FireBird

營業中

休息中

銅鑼灣一向多好嘢食，對於年年去4、5次日本嘅老友嚟講，成年冇得去旅行實在太痛苦😆今日就來一個日本居酒屋偽旅遊！老友都有食過幾次，話有道地居酒屋感覺。餐廳有吧檯、高臺或者一般座位。如果坐吧臺就可以見到職員即場獻藝~⭐重量級火焰原隻雞腿 $138餐廳全部用上日本產雞肉，今日試試鐵板雞腿。上菜時會即場點火🔥十分eye-catching。旁邊的食客都轉頭觀望，然後他們也點了這道菜😃熄火後職員會幫忙切開雞肉及去骨，方便食用。用上唐辛子辣粉調味，少少辣香口惹味，口感嫩滑多汁。⭐日本產 真鯛刺身 $178白滑肉身上有新鮮的紅色，真鯛口感有彈性，魚油均勻。⭐北海道珍寶帆立貝刺身 $98帆立貝口感柔軟，新鮮鮮甜，點少少 豉油便完美。⭐明太子椰菜燒餅 $68上菜即打卡，賣相100分。一邊是明太子沙律醬，另一邊係大阪燒汁味道濃厚。內涵有好多椰菜，減去醬汁嘅油膩感。⭐厚切牛舌串燒2串 $68個人認為超值的串燒，每一啖都係牛脷心，分量大方，生熟程度剛好。⭐Mango-bar de Mocktail $78原來Mango-bar 是整條芒果雪條😍因為餐牌無相片，幾有驚喜！味道是好fresh 的芒果味，相信喜歡芒果

上次帶阿仔食完好食，今日帶埋阿囡嚟。小朋友食食吓唔太舒服。要求女服務員俾杯水。。。被拒絕，因為公司規定一杯水係先要每人 ordered 咗飲品先可以。。。 今時今日 仲有咁嘅服務 👎🏼👎🏼

次次經過都覺得入去食野飲返杯應該會幾chill，今次Happy Friday就約定咗朋友係銅鑼灣覓食，想起呢間居酒屋就即興去咗食。餐牌選擇好多，花多眼亂就交比無選擇困難嘅朋友幫忙決擇啦！嚟到居酒屋當然必食係串燒，叫咗個FireBird雞肉串燒盛合，必備當然係免治雞肉棒仲配上一顆蛋黃可以蘸。另外仲有唔同嘅雞肉部位及秋葵，可以試到唔同串燒好滿足～更可撒上七味粉更惹味。餐廳其中一個menu有唔同嘅鯛魚食品。今次揀咗釜飯試吓～日本產鯛魚釜飯店員會幫助拌勻釜飯 ，將食材均勻分佈再分埋碗上比我地，好貼心！鯛魚肉唔會鬆散又唔榎口，絲絲魚肉係釜飯中好加分，魚汁滲入飯粒中，加埋三文魚籽嘅鮮味仲美味！唔少得釜飯嘅飯焦，量都唔少，同飯形成對比，咬到脆脆地好過癮。另外見佢有和牛壽喜燒就忍唔住點嚟食，仲用上日本產霜降A4和牛呢！和牛油脂分佈均勻有致，食落腍嫩，油脂感唔會太重。壽喜燒配料都唔少，有豆腐、蔬菜、菇類等，湯底裡仲有啲牛肉粒，好香口㗎！我地仲追加咗一份烏冬，份量幾大，食落好飽肚呢！Cocktail都有幾款，最吸引我就係Strawberry Yakult Cocktail，好似塔嘅形狀，慢慢飲見佢慢慢降低

來到銅鑼灣食晚餐，餐廳環境好適合飲杯酒。叫左2人套餐。叫咗杯Tiffany Sour ， 材料有益力多，日本清酒，菠蘿汁同埋藍色的liqueur，味道酸酸甜甜，酒味濃度低。再叫左杯Pineapple Lover，材料有清酒，菠蘿汁，檸檬汁同埋菠蘿 。賣相很吸引。豆腐牛舌煮先上前菜，碗上面舖滿牛舌，下面就係豆腐，牛舌味道濃。海膽刺身和帆立貝刺身很新鮮，特別係海膽刺身。重量級火焰原隻雞脾侍應係你面前表演火焰燒雞髀，等到火停了，侍應會在你面前切雞髀。名副其實的firebird，雞脾肉燒到岩岩好，肉汁鮮嫩，而調味料則用了七味粉和少少辣粉，有少少辣，令味道更香更可口。日本產季節壽司盛合有帆立貝，油甘魚同埋鯛魚壽司🍣特別鯛魚壽司，很新鮮，很驚喜。草莓🍓大福食完正餐後就食個甜品。紅豆蓉包着草莓甜度適中，很好味。

