FireBird

營業中

休息中

今日放假行街，突然想食魚生同天婦羅，就諗住睇下附近有咩好食，揾揾下就發現呢間日本餐廳。因為我地試住食下午茶，食少少就再行街，所以淨係叫咗兩個主食加一個小食。明太子伴玉子燒首先係明太子伴玉子燒，平時食開既玉子燒熱辣辣，即燒即食，今次呢個明太子伴玉子燒反而係凍食，凍食既情況下竟然更帶出明太子既鮮味，而玉子燒就係軟棉棉既口感。橫切本金槍魚三色刺身跟住就係今日既主角，三色TUNA.....三色TUNA分為赤身、中TUNA同大TUNA，我地就由赤身開始食起，赤身質感較實，而且根比較多，而中TUNA脂肪比例較多，肉身相對較淋，最後就到大TUNA，大TUNA有豐富既油脂感，而且無根，入口即溶，食後油脂仍佈滿口腔。TUNA魚皮可以製作天婦羅，天婦羅乾身而不會太油。珍寶海老天婦羅盛合有驚喜既天婦羅盛， 可能係即炸既關係，等候時間比較耐，茄子油而不腻，海老肉質彈牙，但可以再新鮮啲。

我和同事放工後經過這間地舖，感覺環境唔錯，就被吸引入去！Special Drink & Seafood Set ($198) 包括了豆腐牛舌煮 、本金槍魚中拖羅刺身和一杯飲品豆腐新鮮軟滑，牛舌當然也好味！中拖羅好夠肥美，魚油香味滿溢。Pineapple Lover - 外貌同名字也一樣靚，鐘意菠蘿的朋友一定會喜歡，略嫌冰多了少少，沖淡了味道。櫻綠茶（$38）朋友不大喜歡凍飲品，要了熱的櫻綠茶，她説也不錯！Firebird 鷄肉串燒盛合（$138）有五串不同的串燒，讓你可以嘗試鷄不同的部位，其中一串是秋葵，可以中和油膩感！最喜歡是鷄肉棒，混合埋蛋黃，更香更滑，建議其他串燒灑上七味粉，更能帶出香味！厚切牛舌串燒（2串）（$68）同事笑我是牛舌痴，厚切牛舌啱曬我口味！😋日本產霜降A4和牛壽喜燒（$278）今晚的主角，和件油脂分佈均勻，入口頓覺滿口油香，最驚喜又有我的至愛-牛舌，雖然不是厚切而是細粒狀，我也心滿意足！💕FB 自家製草苺大福（$38）雖然嚷着減肥，但仍敵不過甜品的誘惑，福餅質感煙韌又不太甜，好有滿足感！後來發現現在日本產真鯛是時令，有剌身、釜飯等，但已經再沒有空位去嘗試了，

週末度銅鑼灣消費完之後，同閨蜜去間人氣居酒屋食餐好嘅，FireBird 我是第二次來了，感覺這裏的食客年輕有質素，整體用餐氣氛比較 chill !店長細心推介必叫 雞肉串燒盛合 或 重量級火焰原隻雞腿，還有 吧枱見到這裏很獨特的 真鯛刺生，是這裏的招牌菜，金槍魚刺身賣相就像到了日本魚市場，吃幾多就叫幾多，望落都好新鮮，冇記錯應該係 $1.5g 去切，師傅會先給食客即場睇 重量，然後即叫即切上檯，今次閨蜜唔食魚生，下次同老公試吓先！Strawberry Yakult Cocktail坐低先要一杯特飲 Cocktail 🍹 充滿新鮮士多啤梨的香味，酸酸甜甜，又有益力多的鮮甜，清酒的微微酒香，入口清新而且充滿果香。外型超靚好有特色，影相打卡一流，女生一定會喜歡！FireBird 名物 重量級火焰原隻雞腿 $138重點推介 special grill ，重量級火焰原隻雞腿，店家採用日本產雞肉，食物安全很重要，可以安心食用。上檯時會淋上清酒然後點火，熊熊烈火製造出🔥火焰效果之餘，唐辛子辣粉的微辣味道，雞皮更香口惹味，侍應細心代勞剪開啖啖肉，口感特別嫩滑，肉質較腍多汁！火山熔岩鮭魚卷 $98這裏

