Espuma (H8) (已易手) 新餐廳

難得平日有假放，同朋友仔去尖沙咀行下街先。作戰前緊係要醫飽個肚先，去左呢間夜晚爆場到不得了既餐廳，一直都好想試，lunch time都好順利就有位呀！焦糖單骨雞翼上台好有光澤，焦糖好均勻咁佈滿雞翼，單骨食起上黎更加方便，女仔呀，要時刻都顧住儀態，哈哈。雞翼焦糖味幾突出，但又唔會太甜太漏，份量岩岩好。西班牙黑毛豬火腿薯蓉個擺盤好靚呀，六粒薯蓉波波，中間放左D蔬菜，中和下油膩既感覺。薯蓉即炸，外層脆卜卜，入面係軟綿綿既薯蓉，上面吉住一塊黑毛豬火腿，入口唔會成口油。黑松露醬炒鮮雜菌寬條麵呢個非常推介，黑松露醬非常香濃，上面仲鋪滿芝士同香草，一D都唔吝嗇，撈埋一齊好惹味。而且寬條麵掛汁力強，每條都有滿滿的黑松露醬，好滿足。朱古力樂家冰沙一座冰山咁樣，賣相討好，仲真係有粒樂家係到架。呢杯朱古力冰沙，味道挺濃郁的，而且中間仲有好多碎冰，夏天消暑一流。見到lunch set都幾多款，而且價錢係尖沙咀黎講絕對唔貴，值得試試！加上環境舒服整潔，見到佢出左個tea set，下次就食呢個啦！

慶祝朋友生日的一頓飯，由訂位至用餐本來都尚算稱心滿意，但卻因為一位男侍應惡劣服務態度而換來一肚火氣。首先，我其中一位友人用膳途中不慎弄跌餐具，經過的侍應並無留意，於是我朋友自行取用隔鄰空桌上的一隻匙羹。該男侍應見狀直斥我朋友：「有人坐架嘛！」然而，事實上該桌根本沒有食客。小事一樁大可作罷，無損享用生日晚餐的雅興，豈料該男侍應最後來一反高潮，惹怒席上每一人。話說我們自㩗一生日蛋糕，一位女侍應指會向我們每人收取十元切餅費，席上五人都同意安排，並交由女侍應切餅。付款時，由最切斥責過我們的男侍應送上帳單，我們發現切餅費一欄收費六十元，與按人頭計算的五十元有出入，朋友有禮地詢問原因，該男侍應回答道：「今日公司新規矩，切餅費最少六十！」我們馬上點出曾有女侍應表示切餅費乃按人頭計算，一人十元。最令人憤怒的一刻來了，男侍應以輕蔑的語氣說：「即係五十蚊你就俾，六十就唔俾，你地都幾好笑架喎！生日唔係為開心咩？」這種無理的冷嘲熱諷，即使餐廳的食物美味只應天上有，客人都不會敢來嚐第二趟！十元是錢，一元都是錢，打開門做生意，客人不是任由宰割的傻瓜。在淨飲加一都要在餐牌列明的世代，這樣明目張膽濫收費用，實在太不靠

約5年前曾到訪巴塞隆納，嘗過當地的paella 海鮮燉飯後便一食上癮，一直都非常懷念！朋友介紹Espuma 的西班牙海鮮飯很美味，所以和男朋友一早訂定位希望能回味一番！Espuma 在港有3間分店，尖沙咀對我們來說較為方便店內環境走浪漫情調路線，店內處處可見裝飾得非常有心思，窗上貼滿萬花筒圖案, 猶如進入了萬花筒世界一樣，極富藝術氣息。就連濕紙巾的包裝也費盡心思👍🏻食物方面點了2款小食1款主食和2個甜品（我們2人好大食呀！😆😆）焦糖單骨雞翼 小小一件吃得相當方便，焦糖份量充足，脆卜卜的外皮配合滿口焦糖的味道，肉汁juicy ，非常惹味！好有衝動叫多一碟🙈香烤牛柳配黑醋汁 肉質嫩，牛味濃郁，黑醋配上牛柳，有助減去油膩感。中間加入南瓜蓉伴碟，嘗試甜甜的南瓜蓉搽上牛柳粒面，感覺出奇地襯😜 但略嫌牛柳粒份量小再來終於來到期待已久的主角出場西班牙海鮮炒飯 黎到時其實感覺有小小失望，因為份量看起來不多，跟我相像中的大小有差距😟但海鮮卻鋪滿整盤炒飯，用料十足醬汁把飯都染色，飯粒外軟內硬，一粒粒的，好有嚼感！海鮮方面非常新鮮，用料都很豐富，有青口，大蝦，辣肉腸，魷魚等配料焗汁的美味令令海鮮滋味更上一層