今晚和太太來到銅鑼灣邊寧頓街一間居酒屋（FireBird）晚膳。此店地方不算大，但佈置時尚，一反傳統的裝潢，滲入西式風格。侍應殷勤招待，並介紹餐牌各類美食。先來生啤一杯，冰凍怡神，大熱天時，十分爽意。太太揀選了一杯（Pineapple Lover)，混合了清酒、菠蘿汁和檸檬汁，酸酸甜甜，清涼醒胃。前菜是牛舌豆腐煮 - 牛舌炆得軟腍入味，配以香滑豆腐，十分滋味。五切真鯛刺身 - 晶瑩剔透，肉質清晰可見，油脂分布均勻，入口鮮甜甘香。中拖羅刺身 - 顏色粉紅，恰到好處的魚油脂，油潤軟滑，入口即化。甲羅燒 - 蟹膏上面加了蟹肉，蔥粒和魚子，在烤爐上烤至金黃色，香氣撲鼻，令人垂涎欲滴，配以球狀形精緻的魚子壽司，賣相美觀，十分和味。火焰雞腿 - 此店的招牌菜，新鮮嫩滑的雞腿烤好後，上檯時再以火焰燒了片刻，雞腿略帶微辣，入口外脆內軟，不愧為招牌菜。

偶然經過銅鑼灣渣甸坊的小街角落， 看見這間地鋪 FireBird 的居酒屋， 好想去試吓佢哋嘅雞料理。今晚終於有機會和屋企人來晚餐。餐廳唔算好大，不過好有居酒屋氣氛，不時播放 70,80年代嘅外國經典流行曲～本產季節壽司盛合$178（帆立貝,油甘魚,鲷魚）油甘魚味道清香， 長長的覆蓋著手握壽司飯。肉質柔軟，富魚香。帆立貝壽司也是超爽甜！鯛魚肉質口感柔嫩， 入口帶甜。Lychee Frozen $68顏色相當夢幻， 味道也是透心涼，適合炎炎夏日！Strawberry Smoothie $68因為不斷聽到榨汁機嘅聲音， 草莓沙冰自不然係 即叫即榨。 草莓味天然 ，仲好清甜， 而且打得幼滑， 女士必定喜歡～明太子玉子燒$48明太子和玉子燒熱食都係非常夾， 熱湯另兩者味道好溫暖 又辣辣地～ 特別刺激胃口。雞皮串燒$18雞串燒盛合$138雞肉是日本產地直送， 當然唔可以唔叫。燒雞皮是不能抗拒， 入口又脆又香口 ，一點雞皮的油膩感也沒有。自家製免治雞肉棒， 加入少許雞軟骨 增加口感， 唔會得免治肉咁單調，再蘸上日本雞蛋～ 配合自家製燒汁又滑又香。是日沒有雞尾串燒， 以雞胸肉取代。 雖則如此雞胸肉一

性價比低嘅銅鑼灣居酒屋🥲成日經過銅鑼灣都會比呢間居酒屋吸引到 佢既裝修真係好有去左日本既感覺 點知食完之後發覺佢只係得個樣🥲🥲.🎈軟殼蟹牛油果卷 ($128)諗住叫大路野實冇死 點知錯哂 落單五分鐘就上菜已經心知不妙 肯定係一早整定 果然同預期一樣 軟殻蟹勁淋 好似紙皮咁 牛油果太薄 冇乜存在感 完全對唔住價位🥲評分: 4/10.🎈Firebird雞肉串燒盛合 ($138) 4/10冠埋鋪頭名諗住實係好野 點知質素真係麻麻🥺一份有五串串燒 本身其中一串應該係其他但因為缺貨所以俾咗兩串雞胸👉雞胸可能係因為部位嘅問題肉質比較鞋同乾 而且食落冇咩調味🥲非常之不推薦評分: 3/10👉雞髀肉 相對雞胸好少少 肉質OK但就略嫌燒得唔夠香脆評分: 5/10👉雞肉棒唯一比較好既係佢 仲有一隻蛋黃比你點住食調味夠有醬香味 不過肉質太鬆散 中間部分好似食緊室空氣咁 頭尾端就味道OK評分: 7/10👉秋葵 都算有調味過 味道不過不失不過可能份量再多少少會好啲😂評分: 5/10.🎈蟹味噌甲羅燒 ($78)1 set已經跟三粒壽司飯同紫菜 不過紫菜就淋嘅蟹羔味都算出眾 加埋蟹子同其他配料都食到有鮮味 比較欣賞嘅

