Espuma (H8) (已易手) 新餐廳

依間食店響裝修方面下左唔駛功夫，小弟真係幾欣賞佢有特色、有風格、有設計、有情調又舒服。凱撒沙律 - 每間食店既凱撒沙律都會略有不同，而依間不同之處就係用左parma ham 同一啲大大粒鬆脆既麵包粒，其實就同啲沙律菜好夾，一咬就粉碎，而parma ham 確實可以感覺名貴一啲，但比較下我都係鐘意傳統少少既細粒硬麵包粒，同埋細粒炸過既煙肉碎，可能都係有多少情意結原素掛。龍蝦汁大虎蝦扁意大利粉 - 虎蝦香煎得唔錯，肉質彈牙。意粉方面就略嫌過多蒜頭，蒜味道太多太濃而對於龍蝦汁及扁意粉影響不少。烤羊鞍伴淡青咖喱 - 羊架有4支，肉身好淋無羊酥味，少少燶煎得比較香口，淡淡肉好好食。香濃花生窩夫配夏威夷果仁雪糕(半份) - 起初以為係花生醬窩夫，點知上枱時發覺搵唔到花生醬，只係花生碎粒，窩夫就比較鬆化，不過最有驚喜係個夏威夷果仁雪糕，之前都好少聽有依種雪糕，會唔會係自家制產品呢？

呢度嘅環境好好，好適合食tea雖然去果時係下奏三四點，但都幾多人，大部份枱都有人嘅今次食左抹茶火鍋，雖然冇哂麻糬但店員幫我地換左waffle都幾襯Waffles兩件岩岩好砌左個心型好靚個抹茶火鍋醬都幾濃，不過等佢滾就耐啲其實用waffle點醬都幾襯，佢好脆，點埋啲好濃嘅抹茶醬簡直一流水果棉花糖就冇乜特別而右邊黑色果舊野我就唔係幾鐘意食落口好似粉粉地咁，一直食到中間都係咁仲以為會有野係中間不過整體黎講係好食嘅，而且環境都好舒服

星期六黎左espuma high tea. 好彩有book 枱，好full 喎!首先黎左2杯drink 先！我就飲espuma signature 嘅冰水果茶，一如既往，好有果味，茶味又適中。而男友杯玫瑰花冰茶，又幾好飲喎，唔算好甜，有好濃的玫瑰花茶香。個tea set 有四個咸點，八個甜點。我最likey嘅咸點就係salmon toast 同prawn cocktail! 塊三文魚又厚又肥美，多士又脆，我食埋男友個份而個prawn cocktail 隻蝦都好爽口，大大隻，唔錯！而甜點方面，我最欣賞就係鬆餅，綠茶布丁同忌廉紅莓脆餅。我不嬲都係鬆餅控，呢度嘅鬆餅好香牛油味，加埋大量嘅strawberry jam and cream，我又食埋男友果份綠菜布丁好滑，奶味比較重，但唔會太甜同膩忌廉紅莓脆餅就係我男友食左我佢本身唔好甜品但佢覺得呢個餅唔會好膩，朱古力餅好脆，加埋粒酸酸地嘅紅莓好夾。而我麻麻地欣賞就係個紫薯puff ,因為食唔到紫薯味喔呢個set $228 加一，又真係唔貴。想喺舒服嘅環境飲下食下野，傾下計，係唔錯的！

睇得又食得嘅，就係呢個green tea x raspberry pancake ... 紅綠相間，顏色已經好搶鏡。厚厚嘅四層pancake, 切開非常鬆軟，有淡淡嘅紅莓同埋綠茶香味添，女仔一定好鍾意食呀。pancake上面放滿左香蕉同埋雪糕，係movenpick, 仲要係榛子口味，好正呀！

放工過左黎食dinner，見到門外嗰條隊都嚇親，不過好在我朋友有book位，唔洗等姐！我呢個人都幾麻煩，成日諗好鬼耐都諗唔到食乜好，係一等一選擇困難症。朋友個個都落單我都未諗好，好彩waiter好nice，介紹左嘢比我食。果然黎到又真係幾好食呀！呢個係雜菌意粉嘅醬汁好滑，獨特嘅黑松露味仲好香。其實個人覺得扁闊麵好好味，比其他幼身嘅麵更有咬口。Latte幾好飲，奶同咖啡嘅平衡唔錯，佢嘅泡打得幾滑，飲落去好順滑，真係幾正！

