦餅好爽口彈牙，非常足料，啖啖都系蝦肉，仲見到一粒粒既蝦肉春卷最怕就系炸到索哂油，一咬落口成口油咁，但呢間既春卷完全無呢個問題，好味👍🏻配菜酸蘿蔔青瓜都好好味，開胃解油膩青檸梳打$28 青檸七喜$28Total: $272一間好味又抵食既餐廳，一定會再泥

由屯門岀銅鑼灣做啲野，朋友話有間食越南野好正，所以就決定下午去試下晏晝冇乜人，全部都似係附近做野嘅上班族。環境唔大，個感覺好舒服平靜。我地叫左個XL size嘅越式牛湯粉。真係超大碗入面有生牛肉，牛柏葉，手打牛丸等等，好豐富呀！河粉嘅份量都十分多，好足料。個湯係之前係越南食過嘅味道再叫左個小食拼盤同越式燒豬頸肉。們豬頸肉燒得超好味，不過要同們河粉一齊食，因為就咁食有啲鹹小食拼盤想讚下個牛油雞翼！真係好重牛油味，好想食多幾隻飲品方面叫左個椰青，超好飲的全部野都好高質的一間越式餐廳，下次會再嚟

食過兩次，兩次都係六點前埋單第一次侍應冇俾下午茶餐牌，於是叫左個regular 分量生牛肉湯河加咖啡沙冰，分量超大，好飽第二次有下午茶餐，又叫左生牛肉湯河，今次分量啱一個女仔食，加埋個小食啱啱好生牛肉浸熟仍然好滑，湯底清甜，飲完唔口渴不過兩次上來的湯都只能用暖黎形容，唔知係咪咁，兩次食完腸胃都有啲唔舒服侍應生大致上都有禮貌同快手，不過有時都有甩漏，有次係要問先俾芽菜等配料

去完越南既人相信唔會鐘意係香港食越南野，一來貴好多，二來味道真喺差好遠。但今晚朋友約到，就去食下啦，一見menu，有得揀size，已經覺得搞笑，越南粉麵一向細細碗，湯底濃郁，份量適中，食過番尋味。呢間既size份量驚人，大大碗，兩個人食都得，可能係迎合番香港人口味啦。值得一讚既係唔單只粉多，配料都好足既！味道就不過不失啦，湯底唔夠濃郁。至於其他小食，例如炭燒豬頸肉、雞翼都唔錯，即叫即整，熱辣辣都幾惹味！同一般越南小食差不多。

很久都没有食過越南野食，今日剛好去銅鑼灣行街，就近就揾左間越南餐廳，我跟女朋友都喜歡食越南野，食過不少越南餐廳，所以對越南食物都幾有要求。我們點了一個安格斯生牛肉湯河、越式三色飯、小食拼盤、和軟殼蟹紙卷，老實說本身期望不大，因為只是就近揾間，但發現這間是一間高質的越南餐廳，越出預期。安格斯牛肉以為做burger就得，原來配湯河都很夾，入口濃郁牛味，連湯河一起食一絕。牛油雞翼，濃濃的牛油香，不需要點醬原汁原味已經好好食。扎肉和豬排都煎炸得剛剛好，入口還有juicy的感覺，配埋飯食一流。唯一美中不足是軟殼蟹紙卷的軟殼蟹份量稍微少左，至於其他食物都好出色，份量都夠大份，大推。

之前在網路上看到有間越南餐廳食湯粉可以選擇份量覺得頗有新意，於是同朋友即興去試一試！越式三式飯 - 朋友無飯不歡，配菜相對較為豐富！有煎蛋🍳、越式扎肉、雞翼及春卷。春卷熱辣辣酥脆可口，扎肉軟綿，雞翼香口肉質嫩滑，整體都挺不錯！生牛肉湯粉 - 我就比較喜好食湯粉，而且獨愛生牛肉，這裡用上安格斯牛肉。大胃如我食XL的份量的話大約有十塊，薄身浸在湯裡很快熟，入口肉味挺濃，質感不太韌。河粉掛湯不錯，挺幼滑。蕃茄沙冰 - 本想試牛油果🥑奶昔，可惜已告售罄。蕃茄沙冰外表看挺鮮紅，入口味道不死實，有濃郁得黎帶點酸酸的味道，冰感又十足。