今天工作麻煩的事特別多，令我心情有啲煩燥，火氣都幾大。晚上就和媽媽去食飯發洩一下情緒。阿媽把嘴咁刁，就帶她去食鯛魚啦！媽媽心大心細，指下這個，指下那個，平時她也沒有那麼大食......<日本雞肉&野菜天婦羅盛盒>雞肉炸得像麥樂雞，雞肉雖瘦，但肉質很嫩滑，有淡淡的肉香。脆漿夠薄，冇油膩感，如果將炸茄子、紅椒和雞肉點醬食會令食物更加香，唯獨是日本春菜就唔可以，因為單吃炸春菜已經好夠味。<日本產鯛魚刺身>鯛魚呈白色，魚鱗銀白色，魚肉肥厚。<重量級火焰原隻雞腿>看到這個人已經有啲火(熱)了! 再吃一件雞腿，雞肉有點辣，整個人更加火了! 但夾着椰菜一起食，便減輕了辣味。有時候燒過的雞肉放久了，雞肉會變得鞋口，乾柴。但這個火焰雞腿，肉質仍然嫩滑，十分難得！<日本產鯛魚釜飯>看着店員將所有魚肉”中”碎，最後加入魚子和紫菜，魚肉保留了鮮味和有少許水份，沒有乾爭爭，飯裏夾着少許飯焦，令飯更香口。<Lava Flow>士多啤梨加菠蘿沙冰，啖啖都飲到果香味。離開餐廳時，媽媽説都食得幾飽下，我望著她沒有火了，反而笑了！

放寬至四人限聚，與幾個同事在Firebird相聚。喜歡這裡是因為除了食物好吃之外，員工都很有禮貌，而且氣氛很好。FireBird雞肉串盒 $138自家制免治雞肉棒配鮮蛋黃：免治雞肉棒蘸了濃香的蛋漿，每一口都是香滑軟嫩的。雞肉串：皮香肉滑，滋味！燒胸串：肉質不會粗糙，有雞香。燒雞皮串：雞皮烤至外脆內香，雞油的香氣在口腔內徘徊，贊！燒秋葵：秋葵幼嫩，沒有渣，有生津的效果。日本產霜降A四和牛壽喜燒 $278配日本雞蛋及白飯$26 和牛壽喜燒充滿驚喜！牛肉質素高，份量亦不少，牛肉的牛味香濃，肉質很滑，再沾上雞蛋真的令人再三回味。而且整個鍋很足料，幾個人分享也會覺得很滿足。加配蛋味濃濃的日本雞蛋和香甜軟糯的白飯，絕對是完美配搭。日本產刺身三點盛盒 $388 帆立貝刺身：很新鮮，沒有一點腥味，吃罷盡是滿足感。油甘魚刺身：屬正常檔次，厚度適中。海膽刺身：用紫菜包住一拼食，口感豐富，海膽味道鮮甜，在口中溶化，令人相當回味。荔枝沙冰 $68沙冰內有一粒荔枝肉，以檸檬汁及荔枝糖漿調制，味道清新，不會過甜。見推出了春季限定的鯛魚刺身、壽司和釜飯，頗吸引的，可惜已飽飽，下次午餐要再來一試！😍

戀愛沒早知也懶知以後 和誰談天說地 為著不敢不愛 我仍勇於浪費心機 從開始你的背影沒有迫我 親近你 離開也沒法後悔忽略別人 但選擇你 這要是劫數 也決不退避 真敬佩自己 期望得到一個人 不管失去運氣有些選擇並沒有後悔有些選擇並沒有如果也有些選擇並沒有退路Firebird 之前也吃過，今日翻啅就是因為忘不了也夜的美食，每種食物也時必點的菜式，但不怕選不了，有些set 也滿足了你所想。今次點了和牛壽喜燒，和牛海膽壽司，雞肉盛盒，燒牛舌。和牛海膽壽司海膽呈橘黃色澤，豐腴味道回甘配上嫩滑和牛，口感多層次。和牛壽喜燒有些特別的是湯中有些牛肉粒，比平常的多了一種驚喜，另外豆腐嫩口，皇帝菜清甜，和牛涮過5下便可以食用，色澤粉嫩，大概5分熟便可以食用。份量大概有8塊，也足2人食用，我們也加了烏冬，可以更飽肚。雞肉串燒盛有雞軟骨，雞肉，秋葵，免治雞肉軟骨串。免治雞肉軟骨串燒過後也能鎖緊肉汁，外脆內嫩，肉質不會乾柴，蛋汁能和醬汁融合。燒牛舌牛舌是DD 必點的一道菜，燒過至微焦，口感彈牙有嚼感，配上醬汁更惹味。

食物質素真係好普通，食一啖已經唔想食第二啖。點解會有甘多正面食評？雞肉醃得好咸，軟殼蟹壽司卷切得太幼，一夾就散只係杯啤酒係正常。點樣可以係銅鑼灣立足？甘既價錢我唔會預計有甘既質素。