星期一的下午12時來到厚福街的H8,實在太多選擇都完全唔知選那一間餐廳好。我便遊下電梯河,由頂樓開始層層都停一停看一看。去到2樓的Espuma時因佢已入座8成我估應該是人氣指標吧。是日點了set lunch,烤豬脾仔配孜然汁。覺得黎個配搭有點特別所以便點左黎個set lunch.1.南瓜湯-入口香甜非常好味2.主菜-豬脾仔微溫味淡跟淡淡既孜然汁可以說完全不配,極度失望3.甜品-有點乾可以不吃4.加錢的latte-咖啡味濃值得推介

年前曾經於午餐時段幫襯過中環的Espuma，感覺極好。雖然尖沙咀Espuma各項水準都差少少，但今次為朋友慶祝生日，決定再來幫襯，食下港式西班牙菜。其實訂台時已略感不妙：「你地會準時6:30到架呵？！你地要8:00交枱喎！？」嘩，個陣盤問犯人既mean「除」真係電話都擋唔住。不過人家要交租，做兩場生意好正常我地都無乜野。但係呢，嘩__，一坐低 d 待應已經將趕客力場開啟至600%，其實我地都一早預左食完去第二度再飲野。呀待應呢，其實就真係唔需要黑起塊面一而再，再而三、三而四地「提醒」我地要交枱既，真係可以等我地下左嚥先囉。然後都無乜野既，上野食粗魯d囉，收碟似美式足球者，叫埋單好似你爭佢錢咁！食餐飯都係想簡單開心者，大家都是搵食的，不能令大家開心點嗎？海鮮飯麻麻，吞拿魚卷OK，沙律正常，薯條美味，鵝肝意粉亦美味，dum dum（心心）窩夫都不錯。事實價錢亦唔貴，不過受左待應d面色（大哥大姐，我地都無話唔交枱，你地而家做乜jack？）食物再美味，若服務是屎，客人品嚐到的，都只是沒有靈魂的口舌刺激，不會吃得快樂。又平常而論，提醒客人交枱係香港地真係十分之合理（香港地產商 = 政府），但大方

我覺得好嬲！點解唔一早講明冇冷氣？ 邊食邊流汗！食完坐到條褲都濕曬其實我覺得！送杯凍飲比大家都好呀！風機都冇野食一次過黎曬！下次都係一樣一樣點好！完全冇位放！就係咁....所有野同一時間上曬2人table 上！ 龍蝦沙，太多水....冇creamy 嘅口感，飲落口感似菜湯，但係龍蝦湯味咁！味道有d 咸得制！Nachos, 本身冇味，佢配嘅芝士都係淡味芝士，所以係勁淡！不過好勁大碟！我諗問佢拎芝士粉會好味d....入面嘅牛油果醬係好味嘅，但可惜得好少醬！Pizza 必食！pizza, 黑毛豬ham好濃味！芝士夠曬多！口感好豐富！西班牙炒飯，有d濕得制！我覺得味道ok嘅！但腸唔多....如果多d, 啖啖飯都有到餸會更正！ 花茶，果味好夠！茶味適中！

