Dodam Chicken (1亞太中心) (已結業)

去完apm 行街後我多數係附近搵下野食，今次同謙謙就去左 Dodam Chicken 🐔到食佢個 lunch ， 我地去果日係平日所以有 lunch set 都幾抵食的。我地一人選擇叫一份lunch， 佢就包雪櫃一罐野飲，係外邊有一盤泡菜和一盤韓式炒粉絲係自助的。⚛️ 韓式辣焗烤雞 ～ 個甜辣醬汁幾濃稠沾滿每件烤雞， 謙謙話驚熱氣所以唔食炸食焗，我自己都喜歡食焗烤雞多d 冇，因為冇咁油膩，味道方便甜味多過辣好岩謙謙食，佢拎起個雞髀就咬幾正。⚛️ 韓式牛肉飯 ～ 牛肉份量幾多大大片， 我地成碗飯倒哂入去當湯飯食， 湯底幾甜下。外邊自助炒粉絲太美味我地忍唔住都食左兩轉，麻油味好香炒得剛好煙韌唔會太鬆散。

星期六係屋企追下韓劇，睇倒人地食炸雞🍗，我都睇到流晒口水🤤，即刻拉埋家姐落去觀塘OPC 3樓嘅 Dodam Chicken 🐔 食番餐。可能太早去到，店舖剛開門一陣🤣，我應該算係第一台食客吧😂。今日安排坐近窗卡位，坐位好大好舒適；店內播著流行韓曲，好有韓式風味😆。打開餐牌，炸雞款式同醬料配搭多都不得了，原味、韓式、辛辣🌶、牛油香蒜🧄、麻辣、芝士、有骨、無骨等等…..選擇好多，眼花撩亂，其次仲有pizza 🍕🍕、小食、年糕、炒粉絲、炒飯等等….好多選擇，韓控必到熱店👍🏻。🐔今日挑選左韓式辣焗烤雞🌶（小辣），配上一碟酸蘿蔔，可以解下啲滯溜感；大家睇下☝🏼，份量應真唔講得笑，成隻雞嘅份量，原全可以滿足我想食炸雞嘅渴求，雞件上仲鋪上蒜片，雞嘅味道帶微甜，每件雞件都掛上汁醬，好juicy😋，小小辣，雞肉嫩滑，就連雞胸位置都唔會好鞋口，熟成度剛剛好先做倒呢個效果，不過下次會order再辣🌶🌶些小😋，相信更加惹味😋。食件炸雞，飲啖zero coke🤤嘩，成條氣順晒🤣人生一大樂事😋。🥢韓式海鮮煎餅，份量又係唔惹小，size 差唔多一個大pizza咁大，而且入邊配料充足 ，蝦仁、青口粒、蜆肉、墨魚、鮮冬

一連兩天都下雨，這天lunch要吃好一點打破沉悶的心情~先來一個三重芝士脆雞，有三種芝士醬，真是芝心友必吃推介芝士拉絲，可包住炸雞食~也可以點包食~脆雞沒有骨的，食落十份惹味！泡菜薄餅比想像中細件，薄餅底較薄脆。泡菜中和了芝士的飽滯感，也是不錯選擇。芝心友吃了三重芝士脆雞還不夠，叫了個芝士雞蛋巻，雞蛋巻剛剛好，不會煎得太老而沒有了鬆軟感。蛋香滿滿，包著了軟軟的芝士，再配上魚子和醬料更豐富了它的層次感。一邊吃一邊聽著餐廳non stop放著k-pop MV，真有點去了韓國的感覺。

約返以前同區一齊工作嘅舊同事出嚟聚下，發覺附近嘅餐廳都轉變咗好多，亞太中心呢間韓國過江龍炸雞就係其中一間新餐廳！呢間炸雞選擇多多，除咗炸之外，仲有烤同埋焗兩個選擇，味道亦都好多樣化，平時食蒜蓉/蜂蜜牛油食得多，今次嚟呢間就試吓佢嘅韓式甜豉油！炸雞做得皮脆樣靚，望到都已經流晒口水，咬落去又香又甜，係越食越想食嗰一種，脆卜卜嘅雞皮下面係滑嘟嘟嘅雞肉！揀咗帶骨款，食落更加嫩滑，雖然係有骨，但係食落都係啖啖肉，證明冇揀錯。淨係食雞又Heavy咗啲，叫返碟招牌沙律平衡一下，食返多啲菜減低邪惡感～

炸雞熱潮喺香港已經有一段時間但係仲未減退，呢一間出名嘅韓國過江龍就開到嚟觀塘亞太中心，餐廳地方非常之大，有勁多座位，感覺舒適。呢度嘅炸雞的確係正，但平時大家都會介紹，我就想特別啲，介紹另一款超級鍾意嘅美食，就係牛排骨湯！牛排骨湯用熱鍋上枱，剛放低時湯汁仍然不斷翻滾！表面睇落冇咩特別，其實禾稈冚珍珠！用湯勺一翻，有成5大件牛排骨咁多，每一塊都啖啖肉，勁嫩滑，有均勻脂肪，入口半融，湯汁清澈，超级美味！而且牛排骨嘅精華都溶於湯中，每一口都充斥着牛排骨嘅肉香同埋甜味，仲有粉絲同唔同嘅菇菌類，吸滿湯汁入口，誠意推介！仲有我食雞唔少得嘅忌廉鮮奶～整體來講對呢間餐廳好唔錯，地方有闊落坐得舒服，食物又好味，好啱同朋友仔一齊嚟！

