Fûhn (The L. Square) (已結業)

約細佬去食下野，要食些飽肚的，覺得越式菜也不錯，於是去了這間。我們每人叫了一碗regular size的越南粉，它有三個size選擇，而最細的size也很大份量，尚算抵食！✨牛肉牛柏業河粉：湯底濃味，河粉吸收了所有湯的味道；牛肉份量算多，肉質嫩薄易入口；牛柏業都很爽口。✨牛肉牛丸河粉：同樣地湯式出色，牛丸有鮮牛肉香味，不錯的。✨特色小食拼盤：一個拼盤滿足了多個願望！😍有幾款小食我特別喜歡，例如牛油雞翼，炸得又香又脆，味道適中；另外，米紙春卷也很好食，外層脆脆的，入面是清新的菜和肉；另外蝦餅也做得好，有鮮蝦味✨椰青：飲埋清甜的椰青，真是大滿足了。

行銅鑼灣成日諗唔到食咩?今次K去左The L. Square搵食😂，成幢大廈裏面有好多餐廳😆比你揀，今次K去左一樓既fuhn食越南菜😍，一打開lift門見到餐廳座位都幾開揚😝湯粉Size分為R,L, XXL，餐廳都show左相應既碗大小出黎😏，歡迎大胃王挑戰食量😌生牛肉.牛丸湯粉 Regular $69本來想點特色牛湯粉(L)，因為有齊好多款牛配料😜，但由於驚食唔到，就單點再加配料啦🤣，加左牛坑腩片 ($12)同牛腩邊($12)，同埋金邊粉做底，屬於K既湯麵配搭完成🤘一黎到望落係個碗大姐😎，我Ok既😌，點知，又要老土講句少年你太年輕了😗，裏面既金邊粉真係食極都仲有咁，而且連埋牛味幾濃又唔油膩既湯底一齊食真係好正😁配料也是滿滿的喔😉，生牛肉浸完熱湯後食落好嫩滑，牛味重但唔蘇；牛丸口感較札實，同樣肉味都幾重；整碗粉完全係愛食牛既人必點啦 素鴨菜包 $88呢款菜式比較少見呢🤔，見menu張相幾靚，又叫下先😍。一開始就咁食左個素鴨沙律先，醬汁咸咸地，又有芝麻味，素鴨切成一條條咁，整體味道唔錯，所以即刻覺得個沙律有d少吖，點夠包吖😣😣，一畢落去生菜度，好似菜包菜咁呀，但又幾好味喎衰鬼～ 牛油果奶

今日心旭旭想試下越南菜式， 就嚟咗銅鑼灣嘅fuhn😋今次叫左一個日本和牛河粉，炭燒豬頸肉同秘製蝦餅， 河粉嘅牛肉特登選用咗日本嘅a4和牛， 質感比普通肥牛好好多， 牛肉嘅脂肪分佈平均， 肉質浸咗湯但係又唔會硬， 仍然keep住林林地咁樣， 河粉嘅水準亦都非常高， 配上牛肉好好食 仲要非常大份😂😂小食叫咗炭燒豬頸肉同埋秘製蝦餅， 炭燒豬頸肉上面有好多脆脆地既炸蒜蓉， 豬頸肉本身亦都燒到好脆但係啲肉又唔會太硬淨， 外脆內軟嘅豬頸肉配上表面都好脆嘅炸蒜蓉😍蝦餅亦都係外脆內林， 有落去啖啖蝦肉但係同時又有脆脆地嘅外皮， 點上甜酸醬好開胃感覺呢間越式餐廳都幾正宗 推介大家尼試😋