嘢食味道偏鹹，整體來講唔OK。荔枝特飲又好甜。。埋單食左仟幾蚊。。超唔值！。。。。一定不會再有下次。。。。最多俾30分。。。。服務態度也非常一般，都落錯單！！！

諗住餐廳出名金槍魚刺身但驚兩個人食唔晒嗰個逐gram計嘅portion，專登叫個貴d嘅set lunch試吓。點知d魚多筋到，又多有韌，咬都咬唔斷。仲要個芯凍都實，完全冇魚味。$268 咁嘅質素，真係唔洗試！

每次想吃日本料理， Firebird都係第一個在腦海出現的名字，今晚又再來到了。日本產霜降A4和牛$278，鍋裏有豆腐、烏冬、靈芝菇、紅蘿蔔、大蔥、牛舌和津白。壽喜燒的鍋底帶點甜味。而日本產霜降A4和牛的脂肪均勻，看上去如同大理石一樣，肉質鮮嫩可口，在這個天氣吃火鍋，感覺很和暖。盛滿廣島蠔伴烏冬鍋$198，內有靈芝菇、豆腐、烏冬、津白和大蔥，廣島蠔比起很多地方的蠔，味道都會濃郁一點，只需等到湯底滾起之後做分鐘，便可以吃到味道甜美的廣島蠔了。值得一題的是：烏冬不可以滾太久，所以湯頭滾起，便要撈起FireBird燒鳥盛盒$138，七里香串、雞腿肉、雞胸肉、秋葵和自家製免治雞肉棒配鮮蛋黃。所有串燒都燒得火候適中，原來七里香串是雞的屁股，不過沒有一點羶味，吃落都不會覺得任何問題。 Suntory the premium malt’s $88，約700ml，冰凍啤酒，大有濃厚的麥味，是日本料理的最佳選擇。

今年聖誕節周圍都缺少了節日氣氛，疫情之下，好多餐廳都沒有特別佈置！我這次挑選的餐廳佈置超有心思，好有聖誕氣氛，入到餐廳坐低之後，更加聽到英文聖誕歌，感覺好好輕鬆！好適合下班之後和朋友吹水聊天，分享美食！這裏有招牌菜金槍魚刺身，好似日本市場一樣，想吃幾多就叫幾多！睇落都好新鮮！下次試吓先！飲品都好有特色，我點了一杯mocktail——Lychee Frozen好靚的顏色，漸變的藍色和白色，女生一定會喜歡！好香的荔枝味，酸酸甜甜！還有一粒荔枝肉！本身好鍾意食蠔，點了盛滿廣島蠔伴烏冬，真的沒有叫錯，來到的時候覺得非常震驚！這個鍋性價比超高，目測有不只10隻廣島蠔，絕對可以滿足我們這班蠔控！還有本菇，豆腐等配料！加了辛辣味噌做調味，想不到和蠔那麼配合，蠔好甜，又飽滿，越食越開胃！冬天食好滿足！特上手握壽司盛盒壽司好精美，網絡已經覺得材料好新鮮！有超長的鰻魚，三文魚腩，拖羅，帶子，海膽，三文魚子，牡丹蝦，甜蛋。啖啖鰻魚好滿足，最喜歡牡丹蝦，又爽又彈牙，牡丹蝦頭充滿蝦膏，好甜！拖羅和三文魚腩都好肥美！雞肉串燒盛盒這個也很推薦，有五串不同的串燒，燒雞胸肉都意想不到的嫩滑，雞肉好多汁，燒得好香！職員拿

見仲有兩日變二人限聚，放工就即刻嚟咗呢一度食餐好嘢先。叫咗Pineapple Lover 係Sake 配上菠蘿同檸檬汁，飲落去好refreshing，好開胃，好適合做餐前酒，仲有好多果肉添！另外叫咗杯士多啤梨益力多cocktail，賣相一流唔會太甜 沙冰擺到好高好滿，好襟飲。汁煮牛舌 - 炆到好淋，有豆腐係底，作為前菜都ok。明太子玉子燒 - 雞蛋好綿密，配上鹹鮮嘅明太子，加埋昆布堅魚湯底，好食。炸軟殼蟹 - 都算好大隻，仲有蟹膏。旁邊嘅炸秋葵，一啲都唔老又夠大隻。和牛Sukiyaki - 牛肉雖然得6 塊，但好新鮮，牛脂分佈都還可以，好濃牛味。火焰雞腿 - 先唔講味道住，一上枱，淋上vodka 再點火，正！味道當然啦，燒完更加香，雞腿肉唔會太柴，厚肉，簡直又好睇又好食。蟹味噌甲羅燒 - 濃濃既蟹膏味，仲有啲蟹肉配埋飯同香脆既紫菜，好味道！啲到又睇得又食得，值得同朋友嚟邊食邊吹水。

