Dodam Chicken (1亞太中心) (已結業)

炸雞熱潮喺香港已經有一段時間但係仲未減退，呢一間出名嘅韓國過江龍就開到嚟觀塘亞太中心，餐廳地方非常之大，有勁多座位，感覺舒適。呢度嘅炸雞的確係正，但平時大家都會介紹，我就想特別啲，介紹另一款超級鍾意嘅美食，就係牛排骨湯！牛排骨湯用熱鍋上枱，剛放低時湯汁仍然不斷翻滾！表面睇落冇咩特別，其實禾稈冚珍珠！用湯勺一翻，有成5大件牛排骨咁多，每一塊都啖啖肉，勁嫩滑，有均勻脂肪，入口半融，湯汁清澈，超级美味！而且牛排骨嘅精華都溶於湯中，每一口都充斥着牛排骨嘅肉香同埋甜味，仲有粉絲同唔同嘅菇菌類，吸滿湯汁入口，誠意推介！仲有我食雞唔少得嘅忌廉鮮奶～整體來講對呢間餐廳好唔錯，地方有闊落坐得舒服，食物又好味，好啱同朋友仔一齊嚟！