#燒豬頸肉撈檬 🐷 ($72) 賣相好colorful😏 豬頸肉係炸過的👍🏻 肉質唔韌👌🏻 另有多種配料可以選擇😎 雞扒、豬扒、雞絲、扎肉🤤 一定有款岩你😏-#越式扎肉串 🍢 ($58) 扎肉串好似串燒咁🍢 食起上黎好方便😎 味道亦有驚喜🥰 扎肉腸好juicy又香口😋 最岩作為餐前小食👌🏻-#特色牛湯粉 🍜 (L: $108) 呢度既湯粉有分唔同size (普通、大或加大)😳 呢碗大已經份量好大😱 一定足夠兩個人食✌🏻 材料都好足👏🏻 有生牛肉、牛坑腩片、手打牛丸、牛筋片、牛腩邊同牛栢業😋 湯底清清地🍜 如果濃啲會更好😏-#扎肉米紙卷 🌮 ($58) 米紙卷好大件👍🏻 但食起上黎會有點論盡🤣 最特別係個醬汁花生醬🥜 食起上黎又幾夾喎🤤

上課前，突然想食碗熱騰騰gei 湯粉，但又想要有辣辣地的味覺。上網見到有篇文章話老闆好有心咁整個湯底，於是便去試試。ugug, 牛肉湯河到了，但我有些失望，因為搵唔到牛肉，又或者咁講，塊牛肉好細，好碎，唔係我平時食開gei 樣 .....不過個湯底是野味gei , 辣辣地，幾開胃。一碗牛肉湯河連加一HKD 75 ....性價比真是一般般.

可以揀XXL嘅越南湯河😋 呢間銅鑼灣新開嘅越南餐廳 其中一個賣點係可以加大湯河 由L XL到XXL 餸就真係好多 反而河粉比例較少 味道幾好唔會食完好口喝 小食拼盤則可跟人頭嗌 咁就唔怕做大嘥鬼啦🤤

發現左一間越南野，零舍好味，好地道。以後行銅鑼灣食野，又多一個地方選擇。環境舒適，窗邊有兩張大卡位。價錢適中，款式選擇繁多，野飲都有N種，有越式特飲，仲有椰青。我地首先點左椰青飲，大大粒椰青，好清甜，出面天氣熱辣辣，飲左兩啖勁解渴，舒服晒！手打蝦餅一定要記得食，實在太好味了，大大塊，十分彈牙，滿滿的蝦膠，薄薄的炸粉，金黃酥脆又口感一流，沾上甜辣醬，超好味。我去到越南餐廳一定會食撈檬，所以點左香茅豬扒撈檬，淋上檬汁之後，酸咪咪fresh 的口感系我的至愛，呢度既香茅豬扒炸得好入味，偏瘦，又系我喜歡的style,脆脆香香的不肥膩！好正！另一份系香茅豬扒飯，加左越式春卷，如果要比較，飯就比撈檬略輸一籌，因為當天朋友想食飯，所以冇機會食粉，下次一定再來食湯粉，見到人地食好吸引。春卷夠酥脆，越式小吃一極棒。越式大蝦米紙卷，清新的口感，豐富的餡料，點上麻醬，回味無窮。

行完sogo開始肚餓, 格黎就係The L. square成棟都係餐廳咁制, 唎間餐廳都係The L. square 入面最近鐘意左食越南粉, 香港亦都越開越多, 淨係銅鑼灣都可能有成10間,好多人話唎間好食所以上黎試下餐廳環境裝修得唔錯menu都係同其他越南粉咁上下, 但比較特別既係湯河有得揀size 我就揀左碗L既生牛肉牛丸湯河 $79湯既味道普通肉OK唔硬牛丸有2粒(半粒x4), 太粉唔彈, 冇牛味

fuhn是一家越式餐廳，喺鵝頸橋隔離，交通方便。店內用色繽紛，空間寬敞，感覺休閒舒適。餐牌就是簡簡單單。餐牌有詳細介紹湯河的份量，還有各種香草的特性，如有需要可向店員索取。青檸七喜 $28又甜又酸，冰涼透心！牛油果奶昔 $48牛油果的甜和奶味取得了很好的平衡，又香又甜，入口超級順滑！小食拼盤 $98春卷十分鬆脆可口！手打蝦餅爽口彈牙！而最正嘅就係越式牛油雞翼，牛油香口，外皮和炸蒜超級香脆惹味，而雞肉仍嫩滑有汁，正！香茅雞扒扎肉撈檬 $78雞扒炸得恰到好處，扎肉爽口，最重要嘅當然係撈檬嘅酸汁，又酸又開胃。燒豬頸肉飯 $68豬頸肉以先炸後燒的方法處理，豬油香口不膩，仲特別脆口！加點特製的甜豉油，更具畫龍點睛之效。