係OpenRice 訂左位，送前菜拼盤都唔錯，但係位置坐得有d逼，因為本身d枱放得太近，真係肥d都坐唔落，又會聽到隔離枱講野，反而坐近門口會好d。食物方面質素幾好，唯一唔推介係茶漬飯，份量好少又奇怪，個飯好硬，好似紅米飯咁，同出面食既好唔同，自己唔鍾意食，其他食物例如玉子燒、壽司個d同好好食。不過個日我帶老人家黎食，佢地就唔太鍾意呢d新式野😂呢間餐廳適合年輕人多d

蟹味噌甲羅燒食磯燒必點的日本名物，蟹蓋裡滿滿的蟹膏，調製過的蟹膏鮮香而且鹹香味突出，大愛! .火山熔岩鮭魚卷 將壽司擺設成火山爆發過後的熔岩噴泉一樣，鍾意打卡就必點!!比起一般的鮭魚卷更有特色的地方係，外層經過炸，所以口感酥脆，而內裡的鮭魚卷依然保留軟綿，而且用上特調的醬汁帶點微嗆辣，整體味道層次豐富。 .FireBird雞肉串燒盛合多款串燒之中最喜歡自家製的免治雞肉棒，以本地新鮮雞髀肉加入雞軟骨和蔥粒的制法，食起來更有口感同層次。用上日本產雞蛋，由蛋黃的色澤已可得知雞蛋的濃稠度，同雞肉棒配搭起來味道平衡得很好。雞肉串的肉質嫩滑，灑上七味粉更惹味。用黑啤配串燒真係一大享受！ 日本產霜降A4和牛壽喜燒，加配日本雞蛋及白飯A4和牛油脂特別豐富，油花分佈均勻，入口即溶。令我更為驚喜的係配菜的牛舌粒肉，肉味好香濃，重口味人士大愛。蔬菜和豆腐用壽喜燒醬汁及清酒慢煮一陣之後好入味，用黎送飯一流。

再一次踏足銅鑼灣，這一次在希慎廣場逛街後，在附近找餐廳食物，在邊寧頓街看到這家酒吧餐廳，便被她的玻璃門面吸引進去位置：在糖街旁天橋對面馬路的邊寧頓街隆堡柏寧頓酒店地下，附近就有電車及不少巴士站，而港鐵銅鑼灣站F1出口步行只需3分鐘，地點便利環境：門面的玻璃窗及磚牆裝潢令餐廳感覺高尚，餐廳內是傅統的酒吧格局，但會比一般酒吧光猛，一看就知道是喝酒談天的好地方服務：餐廳門口有消毒酒精噴霧，侍應安排入座後會遞上濕紙巾下單上菜速度適中，不過較奇怪是壽喜燒竟是最後上菜食物：餐廳主打日式料理，同時提供燒雞及串燒等佐酒菜，除了酒外，還有提供一些無酒精飲品如沙冰等FireBird三代目軟殼蟹沙律 $138看到沙律用上餐廳名義，還是第三代改良版本，當然要試試。沙律用上軟殼蟹、包心菜、三色椒、蟹籽、青瓜、車厘茄、芝士粒及芝士碎，配上香味十足的胡麻醬軟殼蟹脆口而不覺油膩，蔬菜很新鮮，用上較少的三色椒，最令人欣賞的是加入芝士粒及蟹籽，成功增加了更豐富的味道及口感日本產霜降A4和牛壽喜燒 $278壽喜燒鍋內裝上滿滿的椰菜、大蔥、秀珍菇、豆腐及牛肉等，本身已很鮮甜同時附上品質很高的霜降和牛，油花平均肉質鮮嫩，鮮甜易

店舖面積不大，以高枱高椅設計，開放式廚房可以見到廚師烹煮餐牌選擇十分豐富，壽司、刺身、串燒、煮物、主食應有盡有，亦有不同的酒類提供，仲有時令鯛魚刺身！Suntory Premium Malt Regular 冰凍可口，7點前仲可以享有Happy Hour優惠同桌點了Whisky Highball，跟刺身串燒是最佳配搭！點了一份刺身3點盛合，有帶子、海膽及油甘魚，五大片厚切油甘魚刺身，每片厚薄適中，油脂分佈均勻！海膽完全沒有臭味，味道甘甜！雞肉串燒盛合有5款串燒，特別喜歡自製免治雞肉棒，口感鬆軟，沾上鮮蛋黃後，不油不膩，肉質鮮嫩。鹽燒雞翼亦同樣出色，外皮香脆，加點七味粉更惹味，不錯。九州和牛讚岐烏冬，一啖入口即溶，牛味濃郁不油膩，層次豐富。銅鑼灣日本餐廳動則都埋單過千，Firebird價錢相對真係貼地很多，味道又不錯，絕對推薦！