今日放假想輕鬆一下，嚟到觀塘亞太中心的Dodam Chicken。好方便，係apm行過黎一陣就到，一啲都唔難搵架。餐廳都幾大，裝修得好靚，環境好舒服，lunch time黎都差唔多滿座，建議book位就最穩陣啦！呢度有免費既韓式泡菜同炒粉絲，作為前菜，食韓國炸雞點可以唔叫三重芝士脆雞（$198），份量足夠畀兩個人食完仲好飽，而三重芝士脆雞真係好邪惡呀，上面淋上芝士醬汁，中間裝住個啲係軟身芝士，而脆雞底部啲芝士可以拉絲，作為芝士控嘅我真係食到唔停口。脆雞無骨嘅，雞肉唔會老，啖啖肉好滿足。除左炸雞，我地仲叫左個海鮮雜菜烏冬 （set ）。烏冬好多醬汁，每條都沾到，配料好多，有魷魚又有蝦，唔會單調，幾正！烏冬煮得啱啱好，亦都唔會有廉價烏冬個啲酸味，食落好惹味。呢個Set仲包埋一罐飲品，我揀左荔枝烏龍茶，解油膩一流。

中意食韓國菜,但岩我心水既唔多。呢間好岩我口味!叫左半隻黃金流流炸雞,邪惡得黎好正!有咸蛋黃既香,炸得好香脆,肉質鮮嫩美味。雖然周圍都有得食炸雞,但雞本身既質素都好重要,雞靚,再加好既煮法先好味!黑松露薯條既份量都好多,聞到濃濃既黑松露香味,再加蕃薯條同普通薯條,真心好味道!飲品叫左鮮榨西柚汁,酸酸甜甜,好味道。最後我都忍唔住叫左罐可樂,食炸野真係唔少得。呢度環保好,外向既人可睇K-POP電視,內向既人可望外面既景。

甘啱去開apm行街，食厭左apm啲餐廳，所以就去左附近嘅亞太中心覓食，最後揀左食呢間銅鑼灣都有分店嘅炸雞。1️⃣ 三重芝士脆雞HKD 198味道 4/5📝呢個芝士炸雞好邪惡呀，黎到大大碟，我地都擔心唔知會唔會食唔曬。呢個三重芝士果然無令我失望，炸雞淋上芝士醬汁，底下又鋪滿拉絲芝士，中間就由麵包代替碗盛住滿滿芝士，食落三重享受，芝士味好濃郁。炸雞本身俾得好多件，炸粉唔厚，點左芝士都仲係脆卜卜，雞肉幾嫩滑，整體真係唔錯！2️⃣ 海鮮雜菜炒烏冬 HKD 68味道 4/5📝烏冬有好多配菜，有紅蘿蔔片，菇，蝦，椰菜同埋青口，撈埋濃郁醬汁，口感好豐富，烏冬煙韌得黎係我中意嘅軟硬度，配埋炸雞一齊食真係大大大滿足。整體推薦程度：4 / 5 🍴離地鐵站好近，係apm出，其實差唔多隔離就係，裝修好靚，座位好闊落，環境舒服

原來觀塘都開咗間，之前食過CWB 個間2次都幾深刻！今晚都係試下新嘅分店先😎新店嘅staff好friendly 同 helpful🥰不停幫你倒水而且係笑住幫你😚加分加分！F3 triple cheese chicken $198我見openrice 勁多人推薦，無理由唔試！一上到黎wa 真係好ig Able!!!肥仔之選！！勁多cheese!!佢的確係有3種，炸雞上面個醬、提子包入面嘅芝士醬，個碟入面熱辣辣拉絲嘅morezella cheese!!!!好正🤣芝士控不能錯過喔！！！不能不提，個提子包好好食，有芝士又咸有甜，好特別🥰🤩Truffle carbonara topokki $148同樣肥仔之選🤣勁好食！年糕煙煙銀銀，好咬，而且味道好濃🥰勁大碟，4個人分都得！Seafood ramen $98性價比高！！有八爪魚，青口，蝦，蛋，菇，好多配料。如果佢可以再濃味啲就好啦🥰好食！叫咗一杯柚子yogurt smoothie 同yuzu ade!!啱哂解肥膩🙈好清新！飲得好舒服😍

嗰日同媽咪過來呢邊食飯，諗住食韓國嘢。來呢間餐廳睇左下menu，見到佢嘅牛排骨湯好吸引。.呢度環境都幾幽雅，坐得舒服。menu顯示一個like嘅牛排骨湯$195，睇黎係呢間店嘅主打。.牛排骨湯就咁睇覺得好似唔太多，但其實內裡大有乾坤。 細細一個鍋，入面嘅排骨竟然有六七塊，而且塊塊都唔細！d配菜都唔少！.牛排骨好嫩滑可口，有d仲有牛筋連埋一齊，勁有嚼口。湯好美味，好鮮甜。.唔怪得等得比較耐，真係有認真煲。亦唔怪得有個like，真係主打黎，好好味！