今天早收工，相約同樣早放的好友一起晚餐。入夜天氣微寒，大家決定到此店，平食份量十足的越南湯粉及小食暖暖胃~生牛肉牛腩邊湯粉，湯底透徹清香，寬粗的河粉質感滑溜，掛湯力強，盡索湯汁的牛香蔥香，配搭多塊安格斯牛肉，入口軟嫩，牛味濃郁，牛腩邊鬆軟，帶點膏香，鮮香味美!越式三色飯，份量十足，大大塊的香茅豬扒，外皮酥香，肉汁滿載，香茅味濃; 牛油雞翼，皮脆肉嫩，牛油味特濃; 越式扎肉，厚切彈牙富肉香; 太陽蛋，煎得香口，加上醬油更鹹香味美，配白飯吃一流!越式牛油雞翼，雞皮香脆，乾爽不油，肉質嫩滑多汁，肉香鹹香俱備，尤其牛油香味特濃，非常入味，加上炸蒜調味，香口惹味，令人回味!越式燒豬頸肉，外層香脆酥香，內裡軟嫰爽口，肉汁豐富，加上蔥油及炸蒜，口感豐富，鹹香惹味，配料醃青瓜絲及蘿蔔絲酸甜醒胃，中和油膩感!牛油果奶昔，口感稠滑，清甜淡雅，牛油果與溫順的奶味道合襯，香而不膩，美味可口~生牛肉湯粉、越式三色飯、小食及飲品即叫即做，鮮香味足，尤其牛油雞翼，香口滋味，難怪客人滿多，人氣鼎盛~

銅鑼灣有好多野食揀但係一個人既選擇又唔多 唔想毒食快餐店搵到呢間樓上PHO店，位置都好易搵環境都好好，坐位闊落，店面都乾淨衛生附近番工既朋友可以上來食飯休息下呢到既餐牌好得意，有多種SIZE揀我見到附近有幾位朋友個啲會叫一個超大既for share當然自己就緊係regular夠啦！我叫左個特式雞絲湯河配料有兩粒奄春蛋，1.5粒雞肉丸同雞絲奄春蛋普通無咩特別雞肉丸就標榜係手打既，但食落不算太彈，較粉口感同味道都有少少似扎肉河粉應該都係來貨不是自家製，正正常常但湯底就幾好，雞湯味道好濃整體都OK，平時來HEA下食下野都唔錯

今日接女朋友收工去銅鑼灣食飯，見到The L. square 成棟都係野食，就比Fuhn既招牌吸引左去食首先入面既裝修幾特別，樓頂用木材整到感覺好似架越南船仔甘，晚飯時間好多人依間餐廳的特別之處係越南河粉有得自選size，由Regular去到XXL，食幾多份量由自已控制，我就同女朋友叫左個L share食，另外餐牌都有介紹每一款香草，唔會食完都唔知食左咩落肚$82 生牛肉牛柏葉湯粉，另外加$20追加左 安格斯山牛肉片6塊。河粉湯底清爽不油膩，河粉滑身唔會話斷開好似碎粉甘。$98 小食拼盤有春捲，蝦餅，同蒜香牛油雞翼雞翼好好味，全因咬落去皮脆多汁，淡淡牛油香味， 春捲同蝦餅都係非常爽脆，蝦餅入面好足料，手打蝦肉夠彈牙。$108 椒鹽酥炸軟殼蟹兩隻蟹原隻上，好貼心甘每隻切成6件，方便夾黎點上沙律醬甘食。軟殼蟹椒鹽非常香口惹味$48 牛油果奶昔第一次飲，感覺清新，淡淡牛油果味總結，兩個人埋單連加一$392，係銅鑼灣晚餐食到依個價依個份量係幾抵，推介餐廳既炸物，做得非常香脆出色！