這次朋友聚會 揀左呢間越南餐廳☺️☺️ 越南菜大多酸酸甜甜 又fresh 又開胃 係我久唔久又會想食一次嘅菜😋😋我地4個人 有三個揀左湯河 生牛肉牛筋片湯河生牛肉牛腩邊湯河生牛肉 牛筋片 拼 牛腩邊湯粉 三款湯河影落個樣太似 所以我放一張相代表曬佢地啦😂湯河除左有大中細size 揀 仲可以揀要金邊粉定河粉生牛河嘅湯底好濃牛味 可根提個人喜好加另加辣椒同薄荷葉同香草我就鐘意加曬落去😂😂我食嘅係生牛肉牛腩邊湯河 生牛肉浸曬落湯底 上枱已經全熟 有點可惜 但牛腩邊好冧 好好食❤️❤️另外有一個朋友叫左香芧雞扒撈檬我試左一舊香茅雞扒 煎得好香又唔會有雪味4人小食拼盤 牛油雞翼 手打蝦餅 春卷蝦餅好彈牙 好好味☺️ 牛油雞翼雖然好邪惡 但真係好正🤤春卷係傳統越式style 但都好好味❤️炸椒鹽軟殼蟹米紙卷米紙卷上面嘅炸椒鹽咸左少少 食嘅時候dum 少少走 就岩岩好👍🏻野飲方面野左 牛油果奶昔、越式咖啡沙冰、凍咸檸7同熱柚子蜜最出色係杯越式咖啡沙冰 咖啡味岩岩好😊

一向都好鐘意食越南野, 因為味道多變又開胃, 今次黎到銅鑼灣, 見到呢間越南野咁高評分又唔太貴, 一於試試佢!!平日7點半walk in 都仲有少許位置, 建議大家book定枱, 環境簡約清新感覺好乾淨舒適!今次叫左1個生牛肉牛腩金邊粉, 1個越式三寶飯, 柚子蝦沙律, 同埋椰青, 不過好可惜牛油果奶昔咁岩賣晒, 唯有下次再試!生牛肉牛腩金邊粉($69), 湯河可以揀size, 見到隔黎枱叫左好大碗, 好有睇頭, 不過我叫左regular size, 都好夠份量, 而且牛肉好多, 安格斯生牛肉仲帶粉紅色, 所以仲好軟滑, 牛腩都好淋好好味!!越式三寶飯($98), 呢個飯超級好食, 岩晒食肉獸!! 佢有齊牛油雞翼, 炸豬排, 同越式肉餅, 而炸得好香脆, especially係牛油雞翼, 夠牛油香又唔會太膩!柚子蝦沙律($75), 又係好大碟! 蝦都幾彈牙, 柚子好甜, 下面仲有d沙律菜, 感覺好清新!椰青唔錯, 夠甜!

估唔到CWB都有平靚正嘅越南野！一班人食晚餐，有人提議越南野，之後就搵上黎呢間平平地又多選擇嘅越南野～木系風格裝修，牆上就掛滿特色越南食物嘅相店員就安排咗我地坐卡位，隔離係玻璃窗仲可以望返落下面街景，環境唔錯又幾好坐～睇下個餐牌，最特別係有四個size嘅湯河，由一個人食嘅普通份量到4個人先食得晒嘅XXL 一碗入面就齊晒生牛肉、牛坑腩片、牛腩邊、牛筋、牛丸、牛柏葉。。。齋睇都覺得好多野食我就嗌咗最愛嘅扎肉撈檬，扎肉都幾乎係越南必食嘅野，緊係要試試，食落扎實得黎又彈牙，幾好食，同埋好多塊！而酸酸甜甜嘅撈檬就令人特別開胃，最驚喜嘅係：有好多菜伴碟呀～唔單止開胃仲好健康，撈埋一齊食就有唔同口感～想大讚佢個蝦餅！唔係一般食到好普遍個種，而係中間有好明顯一粒粒蝦肉架～外面炸到好香口，裡面就熱辣辣，充滿蝦嘅鮮味，仲好鬼彈牙！推薦一定要嗌黎食！仲有另一款小食嗌咗米紙卷，米紙外皮係我鐘意食嘅煙韌版，包住菜同米粉仲有蝦，點埋個酸辣汁係好食嘅，但嗌得太多食唔晒。。。另外朋友嗌咗生牛肉牛筋片湯粉，其實就算普通size對女仔黎講份量都係有點驚人，蔥多洋蔥多不特止，連牛都好多，細食少少都搞唔掂～湯底味道都算合格，

小編今次同大家介紹一間顔值超高嘅越南美食店！~😆-🔸火車頭越南湯河 XL size!很鮮味的湯底❤很濃肉香味 不是味精開粉的那種！裏面有嫩牛肉片 牛丸 牛腩 牛筋 牛栢葉等配料 好正好滿足！XL size足夠二人分享！絕對推介要試的地道湯河！🔸小食拼盤(2人份)拼盤有蝦餅 牛油雞翼 炸春卷 🤤 蝦餅好好食！大推！十分彈牙 仲食到一粒粒蝦肉 真材實料！牛油雞翼大大隻 牛油味好香👍🏻 春卷入面足料 食落唔會油膩 忍唔住食多件🤭🔸牛油果奶昔🥑呢個都係必飲之一吧！好香濃牛油果香 非常creamy好正呀☺ 唔會好膩 恰到好處！必試💛🔸總結: 去開銅鑼灣揾食，又想食湯粉 又一好地方啦！👌🏻