呢排呢個tea set真係爆紅，日日都差唔多有人post ig, 好西利，有朋友評價都唔錯不過其實我地好早就食左啦！個Tea Set架係一個透明嘅e字，好靚呀！完全係港女自拍嘅必備道具復活節版Tea Set有果Tart, Raspberry 朱古力凍餅，野菌酥盒、蝦、抹茶布丁等，全部細細份，不過夠2個人用。最鐘意佢個野菌酥盒，焗得超香脆。抺茶布丁就奶味較重，可以再多d抺茶味！不過總括黎講200兩個人，又有野食，又有靚相，真係超值！

午後來到了這裡飲野，原來係厚福街內竟然有一棟美食大廈，而二樓則藏了一間令人放鬆的coffee house。下午茶時間沒有太多人，餐廳播著音樂，淡黃的色調令人覺得好舒服，簡單的叫了兩個飲品。荔枝茶真材實料，有三顆大荔枝，茶也不是死甜，是帶有淡淡的果香。另外也點了奇異果茶，茶上枱時就令人精神一振，奇異果的緑色令人充滿活力。飲下去，是令人很refreshing the 果香。

之前已經跟友人試過espuma的晚飯兩次，感覺環境和食物都不錯, 今日難得星期六跟朋友到尖沙咀逛街，所以又帶朋友來試試這裡的下午茶😌下午茶套餐，好像都挺豐富的😋😋😋跟餐加15元可以轉特飲，於是我便選擇了蜂蜜綠茶Macchiato😎賣相很吸引，炎炎夏日喝一口冰凍的蜂蜜綠茶，十分清爽透心涼😍😍之後再飲一口奶泡，十分過癮! 每件甜點都很精緻，看著已經夠賞心悅目😌😌港女當然第一時間同朋友影番夠本先！😝這個小蛋蛋其實是綠茶布丁，十分香濃幼滑😋我最喜歡這個三文魚脆多士😍😍😍女仔來說，這個tea set 份量剛剛好，好滿足的星期六下午😌😌😌

早一前book左Espuma 兩點食tea, 我地早左5-10分鐘上去，餐廳職員唔洗我地等到兩點先入得，真係好！但餐廳有限時，食個半鐘。Tea set 包括鹹點四款，甜點六款，兩個鬆餅。價錢$228+10% for 2 ，價錢都算實惠。上枱個賣相整得好美觀，好七彩，基本上每款都係有兩件，唯獨Oprea Cake同Streusel Coffee Cake係得一件。 先講最高層的紫薯泡芙:紫薯放到滿滿的，無論顏色形狀味道都一樣吸引，甜度剛剛好。君度忌廉紅莓朱古力脆餅:紅莓有d酸，而個朱古力脆餅都唔係話真係脆餅。至於中間果層，鮮果蛋沙律:水果都係用新鮮的，而唔係罐頭，沙律都好滑溜。野菌酥盒: 聞到好香，味道都ok, 但酥皮唔夠鬆化。到最低層喇！煙三文魚多士: 三文魚都大舊雞尾酒蝦沙律: 個蝦好彈口好新鮮，但就食唔到有雞尾酒味仙人掌忌廉撻: 仙人掌忌廉配搭棉花糖，口感唔錯綠茶布丁: 布甸好滑 食到有綠茶味同牛奶味果仁金寶咖啡蛋糕: 蛋糕過於硬身, 而且咖啡味也不突出歌劇院蛋糕: 蛋糕層次分明，每啖都有朱古力的味道，甜度得宜唔想飲咖啡或茶，所以另加HK$15，轉左特飲。叫左個熱招牌水果茶同蜜桃柚

食過Espuma嘅晚餐同lunch，對佢地嘅質素相當有信心，所以決定約埋好朋友黎試下佢地嘅tea set👭睇到menu嘅種類相當多，鹹點甜點都具備，order完之後好期待呀！😆😆飲品我就order左earl grey tea macchiato，賣相精緻，雖然earl grey味唔算好濃，但配合濃郁牛奶又出奇咁夾喎～～炎炎夏日飲返杯透心涼嘅飲品真係好爽呀～～😝等左一陣，tea set終於送到喇！😍😍佢地仲用左espuma嘅e字做tea set嘅層架，夠曬獨特。見到眼前放左咁多野食，真係心大心細唔知食咩先好😂😂仲有我最愛嘅scone，脆脆的口感加上濃郁的牛油香，配埋cream食真係邪惡度滿分😂😂😂咁多款食物，除左scone之外，我最鍾意就係鮮菌酥盒😋鬆脆嘅酥皮配合鮮菌真係好好食，讚👍🏻tea set份量夠曬兩個女仔食👧🏻👧🏻，食量唔太大嘅我將早餐午餐都無食都食唔曬🙈🙈，好彩有好朋友幫手包底😅😅