環境不錯，如果檯與檯距離再遠d就最好啦🤔🤔坐低點左壺蜜桃柚子Jasmine Tea（$38）同荔枝Jasmine Tea （$38），不錯，有幾塊果肉浸住飲，唔會越飲越無味。頭盤係香蔥煙肉焗薯皮（$68）又估你唔到咁好味喎！焗得好脆好乾身，啖啖煙肉香味，好少覺得薯皮可以做得咁出色👍🏻Main叫左Pock knuckle（$228），係chef recommendation，都算外脆內軟，不過邊位有d over cook。既然第一次上黎，係要試下個西班牙海鮮炒飯嘅（$138），份量唔算多，有兩隻大蝦、兩隻mussel、魷魚同西班牙腸，唔覺特別咸，喜歡佢嘅飯硬硬地，好有口感😋不足之處係食得個半鐘，15分鐘前會叫你order定dessert，非常準時叫你埋單，之後5分鐘內會再remind你係時候走。好失敗，我同友人都未飲得晒個果茶，因為實在太熱啦。建議想坐耐小小嘅你就唔好考慮呢度啦，我已經係平日夜晚黎嘅。

朋友相約我到尖沙咀區~Espuma 共進歡樂晚餐。店地方寬敞,裝潢具歐陸風味,因那日星期六,所以特別旺埸。* * * 【西班牙黑毛豬火腿凱撒沙律】黑毛豬火腿肉質幼嫩中帶有橡果甘香味,配上新鮮爽甜沙律菜及粒粒脆麵包,淋上沙律醬及芝士碎,味道富層次,是健康開胃的前菜。* * *【黑白芝麻吞拿魚卷】非常吸晴的小食,吞拿魚刺身,肉質細滑,配合黑白芝麻一齊食,口感味道好特別,有細致豐富的口感,另可沾點wasabi沙律醬,令味道更鮮甜美味。* * *【鵝肝黑松露醬意大利麵】鵝肝的口感是細緻綿密,入口即溶。而意大利麵口感剛剛好,掛滿濃濃黑松露及香濃細滑蘑菇忌廉汁,令麵口感更creamy更滑溜,並帶有矜貴黑松露之香,十分滋味。* * *【三層特色意大利奶凍】好精緻甜品, 奶凍有三層色非常靚,非常香滑清甜,加上有香甜的朱古力雪糕､甜酸的士多啤梨 ､覆盆子,令味道更豐富。* * *【自家製西柚冰茶】冰茶帶有淡淡西柚味不酸,飲後十分清涼解渴 。

早前看到許多foodies都介紹espuma_hk的聖誕大餐，於是本人也決定相約朋友於二十五日晚一同享用，可惜最後因其Customer Service而卻步。此後，我們都不會再選擇到這間餐廳進食 。是基於以下三個原因：第一，分店的電話長期沒人接聽。本人由星期日晚致電到昨晚都從未有人接聽過(只有長響/電話正在使用中)，而本人只想問一個簡單的問題…究竟二十五日晚還有沒有位置？因為月頭曾致電說要先親身到分店交按金(是的月頭是有人聽電話的)，但深怕現在月中會滿座，又不是在附近上班上學，又不想白走一敞，因而致電詢問，卻連續三天都沒人接聽。本人深明餐廳有忙的時間，於是都會選一些非繁忙時間致電，但無論是什麼時間都是沒人接聽。真的令人很懷疑，擁有多間分店的餐廳，居然連接聽電話的人都沒有 ？第二，除了透過電話，本人亦嘗試過FB INBOX的方法詢問 。本想這樣的話一定會有人能解答，最少本人相信管理FB的人不會是餐廳的前線員工。但事實是傳送過好幾次都是沒人回覆，最早傳送的問題也是在星期日晚傳送，到現在都沒有人回覆，而且是看到其FB管理者是有上線過卻不回覆是什麼意思呢？！ 然而，在FB也能找到跟本人遭

之前黎過覺得食物同環境都不錯但今次帶朋友黎試下午茶，一入坐就已經話用餐時間限個半鐘當我地點tea set, 佢話要等耐啲，咁又限時個半鐘即係要好趕咁食，完全冇左想慢慢tea, 傾下計既意思未夠鐘就叫我地埋單然後有位女侍應好無禮貌咁再催左2次由於坐位在收銀隔離，食緊其間已經聽到呢位女侍應語氣態度差咁話其他客人我地埋左單之後諗住飲完杯茶就走，我地都預約左其他地方要去但冇諗過間餐廳有好多吉枱呢位女侍應又催，話佢地員工要用餐我地真係好疑惑，間餐廳仲有咁多位，員工一定要坐我地呢張枱用餐？張枱係餐廳安排既，而入坐時都仲有好多位，若要預留枱比員工咁點解要帶我地坐呢張枱呢？態度差食物幾好味都冇用 （食物亦只是尚可）除左呢位特別差既女侍應，其他侍應都應該要再培訓，難怪啲人成日話香港服務業無水準唔會再有下次