早排相約朋友來到銅鑼灣食個晚飯聚聚，友人要食日本菜我又想食啲特色啲嘅，就揀了這間新派一啲嘅居酒屋餐廳環境都很舒適又夠氣氛，當然先點啲酒飲下，呢杯cocktail 係士多啤梨乳酸，入飲落好清新士多啤梨味，仲有sake底，微微清酒香，朋友就點了生啤金槍魚刺身基本上必叫，份量大約240g以$1.5g去計，侍應會先給客人即場睇磅數，之後就會橫切上檯先由淺色赤身食到深色大拖羅，整塊金槍魚真係不得了，魚油甘香，魚油脂分佈平均，食到大拖羅部分簡直入口即溶魚油爆發而魚皮可攞去炸，香口脆身送酒一流另一款都要重點推介係重量級火焰原隻雞腿，仲用咗日本產元氣雞，特別嫩滑多汁上檯時會倒上清酒再點火，做成火焰效果之餘仲令雞更惹味之後再由侍應代勞剪件，淡淡肉又夠香口又惹味另外呢到嘅串燒都唔錯，唔想諗就直接叫個燒鳥盛合，有長蔥雞肉、雞胸、明太子免治雞肉棒等，串燒燒到恰到好處，食落肉汁豐富而雞肉棒配日本蛋真係好正

上星期同好耐冇約嘅朋友嚟咗呢度食飯之前有食過都好滿意呢度嘅食物質素同朋友一人嗌咗一杯梅酒，高身個杯加埋香檳味道唔錯燒牛舌次次都會點好厚身又爽嫩，口感一流調味啱啱好唔會過咸，好食另外仲跟個辣味噌醬，幾特別燒原塊雞扒好大塊厚肉生熟程度啱啱好，加上用嫩雞所以d肉夠嫩又多肉汁上面撒咗d唐辛子辣粉，少少辣食落味道更加豐富另外作為港女，打卡都一流廣島蠔火鍋d蠔三個字「嫩，鮮，甜」日本廣島蠔出名又甜又嫩滑，加上佢用新鮮貨熟咗都冇點縮到水，正！底下仲有d烏冬，索曬d湯汁好好食椰菜芝士燒餅一邊係明太子沙律醬，一邊係大阪燒汁鐘意食大阪風味同重口惹味嘅人一定勁鐘意我就係其中一個火山鮭魚卷作為明太子沙律愛好者，呢個又係必點明太子嘅咸香加埋甜甜地嘅沙律醬真係絕配四個字：惹味可口！

自疫情關係已冇食日本嘢很久；今晚與老公撐枱腳為我慶祝生日，當然要好好地享受一番啦！唔講唔知原來佢在銅鑼灣邊寧頓街一間日式居酒屋己訂了位，想給我驚喜喎🤪！餐廳環境唔錯，燈火微暗頗有情調。見到餐牌推介本鮪金槍魚刺生，每磅只售$1.5超抵；本來好想食，但老公不太喜好固放棄。最後就由老公發版點菜。Firebird 火焰海鮮燒盛盒  $238有蟹味噌甲羅燒、珍寶帶子和黑椒大虎蝦，服務員在海鮮上面灑酒，再用火燃燒；卽時火光熊熊，甚為矚目。全部肉質鮮甜多汁，再加上在客人面前以火炙後更能提升其惹味和食慾感。珍寶海老天婦羅盛盒 $158天婦羅卽叫卽炸，上檯時熱辣辣香噴噴。海蝦大隻夠彈口，最重要是炸醬很薄非常鬆脆。Firebird 雞肉串燒盛盒  $138有雞胸串、 長蔥雞肉串、 雞皮串和自家製雞肉棒 四欵等，皆已調味固不需再加任何醬汁也好好味；亦有口感。最特別的是自家製明太子免治雞肉棒，肉質軟熟 ；點上蛋漿更覺嫩滑。牛油果加州卷  $88一件件壽司外表放滿很多蟹籽咬落脆卜卜的感覺係我至愛。而面上的牛油果軟綿綿，顏色青綠很新鮮。Mixed Fruit Tea   $58水果茶可隨意揀選甜度。大大杯載滿不同