曾經於美國及澳洲一嘗當地人推介的越南粉，發覺外國的越南粉與香港的很不同。首先，份量一定比香港大，至少有香港兩倍以上份量。其次，九層塔芽菜辣椒粒數量多得一隻碟也放不下，上湯的味道顏色亦比香港的清澈，湯粉不會被浸得太濃味。偶然下得知香港亦有類似的北美越南粉，一個人食份量滿滿的一碗應當十分滿足。Fuhn越南粉的份量有正常、大、加大及加加大，看見隔離枱加加大的份量很重量級，猶如一隻湯窩。自問不喜與人分享湯粉，怕夾起湯粉時湯汁四濺，還是一試比正常大一點的大份量算了。未上湯粉前先上配料，香草芽菜辣椒粒青檸樣樣齊，香草除了常見的九層塔及薄荷葉外，尚有較少見的款色。配料如果份量不夠，可以無限添加。柚子鮮蝦沙律柚子沙律伴上切半的鮮蝦，混上不少沙律菜絲，清甜多汁，加上撈檬用的醬汁酸酸甜甜更開胃。特式雞絲湯粉雞絲湯粉通常只得雞絲一種配料，此湯粉尚有鵪鶉蛋及手打雞肉丸，手打雞肉丸軟熟有鮮甜味。湯粉可以選擇河粉或金邊粉，金邊粉幼身爽口，味道較河粉清淡，清清爽爽加上香草的幽香很不錯。特式牛湯粉特式牛湯粉有不少配料，計有生牛肉、牛坑腩片、牛筋片、手打牛丸、牛腩邊及牛柏葉，牛味香濃味道豐富。番茄沙冰本想一試牛油果奶昔

食物一般，外面有更好食也有更難食，都係一餐。先說幾年前去過嘅經驗，銅鑼灣新開嘅時候，唔錯，至少記唔起有什麼不快經歷。上禮拜去佐敦分店，晚飯後時間想跟朋友喝椰青當甜品，去了foodcourt fuhn的櫃位點了三個椰青。後面聽到的職員嘻嘻哈哈，態度不認真，說了跟椰青有關嘅笑話就哈哈大笑。今天去銅鑼灣分店，態度兇惡，D對答完全好似嫌我煩同埋有被怪責嘅感覺。如果戴眼鏡哥哥見到呢個post，頭先唔記得同你講：放心，保證你以後唔會見到我，打擾你食飯。

牛肉牛筋河，碗麵一上菜時真係嚇親我哋！只係揀普通份量都已經大到估唔到，隻碗大過我哋個頭，真係冇誇張～另外仲有芽菜、九層塔、辣椒等等就另上，每個人可以隨自己口味而加多或加少。一開始就試啖湯底，都有牛味，而食完飯後都冇口喝，證明味精都冇乜，呢點對成日喺外面食飯嘅人嚟講真係好重要！牛肉同牛筋份量都多，味道都唔錯，如果再多啲牛味就100分！炸雞翼，我自細鍾意食！每次見到Menu有都必點的。雞翼炸得啱啱好，唔會太乾身，肉質都依然嫩滑，而且都中等size，唔似有啲雞翼細隻到以為係半隻嚟！唯一挑剔嘅可能就多油咗啲，不過食炸嘢都預咗～燒豬頸肉佢唔似好似泰菜咁上一碟，而係一小碗咁，我哋幾個人食極都有，真係唔係講笑，份量完全對得住價錢。味道亦都幾好味，不過稍為硬咗啲，如果可以再爽啲就更好啦！朋友嘅雞湯河，佢評價麻麻，都係食返牛湯河好啲～總括黎講個價錢抵食，份量又大大份，都係一間會再食嘅越南野～