煙燻雜莓乳酪慕斯 $68.又一個玩視覺既甜品 員工倒d水落乾冰度就好多白煙飄出黎 其實哩個gimmick都睇到厭⁉️.面頭有餅碎 略嫌硬左少少 面頭就有少量生果 樣係砌得幾靚 不過味道普普通通 乳酪痴左係生果下面 其實份量得好少 而d雜莓又係埋藏左係慕斯裡面.d 餅碎太硬我覺得唔係好夾 昇華唔到個口感 而且主角mousse味道普通 慶幸不是偏甜.價錢不算是偏貴 份量都過得去 味道黎講都係普普通通 如果相機食先會係一個不錯的選擇同menu圖不相符既小食😕menu係冇沙律醬不過哩個有.其實薯類製品都好難整得難食 薯皮焗得幾香脆可口 煙肉落嫌太乾 可惜沙律醬d味搶晒焗薯味 賣相亦失去左美感 不過咸度適中 算係咁.整體來說味道還算不錯 只係份量有點少 製作上亦十分普通 要$2x 一舊應該要有返d誠意吧了 不是嘛⁉️.其實食左四樣最滿意係個pizza 充滿住我最愛既芝士拉芝十分成功.個pizza係薄底 雖然有少少燶不過都叫係幾脆既😌而配料有少量蕃茄 菜同主角黑毛豬火腿 雖然味道不是十分驚喜 但大量既芝士對芝士控黎講確係加分😂.份量黎講算係咁 睇完menu諗唔到食乜可以考慮下.西班牙菠菜火腿奄列 .O

Espuma 之前係中環分店食過，食物同環境都唔錯又特別，呢晚專登介紹個朋友黎尖沙咀呢間分店食好野！尖沙咀呢間都一樣人流多，好在我預先訂左位，等了幾分鐘就入座。餐廳主打fusion 西班牙菜，款式真係幾多又有特色。夏日炎炎，我地先叫左飲品解喝： 草莓蜜桃沙冰: 😍呢杯特飲賣相完全無得輸，迷人粉紅既沙冰加左切碎的果肉粒（紅色的士多啤梨同埋黃色既蜜桃）色彩超靚感覺夏日，真係飲落有啖啖果肉，口感冰凍唔覺甜，沙冰唔易溶，飲落真係好透心涼呀！好爽呢！👍招牌水果茶~睇一睇原來呢度用左台灣既靚茶葉沖泡再加不同生果而成架！ 唔怪得茶味咁香又濃啦，而入面既生果好多款，有奇異果，士多啤梨，蘋果，菠蘿等咁豐富，味道無添加多餘既糖份，完全唔覺甜，飲完感覺簡直好refresh, 😁好解喝，正！到主食啦，想食d香口野刺激下食慾，叫左炸魚柳配厚切薯條$88。魚柳份量多而大件，而且炸到外脆內嫩😃，切開唔會散，呢度炸漿係好鬆脆 蛋漿唔會炸到好硬，食落有幾分蛋香，好特別！魚肉很鮮嫩，唔係食到死實實既口感，而且肉夠厚，啖啖肉呀！配埋沙律醬就更滋味無窮！厚切薯條我同朋友都讚，係新鮮炸起熱辣辣，香脆薯味濃！連薯條都咁出色，一道