滿心期待晚餐，太多野食都好吸引，lunch無食留肚，點知⋯⋯贈送前菜係最好食😓 柚子醃蘿蔔+芝麻醬三文魚燒A4和牛- 都可以，未到入口即溶，但都較冧身，牛味不算太重呃like 即磅拖羅- 真係一分錢，一分貨🙃 多筋，少”un”，不過呢個價錢，我無要求入口即溶牛肉壽喜燒 - 簡直離哂譜！ d牛從冰櫃拎出！d冰都未溶！完全夾唔開！最後連冰放入鍋！咁樣又點會食到牛味！所以又係”un”⋯⋯菇得5小條⋯⋯呢個鍋成3百幾，但個質素仲差過吉x家！因為係拍拖紀念日去，見到食評都有讚無彈，滿懷希望去，期待左幾日⋯⋯平時都會影相打卡share，但係差到0意欲影相！一次都比多佢！

壽起司（牛肉火鍋）又鹹又甜。。。原本湯底係好甜。。煮耐左又超鹹。。問佢地攞杯水或茶又話無。一定要order 店內飲品。同枱四人一定要全部人各order 一杯飲品才可以提供清水服務，否則不能提供。呢D唔知係咩銷售手法。其實一杯野先38元不會很貴。但强迫同枱全部人都要order 飲品先比水就好怪。唔會再去。人均500，食物一般，天富羅蝦唔係好新鮮，粉醬多又厚又好油。達唔到天富羅嘅水凖。shop manager 服務態度差。

媽媽生日，我帶了她到這居酒屋食好東西慶祝下。當日餐廳都有八成滿，平日來說，算幾好生意。環境都幾有氣氛，很不錯。特上手握壽司盛盒 $298有吞拿魚，油甘魚，三文魚，牡丹蝦，海膽，魚子，帶子，鰻魚壽司和玉子。壽司上嘅魚生雖不算厚切，但勝在夠長和鮮甜，鰻魚長度最誇張，長過隻碟最愛牡丹蝦和海膽壽司，蝦肉晶凝啖啖肉，海膽甘香creamy,Firebird 雞肉串燒盛盒 $138來到Firebird, 一定要試一試招牌菜。餐牌話雞肉來自日本，肉質軟腍，最愛免治雞肉棒，加入了脆骨，口感豐富，沾上新鮮蛋黃，很滑很鮮。日本和牛讚歧烏冬 $118火炙過的牛肉帶有微微焦香，牛肉肉質軟嫩，牛味濃，個湯甜甜地，咸度適中，加上煙韌彈牙的烏冬，吸收了湯汁，蟹味噌甲羅燒 $78蟹膏甘香鮮甜，和圓型小壽司一齊食，剛好中和蟹膏咸鮮味，不錯。每粒壽司都有少許蟹子，增加口感。一絲絲的蟹肉，自家製有機蕃薯雪糕 $58冰凍雪糕，濃濃的蕃薯味，好似食緊蕃薯咁，又唔太甜，好fresh ar☺️士多啤梨smoothie $68以新鮮士多啤梨製成，感覺清新解膩。媽媽吃得非常滿足呢！

今天二人在一個主題公園玩了一整天，之後去銅纙灣享用日式晚餐。這家居酒屋氣氛輕鬆，食品飲品款式多，很適合和朋友風花雪月。先來一杯Mocktail，Strawberry Smoothie 68元，賣相突出，士多啤梨味沙冰很冰涼，內有果肉粒，味道甜。明太子伴玉子燒48元，明太子帶咸味，蘿蔔蓉鮮甜，厚厚的玉子燒蛋味香，湯底味濃。FireBird三代目軟殼蟹沙律138元，軟殼蟹脆且帶咸味，蔬菜鮮甜，配上芝士粒、雞蛋粒和芝麻沙律醬一起吃，味道層次豐富。FireBird雞肉串燒盛合138元，雞胸肉燒得一點也不乾柴，雞腿外層香脆內層多汁嫩滑，免治雞肉棒含有雞軟骨碎，沾少少澆汁和蛋黃汁吃，很滋味。日本產霜降A4和牛壽喜燒278元，六片A4和牛油花分佈均勻，入口即溶，牛味香濃，火鍋內有很多配菜，牛舌粒肉軟，大葱清甜，本菇爽口，豆腐滑，其他蔬菜新鮮。FB自家製有機蕃薯雪糕58元，雪糕混入蕃薯蓉，蕃薯味濃，口感特別。原打算追加真鯛壽司兩件78元，抵食，但最終因吃不下而沒有追加。總結：氣氛輕鬆，食品飲品款式多，美味。