約朋友晚飯去了觀塘道414號1亞太中心3樓1號舖Dodam chicken食韓國菜。室內型格走年輕人路線，座位寬敞，燈光柔和舒適，服務員年輕靚仔靚女又有禮貌。韓式食譜相當豐富供客人選擇。香蒜脆雞半份$138擺盤吸睛，雞皮酥脆，肉質嫩滑多汁，蒜甜蜜糖汁沾滿雞肉，熱騰騰的雞肉加上脆杏片混入口中，令口感非常豐富，配上小碟韓式酸蘿蔔粒，爽口醒胃又惹味古岡左拉芝士薄餅$128濃濃的芝士香味，喜歡食芝士的朋友一定不會失望，一層層軟綿綿的芝士夾雜在香磨菇的脆脆薄餅內，口感滿足度加滿分，好味。

我超鐘意食炸雞，知道銅鑼灣出名既dodam chicken 開左係就近既觀塘，就即刻黎幫襯！因為怕多人一早6點3就黎左，晏d真係要排隊先入到！環境舒服，仲有K-Pop聽同睇！即刻點餐，餐牌上面有花多眼亂既炸雞，有傳統韓式，fusion多國式，仲有港式醬炸雞，真係好有創意！今次叫左好多人都推介既三重芝士炸雞，真係超高質同有水準！本身以為都會幾膩，但芝士一來烤得好有咬口，二來有佢哋獨特既芝士醬，多種口感口味mix埋一d都唔膩唔悶！炸雞就係一向咁高質穩陣，外脆內軟！另外叫左韓式海鮮麵同埋黑松露卡邦尼年糕，海鮮麵就係一個材料高級既牛骨湯麵，韓式麵質感真係好彈口！好食到我幾乎食曬d麵先食滿滿既海鮮（有青口、蝦、魷魚同帶子），我本身唔算好鐘意黑松露，但呢個黑松露卡邦尼醬汁非常易入口，完全無腥或油味，味道口感十足！野飲方面叫左夏天好解渴既柚子梳打同砂冰，個人覺得係砂冰特別d(而且好大杯！）兩杯都好解渴～

今晚只想食韓國炸雞最近工作多野做 放工就好來食好野今晚最想食既就係炸雞—黃金鹹蛋脆雞 （$198）一係唔食 一食梗係要食一大份啦炸雞炸得好好 唔會好油而保持到雞嘅嫩滑食落有牛油味同鹹蛋黃嘅味道最鍾意鹹蛋黃嘅配搭兩個人食晒一大份—黑松露卡邦尼炒年糕 （$148）平時食黑松露意粉就食得多但黑松露配卡邦尼再炒年糕真係第一次食呢個配搭新穎但出黎既味道好好亦都有魚片 竹輪既配料值得試一試—牛排骨湯 （$195）食完兩碟味道重既梗係要飲個湯啦牛排骨湯相對比較清淡但如果配炸雞食其實幾唔錯清清地更加容易入口入邊有好多牛排骨 亦都配搭粉絲同埋菇想食清淡嘅可以叫呢個湯—下次再食一定會再叫炸雞有機會想食下蜜糖牛油味搵返韓國嘅味道

癮起又想食下韓國炸雞～dodam chicken不嬲係香港都幾有名氣～今次去觀塘呢間分店，成間舖好大，而且好多卡位，感覺衛生又有私隱度蜂蜜牛油香蒜焗烤雞 - 呢個真係必食，香甜惹味，而且雞肉好肥美，唔會乾柴韓式海鮮煎餅 - 入面都幾多料，有魷魚、香菇、蝦等等，煎得好香脆，但十分邪惡XD韓式魚片湯 - 大愛呢個湯，有得去韓國旅行個時都成日會買佢個D一串串魚蛋嘅街頭小食，呢個直情係大雜燴，有芝士獅子狗、冬菇、蘿蔔做配料，成個湯好清甜，食完炸雞飲一啖真係好爽Honey lemon - 野飲都幾高質，蜜糖味唔會太甜，仲要大大杯

前幾日有朋友生日甘岩話想食韓國菜，睇左好幾間決定帶佢黎呢度食晚飯。首先，因為覺得餐廳環境好靚，而且座位闊落坐得舒服，另外，食物選擇亦都夠多。一場黎到當然點左碟原味脆雞試下，肉質幾嫩，唔會炸到收晒肉汁，雞皮脆卜卜，唔錯之後點左韓式部隊鍋，裡面用料都幾多，2個人食都唔少，驚我地食唔夠飽甘。湯底滾開就好濃面，公仔面吸晒湯汁，好味道。之後我私心加左碗牛排骨湯，上桌既時候仲係好滾，落左好多蔥花吊味，好有鮮味，牛骨味道好出，唔會得個咸字。由於呢度每樣份量都幾多，太飽所以無叫到白飯，如果湯飯甘食仲好味