記得年多前跟友人已發掘了Espuma 這間西班牙fusion 菜的餐廳，那時候的fusion 菜餐廳還未像現在大行其道，到現在印象還頗深刻因為食物質素不錯，環境裝潢亦既有特色！這間是時尚生活咖啡餐廳，提供了輕鬆舒適環境給食客享受。 型格有格調且食物有水準，價格偏大眾化，怪不得到這天，餐廳依舊坐無虛席！ 因此必定要先訂座啊！這次帶媽媽來一嚐真fusion 菜，享受富特色又優閒的一頓！先來一客Tapas前菜 : Espuma 精選沙律 $98賣相色彩繽紛。材料包括：脆綠沙律菜，非常好鮮！ 重點之一的吞拿魚，是新鮮的，獨有魚香都濃的韻味，外層加了黑白芝麻令魚更香 更加層次。 橙紅煙三文魚軟滑鮮味。還有蕃茄仔，烚蛋，及沙律醋做醬汁，非常豐富什錦美滿的前菜，將胃部打通！再來主菜香脆咸豬手$228： 份量都頗大隻，吃豬手個人最重視豬皮是否燒得香脆。只肉眼看都覺皮燒烤得漲卜卜，果然一口咬下，皮隨即卜一聲就分開。豬手肉已切成一件件，肉質都較被撕開，一點都不韌，入口即溶原覺膩。肉調味得宜，相比德國菜的豬手，這個味不會偏咸而適中，比較印象深刻。伴碟有酸菜，跟肉一起吃能平衡肉的膩感。若愛增加深潤度

精緻味美嘅西班牙菜食物除左要好味之外，樣貌，香味以及環境等等都係其中不可缺少嘅因素，呢間餐廳乎合唒呢四個因素。餐廳位於繁忙嘅尖沙咀街道，街上都係一些繁忙嘅行人，街道兩旁還有不小時裝店同茶餐廳，估不到幾層樓之隔，整個感覺可以這麼不同。餐廳嘅裝修以西式為主，但感覺時尚新㯋，天上有特式嘅燈，一盞盞掛在高空。牆身像古老嘅紅瓦牆，但改成了灰黑色。地下鋪上了暖暖的木紋色調。再配搭上黑色的枱，鮮艷的餐牌。感覺一流。德國炸豬手--豬手炸出來外面很香脆，內面肉質嫩滑不太咸，再伴有一些像酸菜嘅小食，令胃口大增。(豬手在上碟前已經細心的被切開成骨肉分開，享用嘅時間只需要切到肉嘅位置，不用想著應如何有效地和骨頭博鬥，哈哈)龍蝦汁意大利麵--採用了扁身的意大利麵，配有紅青椒，綠青椒和香草，再加龍蝦汁加以烹調，令到龍蝦嘅味道融入了意大的麵同其他嘅配料內。大蝦先經過炸嘅程序，吃起來香脆，但又不會有太過油膩嘅感覺。相比起煎嘅味道來說更加實在，味道更鮮，肉汁完全充分嘅留在蝦裡面。炸魚柳配薯條--炸魚薯條令我諗起英國嘅名小食，去到英國必食嘅小食之一。呢到嘅魚柳炸出來外脆內嫩，薯條是粗條型，吃落更有質感。再配有他他醬汁同檸

從來只是睇openrice 的 comments，懶得自己寫comment ,但今天的經歷實在令我太氣憤了...今天下午4:30, 一行三人(包括一個未夠兩歲的小朋友)想吃個下午茶, 侍應安排了一張四人枱給我們。叫了一杯熱水果茶($43)，一杯手搖咖啡($40)，和一碟特色粟米脆片($108)。水果茶內水果十分少，味道偏甜，還有一點藥水味，相比起咖啡弄或茶木，味道和份量也是比較差的。手搖咖啡，好細杯，味道偏淡，咖啡味不重。粟米脆片太硬了，不夠香脆，醬汁也不夠多，只有少量牛油果醬和cream cheese，仲有好多係黐埋一舊，可以講係難食，仲要買成百幾蚊，叫咗之後都勁後悔。期間我們的小朋友睡着了，所以我們要求坐到sofa那邊方便我們放低小朋友，繼續進食。那時店內只有兩三枱四人枱有人坐，三張sofa枱也是空的。但經理不許可我們坐，因為他說小朋友睡着了會影響其他顧客，騷擾到其他人。此外，那張六人枱有最低消費，每個人最少要＄150，他說店外已貼有通知。我說我們很快吃完便會走，如果你有客要坐那張六人枱我立刻退回給你。我又問為什麼小朋友睡着了會影響其他顧客 (事實上我覺得他清醒的話會更加騷擾)，你