it’s “fuh”, not “pho”. 🍜位於銅鑼灣既Fûhn，主打北美風越南粉。下午茶時段鋪頭唔多人，只有一兩枱客，也只售兩款下午茶餐。$48就可以有一碗粉連小食、飲品，聽落都好抵。🐮牛肉上枱時仲有點點鮮紅色，唔錯，咬落新鮮，但只有三小片，份量少咗d。🍜粉係正宗金邊粉，食落唔散👍🏻🍲至於個湯頭真係唔錯，清得黎夠甜🌿配菜有牙菜、辣椒、青檸很足料但九重塔、鵝蒂等香草真係好謝，感覺上放咗好耐，霉晒🤦🏼‍♀️🥠小食既牛油雞翼有驚喜🍹凍檸茶冇茶味冇檸味 。📍Fûhn (銅鑼灣)銅鑼灣駱克道459-461號The L. Square 1樓#foodblogger #hkfoodie #fûhnhk @fuhnhk #pho#gotravelwithandie #食玩焗煮遊世界

同朋友收工後食個飯 CATCH UP 下, 因為經常放題邊爐, 大家都話悶, 就諗起越菜!呢間餐廳在 L SQUARE, 最初都吾識路, 但原來係甘方便既地點!有些少遠離左繁忙既標置!入到去大部份位都係 SOFA, 好舒適, 而且餐廳都好靜, 我地最後坐左三個鐘都無催我地埋單, 可以盡情聊天!望到 MENU 都好意外銅鑼灣有甘平既價錢, 因為我貪心, 想樣樣試! 最後只叫一碗面, 就可以盡情地叫小食!蝦沙律充滿了蝦, 望到都開心, 色彩賓紛, 每樣材料都好足!豬頸肉超贊, 燒到好香, 又完全吾肥!火車頭既湯底好有肉湯既味道, 餸亦好多款! 有兩個份量, 可選大&加大, 這個是大!這個拼盤是2人, 如果人多D, 可以選個大點既!牛油雞翼略嫌不夠味, 蝦餅好好味, 脹卜卜, 好脆口, 啖啖蝦!

銅鑼灣度度都好多人，又要等位！想揾碗粒食下都要等，見到哩棟野有越南河，上網見到仲可以choose 唔同size.個menu 有好多選擇， 牛肉粉可以有唔同sizeHaha 望上d 佢有碗既size 俾你睇黎哩度食真係要堅要留肚！佢既份量勁大，真係要兩個大男人勁食先食得哂！佢先黎d 牙菜已經超多特色牛湯粉我哋叫咗個XL size 大到成個面盆甘，起碼有成4碗平時食開既份量！ 成碗面都係餸，牛筋，牛丸，生牛肉，牛腩，牛栢葉。我仲加左$20 6塊安格斯生牛肉啖啖面都有餸，好浮誇！D 牛好新鮮，d 牛腩炆到剛剛好，個湯先係重點，佢用牛骨去淆，因為飲左湯，已經飽左3成！炸軟殼蟹米紙卷好fresh,入面好多菜，所以就算炸野都唔係好heavy, 但真係太大份量柚子蝦沙律好多好多柚子呀，又好多好多蝦，佢個底有沙律菜，成左成大碗牛都唔會好濟！牛油果奶昔好重牛油果味，好飽肚，飲完杯野已經飽到上心囗飽到嘔，一人都係200, 係cwb, 好reasonable!

越南牛肉湯河，而家開到成街都係。雖然今日收工聽朋友介紹嚟呢間就唔係街上面。佢位於一個大廈上面，係嗰種一開升降機門就係一間餐廳嗰種大廈。地方唔算闊落但還好都坐得幾舒服，入到去唔算多人，但慢慢都有7-8成滿座。佢提供多款牛肉不同部位及大小不同的粉，如果不食牛有雞或其他選擇。我們點了一個大特色牛肉湯粉，雞絲湯粉，小食拼盤，仲有兩杯牛油果奶昔。佢都有提供幾種醬汁俾你落，但我一般都食原味，唔鐘意加醬。等咗一陣兩個粉先後送到，我們要的是金邊粉。湯粉中個金邊粉竟然有d爽脆，口能唔錯，湯味道很不錯，肉嘅量亦好足，而且真係幾大碗，食一碗就會好飽。跟住有個小食拼盤，最好食個炸蝦球，炸雞翼最唔好食，個粉漿又多又硬。仲有個牛油果奶昔，嘩，全餐最正，第一啖入口其實覺得佢有d青味，但越飲越好味。總括嚟講，雖然價格稍貴，但味道唔錯，尤其推薦牛油果奶昔。

夜晚過左黎causeway bay 食dinner, 七點半黎到，都差唔多坐滿晒，好彩唔洗等位就入得，叫左個小食拼盤（有雞翼，春卷，蝦餅），仲有米卷，超多唔同既越南粉配搭，我就叫左一份生牛肉、牛坑腩，牛腩超冧身，成個粉唔係好貴，但大大份，味道好，佢仲有得揀XL同XXL ， 係二人份量同三人份量。飲品仲叫左個avocado shake, 好好味，超鍾意牛油果既味道。同朋友坐喺度傾左兩個鐘頭計，環境舒適，最後埋單只係一人二百蚊，超值。