一直都喜歡Espuma的食物，無論是由主菜到甜品，又或者是飲品等都是推陳出新。剛開業時以西班牙菜作招徠，後來變化愈來愈多推出更多不同口味的多國菜式，現在打開餐牌都要考慮上一會才能作出選擇。這天下午又來到Espuma，見到有趣的新飲品真的很適合下午心情！啤酒咖啡可以說是近年興起的一款fusion產品，把冰凍啤酒加入熱咖啡液中，嗜酒也愛咖啡的人必定喜歡！Espuma的啤酒咖啡利用了它們的西班牙淡啤酒，加入了咖啡中，再加上了少許的奶油，口感很順滑！而且淡淡的西班牙啤酒中的花香氣也在飲品中反映出來！是杯夏日消暑的飲品！前菜點什麼？來個西班牙黑毛豬火腿凱薩沙律吧。簡單的沙律菜、凱薩沙律醬及火腿，但黑毛豬火腿很有畫龍點睛的效果！少少的咸香味便把沙律的味道提升不少。西班牙龍蝦海鮮炒飯依然是我們來Espuma必點的呀！西班牙龍蝦海鮮炒飯大大份，兩個人吃是非常豐富！猶記得以前吃的未有加入了龍蝦，這次點時什有驚喜!龍蝦十分新鮮甜美，其他海鮮如青口、蝦、蜆也不少！橙紅色的飯煮至半熟，吸盡了番紅花的顏色味道及海鮮的精華。在這裡過一個休閒的下午，歎杯「啤酒咖啡」真不錯呢！

6:50去到，等walk in 等左差唔多2個鐘。經理態度十分差鬧番我地轉頭，full booking 一早又唔出聲。出面堆滿晒人有空枱都唔放人入，就算book左都唔比人入，唔知係咩policy我相信餐廳咁多人排隊當然係因為食物好，但開業咁耐經常遇到同一情況都唔動動腦筋作出改善，客人提出建議/投訴就惡言反擊，咁樣既管理方法係合理？講真食物真係幾好食，不過等左咁耐又俾經理搞到成肚氣，幾好食都無用啦！建議各位如果真係想食，唔好去尖沙咀呢一間，去其他分店啦！

40個喊係有原因，上年已經有人話電話無人聽，有枱唔俾客要人等，到今日都無改善無反省，經理屈人，管理奇差！等待時間約120分鐘，可惜呢到最多只可揀到90分鐘尖沙咀分店打幾日無人聽，去到walk-in等近2小時都入唔到3張枱。8:10個員工話依家8點訂枱已經入哂，下一張就到你地，點知到8:15有枱又話要留番俾8點半訂枱既人，永遠入不到walk in，問佢先話full booking，要訂枱唔黎先入到walk in，根本full booking就唔應該派票或者起碼一開始話俾人知係full8:15明明有枱，問個卸膊光頭經理2、3次點解唔俾8點30訂左枱既人入先，到8點32分張枱仲唔叫人入，卸膊光頭經理竟然屈人話要招呼我地所以派唔到票，但之前個員工話公司policy係到8點半先派俾訂枱入。仲有訂左枱遲到10分鐘都可以不用等直入，總之呢個餐廳walk in就係次人一等食物方面海鮮飯同黑毛豬pizza一個字咸，食完好口渴要狂飲水，同價錢可以食得更好，同不用受氣，得個沙冰同waffle叫做不錯呢間餐廳無論有訂無訂，有枱都唔會俾人入住，員工笠水，經理卸膊，book唔到枱千萬唔好排walk-in，只會無了

本身慶祝週年紀念日 諗住呢間餐廳應該好好食啦 見佢咁多好評於是就叫左豬手 黑松露薯條同個龍蝦既西班牙海鮮炒飯豬手個皮好un 又太咸連薯條都係好咸 太多鹽 個醬又唔係話好重黑松露味 龍蝦西班牙海鮮炒飯 d青口超細粒 唯一好食係龍蝦 d飯都整到太咸 食唔到個香味同海鮮味點知3個送都超咸 飲左超多水 d野係完全食唔哂 唯一賣點係個食物賣相昆到下人超級垃圾 完全唔會想再黎食

Espuma 的飲品出名有創意，而且不定期會有新產品推出，最近得知有新drink list，就和一班朋友去飲嘢聊天。點了一杯creme brulee latte，一上桌就芬香撲鼻，呷一口，奶泡幼滑，咖啡味不是太strong, 奶的比例應是較多，而焦糖味較出，creme brulee味就不太像，不過整體咖啡味道都算不錯。這兒環境舒適，非常適合聊天相聚，就這樣嘆住咖啡過一個悠閒的下午，樂也。